CWG 2022: ಫೈನಲ್​ನಲ್ಲಿ ಪಾಕಿಸ್ತಾನದ ಕುಸ್ತಿಪಟುವನ್ನು ಉಸಿರುಗಟ್ಟಿಸಿ ಭಾರತಕ್ಕೆ ಚಿನ್ನ ಗೆದ್ದ ನವೀನ್..!

ಭಾರತದ ಪುರುಷ ಕುಸ್ತಿಪಟು (male wrestler) ನವೀನ್ ಶನಿವಾರ ಕಾಮನ್‌ವೆಲ್ತ್ ಗೇಮ್ಸ್‌ನ ( Commonwealth Games) 74 ಕೆಜಿ ತೂಕ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ. ನವೀನ್ ಫೈನಲ್ ಪಂದ್ಯದಲ್ಲಿ ಪಾಕಿಸ್ತಾನದ ತಾಹಿರ್ ಅವರನ್ನು ಸೋಲಿಸಿ ಚಿನ್ನದ ಪದಕ ಗೆದ್ದರು. ಈ ಕ್ರೀಡಾಕೂಟದಲ್ಲಿ ಕುಸ್ತಿ ವಿಭಾಗದಲ್ಲಿ ಭಾರತಕ್ಕೆ ಇದು ಆರನೇ ಚಿನ್ನದ ಪದಕವಾಗಿದೆ. ನವೀನ್ ಎದುರು ಪಾಕಿಸ್ತಾನದ ಕುಸ್ತಿಪಟು ಎಲ್ಲಿಯೂ ನಿಲ್ಲಲಾರದೆ ಸುಲಭವಾಗಿ ಸೋಲನುಭವಿಸಿದರು.

ತಾಹಿರ್, ನವೀನ್ ವಿರುದ್ಧ ಲೆಗ್ ಅಟ್ಯಾಕ್ ಮಾಡಲು ಪ್ರಯತ್ನಿಸಿದರು. ನವೀನ್ ಕೂಡ ಅದೇ ಪ್ರಯತ್ನ ಮಾಡಿದರು, ಆದರೆ ತಾಹಿರ್ ಜಾಣತನದಿಂದ ನವಿನ್ ಜಾಲಕ್ಕೆ ಬೀಳುವುದರಿಂದ ತಪ್ಪಿಸಿಕೊಂಡರು. ಈ ಮಧ್ಯೆ, ರೆಫರಿ ತಾಹಿರ್‌ಗೆ ನಿಷ್ಕ್ರಿಯತೆಗೆ (passivity) ಸವಾಲು ಹಾಕಿದರು. ಇದಾದ ಬೆನ್ನಲ್ಲೇ ನವೀನ್ ತಾಹಿರ್ ಅವರನ್ನು ಕೆಳಕ್ಕೆ ಕೆಡವಿ ಎರಡು ಪಾಯಿಂಟ್ಸ್ ಪಡೆದರು. ಮೊದಲ ಸುತ್ತಿನ ಅಂತ್ಯಕ್ಕೆ ನವೀನ್ 2-0 ಮುನ್ನಡೆ ಸಾಧಿಸಿದ್ದರು.

ಎರಡನೇ ಸುತ್ತಿನಲ್ಲಿ ರಕ್ಷಣಾತ್ಮಕ ಆಟ

ಪಾಕಿಸ್ತಾನಿ ಕುಸ್ತಿಪಟು ಎರಡನೇ ಸುತ್ತಿನಲ್ಲಿ ರಕ್ಷಣಾತ್ಮಕ ಆಟಕ್ಕೆ ಮುಂದಾದರು. ಇಲ್ಲಿ ನವೀನ್ ಮೇಲುಗೈ ಸಾಧಿಸಿ ಮೂರು ಅಂಕಗಳನ್ನು ಗಳಿಸಿದರು ಮತ್ತು ಸ್ಕೋರ್ ಅನ್ನು 5-0 ಮಾಡಿದರು. ನಂತರ ನವೀನ್ ನಾಲ್ಕು ಪಾಯಿಂಟ್ಸ್ ಬೆಟ್ಟಿಂಗ್ ಮಾಡುವ ಮೂಲಕ ಸ್ಕೋರ್ ಅನ್ನು 9-0 ಗೆ ತೆಗೆದುಕೊಂಡು ಹೊದರು. ಇಲ್ಲಿ ನವೀನ್‌ಗೆ ಇನ್ನೂ ಒಂದು ಪಾಯಿಂಟ್ ಅಗತ್ಯವಿತ್ತು, ಅದರಿಂದ ಅವನು ತಾಂತ್ರಿಕ ಪ್ರಾವೀಣ್ಯತೆಯ ಆಧಾರದ ಮೇಲೆ ಪಂದ್ಯವನ್ನು ಗೆದ್ದುಕೊಂಡರು.