ಟೀಮ್ ಇಂಡಿಯಾದ ಮುಂದಿನ ಸರಣಿಗಳ ವೇಳಾಪಟ್ಟಿ ಇಲ್ಲಿದೆ
Team India's Schedule: ಅಫ್ಘಾನಿಸ್ತಾನ್ ವಿರುದ್ಧದ ಸರಣಿ ಮುಗಿಸಿರುವ ಟೀಮ್ ಇಂಡಿಯಾ ಬ್ಯಾಕ್ ಟು ಬ್ಯಾಕ್ ಎರಡು ಸರಣಿಗಳನ್ನು ಆಡಲಿದೆ. ಈ ಸರಣಿಗಳಲ್ಲಿ ಒಟ್ಟು 10 ಪಂದ್ಯಗಳನ್ನಾಡಲಾಗುತ್ತದೆ. ಈ ಹತ್ತು ಪಂದ್ಯಗಳಲ್ಲಿ 7 ಟಿ20 ಮ್ಯಾಚ್ ಹಾಗೂ 3 ಏಕದಿನ ಪಂದ್ಯಗಳಲ್ಲಿ ಟೀಮ್ ಇಂಡಿಯಾ ಕಣಕ್ಕಿಳಿಯಲಿದೆ.
Updated on: Jun 21, 2026 | 7:33 AM
ಭಾರತ ಮತ್ತು ಅಫ್ಘಾನಿಸ್ತಾನ್ ನಡುವಣ 4 ಪಂದ್ಯಗಳ ಸರಣಿ ಮುಗಿದಿದೆ. ಈ ಸರಣಿಯ ಎಲ್ಲಾ ಪಂದ್ಯಗಳಲ್ಲೂ ಟೀಮ್ ಇಂಡಿಯಾ ಭರ್ಜರಿ ಜಯ ಸಾಧಿಸಿದೆ. ಮೊದಲಿಗೆ ನಡೆದ ಏಕೈಕ ಟೆಸ್ಟ್ ಪಂದ್ಯವನ್ನು ಭಾರತ ತಂಡ ಇನಿಂಗ್ಸ್ ಹಾಗೂ 300 ರನ್ಗಳ ಅಂತರದಿಂದ ಗೆದ್ದುಕೊಂಡಿತ್ತು. ಇದಾದ ಬಳಿಕ ನಡೆದ ಮೂರು ಮ್ಯಾಚ್ಗಳ ಏಕದಿನ ಸರಣಿಯನ್ನು 3-0 ಅಂತರದಿಂದ ಕ್ಲೀನ್ ಸ್ವೀಪ್ ಮಾಡಿಕೊಂಡಿದೆ.
- ಮೊದಲ ಏಕದಿನ ಪಂದ್ಯದಲ್ಲಿ ಟೀಮ್ ಇಂಡಿಯಾಗೆ 7 ವಿಕೆಟ್ಗಳ ಭರ್ಜರಿ ಜಯ.
- ಎರಡನೇ ಏಕದಿನ ಪಂದ್ಯದಲ್ಲಿ ಭಾರತ ತಂಡಕ್ಕೆ 170 ರನ್ಗಳ ಅಮೋಘ ಗೆಲುವು.
- ಮೂರನೇ ಏಕದಿನ ಪಂದ್ಯದಲ್ಲಿ ಟೀಮ್ ಇಂಡಿಯಾಗೆ 9 ವಿಕೆಟ್ಗಳ ಅದ್ಭುತ ಗೆಲುವು.
ಈ ಮೂರು ಪಂದ್ಯಗಳಲ್ಲೂ ಅತ್ಯುತ್ತಮ ಗೆಲುವು ದಾಖಲಿಸುವ ಮೂಲಕ ಟೀಮ್ ಇಂಡಿಯಾ ಅಫ್ಘಾನಿಸ್ತಾನ್ ವಿರುದ್ಧದ ಸರಣಿಯನ್ನು ಅಂತ್ಯಗೊಳಿಸಿದೆ. ಇದೀಗ ಭಾರತ ತಂಡವು ವಿದೇಶಿ ಪ್ರವಾಸಕ್ಕೆ ಸಜ್ಜಾಗಬೇಕಿದೆ. ಅಂದರೆ ಟೀಮ್ ಇಂಡಿಯಾ ಬ್ಯಾಕ್ ಟು ಬ್ಯಾಕ್ ಎರಡು ಸರಣಿಗಳನ್ನು ಆಡಲಿದೆ.
