ಭಾರತದಲ್ಲಿ ಕ್ರಿಕೆಟ್​ ವ್ಯವಸ್ಥೆ ಬಲಿಷ್ಠವಾಗಿದ್ದು, ಉಚ್ಛ್ರಾಯ ಸ್ಥಿತಿಯಲ್ಲಿದೆ.. ಇದಕ್ಕೆ ಬಿಸಿಸಿಐ ದಾದಾ ಗಂಗೂಲಿ ಕೊಡುವ ಕಾರಣಗಳು ಏನು ಗೊತ್ತಾ!?

ಕೋಲ್ಕೊತ್ತಾ: ಭಾರತದಲ್ಲಿ ಕ್ರಿಕೆಟ್​ ವ್ಯವಸ್ಥೆ ಎಂಬುದು ಈಗ ಬಲಿಷ್ಠವಾಗಿದ್ದು, ಉಚ್ಛ್ರಾಯ ಸ್ಥಿತಿಯಲ್ಲಿದೆ. ಬಲಿಷ್ಠ ಆಸ್ಟ್ರೇಲಿಯಾ ತಂಡವನ್ನು ಅವರದೇ ನೆಲದಲ್ಲಿ ಮಣ್ಣು ಮುಕ್ಕಿಸುವ ಮೂಲಕ, ಸ್ವದೇಶಿ ನೆಲದಲ್ಲಿ ಇಂಗ್ಲೆಂಡ್​ ತಂಡವನ್ನು ಮಣಿಸುವ ಮೂಲಕ ಭಾರತ ಕ್ರಿಕೆಟ್​ ಆಟದಲ್ಲಿ ಅಧಿಪತ್ಯ ಸ್ಥಾಪಿಸುತ್ತಿದ್ದು, ಮುಂಬರುವ ಇಂಗ್ಲೆಂಡ್​ ಪ್ರವಾಸದಲ್ಲಿ 2007 ನಂತರದ ಟೆಸ್ಟ್​ ಸರಣಿಯಲ್ಲಿ ಮೊದಲ ಬಾರಿಗೆ ಗೆಲುವಿನ ನಗೆ ಬೀರಲು ಸಜ್ಜಾಗಿದೆ.

ವಿರಾಟ್​ ಕೊಹ್ಲಿ ನೇತೃತ್ವದ ಭಾರತ ಕ್ರಿಕೆಟ್​ ತಡ ಇತ್ತೀಚೆಗೆ ಕ್ರಿಕೆಟ್ ರಂಗದಲ್ಲಿ ಪವರ್​ಹೌಸ್​ ಆಗಿ ಹೊರಹೊಮ್ಮಿದೆ. ಭಾರತದ ನೆಲದಲ್ಲಿ ಮತ್ತು ವಿದೇಶೀ ಮೈದಾನಗಳಲ್ಲಿ ಭಾರತದ ಆಟಗಾರರು ತಮ್ಮ ಪ್ರಭುತ್ವ ಸಾಬೀತರುಪಡಿಸುತ್ತಿದ್ದಾರೆ.

ಭಾರತ ಕ್ರಿಕೆಟ್​ ತಂಡದ ಗೆಲುವಿನ ನಾಗಾಲೋಟದ ಹಿನ್ನೆಲೆಯಲ್ಲಿ ಭಾರತೀಯ ಕ್ರಿಕೆಟ್​ ಆಡಳಿತ ಮಂಡಳಿಯ (ಬಿಸಿಸಿಐ-BCCI) ಚುಕ್ಕಾಣಿ ಹಿಡಿದಿರುವ ಭಾರತ ಕ್ರಿಕೆಟ್​ ತಂಡದ ಮಾಜಿ ಕಪ್ತಾನ ಸೌರವ್​ ಗಂಗೂಲಿ ಅವರು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಭಾರತದ ಯಶಸ್ಸನ್ನು ಕೊಂಡಾಡಿದ್ದಾರೆ. ಸ್ಪೋರ್ಟ್ಸ್​​ಸ್ಟಾರ್ (Sportstar)​ ಮ್ಯಾಗಜೀನ್​ಗೆ ನೀಡಿರುವ ಸಂದರ್ಶನದಲ್ಲಿ ಬಿಸಿಸಿಐ ಸಾರಥಿ ಗಂಗೂಲಿ ವಿಶ್ವ ಕ್ರಿಕೆಟ್​ ಭೂಪಟದಲ್ಲಿ ಭಾರತದ ಈ ಸಾಧನೆಗೆ ಯಾವೆಲ್ಲ ಅಂಶಗಳು ಕಾರಣವಾಗಿವೆ ಎಂಬುದನ್ನು ಬಿಡಿಸಿ ಹೇಳಿದ್ದಾರೆ.

