ಹರ್ಷಿಕಾ ಪೂಣಚ್ಚ ಬೇಬಿ ಶವರ್ನಲ್ಲಿ ತಾರೆಯರ ದಂಡು, ಇಲ್ಲಿವೆ ಚಿತ್ರಗಳು

ನಟಿ ಹರ್ಷಿಕಾ ಪೂಣಚ್ಚ ತಾಯಿಯಾಗುತ್ತಿದ್ದು ಅವರ ಬೇಬಿ ಶವರ್ ಪಾರ್ಟಿ ಇತ್ತೀಚೆಗೆ ನಡೆದಿದ್ದು, ಕನ್ನಡ ಚಿತ್ರರಂಗದ ಹಲವು ಗಣ್ಯರು ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾರೆ.

ನಟ ಗಣೇಶ್, ಪತ್ನಿ ಶಿಲ್ಪಾ ಗಣೇಶ್, ಮಾಲಾಶ್ರೀ ಮತ್ತು ಪುತ್ರಿ ಆರಾಧನಾ, ನಟಿ ಅಮೂಲ್ಯ ಮತ್ತು ಅವರ ಪತಿ ಹೀಗೆ ಇನ್ನೂ ಹಲವು ಮಂದಿ ಗಣ್ಯರು ಬೇಬಿ ಶವರ್​ ಪಾರ್ಟಿಗೆ ಹಾಜರಾಗಿದ್ದರು.

ನಟಿ ಶ್ರುತಿ, ಮಾಲಾಶ್ರೀ ಸೇರಿದಂತೆ ಕಿರುತರೆ, ಹಿರಿತೆರೆಯ ಹಲವಾರು ಮಂದಿ ನಟ-ನಟಿಯರು ಹರ್ಷಿಕಾ ಬೇಬಿ ಶವರ್​ನಲ್ಲಿ ಭಾಗವಹಿಸಿ ಪೋಷಕರಾಗಲಿರುವ ಹರ್ಷಿಕಾ ಹಾಗೂ ಭುವನ್​ಗೆ ಶುಭಾಶಯ ಹೇಳಿದರು.

ಹರ್ಷಿಕಾ ಪೂಣಚ್ಚ ಮತ್ತು ಭುವನ್ ಪೊನ್ನಣ್ಣ ಹಲವು ವರ್ಷಗಳ ಕಾಲ ಪ್ರೀತಿ ಬಳಿಕ ಮನೆಯವರ ಒಪ್ಪಿಗೆ ಪಡೆದು ಕಳೆದ ವರ್ಷ ಆಗಸ್ಟ್ ತಿಂಗಳಲ್ಲಿ ಹಿಂದೂ ಸಂಪ್ರದಾಯದಂತೆ ವಿವಾಹವಾದರು.

ಇದೀಗ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಹರ್ಷಿಕಾ ಮತ್ತು ಭುವನ್. ಹರ್ಷಿಕಾ ತಾಯಿಯಾಗುತ್ತಿರುವುದು ಘೋಷಿಸಿದ ಬಳಿಕ ಹಲವು ಫೋಟೊಶೂಟ್​ಗಳನ್ನು ಮಾಡಿಸಿದ್ದಾರೆ.

ಕೆಲವೇ ದಿನಗಳಲ್ಲಿ ಹರ್ಷಿಕಾ ಪೂಣಚ್ಚಗೆ ಮಗು ಜನನವಾಗಲಿದೆ. ಇದೇ ತಿಂಗಳು ಅಥವಾ ಮುಂದಿನ ತಿಂಗಳ ಮೊದಲ ವಾರ ಮಗುವಿನ ಆಗಮನವಾಗಲಿದೆ.

ನಟಿಯರಾದ ಅನು ಪ್ರಭಾಕರ್, ಶ್ರುತಿ, ಮಾಲಾಶ್ರೀ, ಕಿರುತೆರೆ ನಟರು, ಹರ್ಷಿತಾ ಹಾಗೂ ಭುವನ್ ಅವರ ಕುಟುಂಬದ ಸದಸ್ಯರು ಇನ್ನೂ ಹಲವು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.

ಹರ್ಷಿಕಾ ಪೂಣಚ್ಚ ಹಾಗೂ ಭುವನ್ ಪೊನ್ನಣ್ಣ ಇಬ್ಬರೂ ನಟರಾಗಿದ್ದಾರೆ. ಹರ್ಷಿಕಾ ಕನ್ನಡದ ಹಲವು ಸಿನಿಮಾಗಳಲ್ಲಿ ನಾಯಕಿಯಾಗಿ, ಪೋಷಕ ನಟಿಯಾಗಿ ನಟಿಸಿದ್ದಾರೆ.