Deaflympics 2021: ಡೆಫ್ಲಿಂಪಿಕ್ಸ್​ ಅಥ್ಲೀಟ್​ಗಳಿಗೆ ಬೀಳ್ಕೊಡುಗೆ

Deaflympics 2021: ಡೆಫ್ಲಿಂಪಿಕ್ಸ್​ ಅಥ್ಲೀಟ್​ಗಳಿಗೆ ಬೀಳ್ಕೊಡುಗೆ
Deaflympics 2021

Deaflympics 2021: 2017ರಲ್ಲಿ ಟರ್ಕಿಯಲ್ಲಿ ನಡೆದ ಕೊನೆಯ ಡೆಫ್ಲಿಂಪಿಕ್ಸ್‌ನಲ್ಲಿ ಭಾರತದ 46 ಕ್ರೀಡಾಪಟುಗಳು ಭಾಗವಹಿಸಿದ್ದರು. ಈ ವೇಳೆ 1 ಚಿನ್ನ, 1 ಬೆಳ್ಳಿ ಮತ್ತು 3 ಕಂಚಿನ ಪದಕಗಳು ಸೇರಿದಂತೆ ಒಟ್ಟು 5 ಪದಕಗಳನ್ನು ಭಾರತ ಬಾಚಿಕೊಂಡಿತ್ತು.

TV9kannada Web Team

| Edited By: Vinay Bhat

Apr 26, 2022 | 11:50 AM

Deaflympics 2021: ಡೆಫ್ಲಿಂಪಿಕ್ಸ್ 2021 ರಲ್ಲಿ (ಕಿವುಡರ ಒಲಿಂಪಿಕ್ಸ್​) ಭಾಗವಹಿಸಲಿರುವ ಭಾರತೀಯ ಕ್ರೀಡಾಪಟುಗಳಿಗೆ ಅಧಿಕೃತ ಬೀಳ್ಕೊಡುಗೆ ಸಮಾರಂಭವನ್ನು ದೆಹಲಿಯಲ್ಲಿ ಆಯೋಜಿಸಲಾಗಿದೆ. ಕೇಂದ್ರ ಯುವ ವ್ಯವಹಾರಗಳು ಮತ್ತು ಕ್ರೀಡಾ ಸಚಿವ ಶ್ರೀ ಅನುರಾಗ್ ಠಾಕೂರ್, ಯುವ ವ್ಯವಹಾರಗಳು ಮತ್ತು ಕ್ರೀಡಾ ರಾಜ್ಯ ಸಚಿವ ಶ್ರೀ ನಿಸಿತ್ ಪ್ರಮಾಣಿಕ್ ಮತ್ತಿತರ ಗಣ್ಯರು ಸಮಾರಂಭದಲ್ಲಿ ಪಾಲ್ಗೊಂಡಿದ್ದರು. ಬ್ರೆಜಿಲ್‌ನ ಕ್ಯಾಕ್ಸಿಯಾಸ್ ಡು ಸುಲ್‌ನಲ್ಲಿ ಮೇ 1 ರಿಂದ ಶುರುವಾಗಲಿರುವ ಈ ಕ್ರೀಡಾಕೂಟದಲ್ಲಿ ಒಟ್ಟು 65 ಕ್ರೀಡಾಪಟುಗಳು ಭಾಗವಹಿಸಲಿದ್ದಾರೆ.

ಮೇ 1 ರಿಂದ ಮೇ 15 ರವರೆಗೆ ನಡೆಯಲಿರುವ ಈ ಕ್ರೀಡಾಕೂಟದಲ್ಲಿ ಭಾರತೀಯ ಕ್ರೀಡಾಪಟುಗಳು ಒಟ್ಟು 11 ವಿಭಾಗಗಳಲ್ಲಿ ಭಾಗವಹಿಸಲಿರುವುದು ವಿಶೇಷ. ಅದರಂತೆ ಅಥ್ಲೆಟಿಕ್ಸ್, ಬ್ಯಾಡ್ಮಿಂಟನ್, ಜೂಡೋ, ಗಾಲ್ಫ್, ಕರಾಟೆ, ಶೂಟಿಂಗ್, ಈಜು, ಟೆನಿಸ್, ಟೇಬಲ್ ಟೆನಿಸ್, ಟೇಕ್ವಾಂಡೋ ಮತ್ತು ಕುಸ್ತಿಯಲ್ಲಿ ಭಾರತೀಯ ಕ್ರೀಡಾಪಟುಗಳು ಕಾಣಿಸಿಕೊಳ್ಳಲಿದ್ದಾರೆ.

