IPL 2022: ಲಕ್ನೋ ತಂಡಕ್ಕೆ 7.5 ಕೋಟಿ ರೂ, ನಷ್ಟ! ಆರ್ಚರ್‌ನಂತೆ ಮತ್ತೊಬ್ಬ ಇಂಗ್ಲೆಂಡ್ ವೇಗಿಗೆ ಇಂಜುರಿ

IPL 2022: ಲಕ್ನೋ ಸೂಪರ್‌ಜೈಂಟ್ಸ್‌ನ ಪಂದ್ಯ ವಿಜೇತ ಬೌಲರ್ ಮಾರ್ಕ್ ವುಡ್ ಗಾಯಗೊಂಡಿದ್ದಾರೆ. ಆಂಟಿಗುವಾ ಟೆಸ್ಟ್‌ನಲ್ಲಿ ಬೌಲಿಂಗ್ ಮಾಡುವಾಗ ಮಾರ್ಕ್ ವುಡ್ ಗಾಯಗೊಂಡರು.

IPL 2022: ಲಕ್ನೋ ತಂಡಕ್ಕೆ 7.5 ಕೋಟಿ ರೂ, ನಷ್ಟ! ಆರ್ಚರ್‌ನಂತೆ ಮತ್ತೊಬ್ಬ ಇಂಗ್ಲೆಂಡ್ ವೇಗಿಗೆ ಇಂಜುರಿ
TV9kannada Web Team

| Edited By: pruthvi Shankar

Mar 11, 2022 | 3:12 PM

ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2022) ಸಮೀಪಿಸುತ್ತಿದ್ದಂತೆ, ಕೆಲವು ತಂಡಗಳಿಗೆ ಆಘಾತಕಾರಿ ಸುದ್ದಿಗಳು ಎದುರಾಗುತ್ತಿವೆ. ಮಾರ್ಚ್ 26 ರಿಂದ ಪ್ರಾರಂಭವಾಗುವ ಈ ಟೂರ್ನಿಗೂ ಮುನ್ನ ಲಕ್ನೋ ಸೂಪರ್ ಜೈಂಟ್ಸ್ (Lucknow Supergiants) ತಂಡಕ್ಕೆ ಕೆಟ್ಟ ಸುದ್ದಿ ಬಂದಿದೆ. ವಾಸ್ತವವಾಗಿ, ಲಕ್ನೋ ಸೂಪರ್‌ಜೈಂಟ್ಸ್‌ನ ಪಂದ್ಯ ವಿಜೇತ ಬೌಲರ್ ಮಾರ್ಕ್ ವುಡ್ (Mark Wood) ಗಾಯಗೊಂಡಿದ್ದಾರೆ. ಆಂಟಿಗುವಾ ಟೆಸ್ಟ್‌ನಲ್ಲಿ ಬೌಲಿಂಗ್ ಮಾಡುವಾಗ ಮಾರ್ಕ್ ವುಡ್ ಗಾಯಗೊಂಡರು. ವೆಸ್ಟ್ ಇಂಡೀಸ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ಅವರಿಗೆ ಬೌಲಿಂಗ್ ಮಾಡಲು ಸಾಧ್ಯವಾಗಲಿಲ್ಲ. ವುಡ್ ಹಳೆಯ ಚೆಂಡಿನೊಂದಿಗೆ ಕೇವಲ ನಾಲ್ಕು ಓವರ್‌ಗಳನ್ನು ಬೌಲ್ ಮಾಡಿದ ನಂತರ ಅವರು ಬೌಲಿಂಗ್ ನಿಲ್ಲಿಸಬೇಕಾಯ್ತು.

