RCB vs SRH Highlights, IPL 2022: ಸೋಲಿನ ಲೆಕ್ಕ ಚುಪ್ತಾ! ಆರ್​ಸಿಬಿ ಸಾಂಘಿಕ ದಾಳಿಗೆ ಮಂಡಿಯೂರಿದ ಹೈದರಾಬಾದ್

ಕಾರ್ತಿಕ್ ತ್ಯಾಗಿ ಔಟಾಗಿದ್ದಾರೆ. 16ನೇ ಓವರ್​ನ ಐದನೇ ಎಸೆತದಲ್ಲಿ ಹೇಜಲ್​ವುಡ್ ಕಾರ್ತಿಕ್ ತ್ಯಾಗಿ ಅವರನ್ನು ಔಟ್ ಮಾಡಿದರು. ಹೇಜಲ್​ವುಡ್ ಅವರ ಶಾರ್ಟ್ ಬಾಲ್ ಅನ್ನು ತ್ಯಾಗಿ ಪುಲ್ ಮಾಡಲು ಯತ್ನಿಸಿ ಔಟಾದರು.

ರಾಹುಲ್ ತ್ರಿಪಾಠಿ ಔಟಾಗಿದ್ದಾರೆ. 16ನೇ ಓವರ್ ಬೌಲಿಂಗ್ ಮಾಡುತ್ತಿದ್ದ ಜೋಶ್ ಹೇಜಲ್‌ವುಡ್ ನಾಲ್ಕನೇ ಎಸೆತವನ್ನು ಲೆಗ್ ಸ್ಟಂಪ್ ಮೇಲೆ ಎಸೆದರು, ಅದನ್ನು ರಾಹುಲ್ ಲೆಗ್ ಸೈಡ್‌ನಲ್ಲಿ ಆಡಿದರು ಆದರೆ ಡೀಪ್ ಸ್ಕ್ವೇರ್ ಲೆಗ್‌ನಲ್ಲಿ ನಿಂತಿದ್ದ ಮಹಿಪಾಲ್ ಲೊಮೊರ್ಡ್ ಅವರ ಕ್ಯಾಚ್ ಪಡೆದರು.

ರಾಹುಲ್ ತ್ರಿಪಾಠಿ – 58 ರನ್, 37 ಎಸೆತ 6×4 2×6

15ನೇ ಓವರ್​ನ ಐದನೇ ಎಸೆತದಲ್ಲಿ ಶಶಾಂಕ್ ಸಿಂಗ್ ಹಸರಂಗ ಮೇಲೆ ಸಿಕ್ಸರ್ ಬಾರಿಸಿದರು. ಹಸರಂಗ ಚೆಂಡನ್ನು ಹೆಚ್ಚು ಸ್ವಿಂಗ್ ಮಾಡಿದರು ಮತ್ತು ಶಶಾಂಕ್ ಅದನ್ನು ಮುಂಭಾಗದಲ್ಲಿ ಸಿಕ್ಸರ್‌ಗೆ ಹೊಡೆದರು.

ಹೈದರಾಬಾದ್‌ಗೆ ಐದನೇ ಹೊಡೆತ ಬಿದ್ದಿದೆ. ಜೆ ಸುಚಿತ್ ಔಟಾಗಿದ್ದಾರೆ. 15ನೇ ಓವರ್‌ನ ಎರಡನೇ ಎಸೆತದಲ್ಲಿ ಸುಚಿತ್ ಮುನ್ನುಗಿ ಹೊಡೆಯುವಲ್ಲಿ ವಿಫಲರಾದರು. ಕೀಪರ್ ದಿನೇಶ್ ಕಾರ್ತಿಕ್ ಸ್ಟಂಪ್ ಮಾಡಿದರು.

ರಾಹುಲ್ ತ್ರಿಪಾಠಿ ಸಿಕ್ಸರ್ ನೆರವಿನಿಂದ 50 ರನ್ ಪೂರೈಸಿದರು. 14ನೇ ಓವರ್ ಎಸೆದ ಮೊಹಮ್ಮದ್ ಸಿರಾಜ್ ಅವರ ಆಫ್ ಸ್ಟಂಪ್ ನ ಮೊದಲ ಎಸೆತದಲ್ಲಿ ರಾಹುಲ್ ಡೀಪ್ ಕವರ್ನ ದಿಕ್ಕಿನಲ್ಲಿ ಸಿಕ್ಸರ್ ಬಾರಿಸಿದರು. ಇದು ಈ ಋತುವಿನಲ್ಲಿ ರಾಹುಲ್ ಅವರ ಎರಡನೇ ಅರ್ಧಶತಕವಾಗಿದೆ.

ನಿಕೋಲಸ್ ಪೂರನ್ ಔಟ್ ಆಗಿದ್ದಾರೆ. ಹಸರಂಗ ಈ ನಾಲ್ಕನೇ ಹೊಡೆತವನ್ನು ಹೈದರಾಬಾದ್‌ಗೆ ನೀಡಿd್ದಾರೆ. 13ನೇ ಓವರ್‌ನಲ್ಲಿ ಬಂದ ಹಸರಂಗ ಆಫ್ ಸ್ಟಂಪ್‌ನ ಹೊರಗೆ ಚೆಂಡನ್ನು ಎಸೆದರು, ಪೂರನ್ ಲಾಂಗ್​ ಹೊಡೆಯಲು ಪ್ರಯತ್ನಿಸಿದರು ಆದರೆ ಚೆಂಡು ಅವರ ಬ್ಯಾಟ್‌ನ ಅಂಚಿಗೆ ತಾಗಿ ಶಾರ್ಟ್ ಥರ್ಡ್ ಮ್ಯಾನ್‌ನಲ್ಲಿ ನಿಂತಿದ್ದ ಶಹಬಾಜ್ ಅಹ್ಮದ್ ಅವರ ಬಳಿಗೆ ಹೋಯಿತು.

