ಶುಭ್ಮನ್ ಗಿಲ್....ಟೀಮ್ ಇಂಡಿಯಾದ ಭರವಸೆಯ ಯುವ ಆಟಗಾರ. ಈಗಾಗಲೇ ಏಕದಿನ ಕ್ರಿಕೆಟ್ನಲ್ಲಿ ರನ್ ಮೇಲೆ ರನ್ಗಳಿಸುತ್ತಾ ಮುನ್ನುಗ್ಗಿತ್ತಿದ್ದಾರೆ. ವಿಶೇಷ ಎಂದರೆ ಈ ಮುನ್ನುಗ್ಗುವಿಕೆಯ ನಡುವೆ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಹಾಗೂ ವಿರಾಟ್ ಕೊಹ್ಲಿಯಂತಹ ಶ್ರೇಷ್ಠ ಆಟಗಾರರನ್ನು ಹಿಂದಿಕಿದ್ದಾರೆ. ಹೀಗಾಗಿಯೇ ಶುಭ್ಮನ್ ಗಿಲ್ ಟೀಮ್ ಇಂಡಿಯಾ ಪರ ಶುಭಾರಂಭ ಮಾಡಿದ್ದಾರೆ ಎಂದೇ ವಿಶ್ಲೇಷಿಸಲಾಗುತ್ತಿದೆ. ಇದಕ್ಕೆ ಸಾಕ್ಷಿಯೇ ಪ್ರಸ್ತುತ ಅಂಕಿ ಅಂಶಗಳು.
1 / 8
ಹೌದು, ಶುಭ್ಮನ್ ಗಿಲ್ ಟೀಮ್ ಇಂಡಿಯಾ ಪರ ಕೇವಲ 20 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ. ಈ 20 ಇನಿಂಗ್ಸ್ನಲ್ಲಿ 1 ದ್ವಿಶತಕ, 3 ಶತಕ ಹಾಗೂ 5 ಅರ್ಧಶತಕಗಳು ಮೂಡಿಬಂದಿವೆ. ಅಂದರೆ ಗಿಲ್ 71.38 ಸರಾಸರಿಯಲ್ಲಿ ರನ್ಗಳಿಸಿದ್ದಾರೆ.
2 / 8
ಹೀಗೆ ರನ್ ಪೇರಿಸುತ್ತಾ ಸಾಗುತ್ತಿರುವ ಶುಭ್ಮನ್ ಗಿಲ್ ಹಳೆಯ ದಾಖಲೆಗಳನ್ನು ಕೂಡ ಮುರಿಯುತ್ತಿರುವುದು ವಿಶೇಷ. ಅಂದರೆ ಟೀಮ್ ಇಂಡಿಯಾ ಪರ ಏಕದಿನ ಕ್ರಿಕೆಟ್ನಲ್ಲಿ ಅತ್ಯಂತ ವೇಗವಾಗಿ 500 ರನ್ ಕಲೆಹಾಕಿದ ದಾಖಲೆ ಇದೀಗ ಶುಭ್ಮನ್ ಹೆಸರಿನಲ್ಲಿದೆ.
3 / 8
ಈ ಹಿಂದೆ ಈ ದಾಖಲೆ ನವಜೋತ್ ಸಿಂಗ್ ಸಿಧು ಹೆಸರಿನಲ್ಲಿತ್ತು. ಸಿಧು ಮೊದಲ 11 ಇನಿಂಗ್ಸ್ನಲ್ಲಿ 500 ರನ್ ಕಲೆಹಾಕಿದ್ದರು. ಆದರೆ ಯುವ ದಾಂಡಿಗ ಗಿಲ್ ಕೇವಲ 10 ಇನಿಂಗ್ಸ್ನಲ್ಲಿ 500 ರನ್ ಪೇರಿಸುವ ಮೂಲಕ 1987 ರಲ್ಲಿ ಸಿಧು ಬರೆದಿಟ್ಟ ದಾಖಲೆಯನ್ನು ಅಳಿಸಿ ಹಾಕಿದ್ದಾರೆ.
4 / 8
ಅಷ್ಟೇ ಅಲ್ಲದೆ ಇದೀಗ ಅತ್ಯಂತ ವೇಗವಾಗಿ 1000 ರನ್ ಪೂರೈಸಿದ ಭಾರತೀಯ ಬ್ಯಾಟರ್ ಎಂಬ ಹೆಗ್ಗಳಿಕೆಗೂ ಶುಭ್ಮನ್ ಗಿಲ್ ಪಾತ್ರರಾಗಿದ್ದಾರೆ. ಈ ಹಿಂದೆ ಈ ದಾಖಲೆ ವಿರಾಟ್ ಕೊಹ್ಲಿ ಹಾಗೂ ಶಿಖರ್ ಧವನ್ ಹೆಸರಿನಲ್ಲಿತ್ತು.
5 / 8
ಧವನ್ ಹಾಗೂ ಕೊಹ್ಲಿ 24 ಏಕದಿನ ಇನಿಂಗ್ಸ್ ಮೂಲಕ ಸಾವಿರ ರನ್ ಪೂರೈಸಿ ದಾಖಲೆ ಬರೆದಿದ್ದರು. ಆದರೆ ಇದೀಗ ಕೇವಲ 19 ಇನಿಂಗ್ಸ್ ಮೂಲಕ ಶುಭ್ಮನ್ ಗಿಲ್ ಸಾವಿರ ರನ್ ಪೂರೈಸಿ ಹೊಸ ಇತಿಹಾಸ ನಿರ್ಮಿಸಿದ್ದಾರೆ. ಅಂದರೆ ಕಿಂಗ್ ಕೊಹ್ಲಿಗಿಂತ 5 ಇನಿಂಗ್ಸ್ ಕಡಿಮೆ ಅವಧಿಯಲ್ಲಿ ಗಿಲ್ ಈ ಸಾಧನೆ ಮಾಡಿದ್ದಾರೆ.
6 / 8
ಪ್ರಸ್ತುತ ಟೀಮ್ ಇಂಡಿಯಾ ಪರ ಏಕದಿನ ಕ್ರಿಕೆಟ್ನಲ್ಲಿ ಅತ್ಯಂತ ವೇಗವಾಗಿ 500 ಹಾಗೂ 1000 ರನ್ ಕಲೆಹಾಕಿದ ದಾಖಲೆ ಶುಭ್ಮನ್ ಗಿಲ್ ಹೆಸರಿನಲ್ಲಿದೆ. ಆರಂಭದಲ್ಲೇ 2 ದಾಖಲೆಗಳನ್ನು ತಮ್ಮದಾಗಿಸಿಕೊಂಡಿರುವ ಗಿಲ್ ಮುಂಬರುವ ದಿನಗಳಲ್ಲಿ ಮತ್ತಷ್ಟು ರೆಕಾರ್ಡ್ಗಳನ್ನು ನಿರ್ಮಿಸುವುದರಲ್ಲಿ ಅನುಮಾನವೇ ಇಲ್ಲ.
