Virat Kohli: ಗೂಗಲ್ ಸರ್ಚ್​ನಲ್ಲೂ ವಿರಾಟ್ ಕೊಹ್ಲಿಯೇ ಕಿಂಗ್..!

ಕ್ರಿಕೆಟ್​ ಅಂಗಳದಲ್ಲಿ ದಾಖಲೆಗಳ ಮೇಲೆ ದಾಖಲೆ ನಿರ್ಮಿಸುತ್ತಾ ನಾಗಾಲೋಟ ಮುಂದುವರೆಸಿರುವ ವಿರಾಟ್ ಕೊಹ್ಲಿ (Virat Kohli) ಮತ್ತೊಂದು ಹಿರಿಮೆಗೆ ಪಾತ್ರರಾಗಿದ್ದಾರೆ. ಅದು ಕೂಡ ಗೂಗಲ್​ನಲ್ಲಿ ಅತೀ ಹೆಚ್ಚು ಬಾರಿ ಹುಡುಕಲ್ಪಟ್ಟ ಕ್ರಿಕೆಟಿಗನಾಗಿ. ಅಂದರೆ 25 ವರ್ಷಗಳ ಗೂಗಲ್​ ಇತಿಹಾಸದಲ್ಲೇ ಅತೀ ಹೆಚ್ಚು ಬಾರಿ ಹುಡುಕಲ್ಪಟ್ಟ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಎಂದು ಗೂಗಲ್ ಘೋಷಿಸಿದೆ.

ಈ ಮೂಲಕ ಗೂಗಲ್ ಸರ್ಚ್​ ಇಂಜಿನ್​ನ ಅತ್ಯಂತ ಜನಪ್ರಿಯ ಕ್ರಿಕೆಟ್ ತಾರೆಯಾಗಿ ವಿರಾಟ್ ಕೊಹ್ಲಿ ಹೊರಹೊಮ್ಮಿದ್ದಾರೆ. ಇನ್ನು ಕ್ರೀಡಾಪಟುಗಳ ಪಟ್ಟಿಯಲ್ಲಿ ಗೂಗಲ್ ಹುಡುಕಾಟದಲ್ಲಿ ಮುಂದಿರುವುದು ಫುಟ್​ಬಾಲ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಹೆಸರು.

ಪೋರ್ಚುಗಲ್​ನ ಖ್ಯಾತ  ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ ಗೂಗಲ್ ಸರ್ಚ್​ನಲ್ಲಿ ಅತೀ ಹೆಚ್ಚು ಬಾರಿ ಹುಡುಕಲ್ಪಟ್ಟ ಫುಟ್​ಬಾಲ್ ಆಟಗಾರ. ಈ ಪಟ್ಟಿಯಲ್ಲಿ ಅರ್ಜೆಂಟೀನಾದ ಲಿಯೋನೆಲ್ ಮೆಸ್ಸಿ ದ್ವಿತೀಯ ಸ್ಥಾನದಲ್ಲಿದ್ದಾರೆ.

ಇದನ್ನೂ ಓದಿ: IPL 2024 Auction: 2 ಕೋಟಿ ರೂ. ಮೂಲ ಬೆಲೆಯಲ್ಲಿ ಕೇವಲ ಮೂವರು ಭಾರತೀಯರು

ಹಾಗೆಯೇ ಗೂಗಲ್​ನಲ್ಲಿ ಅತೀ ಹೆಚ್ಚು ಹುಡುಕಲ್ಪಟ್ಟ ಕ್ರೀಡೆ ಫುಟ್​ಬಾಲ್. ಕಾಲ್ಚೆಂಡಾಟದ ಕುರಿತಾಗಿ ವಿಶ್ವ ಕ್ರೀಡಾ ಪ್ರೇಮಿಗಳು ಅತೀ ಹೆಚ್ಚು ಬಾರಿ ಸರ್ಚ್​ ಮಾಡಿದ್ದಾರೆ.

2023 ರಲ್ಲಿ ಭಾರತೀಯರು ಗೂಗಲ್​ನಲ್ಲಿ ಹೆಚ್ಚು ಹುಡುಕಿದ್ದೇನು?

ಗೂಗಲ್ 2023 ರಲ್ಲಿ ಭಾರತೀಯರು ಹುಡುಕಿದ ವಿಷಯಗಳ ಪಟ್ಟಿಯನ್ನು ಕೂಡ ಪ್ರಕಟಿಸಿದೆ. ಕ್ರೀಡಾ ವಿಭಾಗದಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ಅನ್ನು ಅತೀ ಹೆಚ್ಚು ಬಾರಿ ಸರ್ಚ್ ಮಾಡಿದ್ದಾರೆ. ಇನ್ನು ಕ್ರಿಕೆಟ್ ವರ್ಲ್ಡ್​ ಕಪ್, ಏಷ್ಯಾಕಪ್ ಹಾಗೂ ವುಮೆನ್ಸ್ ಪ್ರೀಮಿಯರ್ ಲೀಗ್ ನಂತರದ ಸ್ಥಾನಗಳಲ್ಲಿವೆ. ​

ಭಾರತೀಯರು ಗೂಗಲ್​ನಲ್ಲಿ ಅತೀ ಹೆಚ್ಚು ಹುಡುಕಾಡಿದ ಕ್ರೀಡಾ ವಿಷಯಗಳು:

1. ಇಂಡಿಯನ್ ಪ್ರೀಮಿಯರ್ ಲೀಗ್
2. ಕ್ರಿಕೆಟ್ ವರ್ಲ್ಡ್​ ಕಪ್
3. ಏಷ್ಯಾ ಕಪ್
4. ವುಮೆನ್ಸ್ ಪ್ರೀಮಿಯರ್ ಲೀಗ್
5. ಏಷ್ಯನ್ ಗೇಮ್ಸ್
6. ಇಂಡಿಯನ್ ಸೂಪರ್ ಲೀಗ್
7. ಪಾಕಿಸ್ತಾನ ಸೂಪರ್ ಲೀಗ್
8. ಆ್ಯಶಸ್
9. ವುಮೆನ್ಸ್​ ಕ್ರಿಕೆಟ್ ವಿಶ್ವಕಪ್
10. SA20 (ಸೌತ್ ಆಫ್ರಿಕಾ 20)