ಪೂರನ್ – 19 ರನ್, 14ಬಾಲ್ 2×4 1×6

12ನೇ ಓವರ್​ನ ಐದನೇ ಎಸೆತದಲ್ಲಿ ಪೂರನ್ ಸಿಕ್ಸರ್ ಬಾರಿಸಿದರು. ಹರ್ಷಲ್ ಪಟೇಲ್ ಬೌನ್ಸರ್ ಎಸೆದು ಪೂರನ್ ಅವರಿಗೆ ತೊಂದರೆ ನೀಡಿದರು. ಚೆಂಡಿನ ಲೈನ್ ಮತ್ತು ಲೆಂಗ್ತ್ ಸರಿಯಾಗಿರಲಿಲ್ಲ, ಅದರ ಲಾಭ ಪಡೆದ ಪೂರನ್ ಡೀಪ್ ಸ್ಕ್ವೇರ್ ಲೆಗ್‌ನಿಂದ ಆರು ರನ್ ಗಳಿಸಿದರು.

12ನೇ ಓವರ್​ನ ಎರಡನೇ ಎಸೆತದಲ್ಲಿ ರಾಹುಲ್ ತ್ರಿಪಾಠಿ ಸುಂದರ ಶಾಟ್ ಆಡಿ ನಾಲ್ಕು ರನ್ ಗಳಿಸಿದರು. ಹರ್ಷಲ್ ಪಟೇಲ್ ಚೆಂಡನ್ನು ರಾಹುಲ್ ನೇರವಾಗಿ ಬೌಲರ್ ತಲೆಯ ಮೇಲೆ ಕಳುಹಿಸಿ ಫೋರ್ ಪಡೆದರು.

11 ನೇ ಓವರ್‌ನ ಎರಡನೇ ಎಸೆತದಲ್ಲಿ, ನಿಕೋಲಸ್ ಪೂರನ್ ಅವರಿಂದ ಬೌಂಡರಿ ಬಂದಿತು, ಆದರೆ ಫೀಲ್ಡರ್ ಹ್ಯಾಜಲ್‌ವುಡ್ ಅದರಲ್ಲಿ ಪ್ರಮುಖ ಪಾತ್ರ ವಹಿಸಿದರು, ಅವರು ತಪ್ಪಾಗಿ ಫೀಲ್ಡಿಂಗ್ ಮಾಡಿ ಬೌಂಡರಿ ನೀಡಿದರು.

ಒಂಬತ್ತನೇ ಓವರ್‌ನ ಕೊನೆಯ ಎಸೆತದಲ್ಲಿ ನಿಕೋಲಸ್ ಪೂರನ್ ಬದುಕುಳಿದರು. ವನಿಂದು ಹಸರಂಗ ಅವರ ಬಾಲ್‌ನಲ್ಲಿ ಪೂರನ್ ಲಾಂಗ್‌ನಲ್ಲಿ ಶಾಟ್ ಆಡಿದರು ಮತ್ತು ಚೆಂಡು ಅಲ್ಲಿ ನಿಂತಿದ್ದ ಫಾಫ್ ಡು ಪ್ಲೆಸಿಸ್‌ಗೆ ಹೋಯಿತು. ಬೆಂಗಳೂರು ತಂಡದ ನಾಯಕ ಓಡಿ ಹೋಗಿ ಕ್ಯಾಚ್ ಹಿಡಿಯಲು ಯತ್ನಿಸಿದರಾದರೂ ಚೆಂಡು ಅವರ ಮುಂದೆಯೇ ಬಿದ್ದು ನಾಲ್ಕು ರನ್ ಗಳಿಗೆ ಹೋಯಿತು.

ಏಡನ್ ಮಾರ್ಕ್ರಾಮ್ ಔಟ್ ಆಗಿದ್ದಾರೆ. ಒಂಬತ್ತನೇ ಓವರ್‌ನೊಂದಿಗೆ ಬಂದ ವನಿಂದು ಹಸರಂಗ ಅವರನ್ನು ಎರಡನೇ ಎಸೆತದಲ್ಲಿ ಔಟ್ ಮಾಡಿದರು. ಮಾರ್ಕ್ರಾಮ್ ಮಿಡ್‌ವಿಕೆಟ್‌ನಲ್ಲಿ ಆರು ರನ್‌ಗಳಿಗೆ ಕಳುಹಿಸಲು ಪ್ರಯತ್ನಿಸಿದರು ಆದರೆ ಚೆಂಡು ಅಲ್ಲಿ ನಿಂತಿದ್ದ ಫೀಲ್ಡರ್ ವಿರಾಟ್ ಕೊಹ್ಲಿಗೆ ಹೋಯಿತು.

ಹೈದರಾಬಾದ್‌ನ 50 ರನ್‌ಗಳು ಪೂರ್ಣಗೊಂಡಿದ್ದು, ಒಟ್ಟು ಎಂಟು ಓವರ್‌ಗಳಲ್ಲಿ ಅರ್ಧಶತಕ ಪೂರೈಸಿದರು. ಹೈದರಾಬಾದ್ ತನ್ನ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡಿದ್ದು, ಈ ತಂಡದ ಭರವಸೆ ಈಗ ರಾಹುಲ್ ತ್ರಿಪಾಠಿ-ಐಡನ್ ಮರ್ಕ್ರಾಮ್ ಜೋಡಿಯ ಮೇಲೆ ನಿಂತಿದೆ.

