ಮೊಚ್ ನೊಡ್ತಿದ್ದೀನಿ, ಆಮೋಲೆ ಕೋಲ್ ಮಾಡು…ಗುಟ್ಕಾ ಕ್ರಿಕೆಟ್ ಪ್ರೇಮಿ ಈಗ ಫುಲ್ ವೈರಲ್
India vs New zealand 1st Test: ಮೊದಲ ದಿನದಾಟಕ್ಕೆ ಟೀಮ್ ಇಂಡಿಯಾ 4 ವಿಕೆಟ್ ನಷ್ಟದೊಂದಿಗೆ 258 ರನ್ ಕಲೆಹಾಕಿದೆ. ಹಾಗೆಯೇ 75 ರನ್ಗಳಿಸಿದ ಶ್ರೇಯಸ್ ಅಯ್ಯರ್ ಹಾಗೂ ರವೀಂದ್ರ ಜಡೇಜಾ 2ನೇ ಎರಡನೇ ದಿನಕ್ಕೆ ಕ್ರೀಸ್ ಕಾಯ್ದುಕೊಂಡಿದ್ದಾರೆ.
Updated on:Nov 26, 2021 | 1:13 AM
ಭಾರತ-ನ್ಯೂಜಿಲೆಂಡ್ (India vs New zealand 1st Test) ನಡುವಣ ಮೊದಲ ಟೆಸ್ಟ್ ಪಂದ್ಯವು ಕಾನ್ಪುರದಲ್ಲಿ ಶುರುವಾಗಿದೆ. ಟಾಸ್ ಗೆದ್ದ ಟೀಮ್ ಇಂಡಿಯಾ ನಾಯಕ ಅಜಿಂಕ್ಯ ರಹಾನೆ ಬ್ಯಾಟಿಂಗ್ ಆಯ್ದುಕೊಂಡಿದ್ದಾರೆ. ಅದರಂತೆ ಮೊದಲ ದಿನದಾಟದಲ್ಲಿ ಭಾರತ ತಂಡವು ಉತ್ತಮ ಪ್ರದರ್ಶನ ನೀಡಿದೆ. ಆರಂಭಿಕ ಆಟಗಾರ ಶುಭ್ಮನ್ ಗಿಲ್ (52) ಅರ್ಧಶತಕ ಬಾರಿಸಿ ಮಿಂಚಿದರೆ, ಚೊಚ್ಚಲ ಟೆಸ್ಟ್ ಪಂದ್ಯವಾಡುತ್ತಿರುವ ಶ್ರೇಯಸ್ ಅಯ್ಯರ್ ಮೊದಲ ಅರ್ಧಶತಕ ಬಾರಿಸಿದ್ದಾರೆ. ಅಷ್ಟೇ ಅಲ್ಲದೆ ರವೀಂದ್ರ ಜಡೇಜಾ ಕೂಡ ಆಕರ್ಷಕ ಅರ್ಧಶತಕ ಸಿಡಿಸಿದ್ದಾರೆ. ಸದ್ಯ ಮೊದಲ ದಿನದಾಟಕ್ಕೆ ಟೀಮ್ ಇಂಡಿಯಾ 4 ವಿಕೆಟ್ ನಷ್ಟದೊಂದಿಗೆ 258 ರನ್ ಕಲೆಹಾಕಿದೆ. ಹಾಗೆಯೇ 75 ರನ್ಗಳಿಸಿದ ಶ್ರೇಯಸ್ ಅಯ್ಯರ್ ಹಾಗೂ ರವೀಂದ್ರ ಜಡೇಜಾ 2ನೇ ಎರಡನೇ ದಿನಕ್ಕೆ ಕ್ರೀಸ್ ಕಾಯ್ದುಕೊಂಡಿದ್ದಾರೆ.
ಆದರೆ ಟೀಮ್ ಇಂಡಿಯಾದ ಈ ಮೂವರ ಅರ್ಧಶತಕಗಿಂತ ನ್ಯೂಜಿಲೆಂಡ್ ವಿರುದ್ದದ ಪಂದ್ಯದ ವೇಳೆ ಎಲ್ಲರ ಗಮನ ಸೆಳೆದಿದ್ದು ವೀಕ್ಷಕರೊಬ್ಬರು. ಪಂದ್ಯದ ನೋಡಲು ಬಂದಿದ್ದ ಕ್ರಿಕೆಟ್ ಪ್ರೇಮಿಯೊಬ್ಬರು ಸ್ಟ್ಯಾಂಡ್ನಲ್ಲಿ ಕೂತು ಫೋನ್ನಲ್ಲಿ ಮಾತನಾಡುತ್ತಿದ್ದರು. ಆದರೆ ಇದೇ ವೇಳೆ ಆ ವ್ಯಕ್ತಿಯು ಗುಟ್ಕಾ ಅಗಿಯುತ್ತಿರುವುದು ಕಂಡು ಬಂದಿದೆ. ಈ ಅಪರೂಪದ ದೃಶ್ಯ ಸಿಕ್ಕಿದ್ದೆ ತಡ ಕ್ಯಾಮೆರಾಮ್ಯಾನ್ ಫುಲ್ ಝೂಮ್ ಮಾಡಿದ್ದಾರೆ.
