44th Chess Olympiad 2022 Inauguration- 44ನೇ ಚೆಸ್ ಒಲಿಂಪಿಯಾಡ್ಗೆ ಅದ್ಧೂರಿ ಚಾಲನೆ ನೀಡಿದ ಪ್ರಧಾನಿ ಮೋದಿ
PM Modi in Tamil Nadu- 44ನೇ ಚೆಸ್ ಒಲಿಂಪಿಯಾಡ್ಗೆ ಪ್ರಧಾನಿ ನರೇಂದ್ರ ಮೋದಿ ಅದ್ಧೂರಿ ಚಾಲನೆ ನೀಡಿದ್ದಾರೆ. 44ನೇ ಅಂತಾರಾಷ್ಟ್ರೀಯ ಚೆಸ್ ಒಲಿಂಪಿಯಾಡ್ ವಿಶ್ವದ ಅತಿ ದೊಡ್ಡ ಚೆಸ್ ಸ್ಪರ್ಧೆಯಾಗಿದೆ.
Updated on:Jul 28, 2022 | 7:43 PM
ಮಲ್ಲವಪುರದಲ್ಲಿ ನಡೆಯುತ್ತಿರುವ ಚೆಸ್ ಒಲಿಂಪಿಯಾಡ್ (Chess Olympiad) ಅನ್ನು ಪ್ರಧಾನಿ ನರೇಂದ್ರ ಮೋದಿ (Prime Minister Narendra Modi) ಅವರು ಗುರುವಾರ ಉದ್ಘಾಟಿಸಿದರು. ಲಾಲ್ ನೆಹರು ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಉದ್ಘಾಟನಾ ಸಮಾರಂಭದಲ್ಲಿ ತಮಿಳುನಾಡು ರಾಜ್ಯಪಾಲ ಆರ್.ಎನ್.ರವಿ, ಮುಖ್ಯಮಂತ್ರಿ ಎಂ.ಕೆ.ಸ್ಟಾಲಿನ್ ಮತ್ತು ಕ್ರೀಡಾ ಸಚಿವ ಅನುರಾಗ್ ಠಾಕೂರ್ ಜವಾಹರ್ ಅವರಲ್ಲದೆ ನಟ ರಜನಿಕಾಂತ್ (Rajinikanth) ಕೂಡ ಭಾಗವಹಿಸಿದ್ದರು. ಭಾರತದಲ್ಲಿ ಇದೇ ಮೊದಲ ಬಾರಿಗೆ ಒಲಿಂಪಿಯಾಡ್ ನಡೆಯುತ್ತಿದ್ದು, ದಾಖಲೆ ಆಟಗಾರರು ಭಾಗವಹಿಸುತ್ತಿದ್ದಾರೆ. ಮುಕ್ತ ವಿಭಾಗದಲ್ಲಿ 188 ಹಾಗೂ ಮಹಿಳೆಯರ ವಿಭಾಗದಲ್ಲಿ 162 ಆಟಗಾರ್ತಿಯರು ಭಾಗವಹಿಸಲಿದ್ದಾರೆ. ಇದರ ಟಾರ್ಚ್ ರಿಲೇ ಕಳೆದ 40 ದಿನಗಳಲ್ಲಿ 75 ನಗರಗಳಲ್ಲಿ ಹಾದು ಚೆನ್ನೈನಿಂದ 50 ಕಿಮೀ ದೂರದಲ್ಲಿರುವ ಮಲ್ಲವಪುರಂ ತಲುಪಿತ್ತು.
