Joe Root: ಅನುಮಾನ ಮೂಡಿಸಿದ ಜೋ ರೂಟ್ ಬ್ಯಾಟ್: ಯಾವುದೇ ಆಧಾರವಿಲ್ಲದೆ ಮೈದಾನದಲ್ಲಿ ನಿಂತಿದ್ದೇಗೆ?
ENG vs NZ Test: ನ್ಯೂಜಿಲೆಂಡ್ ವಿರುದ್ಧದ ಮೊದಲ ಟೆಸ್ಟ್ನಲ್ಲಿ ಜೋ ರೂಟ್ ಕುಸಿದ ಇಂಗ್ಲೆಂಡ್ ತಂಡಕ್ಕೆ ಆಧಾರವಾಗಿ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ನೀಡಿದರು. ಆದರೆ, ಈ ಪಂದ್ಯದಲ್ಲಿ ರೂಟ್ ಅವರ ಬ್ಯಾಟ್ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಇದಕ್ಕೆ ಕಾರಣ ವೈರಲ್ ಆಗುತ್ತಿರುವ ವಿಡಿಯೋ.
Updated on: Jun 07, 2022 | 9:15 AM
ಲಂಡನ್ನ ಲಾರ್ಡ್ಸ್ ಮೈದಾನದಲ್ಲಿ ನಡೆದ ನ್ಯೂಜಿಲೆಂಡ್ ವಿರುದ್ಧದ ಪ್ರಥಮ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ (England vs New Zealand) ತಂಡ 5 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತು. ಮಾಜಿ ನಾಯಕ ಜೋ ರೂಟ್ (Joe Root) ಅವರ ಅಮೋಘ ಆಟದ ನೆರವಿನಿಂದ ಆಂಗ್ಲರು ಗೆಲುವಿನ ನಗೆ ಬೀರಿದರು. ಈ ಮೂಲಕ ಮೂರು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 1-0 ಮುನ್ನಡೆ ಪಡೆದುಕೊಂಡಿದೆ. ಈ ಪಂದ್ಯದ ಎರಡನೇ ಇನ್ನಿಂಗ್ಸ್ನಲ್ಲಿ ರೂಟ್ 170 ಎಸೆತಗಲ್ಲಿ 12 ಫೋರ್ನೊಂದಿಗೆ ಅಜೇಯ 115 ರನ್ ಗಳಿಸಿದರು. ಈ ಮೂಲಕ ಟೆಸ್ಟ್ ಸ್ವರೂಪದಲ್ಲಿ 10,000 ರನ್ ಪೂರೈಸಿದ ವಿಶ್ವದ 14ನೇ ಆಟಗಾರ ಮತ್ತು ಎರಡನೇ ಇಂಗ್ಲೆಂಡ್ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಕುಸಿದ ತಂಡಕ್ಕೆ ಆಧಾರವಾಗಿ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ನೀಡಿದರು. ಆದರೆ, ಈ ಪಂದ್ಯದಲ್ಲಿ ರೂಟ್ ಅವರ ಬ್ಯಾಟ್ (Root Bat) ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಇದಕ್ಕೆ ಕಾರಣ ವೈರಲ್ ಆಗುತ್ತಿರುವ ವಿಡಿಯೋ.
ಹೌದು, ಅದು 72ನೇ ಓವರ್. ಆಗ ಜೋ ರೂಟ್ 87 ರನ್ ಗಳಿಸಿದ್ದರು. ಖೈಲ್ ಜೆಮಿಸನ್ ಬೌಲಿಂಗ್ ಮಾಡಲೆಂದು ಓಡಿ ಬರಲು ತಯಾರಿ ನಡೆಸುತ್ತಿರುವಾಗ ಜೋ ರೂಟ್ ನಾನ್ ಸ್ಟ್ರೈಕರ್ನಲ್ಲಿದ್ದರು. ಈ ಸಂದರ್ಭ ಸೆರೆಯಾದ ವಿಡಿಯೋ ಎಲ್ಲರ ಹುಬ್ಬರುವಂತೆ ಮಾಡಿದೆ. ರೂಟ್ ತಮ್ಮ ಎರಡೂ ಕೈಗಳನ್ನು ಸೊಂಟಕ್ಕೆ ಹಿಡಿದು ನಿತ್ತಿದ್ದರೆ ಅವರ ಬ್ಯಾಟ್ ಯಾವುದೇ ಆಧಾರವಿಲ್ಲದೆ ಮೈದಾನದಲ್ಲಿ ನಿಂತುಕೊಂಡಿತ್ತು. ಇದನ್ನ ಕಂಡವರು ಒಂದು ಕ್ಷಣ ದಂಗಾಗಿದ್ದಾರೆ.
