WTC Final: ಕೊಹ್ಲಿಯನ್ನು ನಾಯಕತ್ವದಿಂದ ಕೆಳಗಿಳಿಸುವುದು ಕ್ರಿಕೆಟ್‌ನಲ್ಲಿ ಅಪರಾಧವಿದ್ದಂತೆ; ವಿರಾಟ್ ಬೆನ್ನಿಗೆ ನಿಂತ ಗ್ರೇಮ್ ಸ್ವಾನ್

ಇಡೀ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತ ತಂಡ ಉತ್ತಮ ಸಾಧನೆ ಮಾಡಿದೆ. ಎರಡು ವರ್ಷಗಳ ಕಾಲ ಅದ್ಭುತ ಆಟ ಆಡಿದ ನಂತರ ಅವರು ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ತಂಡಗಳನ್ನು ಸೋಲಿಸಿ ಫೈನಲ್ ತಲುಪಿದರು. ಆದರೆ, ಭಾರತ ಫೈನಲ್‌ಗೆ ತಲುಪಿದ್ದು, ನ್ಯೂಜಿಲೆಂಡ್ ವಿರುದ್ಧ 8 ವಿಕೆಟ್‌ಗಳಿಂದ ಸೋತಿದೆ. ಅದರ ನಂತರ, ಸೋಲಿನ ವದಂತಿಗಳೆಲ್ಲವೂ ಭಾರತವನ್ನು ನಾಯಕನಾಗಿ ಕರೆತಂದ ವಿರಾಟ್ ಕೊಹ್ಲಿ ಮೇಲೆ ಬೀಳಲಾರಂಭಿಸಿದವು. ಆದರೆ, ಇಂಗ್ಲೆಂಡ್‌ನ ಮಾಜಿ ಸ್ಪಿನ್ನರ್ ಗ್ರೇಮ್ ಸ್ವಾನ್ ವಿರಾಟ್‌ಗೆ ಬೆಂಬಲ ನೀಡಿದ್ದು, ಕೊಹ್ಲಿಯನ್ನು ನಾಯಕತ್ವದಿಂದ ತೆಗೆದುಹಾಕುವುದು ಕ್ರಿಕೆಟ್‌ನಲ್ಲಿ ಅಪರಾಧವಿದಂತೆ ಎಂದು ಹೇಳಿದ್ದಾರೆ.

ಮೂರು ಪ್ರಮುಖ ಐಸಿಸಿ ಪಂದ್ಯಾವಳಿಗಳಲ್ಲಿ ಆಡಿದೆ
ವಿರಾಟ್ ಕೊಹ್ಲಿ ನಾಯಕನಾದ ನಂತರ, ಭಾರತ ತಂಡವು ಮೂರು ಪ್ರಮುಖ ಐಸಿಸಿ ಪಂದ್ಯಾವಳಿಗಳಲ್ಲಿ ಆಡಿದೆ. ಇದರಲ್ಲಿ ಮೊದಲ 2017 ಚಾಂಪಿಯನ್ಸ್ ಟ್ರೋಫಿ, ನಂತರ 2019 ವಿಶ್ವಕಪ್ ಮತ್ತು 2021 ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ (ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ 2021) ಸೇರಿವೆ. ಆದರೆ ಈ ಮೂರರಲ್ಲೂ ಭಾರತ ಸೋಲನ್ನು ಒಪ್ಪಿಕೊಳ್ಳಬೇಕಾಗಿತ್ತು. 2017 ಮತ್ತು 2021 ರಲ್ಲಿ ಫೈನಲ್‌ನಲ್ಲಿ ಸೋಲನ್ನು ಒಪ್ಪಿಕೊಳ್ಳಬೇಕಾಗಿರುವುದರಿಂದ ಕೊಹ್ಲಿಯ ನಾಯಕತ್ವವನ್ನು ವ್ಯಾಪಕವಾಗಿ ಪ್ರಶ್ನಿಸಲಾಗಿದೆ. ಕೊಹ್ಲಿ ಉತ್ತಮ ಆಟಗಾರನಾಗಿದ್ದರೂ, ಅವರು ನಾಯಕನಾಗಿ ಉತ್ತಮವಾಗಿಲ್ಲ ಎಂದು ಹಲವರು ಪ್ರತಿಕ್ರಿಯಿಸುತ್ತಿದ್ದಾರೆ ಮತ್ತು ಕೊಹ್ಲಿಯನ್ನು ನಾಯಕತ್ವದಿಂದ ತೆಗೆದುಹಾಕಬೇಕೆಂದು ಒತ್ತಾಯಿಸುತ್ತಿದ್ದಾರೆ.