ಏಳನೇ ಓವರ್​ನ ಐದನೇ ಎಸೆತದಲ್ಲಿ ರಾಹುಲ್ ತ್ರಿಪಾಠಿ ಬೌಂಡರಿ ಬಾರಿಸಿದರು. ಬೌಲರ್ ಶಹಬಾಜ್ ಅಹ್ಮದ್ ಅವರ ಈ ಬಾಲ್ ಅನ್ನು ರಾಹುಲ್ ಬೌಂಡರಿಗೆ ಎಳೆದರು.

ಹೈದರಾಬಾದ್ ಇನ್ನಿಂಗ್ಸ್‌ನ ಪವರ್‌ಪ್ಲೇ ಮುಗಿದಿದೆ. ಈ ಮೊದಲ ಆರು ಓವರ್‌ಗಳಲ್ಲಿ ಹೈದರಾಬಾದ್ ಕೇವಲ 39 ರನ್ ಗಳಿಸಿ ಎರಡು ಪ್ರಮುಖ ವಿಕೆಟ್ ಕಳೆದುಕೊಂಡಿದೆ. ಸದ್ಯಕ್ಕೆ ರಾಹುಲ್ ತ್ರಿಪಾಠಿ ಮತ್ತು ಏಡನ್ ಮರ್ಕ್ರಾಮ್ ಆಡುತ್ತಿದ್ದಾರೆ.

ಆರನೇ ಓವರ್ ಬೌಲಿಂಗ್ ಮಾಡುತ್ತಿದ್ದ ಮೊಹಮ್ಮದ್ ಸಿರಾಜ್ ಅವರ ಐದನೇ ಎಸೆತದಲ್ಲಿ ರಾಹುಲ್ ತ್ರಿಪಾಠಿ ಅದ್ಭುತ ಸಿಕ್ಸರ್ ಬಾರಿಸಿದರು.

ಐದನೇ ಓವರ್ ಎಸೆದ ಶಹಬಾಜ್ ಅಹ್ಮದ್ ಅವರ ಮೂರನೇ ಎಸೆತದಲ್ಲಿ ರಾಹುಲ್ ತ್ರಿಪಾಠಿ ಅದ್ಭುತ ಬೌಂಡರಿ ಬಾರಿಸಿದರು.

ನಾಲ್ಕನೇ ಓವರ್ ಎಸೆದ ಜೋಶ್ ಹೇಜಲ್​ವುಡ್ ಅವರನ್ನು ರಾಹುಲ್ ತ್ರಿಪಾಠಿ ಬೌಂಡರಿ ಬಾರಿಸಿ ಸ್ವಾಗತಿಸಿದರು. ರಾಹುಲ್ ಆಗಲೇ ರೆಡಿಯಾಗಿದ್ದರು. ಆಫ್-ಸ್ಟಂಪ್‌ನ ಹೊರಗೆ ಹೋಗಿ ಚೆಂಡನ್ನು ಫೈನ್ ಲೆಗ್‌ಗೆ ಸ್ಕೂಪ್ ಮಾಡಿ ಚೆಂಡನ್ನು ನಾಲ್ಕು ರನ್‌ಗಳಿಗೆ ಕಳುಹಿಸಿದರು.

ಮೂರನೇ ಓವರ್ ಎಸೆದ ಗ್ಲೆನ್ ಮ್ಯಾಕ್ಸ್​ವೆಲ್ ಮೇಲೆ ಏಡನ್ ಮಾರ್ಕ್ರಾಮ್ ದಾಳಿ ನಡೆಸಿದ್ದಾರೆ. ಮೊದಲ ಎಸೆತದಲ್ಲಿ ಅದ್ಭುತ ಬ್ಯಾಕ್‌ಫೂಟ್ ಪಂಚ್ ಆಡಿದ ಅವರು ಬೌಂಡರಿ ಬಾರಿಸಿದರು ಮತ್ತು ನಂತರ ಎರಡನೇ ಎಸೆತದಲ್ಲಿ ಮುಂದೆ ಹೋಗಿ ಲಾಂಗ್ ಆಫ್‌ನಲ್ಲಿ ಚೆಂಡನ್ನು ಆರು ರನ್‌ಗಳಿಗೆ ಕಳುಹಿಸಿದರು.

ಎರಡನೇ ಓವರ್ ಎಸೆದ ಜೋಶ್ ಹ್ಯಾಜಲ್ ವುಡ್ ಎರಡನೇ ಓವರ್ ಅನ್ನು ಅದ್ಭುತವಾಗಿ ಬೌಲ್ ಮಾಡಿದರು. ಮೊದಲ ಓವರ್‌ನಲ್ಲಿ ಎರಡು ವಿಕೆಟ್‌ಗಳ ಪತನದ ನಂತರ, ಹೈದರಾಬಾದ್‌ನಲ್ಲಿ ನಿರ್ಮಿಸಿದ ಒತ್ತಡವನ್ನು ಹೇಜಲ್‌ವುಡ್ ಎರಡನೇ ಓವರ್‌ನಲ್ಲಿ ಮುಂದುವರಿಸಿ ಕೇವಲ ಎರಡು ರನ್ ನೀಡಿದರು.