IND vs SA: ಮೊದಲ ಟಿ20ಗೆ ಫಿನಿಶರ್ ದಿನೇಶ್ ಕಾರ್ತಿಕ್ ಭರ್ಜರಿ ತಯಾರಿ: ವೈರಲ್ ಆಗುತ್ತಿದೆ ಫೋಟೋ
Seriously is that bat holding itself up or is Joe Root even more of a magician?? @BumbleCricket @root66 #ENGvsNZ pic.twitter.com/bcHVvPngY4
— Webbo (@WebboOne) June 5, 2022
ಅರೇ, ಇದು ಹೇಗೆ ಸಾಧ್ಯ ಎಂದು ಅಚ್ಚರಿಗೊಂಡಿದ್ದಾರೆ. ಕೆಲವರು ಈ ಬಗ್ಗೆ ಅನುಮಾನ ಕೂಡ ವ್ಯಕ್ತಪಡಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ಪಂದ್ಯದ ಬಳಿಕ ಈ ಬಗ್ಗೆ ಸ್ಪಷ್ಟನೆ ನೀಡಿದಿರುವ ಇಂಗ್ಲಿಷ್ ಜರ್ನಲಿಸ್ಟ್ ಒಬ್ಬರು, ರೂಟ್ ಅವರ ಬ್ಯಾಟ್ನ ಕೆಳ ಪದರ ಅಗಲವಾಗಿದೆ, ಅದರ ಕೆಳಭಾಗ ಸಮತಟ್ಟಾಗಿದೆ. ಹೀಗಾಗಿ ಬ್ಯಾಟ್ ಯಾವುದೇ ಆಧಾರವಿಲ್ಲದೆ ಮೈದಾನದಲ್ಲಿ ನಿಲ್ಲುತ್ತದೆ ಎಂದು ಹೇಳಿದ್ದಾರೆ.
The wizard of England cricket with his magical NB bat creating magic in the cricket world?@root66 pic.twitter.com/txwEb8Dxga
— Ayesha (@JoeRoot66Fan) June 6, 2022
ಅಜೇಯ ಶತಕ ಗಳಿಸಿದ ಜೋ ರೂಟ್ ಇಂಗ್ಲೆಂಡ್ ತಂಡಕ್ಕೆ ನ್ಯೂಜಿಲೆಂಡ್ ಎದುರಿನ ಮೊದಲ ಟೆಸ್ಟ್ನಲ್ಲಿ ಜಯದ ಕಾಣಿಕೆ ನೀಡಿದರು. ನಾಯಕನಾಗಿ ಮೊದಲ ಬಾರಿ ಕಣಕ್ಕಿಳಿದಿರುವ ಬೆನ್ಸ್ಟೋಕ್ಸ್ (54;110ಎ, 4X5, 6X3) ಅವರ ಆಟದಿಂದ ಇಂಗ್ಲೆಂಡ್ 5 ವಿಕೆಟ್ಗಳಿಂದ ಜಯಿಸಿತು. ಶನಿವಾರ ದಿನದಾಟದಲ್ಲಿ ನ್ಯೂಜಿಲೆಂಡ್ ತಂಡವು ಇಂಗ್ಲೆಂಡ್ ಗೆಲುವಿಗೆ 278 ರನ್ಗಳ ಗುರಿ ನೀಡಿತ್ತು. ಆದರೆ ದಿನದಾಟದ ಮುಕ್ತಯಕ್ಕೆ ತಂಡವು 69 ರನ್ಗಳಿಗೆ ನಾಲ್ಕು ವಿಕೆಟ್ ಕಳೆದುಕೊಂಡಿತ್ತು. ರೂಟ್ ಮತ್ತು ಸ್ಟೋಕ್ಸ್ ತಂಡಕ್ಕೆ ಆಸರೆಯಾಗಿದ್ದರು.
ಭಾನುವಾರವೂ ತಮ್ಮ ಆಟ ಮುಂದುವರಿಸಿದ ಜೋಡಿಯು ಐದನೇ ವಿಕೆಟ್ ಜೊತೆಯಾಟದಲ್ಲಿ 90 ರನ್ ಸೇರಿಸಿತು. ಜೆಮಿಸನ್ ಬೌಲಿಂಗ್ನಲ್ಲಿ ಬೆನ್ ಔಟಾಗುವುದರೊಂದಿಗೆ ಜತೆಯಾಟ ಮುರಿಯಿತು. ರೂಟ್ ಜೊತೆಗೂಡಿದ ಬೆನ್ ಫೋಕ್ಸ್ (ಔಟಾಗದೆ 32; 92ಎ) ತಂಡವನ್ನು ಗೆಲುವಿನ ದಡ ಸೇರಿಸಿದರು. ಜೂನ್ 10 ರಿಂದ ನ್ಯಾಟಿಂಗ್ಹ್ಯಾಮ್ನ ಟ್ರೆಂಟ್ಬ್ರಿಡ್ಜ್ ಮೈದಾನದಲ್ಲಿ ಎರಡನೇ ಟೆಸ್ಟ್ ಪಂದ್ಯ ಆರಂಭವಾಗಲಿದೆ.
ಕ್ರಿಕೆಟ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ. ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
