Ashes 2021: ರೂಟ್-ಮಲನ್ ಔಟ್, ಹಳಿ ತಪ್ಪಿದ ಇಂಗ್ಲೆಂಡ್ ಇನ್ನಿಂಗ್ಸ್; ಗೆಲುವಿನತ್ತ ಆಸ್ಟ್ರೇಲಿಯಾ
Ashes 2021: ಅಡಿಲೇಡ್ನಲ್ಲಿ ನಡೆಯುತ್ತಿರುವ ಆ್ಯಶಸ್ ಸರಣಿಯ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತನ್ನ ಆಲ್ರೌಂಡರ್ ಆಟದ ಆಧಾರದ ಮೇಲೆ ಗೆಲುವಿನ ಸಮೀಪಕ್ಕೆ ಬಂದಿದೆ.
Updated on: Dec 19, 2021 | 9:28 PM
ಅಡಿಲೇಡ್ನಲ್ಲಿ ನಡೆಯುತ್ತಿರುವ ಆ್ಯಶಸ್ ಸರಣಿಯ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತನ್ನ ಆಲ್ರೌಂಡರ್ ಆಟದ ಆಧಾರದ ಮೇಲೆ ಗೆಲುವಿನ ಸಮೀಪಕ್ಕೆ ಬಂದಿದೆ. ಆತಿಥೇಯರು ಇಂಗ್ಲೆಂಡ್ ವಿರುದ್ಧ ಸತತ ಎರಡನೇ ಗೆಲುವು ದಾಖಲಿಸಲು ಮತ್ತು 2-0 ಮುನ್ನಡೆ ಸಾಧಿಸಲು ಆರು ವಿಕೆಟ್ಗಳ ಅಂತರದಲ್ಲಿದ್ದಾರೆ. ಅಡಿಲೇಡ್ ಓವಲ್ ಮೈದಾನದಲ್ಲಿ ನಡೆಯುತ್ತಿರುವ ಈ ಡೇ-ನೈಟ್ ಟೆಸ್ಟ್ ಪಂದ್ಯದ ನಾಲ್ಕನೇ ದಿನ ಆಸ್ಟ್ರೇಲಿಯಾ ಇಂಗ್ಲೆಂಡ್ ಎದುರು 468 ರನ್ಗಳ ಗುರಿ ನೀಡಿದೆ. ಈ ಬೃಹತ್ ಸ್ಕೋರ್ ಮುಂದೆ ಇಂಗ್ಲೆಂಡ್ ತಂಡ ಹೀನಾಯವಾಗಿ ತತ್ತರಿಸಿದೆ. ನಾಲ್ಕನೇ ದಿನದಾಟದ ಅಂತ್ಯಕ್ಕೆ ನಾಲ್ಕು ವಿಕೆಟ್ ಕಳೆದುಕೊಂಡು ಕೇವಲ 82 ರನ್ಗಳ ಖಾತೆಯಲ್ಲಿದೆ. ಇಂಗ್ಲೆಂಡ್ಗೆ ಆತಂಕದ ವಿಷಯವೆಂದರೆ ತಮ್ಮ ಇನ್-ಫಾರ್ಮ್ ಬ್ಯಾಟ್ಸ್ಮನ್ಗಳನ್ನು ಕಳೆದುಕೊಂಡಿದೆ. ಡೇವಿಡ್ ಮಲಾನ್ ಮತ್ತು ಜೋ ರೂಟ್ ಔಟಾಗಿದ್ದಾರೆ. ಇದೀಗ ಪಂದ್ಯದ ಐದನೇ ಹಾಗೂ ಕೊನೆಯ ದಿನದಂದು ಆರು ವಿಕೆಟ್ಗಳಲ್ಲಿ ಪಂದ್ಯವನ್ನು ಉಳಿಸುವುದು ಕಷ್ಟಕರವಾಗಿದೆ.
