IPL 2023: KKR ತಂಡಕ್ಕೆ ವೆಸ್ಟ್ ಇಂಡೀಸ್ನ ಸ್ಪೋಟಕ ದಾಂಡಿಗ ಎಂಟ್ರಿ
IPL 2023 Kannada: KKR ತಂಡ: ರಹಮಾನುಲ್ಲಾ ಗುರ್ಬಾಝ್ (ವಿಕೆಟ್ ಕೀಪರ್) , ನಿತೀಶ್ ರಾಣಾ (ನಾಯಕ) , ಎನ್ ಜಗದೀಸನ್ , ವೆಂಕಟೇಶ್ ಅಯ್ಯರ್ , ರಿಂಕು ಸಿಂಗ್ , ಆಂಡ್ರೆ ರಸೆಲ್ , ಡೇವಿಡ್ ವೀಸ್ಸಾ, ಸುನಿಲ್ ನರೈನ್ , ಶಾರ್ದೂಲ್ ಠಾಕೂರ್ , ಹರ್ಷಿತ್ ರಾಣಾ , ವರುಣ್ ಚಕ್ರವರ್ತಿ , ಜೇಸನ್ ರಾಯ್.
IPL 2023: ಸತತ ಸೋಲುಗಳಿಂದ ಕಂಗೆಟ್ಟಿರುವ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡವು ಇದೀಗ ವೆಸ್ಟ್ ಇಂಡೀಸ್ನ ಸ್ಪೋಟಕ ದಾಂಡಿಗನ ಜಾನ್ಸನ್ ಚಾರ್ಲ್ಸ್ ಅನ್ನು ತಂಡಕ್ಕೆ ಸೇರಿಸಿಕೊಂಡಿದೆ. ಕೆಕೆಆರ್ ತಂಡದಲ್ಲಿದ್ದ ಬಾಂಗ್ಲಾದೇಶ್ ಆಟಗಾರ ಲಿಟ್ಟನ್ ದಾಸ್ ಅವರ ಬದಲಿ ಆಟಗಾರನಾಗಿ ಚಾರ್ಲ್ಸ್ರನ್ನು ಆಯ್ಕೆ ಮಾಡಲಾಗಿದೆ.
ಈ ಬಾರಿಯ ಐಪಿಎಲ್‌ನಲ್ಲಿ ಲಿಟ್ಟನ್ ದಾಸ್ ಅವರನ್ನು ಕೆಕೆಆರ್ 50 ಲಕ್ಷ ರೂ.ಗೆ ಖರೀದಿಸಿತ್ತು. ಆದರೆ ಕೆಕೆಆರ್ ಪರ ಒಂದು ಪಂದ್ಯವಾಡಿದ್ದ ದಾಸ್ ವೈಯುಕ್ತಿಕ ಕಾರಣಗಳಿಂದಾಗಿ ಅರ್ಧದಲ್ಲೇ ಐಪಿಎಲ್ ತೊರೆದಿದ್ದಾರೆ.
ಇದೀಗ ಅವರ ಬದಲಿ ಆಟಗಾರನಾಗಿ ವಿಂಡೀಸ್ ಆಟಗಾರ ಜಾನ್ಸನ್ ಚಾರ್ಲ್ಸ್ ಅವರಿಗೆ ಕೆಕೆಆರ್ ಅವಕಾಶ ನೀಡಿದೆ. ವೆಸ್ಟ್ ಇಂಡೀಸ್ ತಂಡದ ವಿಕೆಟ್ ಕೀಪರ್ ಬ್ಯಾಟರ್ ಆಗಿರುವ ಚಾರ್ಲ್ಸ್ ಇದುವರೆಗೆ 41 ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡಿದ್ದಾರೆ. ಈ ವೇಳೆ ಒಟ್ಟು 971 ರನ್ಗಳಿಸಿದ್ದಾರೆ. ಅಲ್ಲದೆ 2012 ಮತ್ತು 2016 ಐಸಿಸಿ ವಿಶ್ವ ಟಿ20 ವಿಶ್ವಕಪ್ ಗೆದ್ದ ವೆಸ್ಟ್ ಇಂಡೀಸ್ ತಂಡದ ಭಾಗವಾಗಿದ್ದರು.
ಇದಲ್ಲದೆ, ವಿವಿಧ ಲೀಗ್ಗಳು ಸೇರಿ ಒಟ್ಟು 224 ಟಿ20 ಪಂದ್ಯಗಳನ್ನಾಡಿರುವ ಚಾನ್ಸನ್ ಚಾರ್ಲ್ಸ್ ಒಟ್ಟು 5600 ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ. ಇದೀಗ ಅನುಭವಿ ದಾಂಡಿಗನಿಗೆ ಮಣೆಹಾಕಿರುವ ಕೆಕೆಆರ್ ಮುಂದಿನ ಪಂದ್ಯಗಳಲ್ಲಿ ಚಾರ್ಲ್ಸ್ಗೆ ಅವಕಾಶ ನೀಡಲಿದೆಯಾ ಕಾದು ನೋಡಬೇಕಿದೆ.
ಸದ್ಯ ಕೆಕೆಆರ್ ತಂಡವು 9 ಪಂದ್ಯಗಳನ್ನು ಆಡಿದ್ದು, ಇದರಲ್ಲಿ ಕೇವಲ ಮೂರು ಪಂದ್ಯಗಳನ್ನು ಮಾತ್ರ ಗೆದ್ದುಕೊಂಡಿದೆ. ಅಲ್ಲದೆ ಗುರುವಾರ SRH ವಿರುದ್ಧ ತನ್ನ 10ನೇ ಪಂದ್ಯವನ್ನು ಆಡಲಿದೆ. ಈ ಪಂದ್ಯದಲ್ಲಿ ಗೆಲ್ಲುವ ಮೂಲಕ ಗೆಲುವಿನ ಲಯಕ್ಕೆ ಮರಳುವ ಇರಾದೆಯಲ್ಲಿದೆ ಕೆಕೆಆರ್.
KKR ತಂಡ: ರಹಮಾನುಲ್ಲಾ ಗುರ್ಬಾಝ್ (ವಿಕೆಟ್ ಕೀಪರ್) , ನಿತೀಶ್ ರಾಣಾ (ನಾಯಕ) , ಎನ್ ಜಗದೀಸನ್ , ವೆಂಕಟೇಶ್ ಅಯ್ಯರ್ , ರಿಂಕು ಸಿಂಗ್ , ಆಂಡ್ರೆ ರಸೆಲ್ , ಡೇವಿಡ್ ವೀಸ್ಸಾ, ಸುನಿಲ್ ನರೈನ್ , ಶಾರ್ದೂಲ್ ಠಾಕೂರ್ , ಹರ್ಷಿತ್ ರಾಣಾ , ವರುಣ್ ಚಕ್ರವರ್ತಿ , ಜೇಸನ್ ರಾಯ್, ಸುಯಶ್ ಸಿಂಗ್ ಶರ್ಮಾ , ಟಿಮ್ ಸೌಥಿ , ಉಮೇಶ್ ಯಾದವ್ , ಲಾಕಿ ಫರ್ಗುಸನ್ , ಕುಲ್ವಂತ್ ಖೆಜ್ರೋಲಿಯಾ , ವೈಭವ್ ಅರೋರಾ , ಆರ್ಯ ದೇಸಾಯಿ, ಜಾನ್ಸನ್ ಚಾರ್ಲ್ಸ್.