Hinduism in Indonesia: ವಿಶ್ವದ ಅತಿದೊಡ್ಡ ಮುಸ್ಲಿಂ-ಬಹುಸಂಖ್ಯಾತ ದೇಶದಲ್ಲಿ ಸಾವಿರಕ್ಕೂ ಅಧಿಕ ಹಿಂದೂ ದೇವಾಲಯ!
ಇಂಡೋನೇಷ್ಯಾ, ವಿಶ್ವದ ಎರಡನೇ ಅತಿದೊಡ್ಡ ಮುಸ್ಲಿಂ ದೇಶ. ಆದರೆ ಇಲ್ಲಿ ದೀಪಾವಳಿ ಮತ್ತು ರಾಮಾಯಣ ಪ್ರದರ್ಶನಗಳು ಅದ್ಧೂರಿಯಾಗಿ ಆಚರಿಸಲ್ಪಡುತ್ತವೆ. ಸಾವಿರಾರು ಹಿಂದೂ ದೇವಾಲಯಗಳು ಇಂದಿಗೂ ಅಸ್ತಿತ್ವದಲ್ಲಿವೆ, ಮುಸ್ಲಿಂ ಕಲಾವಿದರು ರಾಮಾಯಣದ ಪಾತ್ರಗಳನ್ನು ನಿರ್ವಹಿಸುತ್ತಾರೆ. ಈ ಅಪರೂಪದ ಸಹಬಾಳ್ವೆ ಇಂಡೋನೇಷ್ಯಾದ ಸಾಂಸ್ಕೃತಿಕ ಶ್ರೀಮಂತಿಕೆಯನ್ನು ಪ್ರತಿಬಿಂಬಿಸುತ್ತಿದೆ.
Updated on:May 18, 2025 | 1:36 PM
ಇಂಡೋನೇಷ್ಯಾ ವಿಶ್ವದ ಎರಡನೇ ಅತಿದೊಡ್ಡ ಮುಸ್ಲಿಂ-ಬಹುಸಂಖ್ಯಾತ ದೇಶ. ಇಲ್ಲಿ ಸರಿಸುಮಾರು ಶೇಕಡಾ 87 ರಷ್ಟು ಮುಸ್ಲಿಂ ಜನಸಂಖ್ಯೆಯಿದ್ದು, ಕೇವಲ ಶೇಕಡಾ 2 ರಷ್ಟು ಹಿಂದೂಗಳು ವಾಸವಾಗಿದ್ದಾರೆ. ಇಷ್ಟು ಕಡಿಮೆ ಸಂಖ್ಯೆಯನ್ನು ಹಿಂದೂಗಳನ್ನು ಹೊಂದಿದ್ದರೂ ಸಹ ಈ ದೇಶದಲ್ಲಿ ದೀಪಾವಳಿ ಸೇರಿದಂತೆ ಸಾಕಷ್ಟು ಹಿಂದೂ ಹಬ್ಬಗಳನ್ನು ಬಹಳ ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಇದಲ್ಲದೆ, ಇಲ್ಲಿ ನಡೆಯುವ ರಾಮಾಯಣ ಪ್ರದರ್ಶನವನ್ನು ವೀಕ್ಷಿಸಲು ಪ್ರಪಂಚದಾದ್ಯಂತದ ಜನರು ಬರುತ್ತಾರೆ. ಇಂದಿಗೂ ಸಾವಿರಾರು ದೇವಾಲಯಗಳು ಇಲ್ಲಿ ಅಸ್ತಿತ್ವದಲ್ಲಿವೆ.
ಇಂಡೋನೇಷ್ಯಾದ ಬಾಲಿ ದ್ವೀಪದಲ್ಲಿ, ರಾಮಲೀಲಾ ಕಾರ್ಯಕ್ರಮವನ್ನು ಎಷ್ಟು ವೈಭವದಿಂದ ಆಚರಿಸಲಾಗುತ್ತದೆಯೆಂದರೆ, ಬೀದಿಗಳಲ್ಲಿ ಹಬ್ಬದ ಆಚರಣೆಯು ನೋಡಲು ಒಂದು ಸುಂದರ ದೃಶ್ಯವಾಗಿರುತ್ತದೆ. ಇಲ್ಲಿನ ಮುಸ್ಲಿಂ ಕಲಾವಿದರು ರಾಮ, ಸೀತೆ ಮತ್ತು ಹನುಮಂತನ ಪಾತ್ರಗಳಿಗೆ ಜೀವ ತುಂಬುತ್ತಾರೆ. ಈ ಇಡೀ ದೇಶ ರಾಮಲೀಲಾವನ್ನು ಆಚರಿಸುತ್ತದೆ. ದೀಪಾವಳಿಯನ್ನೂ ಇಲ್ಲಿ ಆಚರಿಸಲಾಗುತ್ತದೆ. ದೀಪಾವಳಿಯ ಸಮಯದಲ್ಲಿ ಇಲ್ಲಿ ನಡೆಯುವ ಆಡಂಬರ ಮತ್ತು ಪ್ರದರ್ಶನವು ನೋಡಲು ಒಂದು ಸುಂದರ ದೃಶ್ಯವಾಗಿದೆ.