ಆಸ್ಟ್ರೇಲಿಯಾ ತನ್ನ ಮೊದಲ ಇನಿಂಗ್ಸ್ನಲ್ಲಿ ಒಂಬತ್ತು ವಿಕೆಟ್ಗಳ ನಷ್ಟಕ್ಕೆ 473 ರನ್ ಗಳಿಸಿ ಡಿಕ್ಲೇರ್ ಮಾಡಿಕೊಂಡಿತು. ಆಸೀಸ್ ಬೌಲರ್ಗಳು ಮೊದಲ ಇನ್ನಿಂಗ್ಸ್ನಲ್ಲಿ ಇಂಗ್ಲೆಂಡ್ ಅನ್ನು 236 ರನ್ಗಳಿಗೆ ಆಲೌಟ್ ಮಾಡಿದ್ದರು. ನಂತರ ಆಸ್ಟ್ರೇಲಿಯ ನಾಲ್ಕನೇ ದಿನದಂತ್ಯಕ್ಕೆ ಒಂಬತ್ತು ವಿಕೆಟ್ ನಷ್ಟಕ್ಕೆ 230 ರನ್ ಗಳಿಸಿ ಎರಡನೇ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು.
ಇಂಗ್ಲೆಂಡ್ ಬ್ಯಾಟ್ಸ್ಮನ್ ಮತ್ತೊಮ್ಮೆ ವಿಫಲರಾಗಿದ್ದಾರೆ ಎರಡನೇ ಇನಿಂಗ್ಸ್ನಲ್ಲಿ ಇಂಗ್ಲೆಂಡ್ಗೆ ಮತ್ತೆ ಉತ್ತಮ ಆರಂಭ ಸಿಗಲಿಲ್ಲ. ಝೈ ರಿಚರ್ಡ್ಸನ್ ಎರಡನೇ ಓವರ್ನಲ್ಲಿ ಹಸೀಬ್ ಹಮೀದ್ಗೆ ಪೆವಿಲಿಯನ್ ದಾರಿ ತೋರಿಸಿದರು. ಇದಾದ ಬಳಿಕ ಮೊದಲ ಟೆಸ್ಟ್ ಪಂದ್ಯವನ್ನಾಡುತ್ತಿರುವ ಮೈಕಲ್ ನಾಸರ್ ಫಾರ್ಮ್ ನಲ್ಲಿದ್ದ ಡೇವಿಡ್ ಮಲಾನ್ ರನ್ನು ಎಲ್ ಬಿಡಬ್ಲ್ಯೂ ಮಾಡಿದರು. ಮಲಾನ್ 20 ರನ್ ಗಳಿಸಿ ಔಟಾದರು. ರೋರಿ ಬರ್ನ್ಸ್ ಬಹಳ ಸಮಯದಿಂದ ರನ್ಗಾಗಿ ಹೋರಾಡುತ್ತಿದ್ದು ಅವರು ಪ್ರಾರಂಭಿಸಿದ ರೀತಿಯಲ್ಲಿ, ಇಂದು ಅದ್ಭುತ ಪ್ರದರ್ಶನ ನೀಡುತ್ತಾರೆ ಎಂದು ತೋರುತ್ತಿತ್ತು. ಆದರೆ ಜ್ಯೆ ರಿಚರ್ಡ್ಸನ್ ಅವರ ಇನ್ನಿಂಗ್ಸ್ ಅನ್ನು 34 ರನ್ಗಳಿಗೆ ಕೊನೆಗೊಳಿಸಿದರು. ಮಲಾನ್ ನಿರ್ಗಮನದ ನಂತರ, ಜೋ ರೂಟ್ ಮೇಲೆ ಎಲ್ಲರ ಭರವಸೆ ಇತ್ತು, ಆದರೆ ಮಿಚೆಲ್ ಸ್ಟಾರ್ಕ್ ಅವರನ್ನು ಬಲಿ ಪಡೆದರು. ಇದರೊಂದಿಗೆ ನಾಲ್ಕನೇ ದಿನದ ಆಟವನ್ನು ಅಂತ್ಯಗೊಳಿಸಲಾಯಿತು.
