Pro Kabaddi League: ಬೆಂಗಳೂರು ಬುಲ್ಸ್ ತಂಡಕ್ಕೆ ನಾಯಕ-ಉಪನಾಯಕನ ನೇಮಕ
Bengaluru Bulls: ಪಿಕೆಎಲ್‌ನಲ್ಲಿ ಸೀಸನ್ 6 ರಲ್ಲಿ ಗುಜರಾತ್ ಫಾರ್ಚೂನ್‌ ಜೈಂಟ್ಸ್ ತಂಡವನ್ನು ಸೋಲಿಸುವ ಮೂಲಕ ಬೆಂಗಳೂರು ಬುಲ್ಸ್ ಚಾಂಪಿಯನ್ ಪಟ್ಟ ಅಲಂಕರಿಸಿತ್ತು.
Updated on: Dec 15, 2021 | 10:48 PM
ದೇಶೀಯ ಅಂಗಳದ ಮದಗಜಗಳ ಕಾಳಗಕ್ಕೆ ದಿನಗಣನೆ ಶುರುವಾಗಿದೆ. ಡಿಸೆಂಬರ್ 22 ರಿಂದ ಶುರುವಾಗಲಿರುವ 8ನೇ ಸೀಸನ್ ಪಂದ್ಯಾವಳಿಗೆ ಬೆಂಗಳೂರು ಬುಲ್ಸ್ ತಂಡ ಕೂಡ ಸಕಲ ರೀತಿಯಲ್ಲೂ ಸಜ್ಜಾಗಿದೆ. ಅದರಂತೆ ಈ ಬಾರಿ ಬೆಂಗಳೂರು ಬುಲ್ಸ್ ತಂಡವನ್ನು ಹಿರಿಯ ಆಟಗಾರ ಪವನ್ ಕುಮಾರ್ ಶೆಹ್ರಾವತ್ ಅವರು ಮುನ್ನಡೆಸಲಿದ್ದಾರೆ. ಹಾಗೆಯೇ ಪ್ರಮುಖ ಡಿಫೆಂಡರ್ ಮಹೇಂದರ್ ಸಿಂಗ್ ಅವರನ್ನು ತಂಡದ ಉಪನಾಯಕರನ್ನಾಗಿ ಮಾಡಲಾಗಿದೆ.
ಬೆಂಗಳೂರು ಬುಲ್ಸ್ ಪರ ಪವನ್ ಶೆಹ್ರಾವತ್ ಅವರ ಪ್ರದರ್ಶನ ಅದ್ಭುತವಾಗಿದೆ. ಇದಲ್ಲದೇ ಅವರು ಬೆಂಗಳೂರು ಬುಲ್ಸ್ ತಂಡದ ನಾಯಕರಾಗುತ್ತಿರುವುದು ಇದೇ ಮೊದಲಲ್ಲ. ಇದಕ್ಕೂ ಮುನ್ನ ಪಿಕೆಎಲ್ ಸೀಸನ್ 7 ರಲ್ಲಿಯೂ ಬುಲ್ಸ್ ತಂಡದ ಹಂಗಾಮಿ ನಾಯಕರಾಗಿ ಕಾಣಿಸಿಕೊಂಡಿದ್ದರು. ಇದೀಗ ಪೂರ್ಣಾವಧಿ ನಾಯಕನನ್ನಾಗಿ ಮಾಡಲಾಗಿದೆ.
ಪಿಕೆಎಲ್‌ನಲ್ಲಿ ಸೀಸನ್ 6 ರಲ್ಲಿ ಗುಜರಾತ್ ಫಾರ್ಚೂನ್‌ ಜೈಂಟ್ಸ್ (ಗುಜರಾತ್ ಜೈಂಟ್ಸ್) ತಂಡವನ್ನು ಸೋಲಿಸುವ ಮೂಲಕ ಬೆಂಗಳೂರು ಬುಲ್ಸ್ ಚಾಂಪಿಯನ್ ಪಟ್ಟ ಅಲಂಕರಿಸಿತ್ತು. ಆ ಸೀಸನ್ ಪವನ್ ಶೆಹ್ರಾವತ್ ಅದ್ಭುತ ಪ್ರದರ್ಶನ ನೀಡಿದ್ದರು. ಇನ್ನು ಕಳೆದ ಸೀಸನ್ನಲ್ಲೂ ಟೂರ್ನಿಯ ಅತ್ಯಂತ ಯಶಸ್ವಿ ರೈಡರ್ ಎಂದು ಸಾಬೀತುಪಡಿಸಿದ್ದರು. ಡಿಸೆಂಬರ್ 22 ರಂದು ಬೆಂಗಳೂರು ಬುಲ್ಸ್ ತಂಡವು ಮೊದಲ ಪಂದ್ಯವಾಡಲಿದ್ದು, ಇದಕ್ಕಾಗಿ ಈಗಾಗಲೇ ಅಭ್ಯಾಸವನ್ನು ಆರಂಭಿಸಿದೆ.
