Daily Devotional: ಮಂಗಳಕಾರ್ಯಗಳಲ್ಲಿ ಮೊದಲು ಗಣಪತಿ ಪೂಜೆ ಏಕೆ ಮಾಡುತ್ತಾರೆ? ಇದರ ಮಹತ್ವ ತಿಳಿದುಕೊಳ್ಳಿ

ಪ್ರತಿದಿನದ ಪೂಜೆಯಲ್ಲಿ ಗಣಪತಿ ಸ್ಮರಣೆಯ ಮಹತ್ವ ಬಗ್ಗೆ ಖ್ಯಾತ ಜ್ಯೋತಿಷಿಗಳಾದ ಡಾ. ಬಸವರಾಜ ಗುರೂಜಿಯವರು ವಿವರಿಸಿದ್ದಾರೆ. ಹಿಂದೂ ಧರ್ಮದಲ್ಲಿ ಗಣೇಶನಿಗೆ ವಿಶೇಷ ಸ್ಥಾನವಿದೆ. ಎಲ್ಲಾ ಶುಭ ಕಾರ್ಯಗಳನ್ನು ಗಣೇಶನ ಪೂಜೆಯಿಂದ ಆರಂಭಿಸುವುದು ಸಾಮಾನ್ಯ ಪದ್ಧತಿ. ಆದರೆ, ಈ ಪೂಜೆಯ ನಿಜವಾದ ಮಹತ್ವವೇನು ಎಂಬುದನ್ನು ಅನೇಕರು ಅರಿತಿಲ್ಲ. ಗುರೂಜಿ ಅವರು ಈ ಪ್ರಶ್ನೆಗೆ ಉತ್ತರಿಸುತ್ತಾ, ಪೂಜೆಯನ್ನು ಪ್ರಾರಂಭಿಸುವ ಮೊದಲು ಗಣಪತಿಯನ್ನು ಸ್ಮರಿಸುವುದು ಅತ್ಯಗತ್ಯ ಎಂದು ಹೇಳುತ್ತಾರೆ. ಇದರಿಂದ ಪೂಜೆಯ ಪರಿಪೂರ್ಣತೆ ಹೆಚ್ಚಾಗುತ್ತದೆ ಮತ್ತು ಅದರ ಫಲವು ಸಿಗುತ್ತದೆ ಎಂದು ನಂಬಲಾಗಿದೆ.

ಪೂಜೆ ಆರಂಭಿಸುವ ಮುನ್ನ ಮನೆಯ ದೇವರ ಗುಡಿಯನ್ನು ಪ್ರವೇಶಿಸಿದ ತಕ್ಷಣವೇ ಗಣಪತಿ ಸ್ಮರಣೆ ಮಾಡಬೇಕು. “ಶ್ರೀ ಗಣೇಶಾಯ ನಮಃ” ಎಂಬ ಮಹಾಮಂತ್ರವನ್ನು ಜಪಿಸುವುದು ಅತ್ಯಂತ ಶುಭಕರ. ಈ ಮಂತ್ರದ ಜೊತೆಗೆ “ಶುಕ್ಲಾಂಬರಧರಂ” ಅಥವಾ ಇತರ ಗಣಪತಿ ಶ್ಲೋಕಗಳನ್ನು ಹೇಳಿಕೊಳ್ಳಬಹುದು. ಗಣಪತಿ ಸ್ಮರಣೆ ಮಾಡುವುದರಿಂದ ಮನೆಯಲ್ಲಿ ನಕಾರಾತ್ಮಕ ಶಕ್ತಿಗಳು ದೂರವಾಗುತ್ತವೆ ಮತ್ತು ಪೂಜೆಯ ಫಲವು ಸಂಪೂರ್ಣವಾಗಿ ದೊರೆಯುತ್ತದೆ ಎಂದು ಗುರೂಜಿ ಹೇಳುತ್ತಾರೆ.

ವಿಡಿಯೋ ಇಲ್ಲಿದೆ ನೋಡಿ:

ಇದನ್ನೂ ಓದಿ: ಪುರಿ ಜಗನ್ನಾಥ ದೇವಸ್ಥಾನಕ್ಕೆ ಅವಿವಾಹಿತ ಜೋಡಿ ಏಕೆ ಭೇಟಿ ನೀಡಬಾರದು?

ಗಣಪತಿಯನ್ನು ಪ್ರಥಮ ಪೂಜಿತನೆಂದು ಪರಿಗಣಿಸುವುದರ ಹಿಂದಿನ ಕಥೆಯನ್ನು ಗುರೂಜಿ ವಿವರಿಸುತ್ತಾರೆ. ಶಿವ-ಪಾರ್ವತಿಯವರು ತಮ್ಮ ಪುತ್ರರಾದ ಗಣೇಶ ಮತ್ತು ಕಾರ್ತಿಕೇಯನಿಗೆ ಪ್ರಪಂಚವನ್ನು ಸುತ್ತಿ ಬರಲು ಸವಾಲು ಹಾಕಿದರು. ಗಣಪತಿ ತನ್ನ ತಂದೆ-ತಾಯಿಯನ್ನು ಸುತ್ತುವರೆದು ಪ್ರದಕ್ಷಿಣೆ ಮಾಡಿ ಪ್ರಥಮ ಸ್ಥಾನ ಪಡೆದರು. ಈ ಕಥೆ ಗಣಪತಿಯನ್ನು ಮೊದಲು ಪೂಜಿಸುವುದರ ಮಹತ್ವವನ್ನು ಒತ್ತಿಹೇಳುತ್ತದೆ. ಗಣೇಶನ ಮಂತ್ರವಿಲ್ಲದ ಪೂಜೆ ಅಪೂರ್ಣ ಎಂಬುದನ್ನು ಗುರೂಜಿ ಇಲ್ಲಿ ಸ್ಪಷ್ಟಪಡಿಸಿದ್ದಾರೆ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