ದೇಶದ ಪ್ರತಿಯೊಬ್ಬರ ಪರವಾಗಿ, ನಾನು ನಿಮ್ಮೆಲ್ಲರಿಗೂ ಶುಭ ಹಾರೈಸುತ್ತೇನೆ. ನೀವು ಈಗಾಗಲೇ ಆಯ್ಕೆಯಾಗುವ ಮೂಲಕ ನಿಮ್ಮ ಸಾಮರ್ಥ್ಯವನ್ನು ತೋರಿಸಿದ್ದೀರಿ ಎಂದು ಹೇಳಲು ಬಯಸುತ್ತೇನೆ. ಈ ಬಾರಿ ಅತೀ ದೊಡ್ಡ ಬಳಗವನ್ನು ನಾವು ಕಳುಹಿಸುತ್ತಿದ್ದೇವೆ. ಹೀಗಾಗಿ ಬ್ರೆಜಿಲ್‌ನಿಂದ ನಾವು ಅತಿ ಹೆಚ್ಚು ಪದಕಗಳನ್ನು ಪಡೆಯುತ್ತೇವೆ ಎಂದು ನಾನು ನಂಬುತ್ತೇನೆ. ಒಲಿಂಪಿಕ್ಸ್, ಪ್ಯಾರಾಲಿಂಪಿಕ್ಸ್ ಅಥವಾ ಡೆಫ್ಲಿಂಪಿಕ್ಸ್​ನಲ್ಲಿ ಭಾರತವು ಮುಂದಿನ ದೊಡ್ಡ ಕ್ರೀಡಾ ಶಕ್ತಿಯಾಗಲಿದೆ. ಈ ಶತಮಾನ ನಮ್ಮದು ಮತ್ತು ನಾವು ಎಲ್ಲಾ ಕ್ರೀಡಾ ರಂಗದಲ್ಲಿ ಭಾರತದ ಧ್ವಜವನ್ನು ಹಾರಿಸುತ್ತಲೇ ಇರುತ್ತೇವೆ ಎಂದು ಕೇಂದ್ರ ಕ್ರೀಡಾ ಸಚಿವ ಶ್ರೀ ಅನುರಾಗ್ ಠಾಕೂರ್ ಆಟಗಾರರನ್ನು ಹುರಿದುಂಬಿಸಿದರು.

ಅಖಿಲ ಭಾರತ ಕಿವುಡರ ಕ್ರೀಡಾ ಮಂಡಳಿ (ಎಐಎಸ್‌ಸಿಡಿ) ಮತ್ತು ಭಾರತೀಯ ಕ್ರೀಡಾ ಪ್ರಾಧಿಕಾರವು ಅಥ್ಲೀಟ್‌ಗಳಿಗೆ ನೀಡಿದ ಅಪಾರ ಬೆಂಬಲದ ಬಗ್ಗೆಯೂ ಕೇಂದ್ರ ಸಚಿವರು ಮಾತನಾಡಿದರು. “ಎಐಎಸ್‌ಸಿಡಿ ಮತ್ತು ಎಸ್‌ಎಐ ಎರಡೂ ಕ್ರೀಡಾಪಟುಗಳಿಗೆ ಸಾಕಷ್ಟು ಬೆಂಬಲ ನೀಡಿವೆ. ಡೆಫ್ಲಿಂಪಿಕ್ಸ್-ಬೌಂಡ್ ಅಥ್ಲೀಟ್‌ಗಳಿಗಾಗಿ 30-ದಿನಗಳ ರಾಷ್ಟ್ರೀಯ ತರಬೇತಿ ಶಿಬಿರವನ್ನು SAI ಕೇಂದ್ರಗಳಾದ್ಯಂತ ನಡೆಸಲಾಗಿದೆ. ಅದಲ್ಲದೇ, SAI ಅಥ್ಲೀಟ್‌ಗಳಿಗೆ ಕಿಟ್‌ಗಳು, ಡೆಫ್ಲಿಂಪಿಕ್ಸ್‌ಗೆ ಉಡುಗೆಗಳನ್ನು ನೀಡುವುದರ ಜೊತೆಗೆ ಅವರ ವಸತಿ, ವಸತಿ, ಬೋರ್ಡಿಂಗ್ ಮತ್ತು ಸಾರಿಗೆ ವ್ಯವಸ್ಥೆ ಮಾಡುವಂತಹ ಎಲ್ಲವನ್ನೂ ಏರ್ಪಡಿಸಿದೆ ಎಂದು ತಿಳಿಸಿದರು.

