Ravi Shastri Age: ಗೂಗಲ್ ಪ್ರಕಾರ ಟೀಮ್ ಇಂಡಿಯಾ ಕೋಚ್ ರವಿ ಶಾಸ್ತ್ರೀಯ ವಯಸ್ಸು 120

ಟೀಮ್ ಇಂಡಿಯಾದ ಹೆಡ್​ ಕೋಚ್ ರವಿ ಶಾಸ್ತ್ರೀಯ ವಯಸ್ಸೆಷ್ಟು ಅಂತ ನಿಮಗೆ ಗೊತ್ತಾ? ಗೂಗಲ್ ಸರ್ಚ್ ಪ್ರಕಾರ 120. ಹೌದು ನೀವು ಓದುತ್ತಿರುವುದು ನಿಜ. ಒಂದು ಪಕ್ಷ ನಿಮಗೆ ನಾವು ಹೇಳುತ್ತಿರುವುದು ಖಾತ್ರಿಯಾಗದಿದ್ದರೆ ಗೂಗಲ್​ ಸರ್ಚ್​ಗೆ ಹೋಗಿ ಪರಿಶೀಲಿಸಿ. ಅವರು ಹುಟ್ಟಿದ್ದು 27 ಮೇ, 1901ರಲ್ಲಿ ಅಂತ ಅದು ತೋರಿಸುತ್ತದೆ. ಹಾಗೆ ನೋಡಿದರೆ, ಅವರ ಇತರ ಎಲ್ಲ ದಾಖಲೆಗಳನ್ನು ಗೂಗಲ್ ಸರಿಯಾಗಿ ತೋರಿಸುತ್ತಿದೆ. ಅವರ ಮದುವೆ ಬಗ್ಗೆ ಗೂಗಲ್ ಪೇಜ್​ಗಳಲ್ಲಿ ದಾಖಲಾಗಿರುವ ದಿನಾಂಕ ಸರಿಯಾಗಿದೆ. ಆದರೆ ಸರ್ಚ್​ ಬಾರ್​ನಲ್ಲಿ ನೀವು ರವಿ ಶಾಸ್ತ್ರೀ ವಯಸ್ಸು ಎಂದು ನಮೂದಿಸುತ್ತಿದ್ದಂತೆ ಅದು 120 ವರ್ಷ್​ಗಳೆಂದು ತೋರಿಸುತ್ತದೆ.

ರವಿ ಶಾಸ್ತ್ರೀ ಗೂಗಲ್ ಪೇಜ್

ಅಸಲಿಗೆ ರವಿ ಶಾಸ್ತ್ರೀ ಹುಟ್ಟಿದ್ದು 27 ಮೇ, 1962ರಂದು, ಅಂದರೆ ಅವರು ವಯಸ್ಸು ಈಗ 58 ವರ್ಷ. ಗೂಗಲ್​ಗೆಯಾಕೆ ಅವರ ವಯಸ್ಸನ್ನು ದುಪ್ಪಟ್ಟು ಮಾಡಿ ದಾಖಲಿಸುವ ಮನಸ್ಸು ಬಂತೋ?

Published On - 11:30 pm, Fri, 5 February 21