RCB vs PBKS Highlights, IPL 2025: 8 ವಿಕೆಟ್ಗಳಿಂದ ಗೆದ್ದು ಫೈನಲ್ಗೇರಿದ ಆರ್ಸಿಬಿ
Royal Challengers Bengaluru vs Punjab Kings Highlights in Kannada: ಐಪಿಎಲ್ 2025 ರ ಮೊದಲ ಕ್ವಾಲಿಫೈಯರ್ನಲ್ಲಿ, ಫಿಲ್ ಸಾಲ್ಟ್ ಮತ್ತು ಜೋಶ್ ಹೇಜಲ್ವುಡ್, ಸುಯೇಶ್ ಶಮರ್ಾ ಅವರ ಅದ್ಭುತ ಪ್ರದರ್ಶನದ ಆಧಾರದ ಮೇಲೆ ಆರ್ಸಿಬಿ ನಾಲ್ಕನೇ ಬಾರಿಗೆ ಐಪಿಎಲ್ನ ಫೈನಲ್ಗೆ ತಲುಪಿದೆ. ಅಲ್ಲದೆ ಆರ್ಸಿಬಿ 9 ವರ್ಷಗಳ ನಂತರ ಐಪಿಎಲ್ ಫೈನಲ್ ಪ್ರವೇಶಿಸಿದ್ದು, ಈ ತಂಡ ಕೊನೆಯ ಬಾರಿಗೆ 2016 ರಲ್ಲಿ ಫೈನಲ್ ತಲುಪಿತ್ತು.
ಲಕ್ಷಾಂತರ ಆರ್ಸಿಬಿ ಅಭಿಮಾನಿಗಳು ನಿರೀಕ್ಷಿಸಿದ್ದನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಕೊನೆಗೂ ಸಾಧಿಸಿದೆ. 2016 ರ ನಂತರ ಆರ್ಸಿಬಿ ಐಪಿಎಲ್ ಫೈನಲ್ಗೆ ಲಗ್ಗೆ ಇಟ್ಟಿದೆ. ಇಂದು ನಡೆದ ಮೊದಲ ಕ್ವಾಲಿಫೈಯರ್ನಲ್ಲಿ ಆರ್ಸಿಬಿ, ಪಂಜಾಬ್ ತಂಡವನ್ನು ಏಕಪಕ್ಷೀಯ ರೀತಿಯಲ್ಲಿ ಸೋಲಿಸಿತು. ಜೋಶ್ ಹೇಜಲ್ವುಡ್, ಸುಯಾಶ್ ಶರ್ಮಾ ಮತ್ತು ಫಿಲ್ ಸಾಲ್ಟ್ಗೆ ತಂಡದ ಗೆಲುವಿನ ಶ್ರೇಯ ಸಲ್ಲಬೇಕು. ಹೇಜಲ್ವುಡ್ ಮತ್ತು ಸುಯಾಶ್ ಅದ್ಭುತ ಬೌಲಿಂಗ್ ಮಾಡಿ ತಲಾ 3 ವಿಕೆಟ್ ಪಡೆದರು. ಇದಾದ ನಂತರ, ಫಿಲ್ ಸಾಲ್ಟ್ 23 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿ ಪಂಜಾಬ್ನ ಫೈನಲ್ ತಲುಪುವ ಆಸೆಯನ್ನು ಹುಸಿಗೊಳಿಸಿದರು.
LIVE NEWS & UPDATES
-
ಫೈನಲ್ಗೇರಿದ ಆರ್ಸಿಬಿ
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಐಪಿಎಲ್ 2025 ರ ಫೈನಲ್ ತಲುಪಿದೆ. ನಾಯಕ ರಜತ್ ಪಟಿದಾರ್ 10 ನೇ ಓವರ್ನ ಕೊನೆಯ ಎಸೆತದಲ್ಲಿ ಸಿಕ್ಸರ್ ಬಾರಿಸಿ ತಂಡಕ್ಕೆ ಸ್ಮರಣೀಯ 8 ವಿಕೆಟ್ಗಳ ಗೆಲುವು ತಂದುಕೊಟ್ಟರು ಮತ್ತು 2016 ರ ನಂತರ ಮೊದಲ ಬಾರಿಗೆ ತಂಡವನ್ನು ಪ್ರಶಸ್ತಿ ಪಂದ್ಯಕ್ಕೆ ಕೊಂಡೊಯ್ದರು.
-
ಸಾಲ್ಟ್ ಅರ್ಧಶತಕ
ಕಡಿಮೆ ಸ್ಕೋರಿಂಗ್ ಪಂದ್ಯದಲ್ಲಿ ಫಿಲ್ ಸಾಲ್ಟ್ ಕೇವಲ 23 ಎಸೆತಗಳಲ್ಲಿ ಅರ್ಧಶತಕ ಗಳಿಸುವ ಮೂಲಕ ತಂಡದ ಗೆಲುವನ್ನು ಖಚಿತಪಡಿಸಿದರು. ಈ ಸೀಸನ್ನಲ್ಲಿ ಸಾಲ್ಟ್ ಅವರ ನಾಲ್ಕನೇ ಅರ್ಧಶತಕ ಇದು.
ಎರಡನೇ ವಿಕೆಟ್ ಪತನ
ಬೆಂಗಳೂರು ತನ್ನ ಎರಡನೇ ವಿಕೆಟ್ ಕಳೆದುಕೊಂಡಿದೆ. ಮೊದಲ ಪಂದ್ಯ ಆಡುತ್ತಿದ್ದ ಮುಶೀರ್ ಖಾನ್, ಮಾಯಾಂಕ್ ಅಗರ್ವಾಲ್ (19) ಅವರ ವಿಕೆಟ್ ಪಡೆದರು.
ಪವರ್ ಪ್ಲೇ ಅಂತ್ಯ
ಮೇಡನ್ ಓವರ್ ಬೌಲಿಂಗ್ ಮಾಡಿದ ಜೇಮೀಸನ್ ಮುಂದಿನ ಓವರ್ನಲ್ಲಿ ದುಬಾರಿಯಾದರು. ಮಾಯಾಂಕ್ ಆ ಓವರ್ ಅನ್ನು ಬೌಂಡರಿಯೊಂದಿಗೆ ಆರಂಭಿಸಿದರು. ನಂತರ ಕೊನೆಯ 3 ಎಸೆತಗಳಲ್ಲಿ ಸಾಲ್ಟ್ 2 ಬೌಂಡರಿ ಮತ್ತು 1 ಸಿಕ್ಸರ್ ಬಾರಿಸಿದರು. ಪವರ್ಪ್ಲೇಯ ಕೊನೆಯ ಓವರ್ನಲ್ಲಿ 21 ರನ್ಗಳು ಬಂದವು ಮತ್ತು ಬೆಂಗಳೂರಿನ ಸ್ಕೋರ್ 61 ರನ್ಗಳನ್ನು ತಲುಪಿತು.
ಮೊದಲ ವಿಕೆಟ್
ಬೆಂಗಳೂರು ತಂಡವು ತನ್ನ ಮೊದಲ ವಿಕೆಟ್ ಕಳೆದುಕೊಂಡಿದ್ದು, ವಿರಾಟ್ ಕೊಹ್ಲಿ (12) ಇಂದು ಉತ್ತಮ ಫಾರ್ಮ್ ನಲ್ಲಿಲ್ಲ. ಕೈಲ್ ಜೇಮಿಸನ್ ನಾಲ್ಕನೇ ಓವರ್ನಲ್ಲೇ ವಿರಾಟ್ ಕೊಹ್ಲಿ ವಿಕೆಟ್ ಪಡೆದರು.
ಆರ್ಸಿಬಿ ಬ್ಯಾಟಿಂಗ್ ಆರಂಭ
ಬೆಂಗಳೂರು ತಂಡದ ಬ್ಯಾಟಿಂಗ್ ಆರಂಭವಾಗಿದೆ. ಮೊದಲ ಓವರ್ನಲ್ಲಿ ವಿರಾಟ್ ಕೊಹ್ಲಿ ಮತ್ತು ಫಿಲ್ ಸಾಲ್ಟ್ 11 ರನ್ ಗಳಿಸಿದರು. ಮೊದಲ ಓವರ್ ಅನ್ನು ಅರ್ಶ್ದೀಪ್ ಸಿಂಗ್ ಬೌಲ್ ಮಾಡಿದರು.
101 ರನ್ಗಳ ಗುರಿ
ಪಂಜಾಬ್ ಕಿಂಗ್ಸ್ ತಂಡದ ಇನ್ನಿಂಗ್ಸ್ ಕೇವಲ 101 ರನ್ ಗಳಿಗೆ ಕುಸಿದು ಹೋಯಿತು. 15 ನೇ ಓವರ್ನ ಮೊದಲ ಎಸೆತದಲ್ಲಿ, ಜೋಶ್ ಹ್ಯಾಜಲ್ವುಡ್ ಕೊನೆಯ ವಿಕೆಟ್ ಆಗಿ ಅಜ್ಮತುಲ್ಲಾ ಒಮರ್ಜೈ ಅವರ ವಿಕೆಟ್ ಪಡೆದರು. ಬೆಂಗಳೂರಿನ ಪ್ರತಿಯೊಬ್ಬ ಬೌಲರ್ ಇಂದು ಮಾರಕ ಪ್ರದರ್ಶನ ನೀಡಿದರು. ಇದರಲ್ಲಿ ಹ್ಯಾಜಲ್ವುಡ್ ಮತ್ತು ಸುಯಾಶ್ ಶರ್ಮಾ ತಲಾ 3 ವಿಕೆಟ್ ಪಡೆದರೆ, ಯಶ್ ದಯಾಳ್ 2 ವಿಕೆಟ್ ಪಡೆದರು. ಅವರಲ್ಲದೆ, ಭುವನೇಶ್ವರ್ ಮತ್ತು ಶೆಫರ್ಡ್ ತಲಾ 1 ವಿಕೆಟ್ ಪಡೆದರು.
9ನೇ ವಿಕೆಟ್ ಪತನ
ಪಂಜಾಬ್ 9ನೇ ವಿಕೆಟ್ ಕಳೆದುಕೊಂಡಿದ್ದು, ತಂಡವು 100 ರನ್ ಗಳಿಸಲು ಸಹ ಸಾಧ್ಯವಾಗಿಲ್ಲ. 14ನೇ ಓವರ್ನಲ್ಲಿ ರೊಮಾರಿಯೊ ಶೆಫರ್ಡ್ ಹರ್ಪ್ರೀತ್ ಬ್ರಾರ್ (4) ಅವರನ್ನು ಔಟ್ ಮಾಡಿದರು.
7ನೇ ವಿಕೆಟ್
ಪಂಜಾಬ್ನ ಏಳನೇ ವಿಕೆಟ್ ಪತನಗೊಂಡಿದ್ದು ಮುಶೀರ್ ಖಾನ್ ಕೂಡ ಔಟಾಗಿದ್ದಾರೆ. ಸುಯಾಶ್ ಶರ್ಮಾ 9ನೇ ಓವರ್ನಲ್ಲಿ 2 ವಿಕೆಟ್ಗಳನ್ನು ಪಡೆದಿದ್ದಾರೆ. ಈ ರೀತಿಯಾಗಿ, ಕೇವಲ 60 ರನ್ಗಳಿಗೆ 7 ವಿಕೆಟ್ಗಳು ಪತನಗೊಂಡಿವೆ.
ಆರನೇ ವಿಕೆಟ್ ಪತನ
ಪಂಜಾಬ್ ಕಿಂಗ್ಸ್ ತಂಡದ ಆರನೇ ವಿಕೆಟ್ ಕೂಡ ಪತನವಾಗಿದ್ದು, ಈ ಬಾರಿ ಸುಯಾಶ್ ಶರ್ಮಾ ಯಶಸ್ಸು ಗಳಿಸಿದ್ದಾರೆ. ಅವರು ಒಂಬತ್ತನೇ ಓವರ್ನಲ್ಲಿ ಶಶಾಂಕ್ ಸಿಂಗ್ (3) ಅವರನ್ನು ಔಟ್ ಮಾಡಿದರು.
ಅರ್ಧದಷ್ಟು ಮಂದಿ ಪೆವಿಲಿಯನ್ಗೆ
ಪಂಜಾಬ್ ತಂಡ ಕೇವಲ 50 ರನ್ಗಳಿಗೆ 5 ವಿಕೆಟ್ಗಳನ್ನು ಕಳೆದುಕೊಂಡಿದೆ. ಏಳನೇ ಓವರ್ನಲ್ಲಿ ಯಶ್ ದಯಾಳ್ ನೆಹಾಲ್ ವಾಧೇರಾ (8) ಅವರನ್ನು ಔಟ್ ಮಾಡಿದರು.
ನಾಲ್ಕನೇ ವಿಕೆಟ್
ಪಂಜಾಬ್ ಸ್ಥಿತಿ ಹದಗೆಟ್ಟಿದ್ದು, ನಾಲ್ಕನೇ ವಿಕೆಟ್ ಕೂಡ ಪತನಗೊಂಡಿದೆ. ಪವರ್ಪ್ಲೇನ ಕೊನೆಯ ಓವರ್ನಲ್ಲಿ, ಹ್ಯಾಜಲ್ವುಡ್ ಜೋಶ್ ಇಂಗ್ಲಿಸ್ ಅವರನ್ನು ಪೆವಿಲಿಯನ್ಗೆ ವಾಪಸ್ ಕಳುಹಿಸಿದರು. ಕೇವಲ 38 ರನ್ಗಳಿಗೆ 4 ವಿಕೆಟ್ಗಳು ಪತನಗೊಂಡಿವೆ.
ಶ್ರೇಯಸ್ ಔಟ್
ಪಂಜಾಬ್ ಮೂರನೇ ವಿಕೆಟ್ ಕಳೆದುಕೊಂಡಿತು, ಈ ಬಾರಿ ನಾಯಕ ಶ್ರೇಯಸ್ ಅಯ್ಯರ್ (2) ವಿಕೆಟ್ ಒಪ್ಪಿಸಿದರು. ಬೆಂಗಳೂರು ತಂಡಕ್ಕೆ ಮರಳಿದ್ದ ಜೋಶ್ ಹ್ಯಾಜಲ್ವುಡ್, ಅಯ್ಯರ್ ಅವರನ್ನು ಕೇವಲ 3 ಎಸೆತಗಳಲ್ಲಿ ಔಟ್ ಮಾಡಿದರು. ಪಂಜಾಬ್ 30 ರನ್ಗಳಿಗೆ 3 ವಿಕೆಟ್ಗಳನ್ನು ಕಳೆದುಕೊಂಡಿದೆ.
ಎರಡನೇ ವಿಕೆಟ್
ಪಂಜಾಬ್ ತಂಡದ ಮತ್ತೊಬ್ಬ ಆರಂಭಿಕ ಆಟಗಾರ ಪ್ರಭ್ಸಿಮ್ರನ್ ಸಿಂಗ್ (18) ಕೂಡ ಔಟಾದ ಕಾರಣ ತಂಡಕ್ಕೆ ಮತ್ತೊಂದು ಹೊಡೆತ ಬಿದ್ದಿತು. ಮೂರನೇ ಓವರ್ನ ಕೊನೆಯ ಎಸೆತದಲ್ಲಿ ಭುವನೇಶ್ವರ್ ಕುಮಾರ್ ಯಶಸ್ಸು ಗಳಿಸಿದರು.
ಮೊದಲ ವಿಕೆಟ್ ಪತನ
ಪಂಜಾಬ್ ಕಿಂಗ್ಸ್ ತಂಡವು ಎರಡನೇ ಓವರ್ನಲ್ಲಿ ಆರಂಭಿಕ ಪ್ರಿಯಾಂಶ್ ಆರ್ಯ (7) ಅವರನ್ನು ಕಳೆದುಕೊಂಡು ಕಳಪೆ ಆರಂಭ ಪಡೆಯಿತು. ಆ ಓವರ್ನ ಎರಡನೇ ಎಸೆತದಲ್ಲಿ ಯಶ್ ದಯಾಳ್ ಈ ವಿಕೆಟ್ ಪಡೆದರು.
ಪಂಜಾಬ್ ಕಿಂಗ್ಸ್ ಬ್ಯಾಟಿಂಗ್ ಆರಂಭ
ಪಂಜಾಬ್ ಕಿಂಗ್ಸ್ ತಂಡದ ಬ್ಯಾಟಿಂಗ್ ಆರಂಭವಾಗಿದೆ. ಆರಂಭಿಕ ಜೋಡಿ ಪ್ರಿಯಾಂಶ್ ಆರ್ಯ ಮತ್ತು ಪ್ರಭ್ಸಿಮ್ರಾನ್ ಸಿಂಗ್ ಕ್ರೀಸ್ನಲ್ಲಿದ್ದಾರೆ. ಬೆಂಗಳೂರು ಪರ ಭುವನೇಶ್ವರ್ ಕುಮಾರ್ ಬೌಲಿಂಗ್ ಆರಂಭಿಸಿದ್ದಾರೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು
ವಿರಾಟ್ ಕೊಹ್ಲಿ, ಫಿಲಿಪ್ ಸಾಲ್ಟ್, ರಜತ್ ಪಾಟಿದಾರ್ (ನಾಯಕ), ಲಿಯಾಮ್ ಲಿವಿಂಗ್ಸ್ಟೋನ್, ಜಿತೇಶ್ ಶರ್ಮಾ (ವಿಕೆಟ್ ಕೀಪರ್), ರೊಮಾರಿಯೊ ಶೆಫರ್ಡ್, ಕೃನಾಲ್ ಪಾಂಡ್ಯ, ಭುವನೇಶ್ವರ್ ಕುಮಾರ್, ಯಶ್ ದಯಾಲ್, ಜೋಶ್ ಹೇಜಲ್ವುಡ್, ಸುಯಾಶ್ ಶರ್ಮಾ.
ಪಂಜಾಬ್ ಕಿಂಗ್ಸ್
ಪ್ರಿಯಾಂಶ್ ಆರ್ಯ, ಪ್ರಭಾಸಿಮ್ರಾನ್ ಸಿಂಗ್, ಜೋಶ್ ಇಂಗ್ಲಿಸ್ (ವಿಕೆಟ್ ಕೀಪರ್), ಶ್ರೇಯಸ್ ಅಯ್ಯರ್ (ನಾಯಕ), ನೆಹಾಲ್ ವಧೇರಾ, ಶಶಾಂಕ್ ಸಿಂಗ್, ಮಾರ್ಕಸ್ ಸ್ಟೋನಿಸ್, ಅಜ್ಮತುಲ್ಲಾ ಉಮರ್ಜಾಯ್, ಹರ್ಪ್ರೀತ್ ಬ್ರಾರ್, ಅರ್ಷ್ದೀಪ್ ಸಿಂಗ್, ಕೈಲ್ ಜೇಮಿಸನ್.
ಟಾಸ್ ಗೆದ್ದ ಆರ್ಸಿಬಿ
ಪಂಜಾಬ್ ವಿರುದ್ಧ ಟಾಸ್ ಗೆದ್ದ ಆರ್ಸಿಬಿ ನಾಯಕ ರಜತ್ ಪಾಟಿದರ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.
Published On - 7:02 pm, Thu, 29 May 25