ಮ್ಯಾಕ್ಸ್‌ವೆಲ್ ಮೊದಲ ಓವರ್‌ನ ಐದನೇ ಎಸೆತದಲ್ಲಿ ಅಭಿಷೇಕ್ ಶರ್ಮಾ ಅವರನ್ನು ಬೌಲ್ಡ್ ಮಾಡಿದರು. ಮ್ಯಾಕ್ಸ್‌ವೆಲ್ ಬೌಲ್ ಮಾಡಿದ ಶಾರ್ಟ್ ಬಾಲ್‌ನಲ್ಲಿ ಅಭಿಷೇಕ್ ಪುಲ್ ಮಾಡಲು ಪ್ರಯತ್ನಿಸಿದರು ಆದರೆ ತಪ್ಪಿಸಿಕೊಂಡ ಚೆಂಡು ಆಫ್-ಸ್ಟಂಪ್‌ನ ಮೇಲಿನ ಭಾಗಕ್ಕೆ ಬಡಿಯಿತು. ಮೊದಲ ಓವರ್‌ನಲ್ಲಿ ಮ್ಯಾಕ್ಸ್‌ವೆಲ್ ಕೇವಲ ಎರಡು ರನ್ ಬಿಟ್ಟುಕೊಟ್ಟರು.

ಅಭಿಷೇಕ್ – 0 ರನ್, 3 ಎಸೆತಗಳು

ಹೈದರಾಬಾದ್ ಇನ್ನಿಂಗ್ಸ್ ಆರಂಭವಾಗಿದೆ. ಆರ್​ಸಿಬಿ ಪರ ಗ್ಲೆನ್ ಮ್ಯಾಕ್ಸ್‌ವೆಲ್ ಮೊದಲ ಓವರ್ ಬೌಲಿಂಗ್ ಮಾಡುತ್ತಿದ್ದು, ಕೇನ್ ವಿಲಿಯಮ್ಸನ್ ಮೊದಲ ಎಸೆತದಲ್ಲೇ ಔಟಾದರು. ಅಭಿಷೇಕ್ ಶರ್ಮಾ ಮೊದಲ ಎಸೆತವನ್ನು ಆಡಿ ರನ್ ತೆಗೆದುಕೊಳ್ಳಲು ಪ್ರಯತ್ನಿಸಿದರು ಆದರೆ ಶಹಬಾಜ್ ಅಹ್ಮದ್ ನೇರ ಎಸೆತದಲ್ಲಿ ರನ್ ಔಟ್ ಮಾಡಿದರು.

ಮೊದಲು ಬ್ಯಾಟ್ ಮಾಡಿದ ಬೆಂಗಳೂರು 20 ಓವರ್ ಗಳಲ್ಲಿ ಮೂರು ವಿಕೆಟ್ ನಷ್ಟಕ್ಕೆ 192 ರನ್ ಗಳಿಸಿತು. ಅದಕ್ಕಾಗಿ ಫಾಫ್ ಡು ಪ್ಲೆಸಿಸ್ 50 ಎಸೆತಗಳಲ್ಲಿ ಅಜೇಯ 73 ರನ್ ಗಳಿಸಿದರು. ದಿನೇಶ್ ಕಾರ್ತಿಕ್ ಕೊನೆಯ ಓವರ್‌ನಲ್ಲಿ ವೇಗದ ಇನ್ನಿಂಗ್ಸ್ ಆಡಿ ಎಂಟು ಎಸೆತಗಳಲ್ಲಿ 30 ರನ್ ಗಳಿಸಿದರು.

20ನೇ ಓವರ್‌ನಲ್ಲಿ ದಿನೇಶ್ ಕಾರ್ತಿಕ್ ಸಿಕ್ಸರ್ ಮೇಲೆ ಸಿಕ್ಸರ್ ಬಾರಿಸಿದರು. ಈ ಓವರ್‌ನ ಮೂರನೇ, ನಾಲ್ಕನೇ, ಐದನೇ ಎಸೆತದಲ್ಲಿ ಸತತ ಮೂರು ಸಿಕ್ಸರ್‌ಗಳನ್ನು ಬಾರಿಸಿದರು. ಫಾರೂಕಿ ಅವರ ಓವರ್‌ನಲ್ಲಿ ಅವರು ಈ ಮೂರು ಸಿಕ್ಸರ್‌ಗಳನ್ನು ಲೆಗ್ ಸೈಡ್‌ನಲ್ಲಿ ಹೊಡೆದರು. ಕೊನೆಯ ಎಸೆತದಲ್ಲಿ ಬೌಂಡರಿ ಕೂಡ ಬಾರಿಸಿದರು. ಈ ಓವರ್‌ನಲ್ಲಿ ಒಟ್ಟು 25 ರನ್‌ಗಳು ಬಂದವು.

ದಿನೇಶ್ ಕಾರ್ತಿಕ್ 20ನೇ ಓವರ್ನ ಮೂರನೇ ಎಸೆತದಲ್ಲಿ ಜೀವದಾನ ಪಡೆದರು. ರಾಹುಲ್ ತ್ರಿಪಾಠಿ ಕ್ಯಾಚ್ ಕೈಬಿಟ್ಟರು ಮತ್ತು ಬೆಂಗಳೂರು ಆರು ರನ್ ಗಳಿಸಿತು. ಫಾರೂಕಿ ಎಸೆತದಲ್ಲಿ ಡೀಪ್ ಸ್ಕ್ವೇರ್ ಲೆಗ್‌ನಲ್ಲಿ ರಾಹುಲ್ ಈ ಕ್ಯಾಚ್ ಬಿಟ್ಟರು.

19ನೇ ಓವರ್ನ ಕೊನೆಯ ಎಸೆತದಲ್ಲಿ ದಿನೇಶ್ ಕಾರ್ತಿಕ್ ಭರ್ಜರಿ ಸಿಕ್ಸರ್ ಬಾರಿಸಿದರು. ದಿನೇಶ್ ಕಾರ್ತಿಕ್ ಆಫ್-ಸ್ಟಂಪ್‌ನ ಹೊರಗೆ ಹೋಗಿ ಒಂದು ಕಾಲಿನ ಮೇಲೆ ಕುಳಿತು ಆರು ರನ್‌ಗಳಿಗೆ ಚೆಂಡನ್ನು ಮಿಡ್‌ವಿಕೆಟ್ ಕಡೆಗೆ ಕಳುಹಿಸಿದರು.

