ನೀವೆಲ್ಲ ಮೋಸಗಾರರು! ಇದರ ಪರಿಣಾವನ್ನು ಮುಂದಿನ ಹರಾಜಿನಲ್ಲಿ ಎದುರಿಸಿತ್ತೀರಿ; ಆಂಗ್ಲ ಕ್ರಿಕೆಟಿಗರಿಗೆ ವಾರ್ನಿಂಗ್

ಎರಡನೇ ಹಂತದ ಐಪಿಎಲ್ 2021 ಯುಎಇಯಲ್ಲಿ ಸೆಪ್ಟೆಂಬರ್ 19 ರಿಂದ ನಡೆಯಲಿದೆ. ಇದಕ್ಕಾಗಿ ಎಲ್ಲಾ ತಂಡಗಳು ಯುಎಇ ತಲುಪಿದೆ. ಮ್ಯಾಂಚೆಸ್ಟರ್ ಟೆಸ್ಟ್ ರದ್ದಾದ ನಂತರ, ಟೀಮ್ ಇಂಡಿಯಾದ ಆಟಗಾರರು ಕೂಡ ಇಂಗ್ಲೆಂಡಿನಿಂದ ಯುಎಇ ತಲುಪಿ ತಮ್ಮ ತಂಡಗಳನ್ನು ಸೇರಿಕೊಂಡಿದ್ದಾರೆ. ಇಂಗ್ಲೆಂಡಿನಿಂದ ಭಾರತೀಯ ತಂಡದ ಆಟಗಾರರು ಐಪಿಎಲ್​ಗೆ ಹೊರಟರು. ಆದರೆ ಇಂಗ್ಲೆಂಡಿನ ಆಟಗಾರರು ಮಾತ್ರ ತಮ್ಮನ್ನು ನಂಬಿ ಹಣ ಹಾಕಿದ್ದ ಫ್ರಾಂಚೈಸಿಗಳಿಗೆ ದ್ರೋಹ ಬಗೆದರು. ಆಂಗ್ಲ ಕ್ರಿಕೆಟಿಗರ ಈ ನಡೆಯನ್ನು ಭಾರತದ ಮಾಜಿ ಬ್ಯಾಟ್ಸ್‌ಮನ್ ಆಕಾಶ್ ಚೋಪ್ರಾ ಇದನ್ನು ನೆಪ ಎಂದು ಕರೆದಿದ್ದಾರೆ.

ಐಪಿಎಲ್‌ಗೆ ಒಂದು ವಾರ ಮುಂಚಿತವಾಗಿ, ಪಂಜಾಬ್ ಕಿಂಗ್ಸ್‌ನ ಡೇವಿಡ್ ಮಲನ್ ಮತ್ತು ಎಸ್‌ಆರ್‌ಹೆಚ್‌ನ ಜಾನಿ ಬೈರ್‌ಸ್ಟೊ ತಮ್ಮ ಹೆಸರನ್ನು ಹಿಂಪಡೆದಿದ್ದರು. ಜೋಸ್ ಬಟ್ಲರ್, ಜೋಫ್ರಾ ಆರ್ಚರ್ ಮತ್ತು ಬೆನ್ ಸ್ಟೋಕ್ಸ್ ಈಗಾಗಲೇ ಐಪಿಎಲ್ ನಿಂದ ಹಿಂದೆ ಸರಿದಿದ್ದಾರೆ. ಇಬ್ಬರ ನಿರ್ಗಮನದೊಂದಿಗೆ, ರಾಜಸ್ಥಾನ ರಾಯಲ್ಸ್‌ನ ಸಿದ್ಧತೆಗಳು ದೊಡ್ಡ ಹಿನ್ನಡೆ ಅನುಭವಿಸಿದವು. ಜೋಸ್ ಬಟ್ಲರ್ ವೈಯಕ್ತಿಕ ಕಾರಣಗಳಿಂದ ಪಂದ್ಯಾವಳಿಯಲ್ಲಿ ಭಾಗವಹಿಸಿಲ್ಲ. ಮತ್ತೊಂದೆಡೆ, ಸ್ಟೋಕ್ಸ್ ಮಾನಸಿಕ ಆರೋಗ್ಯದ ಕಾರಣ ನೀಡಿ ಕ್ರಿಕೆಟ್ ನಿಂದ ಅನಿರ್ದಿಷ್ಟ ವಿರಾಮ ತೆಗೆದುಕೊಂಡಿದ್ದಾರೆ. ಜೋಫ್ರಾ ಆರ್ಚರ್ ಗಾಯದಿಂದ ಚೇತರಿಸಿಕೊಳ್ಳುತ್ತಿದ್ದಾರೆ.

