MS Dhoni: ಕ್ಯಾಚ್ ಬಿಟ್ಟು ಸಹ ಆಟಗಾರನ ಮೇಲೆ ಕೋಪಗೊಂಡ ಮಹೇಂದ್ರ ಸಿಂಗ್ ಧೋನಿ

MS Dhoni Catch Drop: ಕ್ಯಾಚ್ ಡ್ರಾಪ್ ಹೊರತಾಗಿಯೂ ಮುಂಬೈ ಇಂಡಿಯನ್ಸ್ ಫಲಿತಾಂಶದಲ್ಲಿ ಬದಲಾವಣೆ ಕಂಡು ಬಂದಿರಲಿಲ್ಲ. ಸಿಎಸ್ಕೆ ನೀಡಿದ 156 ರನ್ಗಳನ್ನು ಬೆನ್ನೆತ್ತಿದ ಮುಂಬೈ ಇಂಡಿಯನ್ಸ್ ಅಂತಿಮವಾಗಿ 136 ರನ್ಗಳಿಸಲಷ್ಟೇ ಶಕ್ತರಾದರು.

Dhoni

TV9 Web | Updated By: ಝಾಹಿರ್ ಯೂಸುಫ್
Updated on:Sep 20, 2021 | 3:46 PM

ಚೆನ್ನೈ ಸೂಪರ್ ಕಿಂಗ್ಸ್ (CSK) ನಾಯಕ ಮಹೇಂದ್ರ ಸಿಂಗ್ ಧೋನಿ (MS Dhoni) ಕೂಲ್ ಕ್ಯಾಪ್ಟನ್ ಎಂದೇ ಫೇಮಸ್. ಧೋನಿ ಮೈದಾನದಲ್ಲಿ ಕೋಪಗೊಳ್ಳುವುದೇ ಅಪರೂಪ. ಅದರಲ್ಲೂ ಸ್ಟಾರ್ ಆಟಗಾರರ ವಿರುದ್ಧ ಕೋಪಗೊಳ್ಳಲ್ಲ ಎಂಬುದನ್ನು ಈ ಹಿಂದೊಮ್ಮೆ ಸಹ ಆಟಗಾರ ದೀಪಕ್ ಚಹರ್ ಬಹಿರಂಗಪಡಿಸಿದ್ದರು. ಆದರೆ ಐಪಿಎಲ್ನ ದ್ವಿತಿಯಾರ್ಧದ ಮೊದಲ ಪಂದ್ಯದ ವೇಳೆ ಧೋನಿ ಕೋಪಗೊಂಡಿರುವುದು ಕಂಡು ಬಂತು. ಮುಂಬೈ ಇಂಡಿಯನ್ಸ್ ವಿರುದ್ದ ಟಾಸ್ ಗೆದ್ದ ಚೆನ್ನೈ ಸೂಪರ್ ಕಿಂಗ್ಸ್ ಮೊದಲು ಬ್ಯಾಟಿಂಗ್ ಮಾಡಿತು. ಅದರಂತೆ ರುತುರಾಜ್ ಗಾಯಕ್ವಾಡ್ ಅವರ ಆಕರ್ಷಕ ಅರ್ಧಶತಕದ ನೆರವಿನಿಂದ ಸಿಎಸ್ಕೆ 6 ವಿಕೆಟ್ ನಷ್ಟಕ್ಕೆ 156 ರನ್ ಪೇರಿಸಿತು.

ಈ ಸವಾಲಿನ ಮೊತ್ತವನ್ನು ಬೆನ್ನತ್ತಿದ ಮುಂಬೈ ಇಂಡಿಯನ್ಸ್ ಆರಂಭಿಕ ಆಘಾತಕ್ಕೆ ಒಳಗಾಯಿತು. ಇದಾಗ್ಯೂ ಕಂಬ್ಯಾಕ್ ಮಾಡಿದ್ದ ಮುಂಬೈ ಪಂದ್ಯ ಗೆಲ್ಲುವ ಸೂಚನೆ ನೀಡಿತ್ತು. ಅದರಲ್ಲೂ ಅಂತಿಮ ಓವರ್ಗಳು ಸಿಎಸ್ಕೆ ಪಾಲಿಗೆ ನಿರ್ಣಾಯಕವಾಗಿತ್ತು. ಇತ್ತ ಮುಂಬೈ ಇಂಡಿಯನ್ಸ್‌ ಇನ್ನಿಂಗ್ಸ್‌ನ 18ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ಮುಂಬೈ ಬ್ಯಾಟ್ಸ್‌ಮನ್ ಸೌರವ್ ತಿವಾರಿ ಸ್ಕೂಪ್ ಶಾಟ್ ಆಡಲು ಪ್ರಯತ್ನಿಸಿದರು. ಚೆಂಡು ಆಕಾಶದತ್ತ ಚಿಮ್ಮಿತ್ತು.

ಅತ್ತ ಶಾರ್ಟ್ ಫೈನ್ಲೆಗ್ನಲ್ಲಿ ಫೀಲ್ಡಿಂಗ್ನಲ್ಲಿದ್ದ ಡ್ವೇನ್ ಬ್ರಾವೊ ಕ್ಯಾಚ್ ಹಿಡಿಯಲು ಓಡಿ ಬಂದರು. ಇತ್ತ ಕಡೆಯಿಂದ ವಿಕೆಟ್ ಕೀಪರ್ ಧೋನಿ ಕ್ಯಾಚ್ ನನ್ನದೆಂದು ಕೈಯಲ್ಲಿ ಸೂಚನೆ ನೀಡಿದ್ದರು. ಹೀಗಾಗಿ ಬ್ರಾವೊ ನಿಧಾನಗೊಂಡರು. ಬ್ರಾವೊ ಆಗಮನದಿಂದ ಧೋನಿ ಗೊಂದಲಕ್ಕೊಳಗಾಗಿದ್ದರು. ಇದಾಗ್ಯೂ ಚೆಂಡನ್ನು ಹಿಡಿಯುವಲ್ಲಿ ಧೋನಿ ವಿಫಲರಾದರು.

ಇತ್ತ ಕ್ಯಾಚ್ ಡ್ರಾಪ್ ಆಗುತ್ತಿದ್ದಂತೆ ಮಹೇಂದ್ರ ಸಿಂಗ್ ಧೋನಿ ಕೋಪಗೊಂಡರು. ಇದೀಗ ಧೋನಿ ಬ್ರಾವೋ ವಿರುದ್ದ ರೇಗುತ್ತಿರುವ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ಕ್ಯಾಚ್ ಡ್ರಾಪ್ ಹೊರತಾಗಿಯೂ ಮುಂಬೈ ಇಂಡಿಯನ್ಸ್ ಫಲಿತಾಂಶದಲ್ಲಿ ಬದಲಾವಣೆ ಕಂಡು ಬಂದಿರಲಿಲ್ಲ. ಸಿಎಸ್ಕೆ ನೀಡಿದ 156 ರನ್ಗಳನ್ನು ಬೆನ್ನೆತ್ತಿದ ಮುಂಬೈ ಇಂಡಿಯನ್ಸ್ ಅಂತಿಮವಾಗಿ 136 ರನ್ಗಳಿಸಲಷ್ಟೇ ಶಕ್ತರಾದರು. ಇದರೊಂದಿಗೆ ಚೆನ್ನೈ ಸೂಪರ್ ಕಿಂಗ್ಸ್ 20 ರನ್ಗಳ ಜಯ ಸಾಧಿಸಿ ಅಂಕ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ.