Akshaya Tritiya 2023: ಅಕ್ಷಯ ತೃತೀಯ ಹಬ್ಬವು ಏ. 22 ಅಥವಾ 23 ಯಾವಾಗ? ಹಬ್ಬದ ಶುಭ ಮುಹೂರ್ತ, ಚಿನ್ನ ಖರೀದಿಸಲು ಮಂಗಳಕರ ಸಮಯ

ಅಖಾ ತೀಜ್ ಎಂದು ಕರೆಯಲ್ಪಡುವ ಅಕ್ಷಯ ತೃತೀಯ ಹಬ್ಬವು ಹಿಂದೂ ಮತ್ತು ಜೈನರ ಪವಿತ್ರ ಹಬ್ಬಗಳಲ್ಲಿ ಒಂದಾಗಿದೆ. ಇದನ್ನು ಶುಕ್ಷ ಪಕ್ಷ ತೃತೀಯದಂದು ಆಚರಿಸಲಾಗುತ್ತದೆ ಈ ಹಬ್ಬವನ್ನು ಹೊಸ ಆರಂಭಗಳಿಗೆ ಅತ್ಯಂತ ಮಂಗಳಕರ ದಿನವೆಂದು ಪರಿಗಣಿಸಲಾಗಿದೆ. ದೃಕ್ ಪಂಚಾಂಗದ ಪ್ರಕಾರ ಅಕ್ಷಯ ಎಂದರೆ ‘ಎಂದಿಗೂ ಕಡಿಮೆಯಾಗುವುದಿಲ್ಲ’ ಎಂದರ್ಥ. ಈ ದಿನದಂದು ಯಾವುದೇ ಹೊಸ ಉದ್ಯಮ, ವ್ಯಾಪಾರ ಮತ್ತು ಕಟ್ಟಡ ನಿರ್ಮಾಣ ಕಾರ್ಯವನ್ನು ಪ್ರಾರಂಭಿಸಿದರೆ ಅದು ಸಮೃದ್ಧವಾಗುತ್ತದೆ ಹಾಗೂ ಈ ದಿನದಂದು ಚಿನ್ನ ಮತ್ತು ಆಸ್ತಿಯನ್ನು ಖರೀದಿಸುವುದು ಭವಿಷ್ಯದಲ್ಲಿ ಸಮೃದ್ಧಿ ಮತ್ತು ಸಂಪತ್ತನ್ನು ತರುತ್ತದೆ ಎಂದು ನಂಬಲಾಗಿದೆ. ಈ ದಿನದಂದು ಭಗವಾನ್ ವಿಷ್ಣುವನ್ನು ಪೂಜಿಸುವುದು ಪ್ರಮುಖ ಆಚರಣೆಗಳಲ್ಲಿ ಒಂದಾಗಿದೆ.

ಅಕ್ಷಯ ತೃತೀಯ ಹಬ್ಬ ಏಪ್ರಿಲ್ 22 ಅಥವಾ 23 ಯಾವಾಗ?

ಈ ವರ್ಷ ಅಕ್ಷಯ ತೃತೀಯ ಏಪ್ರಿಲ್ 22 ಕ್ಕೆ ಅಥವಾ 23 ರಂದು ನಡೆಯುತ್ತದೆಯೋ ಎಂಬ ಗೊಂದಲ ಅನೇಕರಲ್ಲಿ ಇದೆ. ದೃಕ್ ಪಂಚಾಂಗದ ಪ್ರಕಾರ, ಏಪ್ರಿಲ್ 22 ರಂದು ಈ ಹಬ್ಬವನ್ನು ಆಚರಿಸಲಾಗುತ್ತದೆ. ಅಕ್ಷಯ ತೃತೀಯ ತಿಥಿಯು ಏಪ್ರಿಲ್ 22 ರಂದು ಬೆಳಗ್ಗೆ 7:49 ಕ್ಕೆ ಪ್ರಾರಂಭವಾಗಿ ಏಪ್ರಿಲ್ 23 ಬೆಳಗ್ಗೆ 7.47 ಕ್ಕೆ ಕೊನೆಗೊಳ್ಳುತ್ತದೆ.

ಅಕ್ಷಯ ತೃತೀಯ ಶುಭ ಮುಹೂರ್ತ:

ಅಕ್ಷಯ ತೃತೀಯ ಪೂಜೆಯ ಶುಭ ಮುಹೂರ್ತವು ಬೆಳಗ್ಗೆ 7:49 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಮಧ್ಯಾಹ್ನ 12:20 ಕ್ಕೆ ಕೊನೆಗೊಳ್ಳುತ್ತದೆ. ಹೆಚ್ಚುವರಿಯಾಗಿ ಚೋಗಾಡಿಯಾ ಮುಹೂರ್ತವು ಬೆಳಗ್ಗೆ 7:49 ಕ್ಕೆ ಪ್ರಾರಂಭವಾಗಿ ಬೆಳಗ್ಗೆ 9:04 ಕ್ಕೆ ಕೊನೆಗೊಳ್ಳುತ್ತದೆ. ಏಪ್ರಿಲ್ 23 ರಂದು ಇದು ಬೆಳಗ್ಗೆ 7:26 ಕ್ಕೆ ಪ್ರಾರಂಭವಾಗಿ ಅದೇ ದಿನ ಬೆಳಗ್ಗೆ 7:47 ಕ್ಕೆ ಕೊನೆಗೊಳ್ಳುತ್ತದೆ.

ಇದನ್ನೂ ಓದಿ: Akshaya Tritiya 2023: ಅಕ್ಷಯವಾಗಲಿ ಈ ಅಕ್ಷಯ ತೃತೀಯ, ಅಂದು ಬದರಿ ನಾರಾಯಣ ದೇವಾಲಯದ ದ್ವಾರ ತೆರೆಯುವುದು

ಅಕ್ಷಯ ತೃತೀಯದಲ್ಲಿ ಚಿನ್ನ ಖರೀದಿಸಲು ಶುಭ ಸಮಯ:

ದೃಕ್ ಪಂಚಾಂಗದ ಪ್ರಕಾರ ಚಿನ್ನವನ್ನು ಖರೀದಿಸಲು ಶುಭ ಮುಹೂರ್ತವು ಏಪ್ರಿಲ್ 22 ರಂದು ಬೆಳಗ್ಗೆ 7:49 ಕ್ಕೆ ಪ್ರಾರಂಭವಾಗಿ ಏಪ್ರಿಲ್ 23 ರಂದು ಬೆಳಗ್ಗೆ 5:48 ಕ್ಕೆ ಕೊನೆಗೊಳ್ಳುತ್ತದೆ.

ಅಕ್ಷಯ ತೃತೀಯ ಹಬ್ಬದ ನಗರವಾರು ಪೂಜೆಯ ಸಮಯ:

ನವದೆಹಲಿ – ಬೆಳಿಗ್ಗೆ 7:49 ರಿಂದ ಮಧ್ಯಾಹ್ನ 12:20 ರವರೆಗೆ, ಪುಣೆ – 7:49 ರಿಂದ 12:33 ರವರೆಗೆ, ಚೆನ್ನೈ – ಬೆಳಿಗ್ಗೆ 7:49 ರಿಂದ ಮಧ್ಯಾಹ್ನ 12:08 ರವರೆಗೆ, ಕೋಲ್ಕತ್ತಾ – ಬೆಳಿಗ್ಗೆ 5:10 ರಿಂದ 07:47 ರವರೆಗೆ, ಹೈದರಾಬಾದ್ – ಬೆಳಿಗ್ಗೆ 7:49 ರಿಂದ ಮಧ್ಯಾಹ್ನ 12:15 ರವರೆಗೆ, ಅಹಮದಾಬಾದ್ – 7:49 ರಿಂದ 12:38 ರವರೆಗೆ, ನೋಯ್ಡಾ – ಬೆಳಿಗ್ಗೆ 7:49 ರಿಂದ ಮಧ್ಯಾಹ್ನ 12:19 ರವರೆಗೆ, ಜೈಪುರ – ಬೆಳಿಗ್ಗೆ 7:49 ರಿಂದ 12:26 ರವರೆಗೆ, ಮುಂಬೈ – 7:49 ರಿಂದ 12:37 ರವರೆಗೆ, ಬೆಂಗಳೂರು – ಬೆಳಿಗ್ಗೆ 7:49 ರಿಂದ ಮಧ್ಯಾಹ್ನ 12:18 ರವರೆಗೆ, ಚಂಡೀಗಢ – ಬೆಳಗ್ಗೆ 7:49 ರಿಂದ 12:22 ರವರೆಗೆ.

ಆಧ್ಯಾತ್ಮ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ 

Published On - 3:22 pm, Thu, 20 April 23