ಸ್ವದೇಶೀ ಕ್ರಿಕೆಟ್​, ನ್ಯಾಷನಲ್​ ಕ್ರಿಕೆಟ್​ ಅಕಾಡೆಮಿ ಮತ್ತು ಕೋಚ್​ಗಳನ್ನೊಳಗೊಂಡ ನಮ್ಮ ವ್ಯವಸ್ಥೆ ಅತ್ಯಂತ ಬಲಿಷ್ಠವಾಗಿದೆ. ಇದಕ್ಕೆ ಐಪಿಎಲ್ ಸಹ ತನ್ನ ಕೊಡುಗೆಯನ್ನು ನೀಡಿದೆ. ಆಟಗಾರರು ಸೇರಿದಂತೆ ಎಲ್ಲ ಆಯ್ಕೆಗಳೂ ಪಾರದರ್ಶಕವಾಗಿವೆ. ಅತ್ಯುತ್ತಮರನ್ನು ಮಾತ್ರವೇ ಆಯ್ಕೆ ಮಾಡಲಾಗುತ್ತಿದೆ. ಪ್ರತಿಮೆಗೆ ಮಣೆ ಹಾಕಲಾಗುತ್ತಿದೆ. ಎಲ್ಲದರಲ್ಲೂ ಹೊಂದಾಣಿಕೆ ಬಿಗಿಯಾಗಿದೆ. ಹಾಗಾಗಿ ನಮ್ಮ ಇಡೀ ಕ್ರಿಕೆಟ್​ ವ್ಯವಸ್ಥೆ ಬಲಿಷ್ಠವಾಗಿ ರೂಪುಗೊಂಡಿದೆ ಎಂದು ಟ್ಟಿ ಮಾಡುತ್ತಾರೆ ದಾದಾ ಗಂಗೂಲಿ.

ಸೌರವ್​ ಗಂಗೂಲಿ ಭಾರತೀಯ ಕ್ರಿಕೆಟ್​ ಕಂಡ ಅದ್ಭುತ ಕ್ಯಾಪ್ಟನ್. ಭಾರತ ತಂಡವನ್ನು ಶಿಖರದತ್ತ ಕೊಂಡೊಯ್ದವರು

ಸೌರವ್​ ಗಂಗೂಲಿ ಭಾರತೀಯ ಕ್ರಿಕೆಟ್​ ಕಂಡ ಅತ್ಯದ್ಭುತ ಕ್ಯಾಪ್ಟನ್. ಭಾರತ ತಂಡವನ್ನು ಶಿಖರದತ್ತ ಕೊಂಡೊಯ್ದವರು. ಭಾರತ 2003ರ ಐಸಿಸಿ ಕ್ರಿಕೆಟ್​ ವರ್ಲ್ಡ್​ ಕಪ್ ಗೆದ್ದಿದ್ದು ಕ್ಯಾಪ್ಟನ್ ಗಂಗೂಲಿಯ ಸಾಧನೆ. ಈಗಲೂ ಅಷ್ಟೇ ಕ್ಯಾಪ್ಟನ್ ವಿರಾಟ್​ ಕೊಹ್ಲಿ ಮೈದಾನದಲ್ಲಿ ತಮ್ಮ ಪರಾಕ್ರಮ ಮೆರೆಯುತ್ತಿದ್ದರೆ ಬಿಸಿಸಿಐ ಅಧ್ಯಕ್ಷರಾಗಿ ಕಲಾತ್ಮಕ ಬ್ಯಾಟ್ಸ್​ಮನ್​ ಸೌರವ್​ ಗಂಗೂಲಿ ಮೈದಾನದಾಚೆಗೆ ಭರ್ಜರಿಯಾಗಿ ಬ್ಯಾಟ್​ ಬೀಸುತ್ತಿದ್ದಾರೆ.

ಭಾರತ ಕ್ರಿಕೆಟ್​ ರಂಗದಲ್ಲಿ ಈಗ ಎರಡು ತಲೆಮಾರಿನವರು ಸಕ್ರಿಯರಾಗಿದ್ದಾರೆ. ಇದು ನಿಜಕ್ಕೂ ಪರಿಣಾಮಕಾರಿ ಸಂಯೋಜನೆಯಾಗಿದೆ. ಹಾಗಾದರೆ 2003ರಲ್ಲಿ (T20 World Cup 2003) ಏನಾಗಿತ್ತೋ ಅದು 2021ರಲ್ಲಿಯೂ (ICC T20 World Cup 2021) ಪುನರಾವರ್ತನೆಯಾಗುತ್ತದಾ? ಏಕೆಂದರೆ ಆಗ ದಾದಾ ಗಂಗೂಲಿ ತಂಡದ ಕ್ಯಾಪ್ಟನ್​ ಆಗಿದ್ದವರು ಇನ್ನೂ ಮೇಲಿನ ಸ್ಥರ ತಲುಪಿದ್ದು, ಬಿಸಿಸಿಐ ಚುಕ್ಕಾಣಿ ಹಿಡಿದು ಸಕ್ರಿಯರಾಗಿದ್ದಾರೆ. ಹಾಗಾಗಿ ನಿರೀಕ್ಷೆಗಳು ಸಹಜವಾಗಿಯೇ ಅಪಾರ.. ಏನೇ ಆಗಲಿ ಭಾರತ ಕ್ರಿಕೆಟ್​ ಪ್ರೇಮಿಗಳಿಗೆ ಅದು ಹಬ್ಬದ ಸವಿಯೂಟವಾದೀತು..

(BCCI President Sourav Ganguly enumerate reasons behind team India success says indian cricket system is robust ICC T20 World Cup 2021)
ಶ್ರೀಲಂಕಾ-ಇಂಗ್ಲೆಂಡ್​ ಪ್ರವಾಸಕ್ಕೆ ಭಾರತ ಕ್ರಿಕೆಟ್ ತಂಡಗಳು ಸಜ್ಜು; ರವಿ ಶಾಸ್ತ್ರಿ ಅನುಪಸ್ಥಿತಿಯಲ್ಲಿ ತಂಡದ ಕೋಚ್​ ಯಾರು?