ಆಸ್ಟ್ರೇಲಿಯಾದ ಇನ್ನಿಂಗ್ಸ್ ಹೀಗಿತ್ತು ನಾಲ್ಕನೇ ದಿನದಾಟ ಆರಂಭಿಸಿದ ಆಸ್ಟ್ರೇಲಿಯಾ ತನ್ನ ಎರಡನೇ ಇನ್ನಿಂಗ್ಸ್ನಲ್ಲಿ ಒಂದು ವಿಕೆಟ್ ನಷ್ಟಕ್ಕೆ 45 ರನ್ ಗಳಿಸಿತು. ನೈಟ್ವಾಚ್ಮನ್ ಮೈಕೆಲ್ ನಾಸರ್ ಅವರನ್ನು ವಜಾ ಮಾಡುವ ಮೂಲಕ ಜೇಮ್ಸ್ ಆಂಡರ್ಸನ್ ಇಂಗ್ಲೆಂಡ್ಗೆ ದಿನದ ಮೊದಲ ಹೊಡೆತವನ್ನು ನೀಡಿದರು. ನಂತರ ಸ್ಟುವರ್ಟ್ ಬ್ರಾಡ್ ಮಾರ್ಕಸ್ ಹ್ಯಾರಿಸ್ಗೆ ಪೆವಿಲಿಯನ್ ಹಾದಿ ತೋರಿಸಿದರು. ಈ ಪಂದ್ಯದಲ್ಲಿ ತಂಡದ ನಾಯಕರಾಗಿದ್ದ ಸ್ಟೀವ್ ಸ್ಮಿತ್ ಕೇವಲ ಆರು ರನ್ ಗಳಿಸಿ ಔಟಾದರು. ನಂತರ ಟ್ರಾವಿಸ್ ಹೆಡ್ ಮತ್ತು ಮಾರ್ನಸ್ ಲ್ಯಾಬುಸ್ಚಾಗ್ನೆ 96 ರನ್ ಜೊತೆಯಾಟವನ್ನು ಹಂಚಿಕೊಂಡರು. ಟ್ರಾವಿಸ್ ಹೆಡ್ ಅವರನ್ನು ವಜಾ ಮಾಡುವ ಮೂಲಕ ಆಲಿ ರಾಬಿನ್ಸನ್ ಈ ಜೊತೆಯಾಟವನ್ನು ಮುರಿದರು. ಅವರು 54 ಎಸೆತಗಳಲ್ಲಿ ಏಳು ಬೌಂಡರಿಗಳ ನೆರವಿನಿಂದ 51 ರನ್ ಗಳಿಸಿದರು.
51 ರನ್ ಗಳಿಸಿದ ನಂತರ ಲ್ಯಾಬುಸ್ಚಾಗ್ನೆ ಕೂಡ ಔಟಾದರು. ಅವರನ್ನು ಡೇವಿಡ್ ಮಲಾನ್ ವಜಾಗೊಳಿಸಿದರು. ಅಲೆಕ್ಸ್ ಕ್ಯಾರಿ ಆರು ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು. ಮಿಚೆಲ್ ಸ್ಟಾರ್ಕ್ 19 ರನ್ ಗಳಿಸಿದರು. ಮಲಾನ್ ಝೈ ರಿಚರ್ಡ್ಸನ್ ಅವರನ್ನು ಔಟ್ ಮಾಡಿದರು. ಇದರೊಂದಿಗೆ ಆಸ್ಟ್ರೇಲಿಯಾ ತನ್ನ ಇನ್ನಿಂಗ್ಸ್ ಅನ್ನು ಡಿಕ್ಲೇರ್ ಮಾಡಿಕೊಂಡಿತು. ಇಂಗ್ಲೆಂಡ್ ಪರ ರೂಟ್, ಮಲಾನ್ ಮತ್ತು ರಾಬಿನ್ಸನ್ ತಲಾ ಎರಡು ವಿಕೆಟ್ ಪಡೆದರು. ಆಂಡರ್ಸನ್, ಬ್ರಾಡ್ ಒಂದು ವಿಕೆಟ್ ಪಡೆದರು.
