PBKS vs RCB Highlights, IPL 2025: ಪಂಜಾಬ್ ವಿರುದ್ಧ ಗೆದ್ದು ಬೀಗಿದ ಆರ್ಸಿಬಿ
Punjab Kings vs Royal Challengers Bengaluru Highlights in Kannada: ಐಪಿಎಲ್ 2025 ರ 37 ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಪಂಜಾಬ್ ಕಿಂಗ್ಸ್ ವಿರುದ್ಧ ಸುಲಭ ಗೆಲುವು ದಾಖಲಿಸಿತು. ಈ ಪಂದ್ಯದಲ್ಲಿ ಆರ್ಸಿಬಿ ಪರ ವಿರಾಟ್ ಕೊಹ್ಲಿ ಹಾಗೂ ದೇವದತ್ ಪಡಿಕ್ಕಲ್ ತಲಾ ಅರ್ಧಶತಕದ ಇನ್ನಿಂಗ್ಸ್ ಆಡುವ ಮೂಲಕ ಆರ್ಸಿಬಿಗೆ 7 ವಿಕೆಟ್ಗಳ ಜಯ ತಂದುಕೊಟ್ಟರು.
ಐಪಿಎಲ್ 2025 ರ 37 ನೇ ಪಂದ್ಯ ಪಂಜಾಬ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳ ನಡುವೆ ನಡೆಯಿತು. ಮುಲ್ಲನ್ಪುರದ ಮಹಾರಾಜ ಯಾದವೀಂದ್ರ ಸಿಂಗ್ ಅಂತರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಉಭಯ ತಂಡಗಳ ನಡುವಿನ ಈ ಹಣಾಹಣಿ ನಡೆದಿದ್ದು, ಆರ್ಸಿಬಿ ತಂಡವು ಸುಲಭ ಗೆಲುವು ಸಾಧಿಸುವಲ್ಲಿ ಯಶಸ್ವಿಯಾಯಿತು. ಇದರೊಂದಿಗೆ ಆರ್ಸಿಬಿ ಕಳೆದ ಪಂದ್ಯದ ಸೋಲಿಗೆ ಪಂಜಾಬ್ ವಿರುದ್ಧ ಸೇಡು ತೀರಿಸಿಕೊಂಡಿತು. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಬೆಂಗಳೂರು ತಂಡದ ನಾಯಕ ರಜತ್ ಪಟಿದಾರ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದರು. ಮೊದಲು ಬ್ಯಾಟಿಂಗ್ ಮಾಡಿದ ಪಂಜಾಬ್ ತಂಡ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 157 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ಬೆಂಗಳೂರು ತಂಡ 18.5 ಓವರ್ಗಳಲ್ಲಿ ಮೂರು ವಿಕೆಟ್ಗಳನ್ನು ಕಳೆದುಕೊಂಡು ಗುರಿ ತಲುಪಿತು.
LIVE NEWS & UPDATES
-
ಆರ್ಸಿಬಿಗೆ 5ನೇ ಗೆಲುವು
ಆರ್ಸಿಬಿ ಈ ಸೀಸನ್ನ ತನ್ನ ಐದನೇ ಪಂದ್ಯವನ್ನು ಗೆದ್ದುಕೊಂಡಿದೆ. ಕೇವಲ 48 ಗಂಟೆಗಳಲ್ಲಿ ಬೆಂಗಳೂರು ತಂಡ ಪಂಜಾಬ್ ವಿರುದ್ಧದ ತನ್ನ ತವರು ಸೋಲಿಗೆ ಸೇಡು ತೀರಿಸಿಕೊಂಡಿದ್ದು, ತವರು ನೆಲವಾದ ಮುಲ್ಲನ್ಪುರದಲ್ಲಿ ಪಂಜಾಬ್ ತಂಡವನ್ನು 7 ವಿಕೆಟ್ಗಳಿಂದ ಸೋಲಿಸಿದೆ. ಜಿತೇಶ್ ಶರ್ಮಾ 19 ನೇ ಓವರ್ನ ಐದನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿ ತಂಡಕ್ಕೆ ಈ ಸ್ಮರಣೀಯ ಗೆಲುವು ತಂದುಕೊಟ್ಟರು.
