Kannada News Photo gallery Varalakshmi Vratam 2024 : Here's a tip to look traditional for the Varamahalakshmi festival Kannada News
Varalakshmi Vratam 2024 : ನಿಮ್ಮ ಮೈಬಣ್ಣಕ್ಕೆ ಈ ಬಣ್ಣದ ಸೀರೆ, ಬಳೆ ಬೆಸ್ಟ್ ನೋಡಿ
ಶ್ರಾವಣ ಬಂತೆಂದರೆ ಹಬ್ಬಗಳ ಸಾಲು ಆರಂಭವಾಗುತ್ತದೆ. ಈ ಮಾಸದ ಎರಡನೇ ಹಬ್ಬವೇ ವರಮಹಾಲಕ್ಷ್ಮಿ ಹಬ್ಬ. ಎರಡನೇ ಶುಕ್ರವಾರದಂದು ಆಚರಿಸಲಾಗುವ ಈ ಹಬ್ಬವು ಈ ಬಾರಿ ಆಗಸ್ಟ್ 16 ರಂದು ಬಂದಿದೆ. ಮನೆಯಲ್ಲಿ ಲಕ್ಷ್ಮಿದೇವಿಯ ಮೂರ್ತಿಯ ಅಲಂಕಾರ ಎಷ್ಟು ಚೆನ್ನಾಗಿ ಮಾಡುತ್ತಿರೋ ಅದೇ ರೀತಿ ಹಬ್ಬದ ದಿನ ನೀವು ಕೂಡ ಸುಂದರವಾಗಿ ಕಾಣಿಸಿಕೊಳ್ಳುವುದು ಅಷ್ಟೇ ಮುಖ್ಯ. ಹೀಗಾಗಿ ಹಬ್ಬದ ದಿನ ಟ್ರಡಿಷನಲ್ ಲುಕ್ ನಲ್ಲಿ ಕಾಣಿಸಿಕೊಳ್ಳಲು ಈ ಕೆಲವು ಸಲಹೆಗಳನ್ನು ಪಾಲಿಸಿ.
ವರಮಹಾಲಕ್ಷ್ಮಿ ಹಬ್ಬದಂದು ಸೀರೆಯನ್ನು ಧರಿಸುವುದರಿಂದ ನಿಮಗೆ ಸಾಂಪ್ರದಾಯಿಕ ಲುಕ್ ತಂದು ಕೊಡುತ್ತದೆ. ನಿಮ್ಮ ಮೈ ಬಣ್ಣಕ್ಕೆ ಒಪ್ಪುವಂತಹ ಬಣ್ಣದ ರೇಷ್ಮೆ ಸೀರೆಯನ್ನು ಆಯ್ಕೆ ಮಾಡಿಕೊಳ್ಳಿ. ಪ್ಲೇನ್ ರೇಷ್ಮೆ ಸೀರೆಯೊಂದಿಗೆ ಗ್ರ್ಯಾಂಡ್ ಬ್ಲೌಸ್ ಧರಿಸಿದರೆ ಮತ್ತಷ್ಟು ಆಕರ್ಷಕವಾಗಿ ಕಾಣಿಸಿಕೊಳ್ಳಬಹುದು.
1 / 5
ಸೀರೆ ಧರಿಸಲು ಇಷ್ಟ ಪಡದವರಿಗೆ ರೇಷ್ಮೆ ಸೀರೆಯ ಲಂಗ ದಾವಣಿಯು ಉತ್ತಮ ಆಯ್ಕೆಯಾಗಿದೆ. ಈ ಉಡುಗೆಯೂ ಸಾಂಪ್ರದಾಯಿಕ ಲುಕ್ ನೀಡುವುದರೊಂದಿಗೆ ಹಬ್ಬದ ದಿನ ಗ್ರ್ಯಾಂಡ್ ಆಗಿ ಕಾಣಿಸಿಕೊಳ್ಳಬಹುದು. ಹುಡುಗಿಯರು ಮಾತ್ರವಲ್ಲದೇ ಮದುವೆಯಾದ ಮಹಿಳೆಯರು ಈ ಲಂಗ ದಾವಣಿಯನ್ನು ಧರಿಸಬಹುದು.
2 / 5
ಸೀರೆ ಅಥವಾ ಲಂಗ ದಾವಣಿ ಉಡುಪಿನೊಂದಿಗೆ ಆಂಟಿಕ್ ಡಿಸೈನ್ನ ಟ್ರೆಡಿಷನಲ್ ಆಭರಣಗಳ ಆಯ್ಕೆಯಿರಲಿ. ಸೀರೆಗೆ ಹೊಂದಿಕೆಯಾಗುವ ಆಂಟಿಕ್ ಜ್ಯುವೆಲರಿ ಅಥವಾ ಟ್ರೆಡಿಷನಲ್ ಜ್ಯುವೆಲರಿಗಳಾದ ಜುಮಕಿ, ನೆಕ್ಲೇಸ್, ಹಾರ, ಬಾಜುಬಂದ್ ಧರಿಸಿದರೆ ಇನ್ನಷ್ಟು ಸುಂದರವಾಗಿ ಕಾಣಿಸಿಕೊಳ್ಳಬಹುದು.
3 / 5
ಮದುವೆಯಾದ ಹೆಣ್ಣು ಮಕ್ಕಳು ಕೆಂಪು ಹಾಗೂ ಹಸಿರು ಬಣ್ಣದ ಗಾಜಿನ ಬಳೆಗಳನ್ನು ಧರಿಸಿ. ಈ ಬಳೆಯ ನಡುವೆ ಬಂಗಾರದ ಸೆಟ್ ಬ್ಯಾಂಗಲ್ಸ್ ಧರಿಸಿದರೆ ಕೈಯ ಅಂದವು ಹೆಚ್ಚುತ್ತದೆ. ಈ ರೀತಿ ಬಳೆಯನ್ನು ತೊಟ್ಟರೆ ರೇಷ್ಮೆ ಸೀರೆ ಹಾಗೂ ಟ್ರೆಡಿಷನಲ್ ಜ್ಯುವೆಲರಿಗೂ ಒಪ್ಪುತ್ತದೆ.
4 / 5
ಮಹಿಳೆಯರು ಉಡುಗೆ ತೊಡುಗೆ ಆಭರಣಗಳ ಆಯ್ಕೆಗೆ ಸಮಯ ಕೊಡುವಷ್ಟು ಹೇರ್ ಸ್ಟೈಲ್ ಕಡೆಗೆ ಗಮನಕೊಡುವುದಿಲ್ಲ. ಆದರೆ ಸೀರೆ ಹಾಗೂ ಲಂಗದಾವಣಿಯಂತಹ ಉಡುಗೆಗೆ ಬನ್ ಹೇರ್ ಸ್ಟೈಲ್ ಬೆಸ್ಟ್ ಎನ್ನಬಹುದು. ಉದ್ದದ ಕೂದಲು ಇರುವವರಿಗೆ ಈ ಕೇಶ ವಿನ್ಯಾಸವು ಒಪ್ಪುತ್ತದೆ. ತುರುಬಿನ ಸುತ್ತ ಮಲ್ಲಿಗೆ ಹೂವನ್ನು ಮುಡಿದುಕೊಂಡರೆ ಹಬ್ಬದ ದಿನ ಟ್ರಡಿಷನಲ್ ಲುಕ್ ನಲ್ಲಿ ಕಂಗೊಳಿಸಬಹುದು.
