IPL 2021: RCB ವಿರುದ್ದ ಡೇಂಜ’ರಸ್’ ಆಟಗಾರ ಆಡುವುದು ಬಹುತೇಕ ಖಚಿತ
ಅಬುಧಾಬಿಯಲ್ಲಿ ನಡೆದ ಆರ್ಸಿಬಿ ವಿರುದ್ದದ ಪಂದ್ಯದಲ್ಲಿ ರಸೆಲ್ 3 ವಿಕೆಟ್ ಉರುಳಿಸಿ ಕೊಹ್ಲಿ ಪಡೆ ಕೇವಲ 92 ರನ್ಗಳಿಗೆ ಆಲೌಟ್ ಆಗುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.
Updated on: Oct 10, 2021 | 4:11 PM
ಶಾರ್ಜಾದಲ್ಲಿ ನಡೆಯಲಿರುವ ಎಲಿಮಿನೇಟರ್ ಪಂದ್ಯದಲ್ಲಿ ಆರ್ಸಿಬಿ-ಕೆಕೆಆರ್ (RCB vs KKR) ಮುಖಾಮುಖಿಯಾಗಲಿದೆ. ಒಂದೆಡೆ ಆರ್ಸಿಬಿ ಈ ಪಂದ್ಯವನ್ನು ಗೆದ್ದು ಕ್ವಾಲಿಫೈಯರ್ಗೆ ಎಂಟ್ರಿ ಕೊಡಲು ಸಜ್ಜಾಗುತ್ತಿದ್ದರೆ, ಅತ್ತ ಕೆಕೆಆರ್ ತಂಡ ಬಲಿಷ್ಠ ಬಳಗವನ್ನು ರೂಪಿಸುತ್ತಿದೆ. ಅದರಂತೆ ಕಳೆದೆರಡು ಪಂದ್ಯಗಳಿಂದ ತಂಡದಿಂದ ಹೊರಗುಳಿದಿದ್ದ KKR ತಂಡದ ಡೇಂಜರಸ್ ಆಲ್ರೌಂಡರ್ ಅನ್ನು ಎಲಿಮಿನೇಟರ್ ಪಂದ್ಯದಲ್ಲಿ ಕಣಕ್ಕಿಯುವುದು ಬಹುತೇಕ ಖಚಿತ. ಹೌದು, ಫಿಟ್ನೆಸ್ ಸಮಸ್ಯೆಯ ಕಾರಣ ಕಳೆದ 2 ಪಂದ್ಯಗಳಿಂದ ಹೊರಗುಳಿದಿದ್ದ ಆಂಡ್ರೆ ರಸೆಲ್ ಆರ್ಸಿಬಿ ವಿರುದ್ದದ ಪಂದ್ಯದ ಸಂಪೂರ್ಣ ಫಿಟ್ ಆಗಲಿದ್ದಾರೆ ಎಂದು ಕೆಕೆಆರ್ ತಂಡದ ಮುಖ್ಯ ಸಲಹೆಗಾರ ಡೇವಿಡ್ ಹಸ್ಸಿ ತಿಳಿಸಿದ್ದಾರೆ.
ರಸೆಲ್ ಫಿಟ್ನೆಸ್ ಪರೀಕ್ಷೆ ನಡೆಸಿದ್ದು, ಶೀಘ್ರದಲ್ಲೇ ತಂಡಕ್ಕೆ ಹಿಂತಿರುಗುತ್ತಾರೆ ಎಂದು ನಾನು ಭಾವಿಸುತ್ತೇನೆ. ಅವರು ಪ್ಲೇಆಫ್‌ನಲ್ಲಿ ಆಡಲು ಶ್ರಮಿಸುತ್ತಿದ್ದಾರೆ. ಅವರ ಆಟ ನಮಗೆ ಮಾತ್ರವಲ್ಲ ಟೂರ್ನಿಗೂ ಮುಖ್ಯವಾಗಿದೆ. ಅವರು ವಿಶ್ವ ದರ್ಜೆಯ ಆಟಗಾರ ಮತ್ತು ಪ್ರೇಕ್ಷಕರನ್ನು ಪೂರ್ಣವಾಗಿ ರಂಜಿಸುತ್ತಾರೆ. ಹೀಗಾಗಿ ರಸೆಲ್ ಅವರ ಲಭ್ಯತೆಯು ಕೆಕೆಆರ್ ತಂಡವನ್ನು ಮತ್ತಷ್ಟು ಬಲಿಷ್ಠವಾಗಿಸಲಿದೆ. ಅದರಂತೆ ಎಲಿಮಿನೇಟರ್ ಪಂದ್ಯಕ್ಕೆ ರಸೆಲ್ ಲಭ್ಯರಾಗುವ ವಿಶ್ವಾಸವಿದೆ ಎಂದು ಹಸ್ಸಿ ತಿಳಿಸಿದ್ದಾರೆ.
