PBKS vs LSG: ಲಖನೌ ಬೌಲರ್ಗಳ ಕಠಿಣ ಶ್ರಮಕ್ಕೆ ಸಿಕ್ಕ ಫಲ: ರಾಹುಲ್ ಪಡೆಯ ಪ್ಲೇ ಆಫ್ ಹಾದಿ ಕೊಂಚ ಸುಗಮ
Krunal Pandya, IPL 2022: ಮಯಾಂಕ್ ಪಡೆಗೆ ಸಾಧಾರಣ ಟಾರ್ಗೆಟ್ ನೀಡಿದ್ದರೂ ಅದನ್ನು ತಡೆಗಟ್ಟುವಲ್ಲಿ ಲಖನೌ ಬೌಲರ್ಗಳು ಯಶಸ್ವಿಯಾದು. ಮೋಸಿನ್ ಖಾನ್, ದುಶ್ಮಂತ ಚಮೀರ ಹಾಗೂ ಕ್ರುನಾಲ್ ಪಾಂಡ್ಯ ಕಠಿಣ ಬೌಲಿಂಗ್ ಮುಂದೆ ಪಂಜಾಬ್ ಗುರಿ ಬೆನ್ನಟ್ಟಲು ಸಾಧ್ಯವಾಗದೆ ಸೋಲಿಗೆ ಶರಣಾಯಿತು.
Updated on: Apr 30, 2022 | 7:50 AM
2022 ಇಂಡಿಯನ್ ಪ್ರೀಮಿಯರ್ ಲೀಗ್ನ ಹೊಸ ತಂಡವಾದ ಕೆಎಲ್ ರಾಹುಲ್ (KL Rahul) ನಾಯಕತ್ವದ ಲಖನೌ ಸೂಪರ್ ಜೇಂಟ್ಸ್ ತಂಡ ಭರ್ಜರಿ ಪ್ರದರ್ಶನ ತೋರುತ್ತಿದೆ. ಪಂದ್ಯದಿಂದ ಪಂದ್ಯಕ್ಕೆ ತಂಡದ ಆಟಗಾರರು ತಪ್ಪುಗಳನ್ನು ತಿದ್ದಿ ಬಲಿಷ್ಠರಾಗುತ್ತಿದ್ದಾರೆ. ಬ್ಯಾಟ್ಸ್ಮನ್ಗಳು ಕೈಕೊಟ್ಟರೆ ಬೌಲರ್ಗಳೂ ಪಂದ್ಯವನ್ನು ಗೆಲ್ಲಿಸಿಕೊಡುವ ಸಾಮರ್ಥ್ಯ ಹೊಂದಿದ್ದಾರೆ. ಇದಕ್ಕೆ ಉತ್ತಮ ಉದಾಹರಣೆ ಐಪಿಎಲ್ನಲ್ಲಿ (IPL) ಶುಕ್ರವಾರ ನಡೆದ ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯ. ಮಯಾಂಕ್ ಪಡೆಗೆ ಸಾಧಾರಣ ಟಾರ್ಗೆಟ್ ನೀಡಿದ್ದರೂ ಅದನ್ನು ತಡೆಗಟ್ಟುವಲ್ಲಿ ಲಖನೌ ಬೌಲರ್ಗಳು ಯಶಸ್ವಿಯಾದು. ಮೋಸಿನ್ ಖಾನ್, ದುಶ್ಮಂತ ಚಮೀರ ಹಾಗೂ ಕ್ರುನಾಲ್ ಪಾಂಡ್ಯ (Krunal Pandya) ಕಠಿಣ ಬೌಲಿಂಗ್ ಮುಂದೆ ಪಂಜಾಬ್ ಗುರಿ ಬೆನ್ನಟ್ಟಲು ಸಾಧ್ಯವಾಗದೆ ಸೋಲಿಗೆ ಶರಣಾಯಿತು. ಈ ಜಯದೊಂದಿಗೆ ಲಖನೌ ಆಡಿದ ಒಂಬತ್ತು ಪಂದ್ಯಗಳಲ್ಲಿ ಆರರಲ್ಲಿ ಗೆಲುವು ಒಂದರಲ್ಲಿ ಸೋಲು ಕಂಡು 12 ಅಂಕದೊಂದಿಗೆ ಪಾಯಿಂಟ್ ಟೇಬಲ್ನಲ್ಲಿ ಮೂರನೇ ಸ್ಥಾನದಲ್ಲಿದೆ.
ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಸೂಪರ್ ಜೈಂಟ್ಸ್ ಪರ ಆರಂಭಿಕ ಆಟಗಾರರಾಗಿ ಕಣಕ್ಕಿಳಿದ ಕೆಎಲ್ ರಾಹುಲ್ 11 ಎಸೆತಗಳಲ್ಲಿ 6 ರನ್ ಕಲೆಹಾಕಿ ಔಟ್ ಆದರು. ಈ ಮೂಲಕ ಲಖನೌ 13 ರನ್ಗಳಿಗೆ ತನ್ನ ಮೊದಲ ವಿಕೆಟ್ ಕಳೆದುಕೊಂಡು ಆರಂಭದಲ್ಲೇ ಹಿನ್ನಡೆ ಅನುಭವಿಸಿತು. ಆದರೆ, ರಾಹುಲ್ ಜೊತೆ ಆರಂಭಿಕನಾಗಿ ಕಣಕ್ಕಿಳಿದಿದ್ದ ಮತ್ತೋರ್ವ ಆಟಗಾರ ಕ್ವಿಂಟನ್ ಡಿ ಕಾಕ್ ಹಾಗೂ ಮೂರನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ದೀಪಕ್ ಹೂಡಾ ಉತ್ತಮ ಜೊತೆಯಾಟ ಆಡಿದರು.
ಡಿಕಾಕ್-ಹೂಡ ಜೋಡಿ 85 ರನ್ಗಳ ಜತೆಯಾಟವಾಡಿದರು. ಕ್ವಿಂಟನ್ ಡಿ ಕಾಕ್ 46 ರನ್ ಗಳಿಸಿ ಔಟ್ ಆದರೆ, ದೀಪಕ್ ಹೂಡಾ 34 ರನ್ ಗಳಿಸಿ ರನ್ಔಟ್ ಆದರು. ಇನ್ನುಳಿದಂತೆ ಕೃನಾಲ್ ಪಾಂಡ್ಯ 7 ರನ್, ಮಾರ್ಕಸ್ ಸ್ಟಾಯಿನಿಸ್ 1 ರನ್, ಆಯುಷ್ ಬದೋನಿ 4 ರನ್, ಜೇಸನ್ ಹೋಲ್ಡರ್ 11 ರನ್, ದುಷ್ಮಂತ ಚಮೀರ 17 ರನ್ ಕಲೆಹಾಕಿದರೆ, ಮೊಹ್ಸಿನ್ ಖಾನ್ ಅಜೇಯ 13 ರನ್ ಹಾಗೂ ಅವೇಶ್ ಖಾನ್ ಅಜೇಯ 2 ರನ್ ದಾಖಲಿಸಿದರು. ಕೊನೆಯ ಹಂತದಲ್ಲಿ ಲಖನೌ ಪರ ಯಾರೂ ದೊಡ್ಡ ಮೊತ್ತ ಕಲೆಹಾಕದ ಕಾರಣ 20 ಓವರ್ಗೆ 8 ವಿಕೆಟ್ ನಷ್ಟಕ್ಕೆ 153 ರನ್ ಗಳಿಸಿತು. ಪಂಜಾಬ್ ಪರ ಕಗಿಸೊ ರಬಾಡ 4 ವಿಕೆಟ್ ಹಾಗೂ ರಾಹುಲ್ ಚಹರ್ 2 ವಿಕೆಟ್ ಪಡೆದರು.