-
ಮೂರನೇ ವಿಕೆಟ್
ಬೆಂಗಳೂರು ತಂಡದ ನಾಯಕ ರಜತ್ ಪಟಿದಾರ್ ಔಟಾಗಿದ್ದು, ತಂಡಕ್ಕೆ ಕೇವಲ 15 ರನ್ಗಳ ಅವಶ್ಯಕತೆಯಿದೆ.
ಗೆಲುವಿನ ಸನಿಹದಲ್ಲಿ ಬೆಂಗಳೂರು
ಬೆಂಗಳೂರು ಗೆಲುವಿನ ಸನಿಹದಲ್ಲಿದೆ. ಕೊನೆಯ 4 ಓವರ್ಗಳಲ್ಲಿ ತಂಡಕ್ಕೆ ಕೇವಲ 26 ರನ್ಗಳು ಬೇಕಾಗಿದ್ದು, ನಾಯಕ ಪಾಟಿದಾರ್ ಮತ್ತು ಕೊಹ್ಲಿ ಕ್ರೀಸ್ನಲ್ಲಿದ್ದಾರೆ.
ಕೊಹ್ಲಿ ಅರ್ಧಶತಕ
ವಿರಾಟ್ ಕೊಹ್ಲಿ ಮತ್ತೊಂದು ಅರ್ಧಶತಕ ಗಳಿಸಿದ್ದಾರೆ. ಈ ಸೀಸನ್ನಲ್ಲಿ ಇದು ಅವರ ನಾಲ್ಕನೇ ಅರ್ಧಶತಕವಾಗಿದೆ. ಆದಾಗ್ಯೂ, ಕೊಹ್ಲಿ 43 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದ್ದಾರೆ.
ಎರಡನೇ ವಿಕೆಟ್ ಪತನ
ದೇವದತ್ ಪಡಿಕ್ಕಲ್ (61) 13 ನೇ ಓವರ್ನಲ್ಲಿ, ಹರ್ಪ್ರೀತ್ ಬ್ರಾರ್ ಎಸೆತದಲ್ಲಿ ಸಿಕ್ಸರ್ ಬಾರಿಸಲು ಪ್ರಯತ್ನಿಸುವಾಗ ಪಡಿಕಲ್ ಔಟಾದರು.
100 ರನ್ ಪೂರ್ಣ
ಬೆಂಗಳೂರು ತಂಡ 100 ರನ್ಗಳನ್ನು ಪೂರ್ಣಗೊಳಿಸಿದ್ದು, ಕೊಹ್ಲಿ-ಪಡಿಕಲ್ ಶತಕದ ಜೊತೆಯಾಟವಾಡಿದ್ದಾರೆ. 12ನೇ ಓವರ್ನಲ್ಲಿ ಪಡಿಕ್ಕಲ್ ಸಿಕ್ಸರ್ ಬಾರಿಸಿ ತಂಡವನ್ನು 100 ರನ್ಗಳ ಗಡಿ ದಾಟಿಸಿದರು ಮತ್ತು ಮುಂದಿನ ಎಸೆತದಲ್ಲಿ ಬೌಂಡರಿ ಬಾರಿಸುವ ಮೂಲಕ ಶತಕದ ಪಾಲುದಾರಿಕೆಯನ್ನು ಪೂರ್ಣಗೊಳಿಸಿದರು.
ಪಡಿಕ್ಕಲ್ ಅರ್ಧಶತಕ
ದೇವದತ್ ಪಡಿಕಲ್ 30 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು, ಇದು 22 ಇನ್ನಿಂಗ್ಸ್ಗಳಲ್ಲಿ ಅವರ ಮೊದಲ ಅರ್ಧಶತಕವಾಗಿದೆ.