ಇತ್ತ ರಸೆಲ್ ರಿ ಎಂಟ್ರಿಯಿಂದ ಇದೀಗ ಕೆಕೆಆರ್ ಮತ್ತಷ್ಟು ಬಲಿಷ್ಠವಾಗುವುದು ಪಕ್ಕಾ. ಏಕೆಂದರೆ ಆರ್ಸಿಬಿ ವಿರುದ್ದ ರಸೆಲ್ ಅತ್ಯುತ್ತಮ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ. ಇದಕ್ಕೆ ಸಾಕ್ಷಿಯೇ ಆರ್ಸಿಬಿ ವಿರುದ್ದ ಇದುವರೆಗೆ 300ಕ್ಕೂ ಅಧಿಕ ರನ್ ಬಾರಿಸಿರುವುದು. ಅಷ್ಟೇ ಅಲ್ಲದೆ ಅಬುಧಾಬಿಯಲ್ಲಿ ನಡೆದ ಆರ್ಸಿಬಿ ವಿರುದ್ದದ ಪಂದ್ಯದಲ್ಲಿ ರಸೆಲ್ 3 ವಿಕೆಟ್ ಉರುಳಿಸಿ ಕೊಹ್ಲಿ ಪಡೆ ಕೇವಲ 92 ರನ್ಗಳಿಗೆ ಆಲೌಟ್ ಆಗುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಹೀಗಾಗಿ ರಸೆಲ್ ರಿ ಎಂಟ್ರಿ ಕೆಕೆಆರ್ ತಂಡಕ್ಕೆ ಬಲ ತುಂಬಲಿದೆ.
ಇನ್ನು ರಸೆಲ್ ರಿ ಎಂಟ್ರಿಯಿಂದ ಕೆಕೆಆರ್ ತಂಡದ ಆಲ್ರೌಂಡರ್ ಶಕೀಬ್ ಅಲ್ ಹಸನ್ ಸ್ಥಾನ ಕಳೆದುಕೊಳ್ಳುವ ಸಾಧ್ಯತೆ ಹೆಚ್ಚಿದೆ. ಒಟ್ಟಿನಲ್ಲಿ ಎಲಿಮಿನೇಟರ್ ಪಂದ್ಯಕ್ಕೆ ದಿನ ಮಾತ್ರ ಉಳಿದಿರುವ ರಸೆಲ್ ಅವರ ರಿ ಎಂಟ್ರಿಯು ಕೆಕೆಆರ್ ತಂಡವನ್ನು ಬಲಿಷ್ಠ ಮಾಡಿದರೆ, ಇತ್ತ ಆರ್ಸಿಬಿ ರಸೆಲ್ ಅಬ್ಬರಕ್ಕೆ ಕಡಿವಾಣ ಹಾಕಲು ಪ್ಲ್ಯಾನ್ ರೂಪಿಸಲಿದೆ.
ಇದನ್ನೂ ಓದಿ: KL Rahul: ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ 7 ದಾಖಲೆ ಬರೆದ ಕೆಎಲ್ ರಾಹುಲ್
ಇದನ್ನೂ ಓದಿ: IPL 2021: ಐಪಿಎಲ್ನಲ್ಲಿ ಹೊಸ ಇತಿಹಾಸ ನಿರ್ಮಿಸಲಿದ್ದಾರೆ ಹರ್ಷಲ್ ಪಟೇಲ್
ಇದನ್ನೂ ಓದಿ: IPL 2021: ಅಚ್ಚರಿಯಾದರೂ ಇದು ಸತ್ಯ: 1 ವಿಕೆಟ್ಗೆ 1 ಕೋಟಿ ಪಡೆದ ಕ್ರಿಸ್ ಮೋರಿಸ್..!
(IPL 2021: Andre Russell Likely to be Available for Playoffs)