ಆಕರ್ಷಕ ದೀಪಗಳಿಂದ ಬೆಳಗಿದ ಚೆನ್ನೈ
ಚೆಸ್ ಒಲಿಂಪಿಯಾಡ್‌ನ 44 ನೇ ಸೀಸನ್ ಆರಂಭದ ಮೊದಲು, ಚೆನ್ನೈನ ಮುಖ್ಯ ಪ್ರದೇಶವನ್ನು ಭವ್ಯವಾದ ರೀತಿಯಲ್ಲಿ ಅಲಂಕರಿಸಲಾಗಿದೆ. ಕ್ರೀಡಾಂಗಣದ ಹೊರಗೆ, ಈ ಪಂದ್ಯಾವಳಿಯಲ್ಲಿ ಭಾಗವಹಿಸುವ ದೇಶಗಳ ಬಣ್ಣಬಣ್ಣದ ದೀಪಗಳು ಮತ್ತು ಧ್ವಜಗಳೊಂದಿಗೆ ದೊಡ್ಡ ಗಾತ್ರದ ಚೆಸ್ ಬೋರ್ಡ್ ಇದೆ. ಒಲಿಂಪಿಯಾಡ್ ಆಗಸ್ಟ್ 10 ರವರೆಗೆ ನಡೆಯಲಿದೆ.
ವಿಶ್ವನಾಥನ್ ಆನಂದ್ ಟೀಂ ಇಂಡಿಯಾದ ಮೆಂಟರ್
ಪ್ರಧಾನಿ ಮೋದಿ ಅವರು ಗುರುವಾರ ಬೆಳಗ್ಗೆ ಟ್ವೀಟ್ ಮಾಡಿ, ‘ಇದೊಂದು ವಿಶೇಷ ಟೂರ್ನಿಯಾಗಿದ್ದು, ಭಾರತದಲ್ಲಿ ಹಾಗೂ ಅದೂ ಚೆಸ್‌ನೊಂದಿಗೆ ಚಿನ್ನದ ಒಡನಾಟ ಹೊಂದಿರುವ ತಮಿಳುನಾಡಿನಲ್ಲಿ ಆಯೋಜಿಸುತ್ತಿರುವುದು ನಮಗೆ ಗೌರವದ ಸಂಗತಿ’ ಎಂದು ಬರೆದುಕೊಂಡಿದ್ದರು. ಟೂರ್ನಿಯಲ್ಲಿ ಭಾರತದ ಮೂರು ತಂಡಗಳು ಮುಕ್ತ ಮತ್ತು ಮಹಿಳಾ ವಿಭಾಗಗಳಲ್ಲಿ ಪ್ರವೇಶಿಸಲಿವೆ. ಶ್ರೇಷ್ಠ ಚೆಸ್ ಆಟಗಾರ ವಿಶ್ವನಾಥನ್ ಆನಂದ್ ಆಡುತ್ತಿಲ್ಲ ಆದರೆ ಆಟಗಾರರಿಗೆ ಮೆಂಟರ್ ಪಾತ್ರದಲ್ಲಿರುತ್ತಾರೆ.
ತಮಿಳುನಾಡಿನ ಸಾಂಪ್ರದಾಯಿಕ ಉಡುಗೆ ತೊಟ್ಟ ಒಲಿಂಪಿಯಾಡ್‌ನ ಮ್ಯಾಸ್ಕಾಟ್ ತಂಬಿಯ ಕಟೌಟ್‌ಗಳೊಂದಿಗೆ ತಮಿಳುನಾಡು ಸರ್ಕಾರ ಪಂದ್ಯಾವಳಿಗೆ ಭಾರಿ ಪ್ರಚಾರ ನೀಡಿದೆ. ಒಲಿಂಪಿಯಾಡ್ ರಷ್ಯಾದಲ್ಲಿ ನಡೆಯಬೇಕಾಗಿತ್ತು ಆದರೆ ಉಕ್ರೇನ್ ಮೇಲೆ ರಷ್ಯಾದ ಮಿಲಿಟರಿ ದಾಳಿಯ ನಂತರ ಅದರ ಆತಿಥ್ಯವನ್ನು ತೆಗೆದುಹಾಕಲಾಯಿತು. ಇದರ ಈವೆಂಟ್ ತಮಿಳುನಾಡಿನಲ್ಲಿ ಚೆಸ್ ಜನಪ್ರಿಯತೆಯನ್ನು ಇನ್ನಷ್ಟು ಹೆಚ್ಚಿಸಲಿದೆ ಎಂದು ಆನಂದ್ ಸೇರಿದಂತೆ ಚೆಸ್ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
Published On - 7:04 pm, Thu, 28 July 22