ಗ್ಲೆನ್ ಮ್ಯಾಕ್ಸ್‌ವೆಲ್ ಔಟಾಗಿದ್ದಾರೆ. 19ನೇ ಓವರ್ ಬೌಲಿಂಗ್ ಮಾಡುತ್ತಿದ್ದ ಕಾರ್ತಿಕ್ ತ್ಯಾಗಿ ಎರಡನೆ ಎಸೆತದಲ್ಲಿ ಮ್ಯಾಕ್ಸ್ ವೆಲ್ ಸಿಕ್ಸರ್ ಬಾರಿಸಲು ಯತ್ನಿಸಿದರಾದರೂ ಚೆಂಡು ಲಾಗ್ ಆನ್ ನಲ್ಲಿ ನಿಂತಿದ್ದ ಏಡನ್ ಮಾರ್ಕ್ರಾಮ್ ಅವರ ಕೈ ಸೇರಿತು.

ಮ್ಯಾಕ್ಸ್‌ವೆಲ್ – 33 ರನ್. 24 ಎಸೆತಗಳು 3×4 2×6

18ನೇ ಓವರ್ ಎಸೆದ ಭುವನೇಶ್ವರ್ ಅವರ ಮೊದಲ ಎಸೆತದಲ್ಲೇ ಮ್ಯಾಕ್ಸ್​ವೆಲ್ ಬೌಂಡರಿ ಬಾರಿಸಿದರು. ಫಾಫ್ ಡು ಪ್ಲೆಸಿಸ್ ಮೂರನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು ಆದರೆ ಅದು ಅದೃಷ್ಟದ ಬೌಂಡರಿಯಾಗಿತ್ತು. ಈ ಓವರ್‌ನಿಂದ 11 ರನ್‌ಗಳು ಬಂದವು.

ತನ್ನ ಮೊದಲ ಐಪಿಎಲ್ ಪಂದ್ಯವನ್ನು ಆಡಿದ ಫಾರೂಕಿ 17ನೇ ಓವರ್‌ ಮೊದಲ ಎಸೆತದಲ್ಲಿ ಫಾಫ್ ಡು ಪ್ಲೆಸಿಸ್ ಅವರಿಂದ ಬೌಂಡರಿ ತಿಂದರು,

16ನೇ ಓವರ್ ಎಸೆದ ಭುವನೇಶ್ವರ್ ಅವರ ಕೊನೆಯ ಎಸೆತದಲ್ಲಿ ಗ್ಲೆನ್ ಮ್ಯಾಕ್ಸ್​ವೆಲ್ ಸಿಕ್ಸರ್ ಬಾರಿಸಿದರು. ಭುವಿಯ ಓವರ್ ಉತ್ತಮವಾಗಿತ್ತು ಆದರೆ ಮ್ಯಾಕ್ಸ್‌ವೆಲ್ ಕೊನೆಯ ಎಸೆತವನ್ನು ಸಿಕ್ಸರ್‌ಗೆ ಕಳುಹಿಸಿದರು.

15ನೇ ಓವರ್‌ನಲ್ಲಿ ಸತತ ಮೂರು ಎಸೆತಗಳನ್ನು ಆಡಿದ ಮ್ಯಾಕ್ಸ್‌ವೆಲ್ ಅದ್ಭುತ ಬೌಂಡರಿ ಬಾರಿಸಿದರು. ಕಾರ್ತಿಕ್ ಚೆಂಡನ್ನು ಮಿಡಲ್ ಲೆಗ್‌ಗೆ ನೀಡಿದರು ಮತ್ತು ಇದರ ಮೇಲೆ ಮ್ಯಾಕ್ಸ್‌ವೆಲ್ ಫೈನ್ ಲೆಗ್-ಡೀಪ್ ಸ್ಕ್ವೇರ್ ಲೆಗ್‌ನಲ್ಲಿ ಬೌಂಡರಿ ಬಾರಿಸಿದರು.

14ನೇ ಓವರ್ ಬೌಲಿಂಗ್ ಮಾಡುತ್ತಿದ್ದ ವೇಗಿ ಉಮ್ರಾನ್ ಮಲಿಕ್ ಅವರ ಐದನೇ ಎಸೆತದಲ್ಲಿ ಮ್ಯಾಕ್ಸ್ ವೆಲ್ ಬೌಂಡರಿ ಬಾರಿಸಿದರು.

ಪಾಟಿದಾರ್ ನಿರ್ಗಮನದ ಬಳಿಕ ಮೈದಾನಕ್ಕೆ ಬಂದ ಗ್ಲೆನ್ ಮ್ಯಾಕ್ಸ್ ವೆಲ್ 13ನೇ ಓವರ್​ನ ಐದನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು. ಮ್ಯಾಕ್ಸ್‌ವೆಲ್ ಸ್ವಿಚ್ ಹಿಟ್ ಆಡುವ ಮೂಲಕ ಈ ಸಿಕ್ಸರ್ ಬಾರಿಸಿದರು.

