U20 Athletics Championship: 4*400 ಮೀಟರ್ ಮಿಶ್ರ ರಿಲೇ ರೇಸ್ನಲ್ಲಿ ಕಂಚಿನ ಪದಕ ಗೆದ್ದು ಇತಿಹಾಸ ಸೃಷ್ಟಿದ ಭಾರತ!
U20 Athletics Championship: ಭಾರತದ ಭರತ್, ಕಪಿಲ್, ಸುಮಿ ಮತ್ತು ಪ್ರಿಯಾ ಮೋಹನ್ 3.20.60 ನಿಮಿಷಗಳಲ್ಲಿ ಗುರಿ ತಲುಪಿ ಮೂರನೇ ಸ್ಥಾನ ಪಡೆದರು.
ಆಗಸ್ಟ್ 18 ರಂದು ನಡೆದ ವಿಶ್ವ 20 ವರ್ಷದೊಳಗಿನ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಭಾರತ 4*400 ಮೀಟರ್ ಮಿಶ್ರ ರಿಲೇ ರೇಸ್ನಲ್ಲಿ ಕಂಚಿನ ಪದಕ ಗೆಲ್ಲುವ ಮೂಲಕ ಇತಿಹಾಸ ಸೃಷ್ಟಿಸಿದೆ. ಭಾರತದ ಭರತ್, ಕಪಿಲ್, ಸುಮಿ ಮತ್ತು ಪ್ರಿಯಾ ಮೋಹನ್ 3.20.60 ನಿಮಿಷಗಳಲ್ಲಿ ಗುರಿ ತಲುಪಿ ಮೂರನೇ ಸ್ಥಾನ ಪಡೆದರು. ಭಾರತೀಯ ಕ್ರೀಡಾಪಟುಗಳು ಈ ಋತುವಿನ ಅತ್ಯುತ್ತಮ ಪ್ರದರ್ಶನ ನೀಡಿದರು. ನೈಜೀರಿಯಾ ಈ ಸ್ಪರ್ಧೆಯಲ್ಲಿ ಚಿನ್ನ ಗೆದ್ದುಕೊಂಡಿತು. ಪೋಲೆಂಡ್ ಬೆಳ್ಳಿ ಪದಕ ಗೆಲ್ಲುವಲ್ಲಿ ಯಶಸ್ವಿಯಾಯಿತು. ನೈಜೀರಿಯಾ 3: 19.70 ನಿಮಿಷಗಳು ಮತ್ತು ಪೋಲೆಂಡ್ 3: 19.80 ನಿಮಿಷಗಳಲ್ಲಿ ಮೊದಲ ಮತ್ತು ಎರಡನೇ ಸ್ಥಾನ ಪಡೆದುಕೊಂಡಿದೆ. ಜೂನಿಯರ್ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಮೊದಲ ಬಾರಿಗೆ 4*400 ಮೀಟರ್ ಮಿಶ್ರ ರಿಲೇ ರೇಸ್ ಅನ್ನು ಸೇರಿಸಲಾಗಿದೆ. ಇದರಲ್ಲಿ ಭಾರತ ಮೊದಲ ಬಾರಿಗೆ ಪದಕ ಗೆದ್ದಿತು. ಅಲ್ಲದೆ, ಭಾರತ ಮೊದಲ ದಿನವೇ ಪದಕದೊಂದಿಗೆ ತನ್ನ ಖಾತೆಯನ್ನು ತೆರೆದಿದೆ.
ಇದು ಅಂಡರ್ -20 ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನ ಇತಿಹಾಸದಲ್ಲಿ ಭಾರತದ ಐದನೇ ಪದಕವಾಗಿದೆ. ಎರಡನೇ ಅತ್ಯುತ್ತಮ ಸಮಯದೊಂದಿಗೆ ಭಾರತ ಫೈನಲ್ಗೆ ಪ್ರವೇಶಿಸಿತ್ತು. ಭಾರತೀಯ ಕ್ರೀಡಾಪಟುಗಳು ಮೊದಲ ಸುತ್ತಿನಲ್ಲಿ 3: 23.36 ನಿಮಿಷಗಳಲ್ಲಿ ಗುರಿ ತಲುಪಿದರು. ಈ ಅವಧಿಯಲ್ಲಿ ಭಾರತ ಚಾಂಪಿಯನ್ಶಿಪ್ ದಾಖಲೆಯನ್ನು ಮುರಿಯಿತು. ಆದಾಗ್ಯೂ, ನೈಜೀರಿಯಾ ನಂತರ ಎರಡನೇ ಸುತ್ತಿನಲ್ಲಿ ಭಾರತದ ದಾಖಲೆಯನ್ನು ಮುರಿದು, 3: 21.66 ನಿಮಿಷಗಳಲ್ಲಿ ಗುರಿ ಮುಟ್ಟಿತು.
ನೀರಜ್ ಚೋಪ್ರಾ ಮತ್ತು ಹಿಮಾ ದಾಸ್ ಇಲ್ಲಿ ಚಿನ್ನ ಗೆದ್ದರು
4*400 ಮೀ ಮಿಶ್ರ ರಿಲೇಯಲ್ಲಿ ಪದಕ ಗೆಲ್ಲುವ ಮುನ್ನ ಭಾರತವು 20 ವರ್ಷದೊಳಗಿನವರ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ನಾಲ್ಕು ಪದಕಗಳನ್ನು ಗೆದ್ದಿತ್ತು. ಇದರ ಅಡಿಯಲ್ಲಿ, ಸೀಮಾ ಆಂಟಿಲ್ 2002 ರಲ್ಲಿ ಡಿಸ್ಕಸ್ ಎಸೆತದಲ್ಲಿ ಕಂಚು, 2014 ರಲ್ಲಿ ನವಜಿತ್ ಕೌರ್ ಧಿಲ್ಲೋನ್, 2014 ರಲ್ಲಿ ನೀರಜ್ ಚೋಪ್ರಾ ಜಾವೆಲಿನ್ ಥ್ರೋನಲ್ಲಿ ಚಿನ್ನ ಗೆದ್ದರು ಮತ್ತು ಹಿಮಾ ದಾಸ್ 400 ಮೀಟರ್ ಓಟದಲ್ಲಿ 2018 ರಲ್ಲಿ ಚಿನ್ನ ಗೆದ್ದಿದ್ದರು.
A season's best gives India a bronze in the first ever 4×400 mixed relay at the #U20WorldChampionships pic.twitter.com/20Wut5Iz7G
— Nikhil Naz (@NikhilNaz) August 18, 2021