India vs Australia Highlights, WTC Final 2023 Day 4: ಭಾರತಕ್ಕೆ ಕೊಹ್ಲಿ- ರಹಾನೆ ಬಲ; ಕೊನೆಯ ದಿನದಲ್ಲಿ 280 ರನ್ ಬೇಕು

91 ರನ್‌ಗಳಿಗೆ ಒಂದು ವಿಕೆಟ್ ಕಳೆದುಕೊಂಡಿದ್ದ ಭಾರತ, ನಂತರ 92 ರನ್‌ಗಳಿಗೆ ರೋಹಿತ್ ಮತ್ತು 93 ರನ್‌ಗಳಿಗೆ ಚೇತೇಶ್ವರ ಪೂಜಾರ ಅವರನ್ನು ಕಳೆದುಕೊಂಡಿದೆ. ಪೂಜಾರ ಕಮ್ಮಿನ್ಸ್ ಎಸೆತದಲ್ಲಿ ಕ್ಯಾರಿಗೆ ಕ್ಯಾಚ್ ನೀಡಿ ಔಟಾದರು. ಪೂಜಾರ 27 ರನ್ ಗಳಿಸಲಷ್ಟೇ ಶಕ್ತರಾದರು.

ನಾಥನ್ ಲಿಯಾನ್ ಭಾರತಕ್ಕೆ ಬಿಗ್ ಶಾಕ್ ನೀಡಿದ್ದಾರೆ. ರೋಹಿತ್ ಶರ್ಮಾ ಅವರನ್ನು ಎಲ್​ಬಿಡಬ್ಲ್ಯು ಔಟ್ ಮಾಡುವ ಲಿಯಾನ್ ಮೂಲಕ ಭಾರತಕ್ಕೆ ಎರಡನೇ ಹೊಡೆತ ನೀಡಿದ್ದಾರೆ. ರೋಹಿತ್ 43 ರನ್ ಗಳಿಸಿ ಪೆವಿಲಿಯನ್​ಗೆ ಮರಳಿದರು

ಭಾರತದ ಸ್ಕೋರ್ 50 ರನ್ ದಾಟಿದೆ. ಶುಭಮನ್ ಗಿಲ್ ಔಟಾದ ನಂತರ ರೋಹಿತ್ ಶರ್ಮಾಗೆ ಚೇತೇಶ್ವರ ಪೂಜಾರ ಉತ್ತಮ ಸಾಥ್ ನೀಡುತ್ತಿದ್ದಾರೆ.

ಶುಭಮನ್ ಗಿಲ್ ಔಟಾಗಿದ್ದಾರೆ. ಅದ್ಭುತ ಡೈವಿಂಗ್ ಮಾಡುವ ಮೂಲಕ ಗ್ರೀನ್ ಅದ್ಭುತ ಕ್ಯಾಚ್ ಪಡೆದರು. ಗಿಲ್ 18 ರನ್ ಗಳಿಸಿ ಪೆವಿಲಿಯನ್​ಗೆ ಮರಳಬೇಕಾಯಿತು. ಭಾರತ 41 ರನ್‌ಗಳಿಗೆ ಮೊದಲ ವಿಕೆಟ್ ಕಳೆದುಕೊಂಡಿದೆ. ಇದರೊಂದಿಗೆ 2ನೇ ಸೆಷನ್ ಕೂಡ ಮುಗಿದಿದೆ.

ಭಾರತದ ಇನ್ನಿಂಗ್ಸ್ ಶುರುವಾಗಿದೆ ಟೀಂ ಇಂಡಿಯಾಗೆ 444 ರನ್ ಟಾರ್ಗೆಟ್ ಸಿಕ್ಕಿದೆ. ರೋಹಿತ್ ಶರ್ಮಾ ಅವರೊಂದಿಗೆ ಶುಭಮನ್ ಗಿಲ್ ಇನ್ನಿಂಗ್ಸ್ ಆರಂಭಿಸಿದ್ದಾರೆ.

ಆಸ್ಟ್ರೇಲಿಯಾ ಇನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿದೆ. ಆಸ್ಟ್ರೇಲಿಯ 2ನೇ ಇನಿಂಗ್ಸ್‌ನಲ್ಲಿ ಎಂಟು ವಿಕೆಟ್ ನಷ್ಟಕ್ಕೆ 270 ರನ್ ಗಳಿಸಿ ಡಿಕ್ಲೇರ್ ಮಾಡಿಕೊಂಡಿದೆ. ಭಾರತಕ್ಕೆ 444 ರನ್‌ಗಳ ಗುರಿ ನೀಡಿದೆ.

ಆಸ್ಟ್ರೇಲಿಯಾದ ಏಳನೇ ವಿಕೆಟ್ ಪತನಗೊಂಡಿದೆ. ಮೊಹಮ್ಮದ್ ಶಮಿ ಎಸೆತದಲ್ಲಿ ಮಿಚೆಲ್ ಸ್ಟಾರ್ಕ್, ಸ್ಲಿಪ್‌ನಲ್ಲಿ ವಿರಾಟ್ ಕೊಹ್ಲಿ ಕ್ಯಾಚಿತ್ತು ಔಟಾದರು.