ರಜತ್ ಪಾಟಿದಾರ್ ಎರಡು ರನ್‌ಗಳಿಂದ ಅರ್ಧಶತಕ ವಂಚಿತರಾಗಿ ಔಟಾದರು. 13ನೇ ಓವರ್ ಎಸೆದ ಸುಚಿತ್ ಎರಡನೆ ಎಸೆತದಲ್ಲಿ ಪಾಟಿದಾರ್ ಮಿಡ್ ವಿಕೆಟ್ ಮೇಲೆ ಸಿಕ್ಸರ್ ಬಾರಿಸಲು ಯತ್ನಿಸಿದರಾದರೂ ಚೆಂಡು ನೇರವಾಗಿ ಅಲ್ಲಿಯೇ ನಿಂತಿದ್ದ ಫೀಲ್ಡರ್ ರಾಹುಲ್ ತ್ರಿಪಾಠಿ ಅವರತ್ತ ಹೋಯಿತು.

ಫಾಫ್ ಡು ಪ್ಲೆಸಿಸ್ 12ನೇ ಓವರ್​ನ ನಾಲ್ಕನೇ ಎಸೆತದಲ್ಲಿ ಬೌಂಡರಿ ಬಾರಿಸುವ ಮೂಲಕ 50 ರನ್ ಪೂರೈಸಿದರು. ಈ ಋತುವಿನಲ್ಲಿ ಇದು ಅವರ ಎರಡನೇ ಅರ್ಧಶತಕವಾಗಿದೆ.

ಫಾಫ್ ಡು ಪ್ಲೆಸಿಸ್ 10ನೇ ಓವರ್ ಅನ್ನು ಬೌಂಡರಿಯೊಂದಿಗೆ ಕೊನೆಗೊಳಿಸಿದರು. ಫಾರೂಕಿ ಅವರ ಚೆಂಡು ಆಫ್-ಸ್ಟಂಪ್‌ನ ಹೊರಗಿತ್ತು, ಅದನ್ನು ಡು ಪ್ಲೆಸಿಸ್ ಪಾಯಿಂಟ್‌ನ ದಿಕ್ಕಿನಲ್ಲಿ ನಾಲ್ಕು ರನ್‌ಗಳಿಗೆ ಕಳುಹಿಸಿದರು.

ಒಂಬತ್ತನೇ ಓವರ್‌ ಎಸೆದ ಅಭಿಷೇಕ್ ಶರ್ಮಾ ಅವರ ಮೊದಲ ಎಸೆತದಲ್ಲಿ ರಜತ್ ಪಾಟಿದಾರ್ ಜೀವದಾನ ಪಡೆದರು. ಅಭಿಷೇಕ್ ಅವರ ಚೆಂಡು ಫುಲ್ ಲೆಂತ್ ಆಗಿತ್ತು. ಪಾಟಿದಾರ್ ಅದರ ಮೇಲೆ ಲಾಂಗ್ ಶಾಟ್ ಆಡಲು ಪ್ರಯತ್ನಿಸಿದರು ಆದರೆ ಚೆಂಡು ಬ್ಯಾಟ್‌ನ ಅಂಚನ್ನು ತಾಗಿ ಥರ್ಡ್ ಮ್ಯಾನ್‌ಗೆ ಹೋಯಿತು. ಅಲ್ಲಿ ನಿಂತಿದ್ದ ಫೀಲ್ಡರ್ ಡೈವ್ ಹೊಡೆಯುವ ಮೂಲಕ ಕ್ಯಾಚ್ ಹಿಡಿಯಲು ಯತ್ನಿಸಿದರಾದರೂ ಚೆಂಡು ಅವರ ಕೈಗೆ ಸಿಗಲಿಲ್ಲ. ಈ ಓವರ್‌ನಲ್ಲಿ ಒಟ್ಟು ಎಂಟು ರನ್‌ಗಳು ಬಂದವು.

ಎಂಟನೇ ಓವರ್ ಎಸೆದ ಉಮ್ರಾನ್ ಓವರ್​ನಲ್ಲಿ ರಜತ್ ಪಟ್ಟೀರ್ ಮತ್ತು ಫಾಫ್ ಡು ಪ್ಲೆಸಿಸ್ ಬಿರುಸಿನ ಆಟವಾಡಿದರು. ಈ ಓವರ್‌ನಲ್ಲಿ ಒಟ್ಟು 20 ರನ್‌ಗಳು ಬಂದವು. ಪಾಟಿದಾರ್ ಎರಡನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು ಮತ್ತು ನಂತರ ಡು ಪ್ಲೆಸಿಸ್ ನಾಲ್ಕನೇ, ಐದನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಕೊನೆಯ ಎಸೆತದಲ್ಲಿ ಡು ಪ್ಲೆಸಿಸ್ ಸಿಕ್ಸರ್ ಬಾರಿಸಿದರು.

ಏಳನೇ ಓವರ್ ಬೌಲಿಂಗ್ ಮಾಡಿದ ಸುಚಿತ್ ಅವರ ಐದನೇ ಎಸೆತದಲ್ಲಿ ಪಾಟಿದಾರ್ ಅದ್ಭುತ ಸಿಕ್ಸರ್ ಬಾರಿಸಿದರು. ಸುಚಿತ್ ಅವರ ಶಾರ್ಟ್ ಬಾಲ್ ನಲ್ಲಿ ಪಾಟಿದಾರ್ ಲಾಂಗ್ ಆನ್ ದಿಕ್ಕಿನಲ್ಲಿ ಅದ್ಭುತ ಸಿಕ್ಸರ್ ಬಾರಿಸಿದರು.

ಡು ಪ್ಲೆಸಿಸ್ ಪವರ್‌ಪ್ಲೇಯ ಕೊನೆಯ ಓವರ್‌ನಲ್ಲಿ ಅಂದರೆ ಆರನೇ ಓವರ್‌ನಲ್ಲಿ ಫೋರ್‌ನೊಂದಿಗೆ ಅಂತ್ಯಗೊಳಿಸಿದರು. ಮೊದಲ ಎಸೆತದಲ್ಲಿ ವಿರಾಟ್ ಕೊಹ್ಲಿ ವಿಕೆಟ್ ಕಳೆದುಕೊಂಡ ಬೆಂಗಳೂರು ತಂಡ ಪವರ್‌ಪ್ಲೇಯಲ್ಲಿ 47 ರನ್ ಗಳಿಸಿ ಅಮೋಘ ಪುನರಾಗಮನ ಮಾಡಿತು.

