The Ashes 2021-22: ಇಂದಿನಿಂದ ಆ್ಯಶಸ್ ಸರಣಿಯ ಎರಡನೇ ಟೆಸ್ಟ್​​: ಅಹರ್ನಿಶಿ ಪಂದ್ಯಕ್ಕೆ ರೆಡಿಯಾದ ಆಸ್ಟ್ರೇಲಿಯಾ- ಇಂಗ್ಲೆಂಡ್

Australia vs England, 2nd Test: ಹಗಲು-ರಾತ್ರಿ ಟೆಸ್ಟ್‌ ಪಂದ್ಯಗಳ 6 ವರ್ಷಗಳ ಇತಿಹಾಸವನ್ನು ಗಮನಿಸಿದರೆ ಅಲ್ಲಿ ಆಸ್ಟ್ರೇಲಿಯಾ ಮೇಲುಗೈ ಸಾಧಿಸಿದೆ. ಆಡಿದ ಎಂಟೂ ಟೆಸ್ಟ್‌ಗಳಲ್ಲಿ ಗೆದ್ದ ಹಿರಿಮೆ ಕಾಂಗರೂಗಳದು.

The Ashes 2021-22: ಇಂದಿನಿಂದ ಆ್ಯಶಸ್ ಸರಣಿಯ ಎರಡನೇ ಟೆಸ್ಟ್​​: ಅಹರ್ನಿಶಿ ಪಂದ್ಯಕ್ಕೆ ರೆಡಿಯಾದ ಆಸ್ಟ್ರೇಲಿಯಾ- ಇಂಗ್ಲೆಂಡ್
Australia vs England 1st Test
TV9kannada Web Team

| Edited By: Vinay Bhat

Dec 16, 2021 | 7:07 AM

ಪ್ರತಿಷ್ಠಿತ ಆ್ಯಶಸ್ (The Ashes) ಸರಣಿಯ ಎರಡನೇ ಟೆಸ್ಟ್ ಪಂದ್ಯ ಇಂದಿನಿಂದ ಆರಂಭವಾಗಲಿದೆ. ಅಡಿಲೇಡ್ ಓವಲ್​ನಲ್ಲಿ ನಡೆಯಲಿರುವ ಆಸ್ಟ್ರೇಲಿಯಾ ಹಾಗೂ ಇಂಗ್ಲೆಂಡ್ (Australia vs England) ನಡುವಣ ಪಂದ್ಯ ಅಹರ್ನಿಶಿಯಾಗಿ ನಡೆಯಲಿದ್ದು ಡೇ ನೈಟ್ ಪಂದ್ಯದಲ್ಲಿ (Day0Night Test Match) ಸಂಪೂರ್ಣ ಮೇಲುಗೈ ಸಾಧಿಸಿರುವ ದಾಖಲೆ ಹೊಂದಿರುವ ಆಸ್ಟ್ರೇಲಿಯಾ ಈ ಪಂದ್ಯದಲ್ಲಿಯೂ ಗೆಲ್ಲುವ ಸಂಪೂರ್ಣ ಆತ್ಮ ವಿಶ್ವಾಸದಲ್ಲಿದೆ. ಬ್ರಿಸ್ಬೇನ್‌ನಲ್ಲಿ ಸಾಧಿಸಿದ 9 ವಿಕೆಟ್‌ ಗೆಲುವು ಕೂಡ ಕಾಂಗರೂಗಳ ಉತ್ಸಾಹವನ್ನು ಹೆಚ್ಚಿಸುವುದರಲ್ಲಿ ಅನುಮಾನವಿಲ್ಲ. ಹಗಲು-ರಾತ್ರಿ ಟೆಸ್ಟ್‌ ಪಂದ್ಯಗಳ 6 ವರ್ಷಗಳ ಇತಿಹಾಸವನ್ನು ಗಮನಿಸಿದರೆ ಅಲ್ಲಿ ಆಸ್ಟ್ರೇಲಿಯಾ ಮೇಲುಗೈ ಸಾಧಿಸಿದೆ. ಆಡಿದ ಎಂಟೂ ಟೆಸ್ಟ್‌ಗಳಲ್ಲಿ ಗೆದ್ದ ಹಿರಿಮೆ ಕಾಂಗರೂಗಳದು. ಇದರಲ್ಲಿ 4 ಗೆಲುವು ಅಡಿಲೇಡ್‌ನ‌ಲ್ಲೇ ಒಲಿದಿದೆ. 2017ರಲ್ಲಿ ಇಂಗ್ಲೆಂಡ್‌ ವಿರುದ್ಧ 120 ರನ್‌ ಗೆಲುವು ಸಾಧಿಸಿದ್ದು ಇದೇ ಅಂಗಳದಲ್ಲಿ. ಇಂಗ್ಲೆಂಡ್ ಆಡಿದ ನಾಲ್ಕು ಡೇನೈಟ್ ಟೆಸ್ಟ್ ಪಂದ್ಯಗಳ ಪೈಕಿ ಮೂರರಲ್ಲಿ ಸೋಲು ಅನುಭವಿಸಿದೆ.