ಪಂಜಾಬ್ಗೆ ವಿಕೆಟ್ ಬೇಕು
8 ಓವರ್ಗಳ ನಂತರ ಆರ್ಸಿಬಿ ಸ್ಕೋರ್ 69 ರನ್ಗಳನ್ನು ತಲುಪಿದೆ. ಹೀಗಾಗಿ ಪಂಜಾಬ್ ಕಿಂಗ್ಸ್ ವಿಕೆಟ್ ಹುಡುಕುತ್ತಿದೆ.
ಆರ್ಸಿಬಿ 50 ರನ್ ಪೂರ್ಣ
ಆರ್ಸಿಬಿ ಇನ್ನಿಂಗ್ಸ್ನ ಪವರ್ಪ್ಲೇ ಪೂರ್ಣಗೊಂಡಿದ್ದು, ತಂಡವು 50 ರನ್ಗಳನ್ನು ಸಹ ಪೂರ್ಣಗೊಳಿಸಿದೆ. ಪವರ್ಪ್ಲೇಯ ಕೊನೆಯ ಓವರ್ನಲ್ಲಿ ವಿರಾಟ್ ಕೊಹ್ಲಿ ಮಾರ್ಕೊ ಯಾನ್ಸನ್ ಎಸೆತದಲ್ಲಿ 2 ಬೌಂಡರಿಗಳನ್ನು ಬಾರಿಸಿದರು.
ಕೊಹ್ಲಿ- ಪಡಿಕಲ್ ಜೊತೆಯಾಟ
ಮೊದಲ ಓವರ್ನಲ್ಲಿ ವಿಕೆಟ್ ಪತನವಾದ ನಂತರ, ದೇವದತ್ ಪಡಿಕ್ಕಲ್ ಮತ್ತು ವಿರಾಟ್ ಕೊಹ್ಲಿ ಇನ್ನಿಂಗ್ಸ್ನ ಜವಾಬ್ದಾರಿಯನ್ನು ವಹಿಸಿಕೊಂಡರು. 4 ಓವರ್ಗಳ ನಂತರ ತಂಡದ ಸ್ಕೋರ್ 31 ರನ್.
ಮೊದಲ ವಿಕೆಟ್ ಪತನ
ಬೆಂಗಳೂರು ತಂಡ ಕಳಪೆ ಆರಂಭ ಪಡೆದು, ಮೊದಲ ಓವರ್ ನಲ್ಲೇ ಫಿಲ್ ಸಾಲ್ಟ್ (1) ವಿಕೆಟ್ ಕಳೆದುಕೊಂಡಿತು. ಕಳೆದ ಪಂದ್ಯದಂತೆ, ಮತ್ತೊಮ್ಮೆ ಅರ್ಶ್ದೀಪ್ ಮೊದಲ ಓವರ್ನಲ್ಲಿಯೇ ಸಾಲ್ಟ್ ಅವರನ್ನು ಔಟ್ ಮಾಡಿದರು.
ಆರ್ಸಿಬಿ ಬ್ಯಾಟಿಂಗ್ ಆರಂಭ
ಬೆಂಗಳೂರಿನ ಇನ್ನಿಂಗ್ಸ್ ಆರಂಭವಾಗಿದ್ದು, ತಂಡವು 158 ರನ್ಗಳ ಗುರಿಯನ್ನು ಬೆನ್ನಟ್ಟುತ್ತಿದೆ. ಇದಕ್ಕಾಗಿ ಆರಂಭಿಕ ಜೋಡಿ ಫಿಲ್ ಸಾಲ್ಟ್ ಮತ್ತು ವಿರಾಟ್ ಕೊಹ್ಲಿ ಮೈದಾನಕ್ಕೆ ಬಂದಿದ್ದಾರೆ.