ಮೊದಲಿಗೆ ಐರ್ಲೆಂಡ್ ವಿರುದ್ಧ 2 ಪಂದ್ಯಗಳ ಟಿ20 ಸರಣಿ ನಡೆಯಲಿದ್ದು, ಇದಾದ ಬಳಿಕ ಇಂಗ್ಲೆಂಡ್ ವಿರುದ್ಧ ವೈಟ್ ಬಾಲ್ ಸಿರೀಸ್ ಜರುಗಲಿದೆ. ಈ ಸರಣಿಯಲ್ಲಿ ಮೊದಲಿಗೆ 5 ಮ್ಯಾಚ್ಗಳ ಟಿ20 ಸರಣಿ ನಡೆಯಲಿದ್ದು, ಆ ಬಳಿಕ ಮೂರು ಪಂದ್ಯಗಳ ಏಕದಿನ ಸರಣಿಯನ್ನು ಆಡಲಾಗುತ್ತದೆ. ಈ ಪಂದ್ಯಗಳ ವೇಳಾಪಟ್ಟಿ ಈ ಕೆಳಗಿನಂತಿದೆ…
ಭಾರತ vs ಐರ್ಲೆಂಡ್ ಟಿ20 ಸರಣಿ ವೇಳಾಪಟ್ಟಿ:
| ಪಂದ್ಯ | ದಿನಾಂಕ (2026) | ಕ್ರೀಡಾಂಗಣ / ಸ್ಥಳ | ಸಮಯ ( IST) |
|---|---|---|---|
| 1ನೇ ಟಿ20 ಪಂದ್ಯ | ಜೂನ್ 26, ಶುಕ್ರವಾರ | ಸ್ಟೋರ್ಮಾಂಟ್ ಕ್ರಿಕೆಟ್ ಮೈದಾನ, ಬೆಲ್ಫಾಸ್ಟ್ | ರಾತ್ರಿ 6:00 ಗಂಟೆಗೆ |
| 2ನೇ ಟಿ20 ಪಂದ್ಯ | ಜೂನ್ 28, ಭಾನುವಾರ | ಸ್ಟೋರ್ಮಾಂಟ್ ಕ್ರಿಕೆಟ್ ಮೈದಾನ, ಬೆಲ್ಫಾಸ್ಟ್ | ರಾತ್ರಿ 6:00 ಗಂಟೆಗೆ |
ಭಾರತ vs ಇಂಗ್ಲೆಂಡ್ ಸರಣಿ ವೇಳಾಪಟ್ಟಿ:
| ಪಂದ್ಯ | ದಿನಾಂಕ (2026) | ಕ್ರೀಡಾಂಗಣ / ಸ್ಥಳ | ಸಮಯ (IST) |
|---|---|---|---|
| 1ನೇ ಟಿ20 ಪಂದ್ಯ | ಜುಲೈ 01, ಬುಧವಾರ | ರಿವರ್ಸೈಡ್ ಗ್ರೌಂಡ್, ಚೆಸ್ಟರ್-ಲೆ-ಸ್ಟ್ರೀಟ್ | ರಾತ್ರಿ 10:00 ಗಂಟೆಗೆ |
| 2ನೇ ಟಿ20 ಪಂದ್ಯ | ಜುಲೈ 04, ಶನಿವಾರ | ಓಲ್ಡ್ ಟ್ರಾಫರ್ಡ್, ಮ್ಯಾಂಚೆಸ್ಟರ್ | ಸಂಜೆ 7:00 ಗಂಟೆಗೆ |
| 3ನೇ ಟಿ20 ಪಂದ್ಯ | ಜುಲೈ 07, ಮಂಗಳವಾರ | ಟ್ರೆಂಟ್ ಬ್ರಿಡ್ಜ್, ನಾಟಿಂಗ್ಹ್ಯಾಮ್ | ರಾತ್ರಿ 10:00 ಗಂಟೆಗೆ |
| 4ನೇ ಟಿ20 ಪಂದ್ಯ | ಜುಲೈ 09, ಗುರುವಾರ | ಬ್ರಿಸ್ಟಲ್ ಕೌಂಟಿ ಗ್ರೌಂಡ್, ಬ್ರಿಸ್ಟಲ್ | ರಾತ್ರಿ 10:00 ಗಂಟೆಗೆ |
| 5ನೇ ಟಿ20 ಪಂದ್ಯ | ಜುಲೈ 11, ಶನಿವಾರ | ರೋಸ್ ಬೌಲ್, ಸೌತಾಂಪ್ಟನ್ | ಸಂಜೆ 7:00 ಗಂಟೆಗೆ |
| 1ನೇ ಏಕದಿನ ಪಂದ್ಯ | ಜುಲೈ 14, ಮಂಗಳವಾರ | ಎಡ್ಜ್ಬಾಸ್ಟನ್, ಬರ್ಮಿಂಗ್ಹ್ಯಾಮ್ | ಮಧ್ಯಾಹ್ನ 3:30ಕ್ಕೆ |
| 2ನೇ ಏಕದಿನ ಪಂದ್ಯ | ಜುಲೈ 16, ಗುರುವಾರ | ಸೋಫಿಯಾ ಗಾರ್ಡನ್ಸ್, ಕಾರ್ಡಿಫ್ | ಸಂಜೆ 5:30ಕ್ಕೆ |
| 3ನೇ ಏಕದಿನ ಪಂದ್ಯ | ಜುಲೈ 19, ಭಾನುವಾರ | ಲಾರ್ಡ್ಸ್ ಕ್ರಿಕೆಟ್ ಮೈದಾನ, ಲಂಡನ್ | ಮಧ್ಯಾಹ್ನ 3:30ಕ್ಕೆ |
ಇದನ್ನೂ ಓದಿ: ಇಂಗ್ಲೆಂಡ್ ಸರಣಿಗೆ ಟೀಮ್ ಇಂಡಿಯಾದ ಸ್ಟಾರ್ ಆಟಗಾರ ಅಲಭ್ಯ..!
ಈ ಎರಡು ಸರಣಿಗಳ ಬಳಿಕ ಟೀಮ್ ಇಂಡಿಯಾ ಝಿಂಬಾಬ್ವೆ ಪ್ರವಾಸ ಕೈಗೊಳ್ಳಲಿದ್ದು, ಅಲ್ಲಿ ಮೂರು ಪಂದ್ಯಗಳ ಟಿ20 ಸರಣಿ ಆಡಲಿದೆ. ಇದಾದ ಬಳಿಕ ಶ್ರೀಲಂಕಾ ವಿರುದ್ಧದ 2 ಪಂದ್ಯಗಳ ಟೆಸ್ಟ್ ಸರಣಿಗೆ ಸಜ್ಜಾಗಲಿದ್ದಾರೆ.
