IND vs ENG: ಆಂಗ್ಲರ ವಿರುದ್ಧ ಅಬ್ಬರದ ಶತಕ ಸಿಡಿಸಿದ ಪಂತ್ಗೆ ಕ್ರಿಕೆಟ್ ದಂತೆಕಥೆಗಳ ಶಹಬ್ಬಾಸ್ಗಿರಿ..!
Rishabh Pant: ಸಚಿನ್ ತೆಂಡೂಲ್ಕರ್ ಟ್ವಿಟರ್‌ನಲ್ಲಿ, ಒಂದೇ ಪದದಲ್ಲಿ ಹೇಳಬೇಕೆಂದರೆ ಪಂತ್ ಒಬ್ಬ ಅದ್ಭುತ ಆಟಗಾರ. ಕಷ್ಟದ ಸಮಯದಲ್ಲಿ ರವೀಂದ್ರ ಜಡೇಜಾ ಕೂಡ ಉತ್ತಮ ಇನ್ನಿಂಗ್ಸ್ ಆಡಿದರು. ಜೊತೆಗೆ ಈ ಇಬ್ಬರ ಎಲ್ಲಾ ಹೊಡೆತಗಳು ಉತ್ತಮವಾಗಿದ್ದವು ಎಂದಿದ್ದಾರೆ.
ಭಾರತದ ಇಂಗ್ಲೆಂಡ್ ವಿರುದ್ಧದ ಐದನೇ ಟೆಸ್ಟ್ ಸದ್ಯ ಎಡ್ಜ್‌ಬಾಸ್ಟನ್‌ನಲ್ಲಿ ನಡೆಯುತ್ತಿದೆ. ಟೀಂ ಇಂಡಿಯಾದ ರಿಷಬ್ ಪಂತ್ (Rishabh Pant) ಮತ್ತು ಭಾರತದ ಸ್ಟಾರ್ ಆಲ್ ರೌಂಡರ್ ರವೀಂದ್ರ ಜಡೇಜಾ (Rabindra Jadeja) ಮೊದಲ ದಿನ ಭಾರತವನ್ನು ಸಂಕಷ್ಟದಿಂದ ಪಾರು ಮಾಡಿದರು. ಇಂಗ್ಲೆಂಡ್ ವಿರುದ್ಧದ ಐದನೇ ಟೆಸ್ಟ್‌ನ ಮೊದಲ ದಿನದಂದು, ಪಂತ್ ಭಾರತದ ಮೊದಲ ಇನ್ನಿಂಗ್ಸ್‌ನಲ್ಲಿ 111 ಎಸೆತಗಳಲ್ಲಿ 147 ರನ್ ಗಳಿಸಿದರು. ಇದರ ನಂತರ, ಭಾರತದ ಯುವ ವಿಕೆಟ್ ಕೀಪರ್-ಬ್ಯಾಟ್ಸ್‌ಮನ್ ವಿಶ್ವ ಕ್ರಿಕೆಟ್ ದಂತಕಥೆಗಳಿಂದ ಪ್ರಶಂಸೆ ಪಡೆಯುತ್ತಿದ್ದಾರೆ. ಪಂಥ್-ಜಡೇಜಾ ಫೈಟಿಂಗ್ ಜೊತೆಯಾಟ ಟೀಂ ಇಂಡಿಯಾಗೆ ಒತ್ತಡದ ನಡುವೆಯೂ ಸಮಾಧಾನದ ಸ್ಥಾನ ನೀಡಿತು. ಇದರಿಂದಾಗಿ ಸೌರವ್, ಸಚಿನ್,ಹರ್ಭಜನ್ (Sourav-Sachin-Harbhajan) ಟ್ವಿಟ್ಟರ್ನಲ್ಲಿ ಪಂತ್-ಜಡೇಜಾರನ್ನು ಹೊಗಳಿದ್ದಾರೆ. ಅದಲ್ಲದೆ ಇಂದು ಎರಡನೇ ದಿನದ ಟೆಸ್ಟ್ ಪಂದ್ಯಕ್ಕೂ ಮಹಾರಾಜ್ ಟೀಂ ಇಂಡಿಯಾಗೆ ಟಾರ್ಗೆಟ್ ನೀಡಿದ್ದಾರೆ.
ಕ್ರಿಕೆಟ್ ದಂತಕಥೆಗಳ ಶಹಬ್ಬಾಸ್ಗಿರಿ
ಪಂಥ್-ಜಡೇಜಾ ಆರನೇ ವಿಕೆಟ್‌ಗೆ 222 ರನ್‌ಗಳ ಜೊತೆಯಾಟ ನೀಡಿದರು. ಇದನ್ನು ಮೆಚ್ಚಿದ ಸಚಿನ್ ತೆಂಡೂಲ್ಕರ್ ಟ್ವಿಟರ್‌ನಲ್ಲಿ, ಒಂದೇ ಪದದಲ್ಲಿ ಹೇಳಬೇಕೆಂದರೆ ಪಂತ್ ಒಬ್ಬ ಅದ್ಭುತ ಆಟಗಾರ. ಕಷ್ಟದ ಸಮಯದಲ್ಲಿ ರವೀಂದ್ರ ಜಡೇಜಾ ಕೂಡ ಉತ್ತಮ ಇನ್ನಿಂಗ್ಸ್ ಆಡಿದರು. ಜೊತೆಗೆ ಈ ಇಬ್ಬರ ಎಲ್ಲಾ ಹೊಡೆತಗಳು ಉತ್ತಮವಾಗಿದ್ದವು ಎಂದಿದ್ದಾರೆ.
