Jasprit Bumrah: ಜಸ್​ಪ್ರೀತ್ ಬುಮ್ರಾರ ಮತ್ತೊಂದು ಮುಖ ಬಯಲು: ರೂಟ್ ಔಟಾದಾಗ ಮಾಡಿದ್ದೇನು ನೋಡಿ

ಭಾರತ ಕ್ರಿಕೆಟ್ ತಂಡದಲ್ಲಿ ಅತಿ ಕಡಿಮೆ ಸಮಯದಲ್ಲಿ ಸಾಕಷ್ಟು ಸಾಧನೆ ಮಾಡಿರುವ ಬೌಲರ್​ಗಳ ಪೈಕಿ ಜಸ್​ಪ್ರೀತ್ ಬುಮ್ರಾ ಪ್ರಮುಖರು. ತಮ್ಮ ಮಾರಕ ಯಾರ್ಕರ್​ಗಳ ಮೂಲಕವೇ ಎದುರಾಳಿಗರ ಎದೆ ನಡುಗಿಸುವ ಬುಮ್ರಾ ಈಗೀಗ ಬ್ಯಾಟಿಂಗ್​ನಲ್ಲೂ ಕಮಾಲ್ ಮಾಡುತ್ತಿರುವುದನ್ನು ಕಾಣಬಹುದು. ಸಾಮಾನ್ಯವಾಗಿ ಬುಮ್ರಾ ಮೈದಾನದಲ್ಲಿ ಕ್ಯಾಚ್ ಹಿಡಿದಾಗ ಅಥವಾ ವಿಕೆಟ್ ಕಿತ್ತಾಗ ಅವರ ಸಂಭ್ರಮಾಚರಣೆ ಮಿತಿ ಮೀರಿದ್ದು ಕಂಡಿದ್ದಿಲ್ಲ. ಸಿಂಪಲ್ ಆಗಿ ಇರುತ್ತಾರೆ. ಆದರೆ, ನಿನ್ನೆ ಜೋ ರೂಟ್ ವಿಕೆಟ್ ಪಡೆದ ವೇಳೆ ಬುಮ್ರಾ ಅವರ ಹೊಸ ಮುಖ ಬಯಲಾಗಿದೆ.

ಹೌದು, ಪ್ರತಿಬಾರಿ ಇಂಗ್ಲೆಂಡ್ ಸಂಕಷ್ಟಕ್ಕೆ ಸಿಲುಕಿದ ಸಂದರ್ಭ ತಂಡಕ್ಕೆ ಆಸರೆಯಾಗುವುದು ನಾಯಕ ಜೋ ರೂಟ್. ಅದು ಎರಡನೇ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ನಲ್ಲೂ ಕಂಡಿದ್ದೇವೆ. ಏಕಾಂಗಿಯಾಗಿ ನಿಂತು ಅಜೇಯ 180 ರನ್ ಸಿಡಿಸಿದ್ದರು. ಹೀಗಾಗಿ ಎರಡನೇ ಇನ್ನಿಂಗ್ಸ್​ನಲ್ಲೂ ಭಾರತಕ್ಕೆ ಭಯವಿದ್ದಿದ್ದು ರೂಟ್ ಮೇಲೆ ಮಾತ್ರ.

ರೂಟ್ ವಿಕೆಟ್ ಭಾರತಕ್ಕೆ ತುಂಬಾನೆ ಮುಖ್ಯವಾಗಿತ್ತು. ಇವರನ್ನು ಔಟ್ ಮಾಡಲು ಭಾರತ ಹರಸಾಹಸ ಪಡುತ್ತಿತ್ತು. ಈ ಸಂದರ್ಭ ಜಸ್​ಪ್ರೀತ್ ಬುಮ್ರಾ ಮಾಸ್ಟರ್ ಪ್ಲಾನ್ ಮಾಡಿ ರೂಟ್​ಗೆ ಪೆವಿಲಿಯನ್ ಹಾದಿ ತೋರಿಸಿದರು. ತಮ್ಮ ಸ್ವಿಂಗ್ ಬಾಲ್ ಮೂಲಕ 33 ರನ್ ಗಳಿಸಿದ್ದ ರೂಟ್​ ಆಟಕ್ಕೆ ಬ್ರೇಕ್ ಹಾಕಿದರು. ಈ ಸಂದರ್ಭ ತುಂಬಾನೆ ಅಗ್ರೆಸಿವ್​ನಲ್ಲಿ ಬುಮ್ರಾ ಸಂಭ್ರಮಾಚರಣೆ ಮಾಡಿದರು. ಬುಮ್ರಾ ಅವರ ಈರೀತಿಯ ಸಂಭ್ರಮ ಅಭಿಮಾನಿಗಳು ಈವರೆಗೆ ಕಂಡಿದ್ದಿಲ್ಲ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಅಷ್ಟಕ್ಕೂ ಬುಮ್ರಾ ಇಷ್ಟು ಕೋಪದಲ್ಲಿ ಸಂಭ್ರಮಿಸಲು ಕಾರಣವಿದೆ. ಇಂಗ್ಲೆಂಡ್ ಬೌಲರ್​ಗಳು ಬುಮ್ರಾ ಬ್ಯಾಟಿಂಗ್ ಮಾಡುವಾಗ ಕೊಟ್ಟ ಕಾಟ ಅಷ್ಟಿಟ್ಟಲ್ಲ. ಅದೆಷ್ಟೊ ಬೌನ್ಸರ್​ಗಳನ್ನು ಬುಮ್ರಾ ತಡೆದು ನಿಲ್ಲಿಸಿದರು, ಅನೇಕ ಬಾರಿ ಬುಮ್ರಾ ಹೆಲ್ಮೆಟ್​ಗೆ ಚೆಂಡುಗಳು ತಾಗಿದ್ದವು. ಇದೇವೇಳೆ ಆಂಗ್ಲರ ಅತಿದೊಡ್ಡ ವಿಕೆಟ್ ಪಡೆದಾಗ ಬುಮ್ರಾ ಸಂಭ್ರಮಾಚರಣೆ ಮಾಮೂಲಾಗಿ ಇರಲಿಲ್ಲ.