ಆಕಾಶ್ ಚೋಪ್ರಾ ಇಂಗ್ಲೆಂಡ್ ಆಟಗಾರರನ್ನು ತರಾಟೆಗೆ ತೆಗೆದುಕೊಂಡರು ಆಕಾಶ್ ಚೋಪ್ರಾ ಇಂಗ್ಲೆಂಡ್ ಆಟಗಾರರ ನಿರ್ಧಾರವನ್ನು ಒಪ್ಪಲಿಲ್ಲ. ಆಕಾಶ್ ಪ್ರಕಾರ, ಕೊನೆಯ ಕ್ಷಣದಲ್ಲಿ, ಇಂಗ್ಲೆಂಡಿನ ಆಟಗಾರರು ತಮ್ಮ ತಂಡಗಳನ್ನು ವಂಚಿಸುವ ಮೂಲಕ ತೊಂದರೆಗಳನ್ನು ಹೆಚ್ಚಿಸಿದ್ದಾರೆ. ಮುಂದಿನ ಹರಾಜಿನಲ್ಲಿ ಅವರು ಇದರ ಭಾರವನ್ನು ಹೊರಬೇಕಾಗುತ್ತದೆ. ತನ್ನ ಯೂಟ್ಯೂಬ್ ಚಾನೆಲ್​ನಲ್ಲಿ ಮಾತನಾಡುತ್ತಾ, ಜೋಸ್ ಬಟ್ಲರ್, ಜೋಫ್ರಾ ಆರ್ಚರ್, ಬೆನ್ ಸ್ಟೋಕ್ಸ್ ಈಗಾಗಲೇ ತಮ್ಮ ಹೆಸರುಗಳನ್ನು ಹಿಂತೆಗೆದುಕೊಂಡಿದ್ದರು. ಆದರೆ ಈಗ ಡೇವಿಡ್ ಮಲನ್, ಕ್ರಿಸ್ ವೋಕ್ಸ್ ಮತ್ತು ಜಾನಿ ಬೈರ್ ಸ್ಟೋ ಕೂಡ ತಮ್ಮ ಹೆಸರನ್ನು ಹಿಂಪಡೆದಿದ್ದಾರೆ. ಇದರರ್ಥ ಅರ್ಧ ಡಜನ್ ಇಂಗ್ಲೆಂಡ್ ಆಟಗಾರರು ಐಪಿಎಲ್ ನ ಭಾಗವಾಗಿರುವುದಿಲ್ಲ. ಇದು ದೊಡ್ಡ ಸಂಖ್ಯೆ. ಐಪಿಎಲ್ ಕುಟುಂಬ ಇದನ್ನು ಮರೆಯುವುದಿಲ್ಲ. ಐಪಿಎಲ್ ಸೀಸನ್‌ನಿಂದ ನಿಮ್ಮ ಹೆಸರನ್ನು ಹಿಂತೆಗೆದುಕೊಂಡಾಗ, ನಿಮ್ಮನ್ನು ಖರೀದಿಸಿದ ಫ್ರಾಂಚೈಸ್‌ಗೆ ಮೋಸ ಮಾಡುತ್ತೀರಿ ಎಂದು ಇಂಗ್ಲೆಂಡ್ ಆಟಗಾರರು ತಮ್ಮ ಮನಸ್ಸಿನಲ್ಲಿ ಇಟ್ಟುಕೊಳ್ಳಬೇಕು.

ನಿರ್ಧಾರದ ಪರಿಣಾಮವನ್ನು ಹರಾಜಿನಲ್ಲಿ ಕಾಣಬಹುದು ಅವರು ಹೇಳಿದರು, ಮುಂದಿನ ಬಾರಿ ಹರಾಜು ನಡೆದಾಗ, ಪಂದ್ಯಾವಳಿಯನ್ನು ಆಡಲು ಯಾರು ಬಂದರು ಮತ್ತು ಯಾರು ಹಿಂದೆ ಸರಿದರು ಎಂಬುದನ್ನು ಅವರು ಮರೆಯುವುದಿಲ್ಲ. ಈ ಕಾರಣದಿಂದಾಗಿ ನೀವು ಮಿಚೆಲ್ ಸ್ಟಾರ್ಕ್ ಅನ್ನು ದೊಡ್ಡ ಮೊತ್ತಕ್ಕೆ ಮಾರಾಟ ಮಾಡಲಾಗುವುದು ಎಂದು ಹೇಳುತ್ತೀರಿ. ಆಗ ಅದು ಆಗದಿರಬಹುದು ಏಕೆಂದರೆ ನೀವು ನಿಮ್ಮ ಹೆಸರನ್ನು ಎರಡು ಬಾರಿ ಹಿಂತೆಗೆದುಕೊಂಡಾಗ, ಈ ವಿಷಯ ತಂಡಗಳ ಮನಸ್ಸಿನಲ್ಲಿ ಉಳಿಯುತ್ತದೆ.