ಆದರೆ ಇಂಗ್ಲೆಂಡ್‌ನ ಮಾಜಿ ಸ್ಪಿನ್ನರ್ ಗ್ರೇಮ್ ಸ್ವಾನ್ ಕೊಹ್ಲಿಯನ್ನು ಬೆಂಬಲಿಸಿದ್ದಾರೆ. ಸ್ಪೋರ್ಟ್ಸ್ಕಿಡಾಕ್ಕೆ ನೀಡಿದ ಸಂದರ್ಶನದಲ್ಲಿ ಸ್ವಾನ್ ಮಾತನಾಡಿ, ವಿರಾಟ್ ಕೊಹ್ಲಿ ಚಾಂಪಿಯನ್ ಮತ್ತು ಸೂಪರ್ ಸ್ಟಾರ್. ಅವರು ಭಾರತೀಯ ತಂಡವನ್ನು ಬಲಪಡಿಸಿದ್ದಾರೆ. ಪ್ರತಿ ವಿಕೆಟ್ ನಂತರವೂ ಕೊಹ್ಲಿಯ ಉತ್ಸಾಹವು ಗಮನಾರ್ಹವಾಗಿದೆ. ಪಂದ್ಯದುದ್ದಕ್ಕೂ ತಂಡದ ವಿಶ್ವಾಸಕ್ಕಾಗಿ ಅವರು ಶೇಕಡಾ 100 ರಷ್ಟು ತಮ್ಮನ್ನು ಅರ್ಪಿಸಿಕೊಳ್ಳುತ್ತಾರೆ. ಆದ್ದರಿಂದ ಅವರನ್ನು ನಾಯಕನ ಪಟ್ಟದಿಂದ ಕೇಳಗಿಳಿಸುವ ಅಗತ್ಯವಿಲ್ಲ ಎಂದಿದ್ದಾರೆ.

ಭಾರತದ ಅಧ್ಯಯನ ಕಡಿಮೆಯಾಯಿತು
ಭಾರತದ ಸೋಲಿನ ಕಾರಣವನ್ನು ವಿವರಿಸಿದ ಸ್ವಾನ್, “ಭಾರತವು ಪಂದ್ಯವನ್ನು ಸೋಲುವುದಕ್ಕೆ ಮುಖ್ಯ ಕಾರಣ ಅವರು ಸಂಪೂರ್ಣವಾಗಿ ಸಿದ್ಧವಾಗಿಲ್ಲದ ಕಾರಣ. ಭಾರತ ತಂಡವು ಪಂದ್ಯ, ಮೈದಾನ ಮತ್ತು ಪ್ರತಿಸ್ಪರ್ಧಿ ಆಟಗಾರರನ್ನು ಸಂಪೂರ್ಣವಾಗಿ ಅಧ್ಯಯನ ಮಾಡಲು ಸಾಧ್ಯವಾಗಲಿಲ್ಲ ಇದೇ ಸೋಲಿಗೆ ಕಾರಣವಾಯಿತೆಂದು ಸ್ವಾನ್ ಅಭಿಪ್ರಾಯಪಟ್ಟಿದ್ದಾರೆ.