157 ರನ್ ಟಾರ್ಗೆಟ್
ಪಂಜಾಬ್ ಕಿಂಗ್ಸ್ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 157 ರನ್ ಗಳಿಸಿದೆ. ಕೊನೆಯ 4 ಓವರ್ಗಳಲ್ಲಿ ಬೆಂಗಳೂರು ತಂಡವು ಕೇವಲ 28 ರನ್ಗಳನ್ನು ಮಾತ್ರ ನೀಡಿತು. ಇನ್ನಿಂಗ್ಸ್ನ ಕೊನೆಯ ಎಸೆತದಲ್ಲಿ ಮಾರ್ಕೊ ಯಾನ್ಸನ್ ಸಿಕ್ಸರ್ ಬಾರಿಸಿದರು, ಇದರಿಂದಾಗಿ ಪಂಜಾಬ್ 157 ರನ್ಗಳನ್ನು ತಲುಪಲು ಸಾಧ್ಯವಾಯಿತು. ಶಶಾಂಕ್ 33 ಎಸೆತಗಳಲ್ಲಿ 31 ರನ್ ಗಳಿಸಿ ಅಜೇಯರಾಗಿ ಮರಳಿದರೆ ಮಾರ್ಕೊ ಯಾನ್ಸೆನ್ 20 ಎಸೆತಗಳಲ್ಲಿ 25 ರನ್ ಗಳಿಸಿ ಅಜೇಯರಾಗಿ ಉಳಿದರು. ಬೆಂಗಳೂರು ಪರ ಸುಯಾಶ್ ಮತ್ತು ಕೃನಾಲ್ ತಲಾ 2 ವಿಕೆಟ್ ಪಡೆದರು.
16 ಓವರ್ ಪೂರ್ಣ
ಪಂಜಾಬ್ ತಂಡದ ಇನ್ನಿಂಗ್ಸ್ನ 16 ಓವರ್ಗಳು ಪೂರ್ಣಗೊಂಡಿದ್ದು, ತಂಡವು 6 ವಿಕೆಟ್ಗಳನ್ನು ಕಳೆದುಕೊಂಡು 129 ರನ್ಗಳನ್ನು ಗಳಿಸಿದೆ.
ಆರನೇ ವಿಕೆಟ್
ಲೆಗ್ ಸ್ಪಿನ್ನರ್ ಸುಯಾಶ್ ಶರ್ಮಾ ಒಂದೇ ಓವರ್ನಲ್ಲಿ 2 ವಿಕೆಟ್ ಪಡೆದಿದ್ದಾರೆ. ಇಂಗ್ಲಿಸ್ ಅವರನ್ನು ಔಟ್ ಮಾಡಿದ ನಂತರ, ಸುಯಾಶ್ ಕೊನೆಯ ಎಸೆತದಲ್ಲಿ ಮಾರ್ಕಸ್ ಸ್ಟೊಯಿನಿಸ್ ಅವರನ್ನು ಔಟ್ ಮಾಡಿದರು.
ಪಂಜಾಬ್ ಐದನೇ ವಿಕೆಟ್
ಜೋಶ್ ಇಂಗ್ಲಿಸ್ 14 ನೇ ಓವರ್ನಲ್ಲಿ ಸ್ಪಿನ್ನರ್ ಸುಯಾಶ್ ಶರ್ಮಾ ಬೌಲಿಂಗ್ನಲ್ಲಿ ಬೌಲ್ಡ್ ಆದರು.
100 ರನ್ ಪೂರ್ಣ
ಪಂಜಾಬ್ ತಂಡದ ಜವಾಬ್ದಾರಿ ಈಗ ಶಶಾಂಕ್ ಸಿಂಗ್ ಮತ್ತು ಜೋಶ್ ಇಂಗ್ಲಿಸ್ ಮೇಲಿದ್ದು, ಅವರು ಉತ್ತಮ ಜೊತೆಯಾಟವಾಡುತ್ತಿರುವುದು ಕಂಡುಬರುತ್ತಿದೆ. ಇಬ್ಬರೂ 4 ಓವರ್ಗಳಲ್ಲಿ 35 ರನ್ ಗಳಿಸಿ ತಂಡವನ್ನು 100 ರನ್ಗಳ ಗಡಿ ದಾಟಿಸಿದರು.
ವಧೇರಾ ಔಟ್
ಪಂಜಾಬ್ ತಂಡ 3 ಓವರ್ಗಳ ಒಳಗೆ 3 ವಿಕೆಟ್ಗಳನ್ನು ಕಳೆದುಕೊಂಡಿತು. ಈ ಬಾರಿ ನೆಹಾಲ್ ವಾಧೇರಾ 9ನೇ ಓವರ್ನ ಕೊನೆಯ ಎಸೆತದಲ್ಲಿ ರನೌಟ್ ಆದರು.
ಶ್ರೇಯಸ್ ಫೇಲ್
ಶ್ರೇಯಸ್ ಅಯ್ಯರ್ ಸತತ ಮೂರನೇ ಪಂದ್ಯದಲ್ಲೂ ರನ್ ಗಳಿಸಲು ವಿಫಲರಾದರು. ಎಂಟನೇ ಓವರ್ನಲ್ಲಿ ಪಂಜಾಬ್ ಈ ವಿಕೆಟ್ ಕಳೆದುಕೊಂಡಿತು. ಶ್ರೇಯಸ್ 10 ಎಸೆತಗಳಲ್ಲಿ ಆರು ರನ್ ಗಳಿಸಿ ಔಟಾದರು.
2ನೇ ವಿಕೆಟ್ ಪತನ
ಏಳನೇ ಓವರ್ನಲ್ಲಿ 62 ರನ್ಗಳಿದ್ದಾಗ ಪಂಜಾಬ್ಗೆ ಎರಡನೇ ಹೊಡೆತ ಬಿದ್ದಿತು. ಕೃನಾಲ್ ಪಾಂಡ್ಯ ಎಸೆತದಲ್ಲಿ ಪ್ರಭ್ಸಿಮ್ರಾನ್ ಸಿಂಗ್ಗೆ ಔಟಾದರು. 17 ಎಸೆತಗಳಲ್ಲಿ ಐದು ಬೌಂಡರಿ ಮತ್ತು ಒಂದು ಸಿಕ್ಸರ್ ನೆರವಿನಿಂದ 33 ರನ್ ಗಳಿಸಿದ ಪ್ರಭ್ಸಿಮ್ರನ್ ಔಟಾದರು.
ಪ್ರಿಯಾಂಶ್ ಔಟ್
ಪಂಜಾಬ್ ತಂಡವು ಐದನೇ ಓವರ್ನಲ್ಲಿ 42 ರನ್ಗಳಿಗೆ ಮೊದಲ ವಿಕೆಟ್ ಕಳೆದುಕೊಂಡಿದೆ. ಕೃನಾಲ್ ಪಾಂಡ್ಯ ತಮ್ಮ ಮೊದಲ ಓವರ್ನಲ್ಲಿಯೇ ಪ್ರಿಯಾಂಶ್ ಆರ್ಯ ಅವರನ್ನು ಬೇಟೆಯಾಡಿದರು. ಪ್ರಿಯಾಂಶ್, ಪ್ರಭಾಸಿಮ್ರನ್ ಜೊತೆಗೂಡಿ ಪಂಜಾಬ್ ಗೆ ಬಿರುಸಿನ ಆರಂಭ ನೀಡಿದರು. ಇಬ್ಬರೂ 26 ಎಸೆತಗಳಲ್ಲಿ 42 ರನ್ಗಳ ಜೊತೆಯಾಟ ನಡೆಸಿದರು. ಪ್ರಿಯಾಂಶ್ 15 ಎಸೆತಗಳಲ್ಲಿ ಮೂರು ಬೌಂಡರಿ ಮತ್ತು ಒಂದು ಸಿಕ್ಸರ್ ನೆರವಿನಿಂದ 22 ರನ್ ಗಳಿಸಿ ಔಟಾದರು. ಪ್ರಸ್ತುತ ಪ್ರಭ್ಸಿಮ್ರಾನ್ ಸಿಂಗ್ ಮತ್ತು ನಾಯಕ ಶ್ರೇಯಸ್ ಅಯ್ಯರ್ ಕ್ರೀಸ್ನಲ್ಲಿದ್ದಾರೆ. 5 ಓವರ್ಗಳ ನಂತರ ಪಂಜಾಬ್ ಸ್ಕೋರ್ 49/1.
ದಯಾಳ್ ದುಬಾರಿ
ಪಂಜಾಬ್ ಮೊದಲ ಓವರ್ನಲ್ಲಿ ಕೇವಲ 2 ರನ್ ಗಳಿಸಿತು ಆದರೆ ಎರಡನೇ ಓವರ್ನಲ್ಲಿ ಪ್ರಿಯಾಂಶ್ ಆರ್ಯ ಯಶ್ ದಯಾಳ್ ಮೇಲೆ ದಾಳಿ ಮಾಡಿದರು. ಈ ಓವರ್ನಲ್ಲಿ ಅವರು ಒಂದು ಸಿಕ್ಸರ್ ಮತ್ತು ಎರಡು ಬೌಂಡರಿಗಳನ್ನು ಬಾರಿಸುವ ಮೂಲಕ 17 ರನ್ ಗಳಿಸಿದರು.
ಪಂಜಾಬ್ ಬ್ಯಾಟಿಂಗ್ ಆರಂಭ
ಪಂಜಾಬ್ ಕಿಂಗ್ಸ್ ತಂಡದ ಬ್ಯಾಟಿಂಗ್ ಆರಂಭವಾಗಿದೆ. ಮತ್ತೊಮ್ಮೆ ಪ್ರಭ್ಸಿಮ್ರಾನ್ ಸಿಂಗ್ ಮತ್ತು ಪ್ರಿಯಾಂಶ್ ಆರ್ಯ ಜೋಡಿ ಕ್ರೀಸ್ನಲ್ಲಿದ್ದಾರೆ. ಬೆಂಗಳೂರು ಪರ ಭುವನೇಶ್ವರ್ ಕುಮಾರ್ ಬೌಲಿಂಗ್ ಆರಂಭಿಸುತ್ತಿದ್ದಾರೆ.
ಪಂಜಾಬ್ ಕಿಂಗ್ಸ್
ಪ್ರಭಾಸಿಮ್ರಾನ್ ಸಿಂಗ್, ಪ್ರಿಯಾಂಶ್ ಆರ್ಯ, ನೇಹಾಲ್ ವಧೇರಾ, ಶ್ರೇಯಸ್ ಅಯ್ಯರ್ (ನಾಯಕ), ಶಶಾಂಕ್ ಸಿಂಗ್, ಜೋಶ್ ಇಂಗ್ಲಿಸ್ (ವಿಕೆಟ್ ಕೀಪರ್), ಮಾರ್ಕಸ್ ಸ್ಟೋನಿಸ್, ಮಾರ್ಕೊ ಯಾನ್ಸೆನ್, ಕ್ಸೇವಿಯರ್ ಬಾರ್ಟ್ಲೆಟ್, ಅರ್ಶ್ದೀಪ್ ಸಿಂಗ್, ಯುಜ್ವೇಂದ್ರ ಚಾಹಲ್.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು
ಫಿಲ್ ಸಾಲ್ಟ್, ವಿರಾಟ್ ಕೊಹ್ಲಿ, ರಜತ್ ಪಾಟಿದಾರ್ (ನಾಯಕ), ಟಿಮ್ ಡೇವಿಡ್, ರೊಮಾರಿಯೊ ಶೆಫರ್ಡ್, ಜಿತೇಶ್ ಶರ್ಮಾ (ವಿಕೆಟ್ ಕೀಪರ್), ಕೃನಾಲ್ ಪಾಂಡ್ಯ, ಭುವನೇಶ್ವರ್ ಕುಮಾರ್, ಜೋಶ್ ಹ್ಯಾಜಲ್ವುಡ್, ಸುಯಾಶ್ ಶರ್ಮಾ, ಯಶ್ ದಯಾಲ್.
ಟಾಸ್ ಗೆದ್ದ ಆರ್ಸಿಬಿ
ಟಾಸ್ ಗೆದ್ದ ಆರ್ಸಿಬಿ ನಾಯಕ ರಜತ್ ಪಾಟಿದರ್ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದಾರೆ.
Published On - 3:02 pm, Sun, 20 April 25