70 ಓವರ್ ಮುಕ್ತಾಯದ ವೇಳೆ ಕಂಡು ಬಂದ ಈ ದೃಶ್ಯವನ್ನು ಮೈದಾನದ ಬಿಗ್ ಸ್ಕ್ರೀನ್ನಲ್ಲೂ ತೋರಿಸಲಾಯಿತು. ಅತ್ತ ಗುಟ್ಕಾ ಅಗಿಯುತ್ತಾ ಫೋನ್ನಲ್ಲಿ ಮಾತನಾಡುತ್ತಿದ್ದ ವ್ಯಕ್ತಿ ದೊಡ್ಡ ಪರದೆಯಲ್ಲಿ ಕಾಣಿಸುತ್ತಿದ್ದಂತೆ ಫುಲ್ ಖುಷ್ ಆಗಿದ್ದಾರೆ. ಅಷ್ಟೇ ಅಲ್ಲದೆ ಕೈ ಬೀಸುತ್ತಾ ಸಂಭ್ರಮಿಸಿದ್ದಾರೆ. ಆದರೆ ಇದೀಗ ಕ್ಯಾಮೆರಾಮ್ಯಾನ್ ಕೈಚಳಕ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಸ್ಟೇಡಿಯಂನಲ್ಲಿ ಗುಟ್ಕಾ ಅಗಿಯುತ್ತಾ ಕೂತಿದ್ದ ವ್ಯಕ್ತಿಯ ಫೋಟೋದೊಂದಿಗೆ ನಾನಾ ಮೀಮ್ಸ್ ಹುಟ್ಟಿಕೊಂಡಿದೆ. ಅಷ್ಟೇ ಅಲ್ಲದೆ ಆ ದೃಶ್ಯ ವಿಡಿಯೋ ತುಣುಕು ಕೂಡ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
— ? (@smnch43) November 25, 2021
ಈ ಫೋಟೋವನ್ನು ಭಾರತದ ಮಾಜಿ ಕ್ರಿಕೆಟಿಗ ವಾಸಿಂ ಜಾಫರ್ ಒಂದು ಉಲ್ಲಾಸದ ಮೀಮ್ಸ್ನೊಂದಿಗೆ ಹಂಚಿಕೊಂಡಿದ್ದಾರೆ. ಬಾಯಿಂದ ಸುಪಾರಿ ಉಗಿದು ಮಾತನಾಡಪ್ಪ…ಎಂಬ ಟ್ಯಾಗ್ಲೈನ್ ಹೊಂದಿರುವ ಫೋಟೋವನ್ನು ಜಾಫರ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ. ಇದಲ್ಲದೆ ಅನೇಕ ಟ್ರೋಲ್ ಪೇಜ್ಗಳಿಗೂ ಗುಟ್ಕಾ ಕ್ರಿಕೆಟ್ ಅಭಿಮಾನಿ ನಗಿಸಲು ಹೊಸ ಕಥಾವಸ್ತುವಾಗಿದ್ದಾರೆ.
? #INDvNZ pic.twitter.com/JpRSwzk8RQ
— Wasim Jaffer (@WasimJaffer14) November 25, 2021
? #INDvNZ pic.twitter.com/JpRSwzk8RQ
— Wasim Jaffer (@WasimJaffer14) November 25, 2021
ಇದನ್ನೂ ಓದಿ: KL Rahul: ಕೆಎಲ್ ರಾಹುಲ್ ಹೊಸ ತಂಡದ ನಾಯಕನಾಗುವುದು ಬಹುತೇಕ ಖಚಿತ
ಇದನ್ನೂ ಓದಿ: World Record: ವಿಶ್ವದ ಅತೀ ವೇಗದ ಬೌಲಿಂಗ್ ದಾಖಲೆ ಮೇಲೆ ಐವರು ವೇಗಿಗಳ ಕಣ್ಣು
ಇದನ್ನೂ ಓದಿ: IPL 2022: ಮೆಗಾ ಹರಾಜಿಗೂ ಮುನ್ನ ಮೂವರು ಆಟಗಾರರ ನೇರ ಆಯ್ಕೆ: ಏನಿದು ನಿಯಮ?
(Video of man eating gutkha in stands in Kanpur during first Test goes viral)
Published On - 10:05 pm, Thu, 25 November 21