ತಮ್ಮ ಮೊದಲ ಟೆಸ್ಟ್‌ ಕ್ಯಾಪ್ಟನ್ಸಿಯನ್ನು ಅತ್ಯಂತ ಯಶಸ್ವಿಯಾಗಿ ನಿಭಾಯಿಸಿರುವ ಆಸೀಸ್​ನ ಪ್ಯಾಟ್‌ ಕಮಿನ್ಸ್‌ ಬೌಲಿಂಗ್‌ನಲ್ಲೂ ಘಾತಕವಾಗಿ ಪರಿಣಮಿಸಿರುವುದು ಆಸ್ಟ್ರೇಲಿಯದ ಪಾಲಿಗೊಂದು ಸಿಹಿ ಸುದ್ದಿ. ಆದರೆ ಮತ್ತೋರ್ವ ವೇಗಿ ಜೋಶ್‌ ಹ್ಯಾಝಲ್‌ವುಡ್‌ ಗಾಯಾಳಾಗಿ ಹೊರಬಿದ್ದಿದ್ದಾರೆ. ಈ ಸ್ಥಾನದಲ್ಲಿ ಜೇ ರಿಚರ್ಡ್‌ಸನ್‌ ಕಾಣಿಸಿಕೊಳ್ಳಲಿರು ವುದರಿಂದ ಹೆಚ್ಚಿನ ಆತಂಕವೇನೂ ಇಲ್ಲ. ಅಗ್ರ ಕ್ರಮಾಂಕದ ಬ್ಯಾಟರ್ ಡೇವಿಡ್‌ ವಾರ್ನರ್‌ ಮೊದಲ ಟೆಸ್ಟ್‌ ವೇಳೆ ಗಾಯಾಳಾಗಿದ್ದರೂ ಆಡುವುದು ಬಹುತೇಕ ಖಚಿತ ಎನ್ನಲಾಗಿದೆ. ಮೆನೆಗೆ ತೆರಳಿದ ಅವರು ಈಗಾಗಲೇ ಅಡಿಲೇಡ್‌ಗೆ ಆಗಮಿಸಿ ತಂಡವನ್ನು ಕೂಡಿಕೊಂಡಿದ್ದಾರೆ. ಬ್ಯಾಟಿಂಗ್ – ಬೌಲಿಂಗ್ ಎರಡು ವಿಭಾಗದಲ್ಲಿ ಸುಧಾರಿಸಬೇಕಾಗಿರುವ ಇಂಗ್ಲೆಂಡ್, ಎರಡನೇ ಟೆಸ್ಟ್​ನಲ್ಲಿ ಯಾವರೀತಿ ಕಮ್​ಬ್ಯಾಕ್ ಮಾಡುತ್ತೆ ಎಂಬುದುನ್ನು ನೋಡಬೇಕಿದೆ.