ಜಸ್​ಪ್ರೀತ್ ಬುಮ್ರಾ ಎರಡನೇ ಇನ್ನಿಂಗ್ಸ್​ನಲ್ಲಿ ಮೊಹಮ್ಮದ್ ಶಮಿ ಜೊತೆಗೂಡಿ ಅದ್ಭುತ ಆಟವಾಡಿದರು. ಮುರಿಯದ 89 ರನ್‌ಗಳ ಕಾಣಿಕೆ ನೀಡಿದರು. ಒಂದು ಹಂತದಲ್ಲಿ 200 ರನ್‌ಗಳ ಮುನ್ನಡೆಯೂ ಕಷ್ಟ ಎಂಬ ಪರಿಸ್ಥಿತಿಯಲ್ಲಿದ್ದ ಭಾರತ ತಂಡ ಟೇಲೆಂಡರ್‌ಗಳ ಭರ್ಜರಿ ಬ್ಯಾಟಿಂಗ್‌ ನೆರವಿನಿಂದ 271 ರನ್‌ಗಳ ಮುನ್ನಡೆ ಪಡೆದು ಇನಿಂಗ್ಸ್‌ ಡಿಕ್ಲೇರ್‌ ಮಾಡಿಕೊಂಡಿತು. 64 ಎಸೆತಗಳನ್ನು ಎದುರಿಸಿದ ಬುಮ್ರಾ ಅಜೇಯ 34 ರನ್ ಬಾರಿಸಿದರು.  ಬೌಲಿಂಗ್​ನಲ್ಲೂ ಇನ್ನಿಂಗ್ಸ್​ನಲ್ಲಿ 3 ವಿಕೆಟ್ ಕಿತ್ತು ಮಿಂಚಿದರು.

ಟೀಮ್ ಇಂಡಿಯಾವನ್ನು ಸೋಲಿನ ದವಡೆಯಿಂದ ಪಾರು ಮಾಡಿ ಗೆಲುವಿನ ದಡದತ್ತ ಕೊಂಡೊಯ್ದ ಶಮಿ-ಬುಮ್ರಾ ಜೋಡಿಗೆ ಲಾರ್ಡ್ಸ್‌ ಕ್ರೀಡಾಂಗಣದಲ್ಲಿ ಪ್ರೇಕ್ಷಕರೆಲ್ಲಾ ಎದ್ದು ನಿಂತು ಗೌರವ ಸಲ್ಲಿಸಿದರು. ಅದರಲ್ಲೂ ಶಮಿ ಹಾಗೂ ಬುಮ್ರಾ ಭಾರತದ ಡ್ರೆಸ್ಸಿಂಗ್ ರೂಮ್​ಗೆ ಬಂದ ವೇಳೆ ಅಲ್ಲಿದ್ದ ಎಲ್ಲ ಆಟಗಾರರು ಎದ್ದುನಿಂತು ದೊಡ್ಡದಾಗಿ ಕ್ಲಾಪ್ ಹೊಡೆವಿಶೇಷ ಗೌರವ ಸಲ್ಲಿಸಿದರು.

India vs England 2nd Test: ದಾಖಲೆಯ ಜೊತೆಯಾಟ ಆಡಿ ಡ್ರೆಸ್ಸಿಂಗ್ ರೂಮ್​ಗೆ ಬಂದ ಶಮಿ-ಬುಮ್ರಾಗೆ ಬಿಗ್ ಸರ್​ಪ್ರೈಸ್

ICC T20 World Cup Schedule: ಬಹುನಿರೀಕ್ಷಿತ ಐಸಿಸಿ ಟಿ-20 ವಿಶ್ವಕಪ್ ವೇಳಾಪಟ್ಟಿ ಪ್ರಕಟ: ಭಾರತ-ಪಾಕ್ ಪಂದ್ಯ ಯಾವಾಗ?

(Jasprit Bumrah First time Indian fans saw Angry celebration of Jasprit Bumrah when Root was dismissed)