ಇಂಡೋನೇಷ್ಯಾದ ಜಾವಾ ದ್ವೀಪದಲ್ಲಿರುವ ಪ್ರಂಬನನ್ ಹಿಂದೂ ದೇವಾಲಯ ಸಂಕೀರ್ಣವು ರಾಮಾಯಣದ ಚಿತ್ರಣಗಳಿಗೆ ಹೆಸರುವಾಸಿಯಾಗಿದೆ. ರಾಮಾಯಣವನ್ನು ವೀಕ್ಷಿಸಲು ಭಾರತೀಯರು ಅಥವಾ ಸ್ಥಳೀಯರು ಮಾತ್ರವಲ್ಲದೆ ಪ್ರಪಂಚದಾದ್ಯಂತದ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ. ಇಲ್ಲಿ ಇಂಡೋನೇಷ್ಯಾದ ಕಲಾವಿದರು, ಧರ್ಮದಿಂದ ಮುಸ್ಲಿಮರು, ರಾಮ-ಸೀತೆಯ ಪಾತ್ರಗಳನ್ನು ಮತ್ತು ರಾಮಾಯಣದ ವಿವಿಧ ಪಾತ್ರಗಳನ್ನು ಅದ್ಭುತವಾಗಿ ನಿರ್ವಹಿಸುತ್ತಾರೆ.
ಇದನ್ನೂ ಓದಿ: ಮೋದಿ ಶೀಘ್ರದಲ್ಲೇ ಭೇಟಿ ನೀಡಲಿರುವ ಕರ್ಣಿ ಮಾತಾ ದೇವಸ್ಥಾನದ ವಿಶೇಷತೆ ಏನು ಗೊತ್ತಾ?
ಇಂಡೋನೇಷ್ಯಾದ ನಗರದಲ್ಲಿ ನಡೆಯುವ ರಾಮಾಯಣ ಪ್ರದರ್ಶನವನ್ನು ರಾಮಕೀನ್ ಎಂದು ಕರೆಯಲಾಗುತ್ತದೆ. ರಾಮಕೀನ್ ಒಂದು ರೀತಿಯ ನೃತ್ಯ ನಾಟಕವಾಗಿದ್ದು, ಇದು ಸಂಪೂರ್ಣವಾಗಿ ರಾಮಾಯಣವನ್ನು ಆಧರಿಸಿದೆ, ಆದರೂ ರಾಮಾಯಣದ ಪಾತ್ರಗಳ ಹೆಸರುಗಳನ್ನು ಸ್ವಲ್ಪ ಬದಲಾಯಿಸಲಾಗಿದೆ.
ಬಾಲಿ, ಪಶ್ಚಿಮ ಪಪುವಾ, ಸುಲಾವೆಸಿ ಮತ್ತು ಸುಮಾತ್ರಾಗಳಲ್ಲಿ ದೀಪಾವಳಿಯನ್ನು ಬಹಳ ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಅದೇ ರೀತಿ, ಇಂಡೋನೇಷ್ಯಾದಲ್ಲಿ ಬ್ರಹ್ಮ, ವಿಷ್ಣು ಮತ್ತು ಮಹೇಶ್ವರ ದೇವಾಲಯಗಳು ಸಹ ಇವೆ. ಇಲ್ಲಿನ ಪ್ರತಿಯೊಂದು ಪ್ರದೇಶದಲ್ಲೂ ಒಂದು ಹಿಂದೂ ದೇವಾಲಯವಿದೆ. ಇಂಡೋನೇಷ್ಯಾದ ದೇವಾಲಯಗಳನ್ನು ದಕ್ಷಿಣ ಭಾರತದ ದೇವಾಲಯಗಳ ಮಾದರಿಯಲ್ಲಿ ನಿರ್ಮಿಸಲಾಗಿದೆ. ಇಲ್ಲಿ ಸುಮಾರು ಒಂದೂವರೆ ಸಾವಿರ ದೇವಾಲಯಗಳಿವೆ ಎಂದು ಹೇಳಲಾಗುತ್ತದೆ.
ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 1:11 pm, Sun, 18 May 25