ಪ್ರೊ ಕಬಡ್ಡಿ ಲೀಗ್ನಲ್ಲಿ ಪವನ್ ಶೆಹ್ರಾವತ್ ಮತ್ತು ಮಹೇಂದರ್ ಸಿಂಗ್ ಪ್ರದರ್ಶನದ ಇಣುಕು ನೋಟ: ಬೆಂಗಳೂರು ತಂಡದ ನಾಯಕ ಪವನ್ ಶೆಹ್ರಾವತ್ ಇದುವರೆಗೆ ಪಿಕೆಎಲ್‌ನಲ್ಲಿ 80 ಪಂದ್ಯಗಳನ್ನು ಆಡಿದ್ದು, 716 ಅಂಕಗಳನ್ನು ಪಡೆದಿದ್ದಾರೆ. ಪವನ್ ಶೆಹ್ರಾವತ್ ರೇಡಿಂಗ್‌ನಲ್ಲಿ 682 ಮತ್ತು ಟ್ಯಾಕಲ್ ಮೂಲಕ 34 ಅಂಕಗಳನ್ನು ಗಳಿಸಿದ್ದಾರೆ. ಹಾಗೆಯೇ 31 ಸೂಪರ್ 10 ಮತ್ತು 26 ಸೂಪರ್ ರೈಡ್‌ಗಳನ್ನು ಮಾಡಿದ್ದಾರೆ. ಇನ್ನು ಪವನ್ ತಮ್ಮ ವೃತ್ತಿ ಜೀವನದಲ್ಲಿ 3 ಸೂಪರ್ ಟ್ಯಾಕಲ್ಸ್ ಕೂಡ ಮಾಡಿದ್ದಾರೆ.
ಮಹೇಂದರ್ ಸಿಂಗ್ ತಮ್ಮ PKL ವೃತ್ತಿಜೀವನದಲ್ಲಿ 67 ಪಂದ್ಯಗಳನ್ನು ಆಡಿದ್ದಾರೆ. ಇದರಲ್ಲಿ 182 ಅಂಕಗಳನ್ನು ಪಡೆದಿದ್ದಾರೆ. ಮಹೇಂದರ್ ಸಿಂಗ್ ರೇಡ್‌ನಲ್ಲಿ ಒಂದು ಪಾಯಿಂಟ್ ಮತ್ತು ಟ್ಯಾಕಲ್‌ನಿಂದ 181 ಪಾಯಿಂಟ್‌ಗಳನ್ನು ಗಳಿಸಿದ್ದಾರೆ. ತಮ್ಮ ವೃತ್ತಿಜೀವನದಲ್ಲಿ ಇಲ್ಲಿಯವರೆಗೆ, ಮಹೇಂದ್ರ ಸಿಂಗ್ 12 ಹೈ 5 ಮತ್ತು 15 ಸೂಪರ್ ಟ್ಯಾಕಲ್‌ಗಳನ್ನು ಮಾಡಿದ್ದಾರೆ.
ಬೆಂಗಳೂರು ಬುಲ್ಸ್ ತಂಡ ಹೀಗಿದೆ:
ಪವನ್ ಕುಮಾರ್ ಶೆಹ್ರಾವತ್ – ರೈಡರ್
ಅಮಿತ್ ಶಿಯೋರನ್ – ಡಿಫೆಂಡರ್
ಮೋಹಿತ್ ಸೆಹ್ರಾವತ್ – ಡಿಫೆಂಡರ್
ಬಂಟಿ – ರೈಡರ್
ಸೌರಭ್ ನಂದಾಲ್ – ಡಿಫೆಂಡರ್
ಜಿಯೌರ್ ರೆಹಮಾನ್ – ಡಿಫೆಂಡರ್
ಡಾಂಗ್ ಜಿಯಾನ್ ಲೀ –ರೈಡರ್
ಅಬೊಲ್ಫಜಲ್ ಮಘಸೌದ್ –ರೈಡರ್
ಮಹೇಂದರ್ ಸಿಂಗ್ –ಡಿಫೆಂಡರ್
ಚಂದ್ರನ್ ರಂಜಿತ್ – ರೈಡರ್
ಜಿಬಿ ಮೋರೆ –ರೈಡರ್
ದೀಪಕ್ ನರ್ವಾಲ್ –ರೈಡರ್
ಮಯೂರ್ ಜಗನ್ನಾಥ ಕದಮ್ – ಡಿಫೆಂಡರ್
ಅಂಕಿತ್ –ಡಿಫೆಂಡರ್
ವಿಕಾಸ್ –ಡಿಫೆಂಡರ್
ಇದನ್ನೂ ಓದಿ:Pro Kabaddi League 2021: ಪ್ರೊ ಕಬಡ್ಡಿ ಲೀಗ್ ವೇಳಾಪಟ್ಟಿ ಪ್ರಕಟ
ಇದನ್ನೂ ಓದಿ: IPL 2022: RCB ಮನೀಷ್ ಪಾಂಡೆಯನ್ನು ಯಾಕೆ ಖರೀದಿಸಬೇಕು ಅಂದರೆ…
ಇದನ್ನೂ ಓದಿ: Sourav Ganguly: ವಿರಾಟ್ ಕೊಹ್ಲಿ ಇಲ್ಲದಿದ್ದಾಗಲೂ ಟೀಮ್ ಇಂಡಿಯಾ ಕಪ್ ಗೆದ್ದಿದೆ!
ಇದನ್ನೂ ಓದಿ: IPL 2022: ಪಂಜಾಬ್ ಕಿಂಗ್ಸ್ಗೆ ಕನ್ನಡಿಗನೇ ಕಿಂಗ್ ಆಗುವ ಸಾಧ್ಯತೆ..!
(pro kabaddi league bengaluru bulls appoint pawan sehrawat captain pkl 8)