ಇತ್ತ ಸಾಧಾರಣ ಟಾರ್ಗೆಟ್ ಬೆನ್ನಟ್ಟಿದ ಪಂಜಾಬ್ ಆರಂಭ ಉತ್ತಮವಾಗಿರಲಿಲ್ಲ. ತಂಡವು 46 ರನ್ ಗಳಿಸುವಷ್ಟರಲ್ಲಿ ನಾಯಕ ಮಯಂಕ್ ಅಗರವಾಲ್ (25) ಹಾಗೂ ಶಿಖರ್ ಧವನ್ (5) ವಿಕೆಟ್ಗಳನ್ನು ಕಳೆದುಕೊಂಡಿತು. ಭಾನುಕ ರಾಜಪಕ್ಸ (9) ಅವರಿಗೂ ಪ್ರಭಾವಿ ಎನಿಸಿಕೊಳ್ಳಲಾಗಲಿಲ್ಲ. ಅಂತಿಮ 60 ಎಸೆತಗಳಲ್ಲಿ ಗೆಲುವಿಗೆ 87 ರನ್ ಬೇಕಾಗಿತ್ತು. ಇಲ್ಲಿಂದ ಬಳಿಕವೂ ಪಂಜಾಬ್ ಪರಿಸ್ಥಿತಿ ಭಿನ್ನವಾಗಿರಲಿಲ್ಲ. ಲಖನೌ ಬೌಲರ್ಗಳು ರನ್ಗೆ ಕಡಿವಾಣ ಹಾಕುವುದರ ಜೊತೆಗೆ ವಿಕೆಟ್ಗಳನ್ನೂ ಕಿತ್ತರು. ಲಿಯಾಮ್ ಲಿವಿಂಗ್ಸ್ಟೋನ್ (18) ಹಾಗೂ ಜಾನಿ ಬೆಸ್ಟೊ (32) ವಿಕೆಟ್ ಪತನದೊಂದಿಗೆ ಗೆಲುವಿನ ಆಸೆ ಕಮರಿತು.
ಅಂತಿಮವಾಗಿ 133 ರನ್ ಗಳಿಸಲಷ್ಟೇ ಸಾಧ್ಯವಾಯಿತು. ರಿಷಿ ಧವನ್ 21 ರನ್ ಗಳಿಸಿ ಔಟಾಗದೆ ಉಳಿದರು. ಇನ್ನುಳಿದಂತೆ ಜಿತೇಶ್ ಶರ್ಮಾ (2), ಕಗಿಸೊ ರಬಾಡ (2), ರಾಹುಲ್ ಚಾಹರ್ (4) ನಿರಾಸೆ ಮೂಡಿಸಿದರು. ಲಖನೌ ಪರ 24 ರನ್ ತೆತ್ತು ಮೂರು ವಿಕೆಟ್ ಕಬಳಿಸಿದ ಮೊಹಸಿನ್ ಮಿಂಚಿದರು. ಕ್ರುನಾಲ್ ಪಾಂಡ್ಯ 11 ರನ್ನಿಗೆ ಎರಡು ವಿಕೆಟ್ ಪಡೆದರು. ಚಮೀರ ಸಹ ಎರಡು ವಿಕೆಟ್ ಗಳಿಸಿದರು. ಪಾಂಡ್ಯ ಪಂದ್ಯಶ್ರೇಷ್ಠ ಬಾಜಿಕೊಂಡರು.
GT vs RCB Prediction Playing XI: ಸೋಲಿನ ಸುಳಿಯಲ್ಲಿರುವ ಆರ್ಸಿಬಿಯಲ್ಲಿ ಬದಲಾವಣೆ ಖಚಿತ! ಕೊಹ್ಲಿಗೆ ಕೋಕ್?