ಮಾರ್ಕ್​ವುಡ್‌ನ ಈ ಗಾಯವು 2021 ರಲ್ಲಿ ಮೊಣಕೈಯಲ್ಲಿ ಊತದ ಬಗ್ಗೆ ದೂರು ನೀಡಿದ ಜೋಫ್ರಾ ಆರ್ಚರ್‌ನಂತೆಯೇ ಇದೆ. ಜೋಫ್ರಾ ಆರ್ಚರ್ ಎರಡು ಮೊಣಕೈ ಆಪರೇಷನ್‌ಗಳನ್ನು ಮಾಡಿಸಿಕೊಂಡಿದ್ದಾರೆ. ಹೀಗಾಗಿ ಅವರು ಕಳೆದ ಒಂದು ವರ್ಷದಿಂದ ಅಂತರಾಷ್ಟ್ರೀಯ ಕ್ರಿಕೆಟ್ ಮತ್ತು ಐಪಿಎಲ್‌ನಿಂದ ಹೊರಗುಳಿದಿದ್ದಾರೆ.

ಲಕ್ನೋಗೆ ದೊಡ್ಡ ಹೊಡೆತ ಜೋಫ್ರಾ ಆರ್ಚರ್ ಅವರಂತೆ ಮಾರ್ಕ್​ವುಡ್ ಕೂಡ ಗಾಯಗೊಂಡಿದ್ದರೆ, ಲಕ್ನೋ ಸೂಪರ್‌ಜೈಂಟ್ಸ್‌ಗೆ ಇದು ದೊಡ್ಡ ಹಿನ್ನಡೆಯಾಗಿದೆ. ಈ ವೇಗದ ಬೌಲರ್‌ನನ್ನು ತಂಡ 7.5 ಕೋಟಿ ರೂಪಾಯಿಗೆ ಖರೀದಿಸಿದೆ. ಮಾರ್ಕ್ ವುಡ್ ಸತತವಾಗಿ 145 ಕಿ.ಮೀ. ಗಂಟೆಯ ವೇಗದಲ್ಲಿ ಬೌಲ್ ಮಾಡುವ ಸಾಮಥ್ರ್ಯ ಹೊಂದಿದ್ದಾರೆ. ವುಡ್ ಇತ್ತೀಚೆಗೆ 17 ವಿಕೆಟ್‌ಗಳೊಂದಿಗೆ ಆಶಸ್‌ನಲ್ಲಿ ಅತಿ ಹೆಚ್ಚು ವಿಕೆಟ್‌ಗಳನ್ನು ಪಡೆದಿದ್ದರು.

ಲಕ್ನೋ ಸೂಪರ್‌ಜೈಂಟ್ಸ್ ಮಾರ್ಕ್ ವುಡ್‌ ರೂಪದಲ್ಲಿ ಒಬ್ಬನೇ ಒಬ್ಬ ವೇಗದ ಬೌಲರ್ ಆಯ್ಕೆಯನ್ನು ಹೊಂದಿದೆ. ಶ್ರೀಲಂಕಾದ ವೇಗದ ಬೌಲರ್ ದುಷ್ಮಂತ ಚಮೀರಾ ಲಕ್ನೋ ತಂಡದ ಭಾಗವಾಗಿದ್ದಾರೆ. ಗಾಯದ ಕಾರಣ ಮಾರ್ಕ್ ವುಡ್ IPL 2022 ಅನ್ನು ಆಡಲು ಸಾಧ್ಯವಾಗದಿದ್ದರೆ, ಅದು ನಿಜವಾಗಿಯೂ ಲಕ್ನೋದ ಆಡುವ XI ಸಮೀಕರಣವನ್ನು ಹಾಳು ಮಾಡುತ್ತದೆ.