ಅಡಿಲೇಡ್ ಪಿಚ್:

ಅಡಿಲೇಡ್ ಪಿಚ್‌ನಲ್ಲಿ ಮೊದಲ ಮೂರು ದಿನಗಳ ಕಾಲ ಬ್ಯಾಟಿಂಗ್‌ಗೆ ಉತ್ತಮವಾಗಿರಲಿದೆ. ಈ ಅವಧಿಯಲ್ಲಿ ಪಿಚ್ ಹೆಚ್ಚು ಫ್ಲ್ಯಾಟ್ ಆಗಿರುವುದು ಬ್ಯಾಟರ್‌ಗಳಿಗೆ ನೆರವಾಗಬಹುದು. ಜೊತೆಗೆ ಸ್ಪಿನ್ನರ್‌ಗಳಿಗೆ ಕೂಡ ಸ್ವಲ್ಪ ನೆರವನ್ನು ನೀಡುವ ಸಾಧ್ಯತೆಯಿದೆ. ಇನ್ನು ಅಡಿಲೇಡ್ ಮೈದಾನದ ಅಂಕಿಅಂಶವನ್ನು ನೋಡಿದರೆ ಇಲ್ಲಿ ಆಡಿದ 79 ಟೆಸ್ಟ್ ಪಂದ್ಯಗಳ ಪೈಕಿ ಮೊದಲು ಬ್ಯಾಟಿಂಗ್ ಮಾಡಿದ ತಂಡಗಳು 38 ಬಾರಿ ಗೆದ್ದಿದ್ದರೆ ನಂತರ ಬ್ಯಾಟಿಂಗ್ ಮಾಡಿದ ನಂತರ 22 ಬಾರಿ ಗೆಲುವು ಸಾಧಿಸಿದೆ. ಇನ್ನು ಈ ಮೈದಾನದ ಅತ್ಯಧಿಕ ಮೊತ್ತ 674 ಆಗಿದ್ದರೆ, ಕನಿಷ್ಠ ಮೊತ್ತ 82ಕ್ಕೆ ಆಲ್‌ಔಟ್ ಆಗಿದೆ.

ಅಡಿಲೇಡ್‌ ದಾಖಲೆಯೂ ಆಸ್ಟ್ರೇಲಿಯ ಪರವಾಗಿದೆ. ಇತ್ತಂಡಗಳು ಈವರೆಗೆ 32 ಸಲ ಮುಖಾಮುಖಿ ಆಗಿವೆ. ಆಸ್ಟ್ರೇಲಿಯ 18, ಇಂಗ್ಲೆಂಡ್‌ 9ರಲ್ಲಿ ಗೆದ್ದಿವೆ. 5 ಟೆಸ್ಟ್‌ ಡ್ರಾಗೊಂಡಿವೆ.

ಪಂದ್ಯ ಆರಂಭದ ಸಮಯ: ಭಾರತೀಯ ಕಾಲಮಾನ ಬೆಳಗ್ಗೆ 9:30ಕ್ಕೆ

ಸ್ಥಳ: ಅಡಿಲೇಡ್ ಓವಲ್, ಅಡಿಲೇಡ್

ಭಾರತದಲ್ಲಿ ನೇರಪ್ರಸಾರ: ಸೋನಿ ಸಿಕ್ಸ್ ಮತ್ತು ಸೋನಿ ಸಿಕ್ಸ್ ಎಚ್‌ಡಿ

ಲೈವ್ ಸ್ಟ್ರೀಮಿಂಗ್: ಸೋನಿ ಲಿವ್

Pro Kabaddi League: ಬೆಂಗಳೂರು ಬುಲ್ಸ್ ತಂಡಕ್ಕೆ ನಾಯಕ-ಉಪನಾಯಕನ ನೇಮಕ

(Ashes 2021 Here is all you need to know before the Australia vs England 2nd Test begins)

ತಾಜಾ ಸುದ್ದಿ

Follow us on

Most Read Stories

Click on your DTH Provider to Add TV9 Kannada