ಆರನೇ ಓವರ್​ನ ಮೂರನೇ ಎಸೆತದಲ್ಲಿ ಪಾಟಿದಾರ್​ಗೆ ಜೀವದಾನ ಸಿಕ್ಕಿತು. ಕಾರ್ತಿಕ್ ಆಫ್-ಸ್ಟಂಪ್‌ನ ಹೊರಗೆ ಬೌಲ್ ಮಾಡಿದರು. ಅದನ್ನು ಪಾಟಿದಾರ್ ಶಾಟ್ ಆಡಲು ಪ್ರಯತ್ನಿಸಿದರು, ಆದರೆ ಚೆಂಡು ಅವರ ಬ್ಯಾಟ್‌ನ ಅಂಚನ್ನು ತಾಗಿ ನಾಲ್ಕು ರನ್‌ಗಳಿಗೆ ವಿಕೆಟ್‌ಕೀಪರ್‌ ಹಿಂದೆ ಹೋಯಿತು. ವಿಕೆಟ್ ಕೀಪರ್ ನಿಕೋಲಸ್ ಪೂರನ್ ಕ್ಯಾಚ್ ಹಿಡಿಯಲು ಪ್ರಯತ್ನಿಸಿದರು ಆದರೆ ಚೆಂಡು ಅತ್ಯಂತ ವೇಗವಾಗಿ ಹೊರಬಿತ್ತು.

ಆರನೇ ಓವರ್ ಎಸೆದ ಕಾರ್ತಿಕ್ ತ್ಯಾಗಿ ಅವರ ಮೊದಲ ಎಸೆತದಲ್ಲೇ ಫಾಫ್ ಡು ಪ್ಲೆಸಿಸ್ ಸಿಕ್ಸರ್ ಬಾರಿಸಿದರು. ಕಾರ್ತಿಕ್ ಬೌಲಿಂಗ್ ಮಾಡಿದ ಶಾರ್ಟ್ ಚೆಂಡನ್ನು ಡು ಪ್ಲೆಸಿಸ್ ಎಳೆದು ಮಿಡ್ ವಿಕೆಟ್ ಮೇಲೆ ಸಿಕ್ಸರ್ ಬಾರಿಸಿದರು.

ತಮ್ಮ ಮೊದಲ IPL ಪಂದ್ಯವನ್ನು ಆಡುತ್ತಿರುವ ಫಜಲ್ ಫಾರೂಕಿ ಐದನೇ ಓವರ್ ಬೌಲಿಂಗ್ ಮಾಡಿದರು. ಎರಡನೇ ಎಸೆತದಲ್ಲಿ ಪಾಟಿದಾರ್ ಫ್ಲಿಕ್ ಮಾಡಿ ನಾಲ್ಕು ರನ್‌ಗಳಿಗೆ ಕಳುಹಿಸಿದರು.

ನಾಲ್ಕನೇ ಓವರ್ ಎಸೆದ ಭುವನೇಶ್ವರ್ ಕುಮಾರ್ ಅವರ ಐದನೇ ಎಸೆತದಲ್ಲಿ ರಜತ್ ಪಾಟಿದಾರ್ ಅದ್ಭುತ ಸಿಕ್ಸರ್ ಬಾರಿಸಿದರು. ಭುವನೇಶ್ವರ್ ಬೌಲ್ ಮಾಡಿದ ಚೆಂಡನ್ನು ಪಾಟಿದಾರ್ ಪುಲ್ ಮೂಲಕ ಆರು ರನ್‌ಗಳಿಗೆ ಮಿಡ್‌ವಿಕೆಟ್ ಮೇಲೆ ಕಳುಹಿಸಿದರು.

ಡು ಪ್ಲೆಸಿಸ್ ಮೂರನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು, ಇದು ಬೆಂಗಳೂರಿನ ಇನ್ನಿಂಗ್ಸ್‌ನ ಮೊದಲ ಫೋರ್ ಆಗಿದೆ. ಸುಚಿತ್ ಮೇಲೆ, ಡು ಪ್ಲೆಸಿಸ್ ಮುಂದೆ ಹೋಗಿ ಹೊಡೆತವನ್ನು ಹೊಡೆದರು ಮತ್ತು ಚೆಂಡನ್ನು ಮಿಡ್-ಆನ್ ಬಳಿ ನಾಲ್ಕು ರನ್‌ಗಳಿಗೆ ಕಳುಹಿಸಿದರು.

ಎರಡನೇ ಓವರ್‌ನೊಂದಿಗೆ ಬಂದ ಭುವನೇಶ್ವರ್ ಕುಮಾರ್ ಅತ್ಯುತ್ತಮ ಓವರ್ ಬೌಲ್ ಮಾಡಿ ಕೇವಲ ಎರಡು ರನ್ ನೀಡಿದರು.

ಸುಚಿತ್ ಮೊದಲ ಓವರ್ ಅನ್ನು ಅದ್ಭುತವಾಗಿ ಬೌಲ್ ಮಾಡಿ ಕೇವಲ ಎರಡು ರನ್ ಬಿಟ್ಟುಕೊಟ್ಟರು. ಈ ಓವರ್‌ನಲ್ಲಿ ಮೊದಲ ಎಸೆತದಲ್ಲಿಯೇ ವಿರಾಟ್ ಕೊಹ್ಲಿಯಂತಹ ದೊಡ್ಡ ಬ್ಯಾಟ್ಸ್‌ಮನ್‌ನ ವಿಕೆಟ್ ಪಡೆಯುವ ಮೂಲಕ ಬೆಂಗಳೂರನ್ನು ಒತ್ತಡಕ್ಕೆ ಸಿಲುಕಿಸಿದರು.

ಪಂದ್ಯದ ಮೊದಲ ಎಸೆತದಲ್ಲಿ ವಿರಾಟ್ ಕೊಹ್ಲಿ ಔಟಾದರು. ಮೊದಲ ಓವರ್ ಬೌಲಿಂಗ್ ಮಾಡುತ್ತಿದ್ದ ಸುಚಿತ್, ಮೊದಲ ಎಸೆತವನ್ನು ಕೊಹ್ಲಿ ಪಾದಕ್ಕೆ ನೀಡಿದರು, ಕೊಹ್ಲಿ ನೇರವಾಗಿ ಶಾರ್ಟ್ ಮಿಡ್‌ವಿಕೆಟ್‌ನಲ್ಲಿ ನಿಂತಿದ್ದ ಕೇನ್ ವಿಲಿಯಮ್ಸನ್ ಅವರ ಕೈಗೆ ಕ್ಯಾಚ್ ನೀಡಿದರು. ಈ ಋತುವಿನಲ್ಲಿ ಕೊಹ್ಲಿಗೆ ಇದು ಮೂರನೇ ಗೋಲ್ಡನ್ ಡಕ್ ಆಗಿದೆ.

ಬೆಂಗಳೂರು ಇನ್ನಿಂಗ್ಸ್ ಆರಂಭವಾಗಿದೆ. ನಾಯಕ ಫಾಫ್ ಡು ಪ್ಲೆಸಿಸ್ ಮತ್ತು ವಿರಾಟ್ ಕೊಹ್ಲಿ ಇನ್ನಿಂಗ್ಸ್ ಆರಂಭಿಸಲು ಬಂದಿದ್ದಾರೆ. ಹೈದರಾಬಾದ್ ಪರ ಸ್ಪಿನ್ನರ್ ಜೆ.ಸುಚಿತ್ ಬೌಲಿಂಗ್ ಆರಂಭಿಸಿದ್ದಾರೆ.

ಫಾಫ್ ಡು ಪ್ಲೆಸಿಸ್ (ನಾಯಕ), ವಿರಾಟ್ ಕೊಹ್ಲಿ, ರಜತ್ ಪಾಟಿದಾರ್, ಗ್ಲೆನ್ ಮ್ಯಾಕ್ಸ್‌ವೆಲ್, ಮಹಿಪಾಲ್ ಲೊಮೊರ್ಡ್, ದಿನೇಶ್ ಕಾರ್ತಿಕ್, ಶಹಬಾಜ್ ಅಹ್ಮದ್, ವನಿಂದು ಹಸರಂಗ, ಹರ್ಷಲ್ ಪಟೇಲ್, ಮೊಹಮ್ಮದ್ ಸಿರಾಜ್, ಜೋಶ್ ಹ್ಯಾಜಲ್‌ವುಡ್.

ಕೇನ್ ವಿಲಿಯಮ್ಸನ್, ಅಭಿಷೇಕ್ ಶರ್ಮಾ, ರಾಹುಲ್ ತ್ರಿಪಾಠಿ, ಏಡೆನ್ ಮಾರ್ಕ್ರಾಮ್, ನಿಕೋಲಸ್ ಪೂರನ್, ಶಶಾಂಕ್ ಸಿಂಗ್, ಜಗದೀಶ್ ಸುಚಿತ್, ಕಾರ್ತಿಕ್ ತ್ಯಾಗಿ, ಭುವನೇಶ್ವರ್ ಕುಮಾರ್, ಫಜಲ್ ಫಾರೂಕಿ, ಉಮ್ರಾನ್ ಮಲಿಕ್

ಈ ಪಂದ್ಯದಲ್ಲಿ ಬೆಂಗಳೂರು ತಂಡ ಹಸಿರು ಜೆರ್ಸಿಯಲ್ಲಿ ಕಾಣಿಸಿಕೊಳ್ಳಲಿದೆ. ಗೋ ಗ್ರೀನ್ ಅಭಿಯಾನವನ್ನು ಉತ್ತೇಜಿಸುವುದು ಇದರ ಹಿಂದಿನ ಕಾರಣ. ಬೆಂಗಳೂರು 2011 ರಿಂದ ಪ್ರತಿ ವರ್ಷ ಒಂದು ಪಂದ್ಯದಲ್ಲಿ ಹಸಿರು ಜೆರ್ಸಿ ಧರಿಸುತ್ತದೆ.

ಬೆಂಗಳೂರು ತಂಡದ ನಾಯಕ ಫಾಫ್ ಡು ಪ್ಲೆಸಿಸ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದಾರೆ. ಡು ಪ್ಲೆಸಿಸ್ ತಂಡದಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ಹೈದರಾಬಾದ್ ಎರಡು ಬದಲಾವಣೆ ಮಾಡಿದೆ. ಅಫ್ಘಾನಿಸ್ತಾನದ ಫಜಲ್ ಫಾರೂಕಿ ಮತ್ತು ಜೆ ಸುಚಿತ್ ಅವರಿಗೆ ಅವಕಾಶ ನೀಡಲಾಗಿದೆ. ಸೀನ್ ಅಬಾಟ್ ಮತ್ತು ಶ್ರೇಯಸ್ ಗೋಪಾಲ್ ಔಟ್ ಆಗಿದ್ದಾರೆ.