‘ಚೀರ್ ಫಾರ್ ಇಂಡಿಯಾ’ ಎಂಬ ನಮ್ಮ ಪ್ರಧಾನಮಂತ್ರಿಯವರ ಸ್ಪಷ್ಟವಾದ ಕರೆಯಿಂದ ಇದೀಗ ಕ್ರೀಡಾ ಕ್ಷೇತ್ರದಲ್ಲಿ ಬದಲಾವಣೆಯಾಗಿದೆ. ಅದು ಒಲಿಂಪಿಕ್ಸ್, ಪ್ಯಾರಾಲಿಂಪಿಕ್ಸ್ ಅಥವಾ ಡೆಫ್ಲಿಂಪಿಕ್ಸ್ ಆಗಿರಲಿ, ಭಾರತವು ಕ್ರೀಡೆಯಲ್ಲಿ ಅತ್ಯಂತ ವೈಭವವನ್ನು ಸ್ಥಾಪಿಸಿದೆ ಎಂದು ಇದೇ ವೇಳೆ ಯುವ ವ್ಯವಹಾರಗಳು ಮತ್ತು ಕ್ರೀಡಾ ರಾಜ್ಯ ಸಚಿವ ಶ್ರೀ ನಿಸಿತ್ ಪ್ರಮಾಣಿಕ್ ತಿಳಿಸಿದರು.

2017ರಲ್ಲಿ ಟರ್ಕಿಯಲ್ಲಿ ನಡೆದ ಕೊನೆಯ ಡೆಫ್ಲಿಂಪಿಕ್ಸ್‌ನಲ್ಲಿ ಭಾರತದ 46 ಕ್ರೀಡಾಪಟುಗಳು ಭಾಗವಹಿಸಿದ್ದರು. ಈ ವೇಳೆ 1 ಚಿನ್ನ, 1 ಬೆಳ್ಳಿ ಮತ್ತು 3 ಕಂಚಿನ ಪದಕಗಳು ಸೇರಿದಂತೆ ಒಟ್ಟು 5 ಪದಕಗಳನ್ನು ಭಾರತ ಬಾಚಿಕೊಂಡಿತ್ತು. ಈ ಬಾರಿ 11 ವಿಭಾಗಗಳಲ್ಲಿ ಒಟ್ಟು 65 ಕ್ರೀಡಾಪಟುಗಳು ಭಾಗವಹಿಸುತ್ತಿದ್ದು, ಹೀಗಾಗಿ ಹೆಚ್ಚಿನ ಪದಕಗಳನ್ನು ನಿರೀಕ್ಷಿಸಬಹುದು.

ಇದನ್ನೂ ಓದಿ: KL Rahul: ಶತಕದ ಪಂದ್ಯದಲ್ಲಿ ಸೆಂಚುರಿ ಸಿಡಿಸಿ ದಾಖಲೆ ಬರೆದ ಕೆಎಲ್ ರಾಹುಲ್

ಇದನ್ನೂ ಓದಿ: IPL 2022: ತೂಫಾನ್ ಜೋಡಿ: ಹೊಸ ದಾಖಲೆ ಬರೆದ ಶಹಬಾಜ್-ಡಿಕೆ

Follow us on

Related Stories

Most Read Stories

Click on your DTH Provider to Add TV9 Kannada