ಹಳೇ ಚಾಳಿ ಮುಂದುವರೆಸಿದ ಆಫ್ರಿಕಾ; ಈ ನಾಲ್ಕು ತಪ್ಪುಗಳಿಂದಲೇ ಕ್ರಿಕೆಟ್ ಶಿಶುಗಳ ಮುಂದೆ ಮಂಡಿಯೂರಿತು..!

ಈ ಬಾರಿಯ ಟಿ20 ವಿಶ್ವಕಪ್ 2022 (T20 World Cup 2022) ಆರಂಭದಿಂದಲೂ ಹಲವು ಅಚ್ಚರಿಯ ಫಲಿತಾಂಶಗಳು ಹೊರಬಿದ್ದಿವೆ. ಅದರಲ್ಲೂ ಬಲಿಷ್ಠ ತಂಡಗಳನ್ನು ದುರ್ಬಲ ತಂಡಗಳು ಮಣಿಸುವುದರೊಂದಿಗೆ ಇಡೀ ಪಂದ್ಯಾವಳಿಯೇ ರೋಚಕತೆ ಪಡೆದುಕೊಂಡಿದೆ. ಈ ಪ್ರವೃತ್ತಿ ಇಂದು ನಡೆದ ದಕ್ಷಿಣ ಆಫ್ರಿಕಾ ಹಾಗೂ ನೆದರ್ಲೆಂಡ್ಸ್ (South Africa vs Netherlands) ನಡುವಿನ ಪಂದ್ಯದಲ್ಲೂ ಕಂಡುಬಂದಿದ್ದು, ಬಲಿಷ್ಠ ಆಫ್ರಿಕಾ ತಂಡ ಕ್ರಿಕೆಟ್ ಶಿಶು ನೆದರ್ಲೆಂಡ್ಸ್ ವಿರುದ್ಧ ಮುಗ್ಗರಿಸಿದೆ. ಈ ಮೂಲಕ ಪ್ರಮುಖ ಪಂದ್ಯಗಳಲ್ಲಿ ಸೋಲುವ ತಮ್ಮ ಹಳೆಯ ಚಾಳಿಯನ್ನು ಹರಿಣಗಳು ಈ ಟೂರ್ನಿಯಲ್ಲೂ ಮುಂದುವರೆಸಿದ್ದಾರೆ. ಎಡ್ವರ್ಡ್ಸ್ ನಾಯಕತ್ವದ ನೆದರ್ಲೆಂಡ್ಸ್ ತಂಡ 13 ರನ್‌ಗಳಿಂದ ಈ ಪಂದ್ಯವನ್ನು ಗೆದ್ದು ಸೆಮಿಫೈನಲ್ ತಲುಪುವ ದಕ್ಷಿಣ ಆಫ್ರಿಕಾದ ಕನಸನ್ನು ಮುರಿದಿದೆ.

ಈ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಟಾಸ್ ಗೆದ್ದು ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿತು. ಸ್ಟೀಫನ್ ಮೈಬರ್ಗ್ ಮತ್ತು ಅಕರ್‌ಮನ್ ಅವರ ಬಲಿಷ್ಠ ಇನ್ನಿಂಗ್ಸ್‌ನ ಆಧಾರದ ಮೇಲೆ ನೆದರ್ಲೆಂಡ್ಸ್ ನಾಲ್ಕು ವಿಕೆಟ್‌ಗಳ ನಷ್ಟಕ್ಕೆ 158 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ಕ್ವಿಂಟನ್ ಡಿ ಕಾಕ್, ಡೇವಿಡ್ ಮಿಲಾಕ್, ಏಡನ್ ಮಾರ್ಕ್ರಾಮ್​ರಂತಹ ಬಿರುಸಿನ ಬ್ಯಾಟ್ಸ್​ಮನ್​ಗಳಿಂದ ಕಂಗೊಳಿಸುತ್ತಿದ್ದ ದಕ್ಷಿಣ ಆಫ್ರಿಕಾ ತಂಡ ಕೇವಲ 145 ರನ್ ಗಳಿಸಲಷ್ಟೇ ಶಕ್ತವಾಯಿತು. ದಕ್ಷಿಣ ಆಫ್ರಿಕಾ ಇದೀಗ ಟೂರ್ನಿಯಿಂದ ಹೊರಬಿದ್ದಿದ್ದು, ನೆದರ್ಲೆಂಡ್ಸ್ ಮುಂದಿನ ಟಿ20 ವಿಶ್ವಕಪ್‌ನಲ್ಲಿ ಸ್ಥಾನ ಪಡೆದುಕೊಂಡಿದೆ. ಪ್ರತಿ ಗುಂಪಿನಿಂದ ಅಗ್ರ ನಾಲ್ಕು ತಂಡಗಳು ಮುಂದಿನ ವಿಶ್ವಕಪ್‌ಗೆ ಅರ್ಹತೆ ಪಡೆಯುತ್ತವೆ.

ಆಫ್ರಿಕಾ ತಂಡದ ಸೋಲಿಗೆ ಪ್ರಮುಖ 4 ಕಾರಣಗಳಿವು

ಟಾಸ್ ನಂತರ ಬೌಲ್ ಮಾಡಲು ನಿರ್ಧಾರ

ತಂಡದ ನಾಯಕ ತೆಂಬಾ ಬವುಮಾ ಟಾಸ್ ಗೆದ್ದು ನೆದರ್ಲೆಂಡ್ಸ್ ತಂಡವನ್ನು ಮೊದಲು ಬ್ಯಾಟಿಂಗ್ ಮಾಡಲು ಆಹ್ವಾನಿಸಿದರು. ಆದರೆ, ಪಂದ್ಯದ ನಂತರ ಮಾತನಾಡಿದ ಬವುಮಾ ತಾನು ತಪ್ಪು ನಿರ್ಧಾರ ತೆಗೆದುಕೊಂಡಿರುವುದಾಗಿ ಒಪ್ಪಿಕೊಂಡಿದ್ದಾರೆ. ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿ ದೊಡ್ಡ ಸ್ಕೋರ್ ಗಳಿಸಿದ್ದರೆ ನೆದರ್ಲೆಂಡ್ಸ್ ಮೇಲೆ ಒತ್ತಡ ಹೇರಬಹುದಿತ್ತು ಎಂದು ಬವುಮಾ ಸೋಲಿನ ಬಳಿಕ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: BREAKING NEWS: ಸೆಮಿ ಫೈನಲ್​ಗೆ ಪ್ರವೇಶ ಪಡೆದ ಭಾರತ ತಂಡ: ನೆದರ್​ಲೆಂಡ್ಸ್ ವಿರುದ್ಧ ದ. ಆಫ್ರಿಕಾಕ್ಕೆ ಸೋಲು

ವೇಗದ ಬೌಲರ್‌ಗಳು ಫ್ಲಾಪ್

ದಕ್ಷಿಣ ಆಫ್ರಿಕಾ ತಂಡವು ವೇಗದ ಬೌಲರ್‌ಗಳಿಗೆ ಹೆಸರುವಾಸಿಯಾಗಿದೆ. ಆದಾಗ್ಯೂ, ಈ ಪಂದ್ಯಾವಳಿಯಲ್ಲಿ, ಅವರ ಬೌಲರ್‌ಗಳು ಪ್ರಮುಖ ಸಂದರ್ಭಗಳಲ್ಲಿ ವಿಫಲರಾದರು. ಭಾನುವಾರ ನೆದರ್ಲೆಂಡ್ಸ್ ವಿರುದ್ಧ ಆಫ್ರಿಕನ್ ವೇಗದ ಬೌಲರ್‌ಗಳು ಕರಾಮತ್ತು ತೋರುವಲ್ಲಿ ಯಶಸ್ವಿಯಾಗಲಿಲ್ಲ. ಎನ್ರಿಕ್ ನೋಕಿಯಾ ಹೊರತುಪಡಿಸಿ, ಯಾವುದೇ ಬೌಲರ್‌ಗಳು ಪ್ರಭಾವ ಬೀರಲು ಸಾಧ್ಯವಾಗಲಿಲ್ಲ. ಕಗಿಸೊ ರಬಾಡ ಮೂರು ಓವರ್‌ಗಳಲ್ಲಿ 37 ರನ್ ಮತ್ತು ಲುಂಗಿ ಎಂಗಿಡಿ ಮೂರು ಓವರ್‌ಗಳಲ್ಲಿ 35 ರನ್ ನೀಡಿದರು.

ಕೊನೆಯ ಓವರ್‌ಗಳಲ್ಲಿ ವಿಕೆಟ್ ಪಡೆಯಲು ಸಾಧ್ಯವಾಗಲಿಲ್ಲ

ಉತ್ತಮ ಆರಂಭದ ನಂತರ ಮಧ್ಯಮ ಓವರ್‌ಗಳಲ್ಲಿ ನೆದರ್ಲೆಂಡ್ಸ್ ತತ್ತರಿಸಲಾರಂಭಿಸಿತು. ಆದಾಗ್ಯೂ, ಕೊನೆಯಲ್ಲಿ, ಅಕರ್ಮನ್ ಅವರ ಬಿರುಗಾಳಿಯ ಬ್ಯಾಟಿಂಗ್ ಎಲ್ಲವನ್ನೂ ಬದಲಾಯಿಸಿತು. ನೋಕಿಯಾ ಅವರನ್ನು ಹೊರತುಪಡಿಸಿ ಅಂತಿಮ ಓವರ್‌ಗಳಲ್ಲಿ ನೆದರ್ಲೆಂಡ್ಸ್ ತಂಡ 45 ರನ್ ಗಳಿಸಿತು. 26 ಎಸೆತಗಳಲ್ಲಿ ಅಜೇಯ 41 ರನ್ ಗಳಿಸಿದ ಅಕರ್‌ಮನ್‌ಗೆ ಇದರ ದೊಡ್ಡ ಕ್ರೆಡಿಟ್ ಸಲ್ಲುತ್ತದೆ. ಅವರು ತಮ್ಮ ಇನ್ನಿಂಗ್ಸ್‌ನಲ್ಲಿ ಮೂರು ಬೌಂಡರಿ ಮತ್ತು ಎರಡು ಸಿಕ್ಸರ್‌ಗಳನ್ನು ಸಹ ಬಾರಿಸಿದರು.

ದಕ್ಷಿಣ ಆಫ್ರಿಕಾದ ಕಳಪೆ ಬ್ಯಾಟಿಂಗ್

ಈ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾದ ಸ್ಟಾರ್ ಬ್ಯಾಟ್ಸ್​ಮನ್​ಗಳು ಅಟ್ಟರ್ ಫ್ಲಾಪ್ ಆದರು. ತಂಡದಿಂದ ಯಾವುದೇ ದೊಡ್ಡ ಜೊತೆಯಾಟ ಬರಲಿಲ್ಲ, ಇದರ ಪರಿಣಾಮವಾಗಿ 20 ಓವರ್‌ಗಳಲ್ಲಿ ತಂಡಕ್ಕೆ 145 ರನ್ ಗಳಿಸಲು ಸಾಧ್ಯವಾಗಲಿಲ್ಲ. 25 ರನ್ ಗಳಿಸಿದ ರಿಲೆ ರುಸ್ಸೋ ತಂಡದ ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎನಿಸಿಕೊಂಡರು.

ಇನ್ನಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