ಮಿಚೆಲ್ ಸ್ಟಾರ್ಕ್ – 41 ರನ್, 57 ಎಸೆತಗಳು 7×4

ಅಲೆಕ್ಸ್ ಕ್ಯಾರಿ ಎರಡನೇ ಇನ್ನಿಂಗ್ಸ್‌ನಲ್ಲಿ ಅರ್ಧಶತಕ ಪೂರೈಸಿದ್ದಾರೆ. 77ನೇ ಓವರ್​ನ ಮೊದಲ ಎಸೆತದಲ್ಲಿ ಸಿಂಗಲ್ ರನ್ ಗಳಿಸುವ ಮೂಲಕ ಕ್ಯಾರಿ ಅರ್ಧಶತಕ ಪೂರೈಸಿದರು.

ನಾಲ್ಕನೇ ದಿನದ ಮೊದಲ ಸೆಷನ್ ಮುಗಿದಿದೆ. ಈ ಸೆಷನ್​ನಲ್ಲಿ ಆಸ್ಟ್ರೇಲಿಯಾ 77 ರನ್ ಗಳಿಸಿ ಎರಡು ವಿಕೆಟ್ ಕಳೆದುಕೊಂಡಿತು. ಸದ್ಯ ಆಸ್ಟ್ರೇಲಿಯಾ 374 ರನ್‌ಗಳ ಮುನ್ನಡೆ ಸಾಧಿಸಿದೆ.

ಅಲೆಕ್ಸ್ ಕ್ಯಾರಿ ರವೀಂದ್ರ ಜಡೇಜಾ ಎಸೆತದಲ್ಲಿ ಬೌಂಡರಿ ಬಾರಿಸುವ ಮೂಲಕ ತಂಡದ 200 ರನ್ ಪೂರೈಸಿದರು. 69ನೇ ಓವರ್‌ನ ಐದನೇ ಎಸೆತದಲ್ಲಿ ಆಸ್ಟ್ರೇಲಿಯಾ ದ್ವಿಶತಕ ಪೂರೈಸಿತು.

ಭಾರತ ಎದುರು ನೋಡುತ್ತಿದ್ದ ದೊಡ್ಡ ವಿಕೆಟ್ ಸಿಕ್ಕಿದೆ.ಜಡೇಜಾ ಕ್ಯಾಮರೂನ್ ಗ್ರೀನ್ ಅವರನ್ನು ಔಟ್ ಮಾಡಿದ್ದಾರೆ. 63ನೇ ಓವರ್‌ನ ಕೊನೆಯ ಚೆಂಡು ಗ್ರೀನ್ ಅವರ ಗ್ಲೌಸ್‌ಗೆ ಹೊಡೆದು ಸ್ಟಂಪ್‌ಗೆ ಬಡಿಯಿತು.

ಎರಡನೇ ಇನ್ನಿಂಗ್ಸ್‌ನಲ್ಲಿ ಆಸ್ಟ್ರೇಲಿಯಾ 150 ರನ್ ಗಳಿಸಿದೆ. 57ನೇ ಓವರ್‌ನಲ್ಲಿ ಗ್ರೀನ್ ಒಂದು ರನ್ ತೆಗೆದುಕೊಳ್ಳುವ ಮೂಲಕ ತಮ್ಮ ತಂಡದ 150 ರನ್‌ಗಳನ್ನು ಪೂರ್ಣಗೊಳಿಸಿದರು.

ಮಾರ್ನಸ್ ಲಬುಶೆನ್ ಔಟಾಗಿದ್ದಾರೆ. ದಿನದ ಮೊದಲ ಓವರ್‌ನ ನಾಲ್ಕನೇ ಎಸೆತದಲ್ಲಿ ಉಮೇಶ್ ಯಾದವ್ ಲಬುಶೆನ್ ಅವರನ್ನು ಔಟ್ ಮಾಡಿದರು.

4ನೇ ದಿನದ ಆಟ ಶುರುವಾಗಿದೆ. ಮಾರ್ನಸ್ ಲಬುಶೇನ್ ಮತ್ತು ಕ್ಯಾಮರೂನ್ ಗ್ರೀನ್ ಕ್ರೀಸ್​ನಲ್ಲಿದ್ದಾರೆ. ಭಾರತದ ಉಮೇಶ್ ಯಾದವ್ ಮೊದಲ ಓವರ್ ಎಸೆಯುತ್ತಿದ್ದಾರೆ.

ಆಸ್ಟ್ರೇಲಿಯಾ ಮೊದಲ ಇನಿಂಗ್ಸ್: 469 ಆಲೌಟ್

ಟೀಂ ಇಂಡಿಯಾ ಮೊದಲ ಇನಿಂಗ್ಸ್: 296 ಆಲೌಟ್, ಆಸ್ಟ್ರೇಲಿಯಾ 173 ರನ್ ಮುನ್ನಡೆ.

ಆಸ್ಟ್ರೇಲಿಯಾ 2ನೇ ಇನಿಂಗ್ಸ್: 123-4, 44 ಓವರ್‌ಗಳು, ಒಟ್ಟು 296 ರನ್‌ಗಳ ಮುನ್ನಡೆ.