Simply awesome @RishabhPant17! Well done.?
Crucial innings by @imjadeja. Rotated the strike well and played some amazing shots.#ENGvIND pic.twitter.com/9ACuhVlGTT
— Sachin Tendulkar (@sachin_rt) July 1, 2022
ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಕೂಡ ಎಡ್ಜ್‌ಬಾಸ್ಟನ್ ಟೆಸ್ಟ್‌ನ ಎರಡನೇ ದಿನಕ್ಕೆ ಟೀಂ ಇಂಡಿಯಾಗೆ ಟಾರ್ಗೆಟ್ ನೀಡಿದ್ದಾರೆ. ಮತ್ತು ಟ್ವಿಟರ್‌ನಲ್ಲಿ, ಪಂತ್ ಮತ್ತು ಜಡೇಜಾ ಅವರು ಒತ್ತಡದಲ್ಲಿ ಟೆಸ್ಟ್ ಪಂದ್ಯಗಳಲ್ಲಿ ಬ್ಯಾಟಿಂಗ್‌ನ ವಿಶೇಷ ಪ್ರದರ್ಶನವನ್ನು ನೀಡಿದ್ದಾರೆ. ಇದಕ್ಕಿಂತ ಉತ್ತಮವಾದದ್ದು ಯಾವುದೂ ಇರಲಾರದು. ಎರಡನೇ ದಿನ 365 ರನ್ ತಲುಪಬೇಕಿದೆ ಎಂದಿದ್ದಾರೆ.
Special exhibition of test match batting under pressure .@RishabhPant17 @imjadeja ..can’t get better then this ..get to 375 tmrw ..
— Sourav Ganguly (@SGanguly99) July 1, 2022
ಭಾರತದ ಮಾಜಿ ಸ್ಟಾರ್ ಕ್ರಿಕೆಟಿಗ ಹರ್ಭಜನ್ ಸಿಂಗ್ ಟ್ವಿಟ್ಟರ್ನಲ್ಲಿ, ರಿಷಬ್ ಪಂತ್ ತಂಡಕ್ಕೆ ಅಗತ್ಯವಿದ್ದಾಗ 100 ರನ್ ಬಾರಿಸಿದರು. ಇದನ್ನು ಹೀಗೆ ಮುಂದುವರೆಸಿ ಎಂದು ಬರೆದುಕೊಂಡಿದ್ದಾರೆ.
Top knock 100 @RishabhPant17 when team needed the most .. keep it up #INDvsENG
— Harbhajan Turbanator (@harbhajan_singh) July 1, 2022
ಸೌರವ್ ಮತ್ತು ಸಚಿನ್ ಜೊತೆಗೆ, ಭಾರತದ ಮಾಜಿ ಕ್ರಿಕೆಟಿಗ ಇರ್ಫಾನ್ ಪಠಾಣ್ ಟ್ವೀಟ್ ಮಾಡಿ, “ರಿಷಬ್ ಪಂತ್ ಮತ್ತು ಅವರ ಪಂಚ್ ಟೆಸ್ಟ್ ಕ್ರಿಕೆಟ್‌ನಲ್ಲಿ ಹೀಗೆ ಮುಂದುವರಿಯಲಿ. ಆದ್ದರಿಂದಲೇ ಅವರನ್ನು ಸೂಪರ್ ಸ್ಟಾರ್ ಎಂದು ಕರೆಯುತ್ತಾರೆ ಎಂದು ಬರೆದುಕೊಂಡಿದ್ದಾರೆ.
Rishabh Pant and his Punch in test cricket continues. Call him a super star for a reason!
— Irfan Pathan (@IrfanPathan) July 1, 2022
ಕೆರಿಬಿಯನ್ ದಂತಕಥೆ ಇಯಾನ್ ಬಿಷಪ್ ಕೂಡ ಪಂತ್ ಅವರನ್ನು ಹೊಗಳಿದ್ದಾರೆ. ಟ್ವಿಟರ್‌ನಲ್ಲಿ ಬರೆದುಕೊಂಡಿರುವ ಅವರು, ರಿಷಬ್ ಪಂತ್ ಉತ್ತಮ ಇನ್ನಿಂಗ್ಸ್ ಆಡಿದರು. ಒಂದು ಪದದಲ್ಲಿ ಹೇಳಬೇಕೆಂದರೆ ಇದು ಅತ್ಯುತ್ತಮ ಇನ್ನಿಂಗ್ಸ್ ಆಗಿದೆ. ಟೀಂ ಇಂಡಿಯಾ 96 ರನ್ಗಳಿಗೆ 5 ವಿಕೆಟ್ ಕಳೆದುಕೊಂಡಿದ್ದಾಗ ಜಡೇಜಾ ಜೊತೆ ಉತ್ತಮ ಜೊತೆಯಾಟ ಆಡಿದ್ದಾರೆ ಎಂದಿದ್ದಾರೆ.
Phenomenal from Rishabh Pant. Simply outstanding. Fabulous partnership with Jadeja to given they were 98-5.
— Ian Raphael Bishop (@irbishi) July 1, 2022