ಲಕ್ನೋ ಅತ್ಯುತ್ತಮ ವೇಗದ ಬೌಲರ್‌ಗಳನ್ನು ಹೊಂದಿದೆ ಮಾರ್ಕ್ ವುಡ್ ಹೊರತುಪಡಿಸಿ, ಲಕ್ನೋ ಸೂಪರ್‌ಜೈಂಟ್ಸ್ ಐಪಿಎಲ್ 2022 ರ ಹರಾಜಿನಲ್ಲಿ ಅಂಕಿತ್ ರಜಪೂತ್ ಮತ್ತು ಅವೇಶ್ ಖಾನ್ ಅವರಂತಹ ಆಟಗಾರರನ್ನು ಒಳಗೊಂಡಂತೆ ಇತರ ವೇಗದ ಬೌಲರ್‌ಗಳ ಮೇಲೆ ಸಹ ಬಾಜಿ ಕಟ್ಟಿದೆ. ಆದರೆ ಈ ತಂಡದ ವೇಗದ ಬೌಲಿಂಗ್‌ ವಿಭಾಗದ ನಾಯಕ ಮಾರ್ಕ್ ವುಡ್ ಗಾಯಗೊಂಡು ಪಂದ್ಯಾವಳಿಯಿಂದ ಹೊರಬಿದ್ದರೆ ಅದು ಈ ತಂಡಕ್ಕೆ ತುಂಬಾ ಕೆಟ್ಟ ಸುದ್ದಿಯಾಗಲಿದೆ. ಆದಾಗ್ಯೂ, ಲಕ್ನೋ ತಂಡವು ಮಾರ್ಚ್ 28 ರಂದು ತನ್ನ ಮೊದಲ ಪಂದ್ಯವನ್ನು ಆಡಬೇಕಾಗಿದೆ. ಹೀಗಾಗಿ ಮಾರ್ಕ್ ವುಡ್ ಅವರ ಗಾಯವು ತುಂಬಾ ಗಂಭೀರವಾಗಿರದಿದ್ದರೆ, ಅವರು ಆರಂಭಿಕ ಪಂದ್ಯಗಳನ್ನು ಹೊರತುಪಡಿಸಿ ಎಲ್ಲಾ ಪಂದ್ಯಗಳನ್ನು ಆಡಬಹುದು. ಆದರೆ ಈ ಗಾಯವು ಜೋಫ್ರಾ ಆರ್ಚರ್‌ನಂತಿದ್ದರೆ, ಈ ಋತುವಿನಲ್ಲಿ ಆಡುವುದು ಅವರಿಗೆ ಅಸಾಧ್ಯವಾಗಬಹುದು.

ಲಕ್ನೋ ತಂಡ: ಕೆಎಲ್ ರಾಹುಲ್, ಮನೀಶ್ ಪಾಂಡೆ, ಕ್ವಿಂಟನ್ ಡಿ ಕಾಕ್, ಮನನ್ ವೋಹ್ರಾ, ಎವಿನ್ ಲೂಯಿಸ್, ಮಾರ್ಕಸ್ ಸ್ಟೋನಿಸ್, ಕೃಷ್ಣಪ್ಪ ಗೌತಮ್, ಕರ್ಣ್ ಶರ್ಮಾ, ಜೇಸನ್ ಹೋಲ್ಡರ್, ಕೈಲ್ ಮೇಯರ್ಸ್, ದೀಪಕ್ ಹೂಡಾ, ಕೃನಾಲ್ ಪಾಂಡ್ಯ, ಆಯುಷ್ ಬಡೋನಿ, ರವಿ ಬಿಷ್ಣೋಯ್, ಮಾರ್ಕ್ ವುಡ್, ಚಮೀರಾ, ಅಂಕಿತ್ ರಜಪೂತ್, ಮೊಹ್ಸಿನ್ ಖಾನ್, ಶಹಬಾಜ್ ನದೀಮ್, ಅವೇಶ್ ಖಾನ್ ಮತ್ತು ಮಯಾಂಕ್ ಯಾದವ್.

ಇದನ್ನೂ ಓದಿ:IPL 2022: ಐಪಿಎಲ್ ಆರಂಭಕ್ಕೂ ಮುನ್ನ ಭಾರತದ 25 ಆಟಗಾರರನ್ನು ಎನ್‌ಸಿಎಗೆ ಕಳುಹಿಸಲು ಮುಂದಾದ ಬಿಸಿಸಿಐ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada