IPL 2025 Qualifier 1: ಆರ್ಸಿಬಿ ವೇಗಿಗಳ ಆರ್ಭಟ; ಪವರ್ಪ್ಲೇನಲ್ಲೇ ಪವರ್ ಕಳೆದುಕೊಂಡ ಪಂಜಾಬ್
IPL 2025 Qualifier 1, RCB vs PBKS: 2025ರ ಐಪಿಎಲ್ ಕ್ವಾಲಿಫೈಯರ್ 1ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಪಂಜಾಬ್ ಕಿಂಗ್ಸ್ ತಂಡಗಳು ಮುಖಾಮುಖಿಯಾಗಿವೆ. ಟಾಸ್ ಗೆದ್ದ ಆರ್ಸಿಬಿ, ಪಂಜಾಬ್ ಅನ್ನು ಮೊದಲು ಬ್ಯಾಟ್ ಮಾಡಲು ಆಹ್ವಾನಿಸಿತು. ಪಂಜಾಬ್ ತಂಡ ಪವರ್ಪ್ಲೇಯಲ್ಲಿ 4 ವಿಕೆಟ್ ಕಳೆದುಕೊಂಡು 48 ರನ್ ಗಳಿಸಿದೆ. ಆರ್ಸಿಬಿ ಬೌಲರ್ಗಳು ಅದ್ಭುತ ಪ್ರದರ್ಶನ ನೀಡುತ್ತಿದ್ದಾರೆ.
Updated on:May 29, 2025 | 8:19 PM
ಪಂಜಾಬ್ನ ಮುಲ್ಲನ್ಪುರದ ಮಹಾರಾಜ ಯದ್ವಿಂದರ್ ಸಿಂಗ್ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ 2025 ರ ಐಪಿಎಲ್RCB vs PBKS Live Score, IPL 2025: ಪಂಜಾಬ್ 5ನೇ ವಿಕೆಟ್ ಪತನ; ಶ್ರೇಯಸ್ ಔಟ್ (IPL 2025 Qualifier 1) ಕ್ವಾಲಿಫೈಯರ್ 1 ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಪಂಜಾಬ್ ಕಿಂಗ್ಸ್ ತಂಡಗಳು (RCB vs PBKS) ಮುಖಾಮುಖಿಯಾಗಿವೆ. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಆರ್ಸಿಬಿ ನಾಯಕ ರಜತ್ ಪಾಟಿದರ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ. ಹೀಗಾಗಿ ಮೊದಲು ಬ್ಯಾಟಿಂಗ್ ಮಾಡುತ್ತಿರುವ ಪಂಜಾಬ್ ತಂಡಕ್ಕೆ ಆರಂಭದಲ್ಲೇ ಪವರ್ ಕಳೆದುಕೊಂಡಿದೆ. ಪಂಜಾಬ್ ಪವರ್ಪ್ಲೇನಲ್ಲೇ ಅಂದರೆ ಮೊದಲ 6 ಓವರ್ಗಳಲ್ಲೇ ಪ್ರಮುಖ 4 ವಿಕೆಟ್ಗಳನ್ನು ಕಳೆದುಕೊಂಡಿದ್ದು 48 ರನ್ಗಳನ್ನು ಕಲೆಹಾಕಿದೆ.
ಪಂಜಾಬ್ಗೆ ಕಳಪೆ ಆರಂಭ
ಪಂಜಾಬ್ ಪರ ಆರಂಭಿಕರಾಗಿ ಕಣಕ್ಕಿಳಿದಿದ್ದ ಪ್ರಿಯಾಂಶು ಆರ್ಯ ಹಾಗೂ ಪ್ರಭಾಸಿಮ್ರಾನ್ ಸಿಂಗ್ ತಂಡಕ್ಕೆ ಉತ್ತಮ ಆರಂಭ ಒದಗಿಸುವಲ್ಲಿ ವಿಫಲರಾದರು. ಯಶ್ ದಯಾಳ್ ಎಸೆದ 2ನೇ ಓವರ್ನ 2ನೇ ಎಸೆತದಲ್ಲಿ ಪ್ರಿಯಾಂಶು ಆರ್ಯ, ಕೃನಾಲ್ ಪಾಂಡ್ಯಗೆ ಕ್ಯಾಚಿತ್ತು ಔಟಾದರು. ಈ ಪಂದ್ಯದಲ್ಲಿ ಪ್ರಿಯಾಂಶುಗೆ ಕೇವಲ 7 ರನ್ ಕಲೆಹಾಕಲಷ್ಟೇ ಸಾಧ್ಯವಾಯಿತು. ಮತ್ತೊಬ್ಬ ಆರಂಭಿಕ ಪ್ರಭಾಸಿಮ್ರಾನ್ ಸಿಂಗ್ ಕೂಡ ಹೊಡಿಬಡಿ ಆಟಕ್ಕೆ ಯತ್ನಿಸಿ ಭುವನೇಶ್ವರ್ ಎಸೆದ ಮೂರನೇ ಓವರ್ನ ಕೊನೆಯ ಎಸೆತದಲ್ಲಿ ಕೀಪರ್ ಕೈಗೆ ಕ್ಯಾಚಿತ್ತು ಔಟಾದರು.
ಶ್ರೇಯಸ್ ಮತ್ತೆ ಫೇಲ್
ಆರಂಭದಲ್ಲೇ ಆರಂಭಿಕರಿಬ್ಬರು ಔಟಾದ ಕಾರಣದಿಂದಾಗಿ ನಾಯಕ ಶ್ರೇಯಸ್ ಅಯ್ಯರ್ ಹಾಗೂ ಜೋಸ್ ಇಂಗ್ಲಿಸ್ ಮೇಲೆ ಇನ್ನಿಂಗ್ಸ್ ನಿಭಾಯಿಸುವ ಜವಾಬ್ದಾರಿ ಇತ್ತು. ಆದರೆ ಆರಂಭಿಕ ಒತ್ತಡದಿಂದ ಈ ಇಬ್ಬರಿಗೂ ಹೊರಬರಲಾಗಲಿಲ್ಲ. ಈ ಮೈದಾನದಲ್ಲಿ ತನ್ನ ಕಳಪೆ ಫಾರ್ಮ್ ಮುಂದುವರೆಸಿದ ನಾಯಕ ಶ್ರೇಯಸ್ ಅಯ್ಯರ್ ಕೇವಲ 2 ರನ್ ಬಾರಿಸಿ ಕೀಪರ್ ಕೈಗೆ ಕ್ಯಾಚಿತ್ತು ಔಟಾದರು. ಅಯ್ಯರ್ ನಂತರ ಇಂಗ್ಲಿಸ್ ಕೂಡ ಅವರ ಹಿಂದೆ ಪೆವಿಲಿಯನ್ ಹಾದಿ ಹಿಡಿದರು. ಹೀಗಾಗಿ ಪಂಜಾಬ್ ತಂಡ 5.1 ಓವರ್ಗಳಲ್ಲಿ ಪ್ರಮುಖ 4 ವಿಕೆಟ್ ಕಳೆದುಕೊಂಡು 38 ರನ್ ಮಾತ್ರ ಕಲೆಹಾಕಿತು.
IPL 2025 Qualifier 1: ಟಾಸ್ ಗೆದ್ದ ಆರ್ಸಿಬಿ; ಆನೆ ಬಲ ತಂದ ಹೇಜಲ್ವುಡ್ ಆಗಮನ
60 ರನ್ಗಳಿಗೆ 6 ವಿಕೆಟ್
ಪವರ್ಪ್ಲೇ ನಂತರವೂ ಪಂಜಾಬ್ ಪೆವಿಲಿಯನ್ ಪರೇಡ್ ಮುಂದುವರೆದಿದ್ದು, 7ನೇ ಓವರ್ನಲ್ಲಿ ನೇಹಲ್ ವದೇರಾಗೆ ಯಶ್ ದಯಾಳ್ ಪೆವಿಲಿಯನ್ ಹಾದಿ ತೋರಿಸಿದ್ದಾರೆ. 9ನೇ ಓವರ್ನಲ್ಲಿ ದಾಳಿಗಿಳಿದ ಸುಯೇಶ್, ಶಶಾಂಕ್ ಸಿಂಗ್ರನ್ನು ಕ್ಲೀನ್ ಬೌಲ್ಡ್ ಮಾಡಿದರು. ಇದರೊಂದಿಗೆ ಅರ್ಧ ಪಂಜಾಬ್ ತಂಡ ಈಗಾಗಲೇ ಪೆವಿಲಿಯನ್ಗೆ ವಾಪಸ್ಸಾಗಿದೆ. ಆರಂಭದಿಂದಲೂ ಆರ್ಸಿಬಿ ವೇಗಿಗಳು ಕರಾರುವಕ್ಕಾದ ಬೌಲಿಂಗ್ ಮಾಡುತ್ತಿದ್ದು, ಫೀಲ್ಡಿಂಗ್ನಲ್ಲೂ ಆರ್ಸಿಬಿ ಕಡೆಯಿಂದ ಅದ್ಭುತ ಪ್ರದರ್ಶನ ಕಂಡುಬರುತ್ತಿದೆ. ಈ ಸುದ್ದಿ ಬರೆಯುವ ಹೊತ್ತಿಗೆ ಪಂಜಾಬ್ ತಂಡ 6 ವಿಕೆಟ್ ಕಳೆದುಕೊಂಡು 60 ರನ್ ಕಲೆಹಾಕಿದೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 8:11 pm, Thu, 29 May 25
