IPL 2020: ಕೊಹ್ಲಿಯ ಈ 5 ತಪ್ಪು ನಿರ್ಣಯಗಳೇ ಪಂದ್ಯದ ಸೋಲಿಗೆ ಕಾರಣವಾಯ್ತ?

ಲೀಗ್ ಹಂತದ ಕೊನೆಯ ನಾಲ್ಕು ಪಂದ್ಯಗಳನ್ನ ಸೋತ್ರೂ ಆರ್​ಸಿಬಿ ಅದೃಷ್ಟದಿಂದಾಗಿ ಪ್ಲೇ ಆಫ್​ಗೆ ಎಂಟ್ರಿ ಕೊಟ್ಟಿತ್ತು. ಆದ್ರೆ ಎಲಿಮಿನೇಟರ್ ಪಂದ್ಯದಲ್ಲಿ ಹೈದರಾಬಾದ್ ವಿರುದ್ಧ ಮುಗ್ಗರಿಸಿ ಟೂರ್ನಿಯಿಂದ ಹೊರಬಿದ್ದಿದೆ. ಆರ್​ಸಿಬಿ ಟೂರ್ನಿಯಿಂದ ಹೊರ ಬೀಳೋದಕ್ಕೆ ನಾಯಕ ಕೊಹ್ಲಿಯ ಐದು ತಪ್ಪು ನಿರ್ಧಾರಗಳೇ ಕಾರಣವಾಯ್ತು.

ಕೊಹ್ಲಿ ತಪ್ಪು ನಿರ್ಧಾರ ನಂ.5
ಶಹಬಾಜ್ ಅಹ್ಮದ್​ನನ್ನ ಕೈ ಬಿಟ್ಟ ವಿರಾಟ್
ಲೀಗ್​ನ ಕೊನೆ ಪಂದ್ಯದಲ್ಲಿ ಡೆಲ್ಲಿ ವಿರುದ್ಧ 2 ವಿಕೆಟ್ ಪಡೆದು ಮಿಂಚಿದ್ದ ಶಹಬಾಜ್ ಅಹ್ಮದ್​ನನ್ನ ಕೊಹ್ಲಿ ಏಕಾಏಕಿ ಕೈ ಬಿಟ್ರು. ಆರ್​ಸಿಬಿ ಪರ ಸ್ಟಾರ್ ಸ್ಪಿನ್ನರ್​ಗಳಾದ ಚಹಲ್ ಮತ್ತು ಜಂಪಾ ಒಂದೊಂದು ವಿಕೆಟ್ ಪಡೆದ್ರು. ಒಂದು ವೇಳೆ ಅಹ್ಮದ್ ತಂಡದಲ್ಲಿ ಇದ್ದಿದ್ರೆ, ಪಂದ್ಯದ ಗತಿ ಬದಲಾಗೋ ಸಾಧ್ಯತೆಯಿತ್ತು.

ಕೊಹ್ಲಿ ತಪ್ಪು ನಿರ್ಧಾರ ನಂ4
ಅಲಿ, ದುಬೆಯನ್ನ ಬಳಸಿಕೊಳ್ಳಲು ಕೊಹ್ಲಿ ಫೇಲ್
ಆಲ್​ರೌಂಡರ್​ಗಳಾದ ಮೊಯಿನ್ ಅಲಿ ಮತ್ತು ಶಿವಂ ದುಬೆಗೆ ಅವಕಾಶ ನೀಡಿದ ಕೊಹ್ಲಿ ಇವರಿಬ್ಬರನ್ನು ಸರಿಯಾಗಿ ಬಳಸಿಕೊಳ್ಳಲಿಲ್ಲ. ಇಬ್ಬರಿಗೂ ಕೊಹ್ಲಿ ಒಂದೊಂದೇ ಓವರ್ ನೀಡಿದ್ರು. ಒಂದು ವೇಳೆ ಇವರಿಬ್ಬರನ್ನ ಸರಿಯಾಗಿ ಬಳಸಿಕೊಂಡಿದ್ರೆ, ಈ ಜೋಡಿ ಪಂದ್ಯಕ್ಕೆ ಬ್ರೇಕ್ ಥ್ರೂ ಕೊಡದೇ ಇರುತ್ತಿರಲಿಲ್ಲ.

ಕೊಹ್ಲಿ ತಪ್ಪು ನಿರ್ಧಾರ ನಂ.3
ವೇಗಿಗಳನ್ನ ಅತಿಯಾಗಿ ನಂಬಿದ ಕೊಹ್ಲಿ
ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿ ವೇಗಿಗಳನ್ನ ಅತಿಯಾಗಿ ನಂಬಿದ್ದ ನಿರ್ಧಾರವು ಮುಳುವಾಯ್ತು. 15 ಓವರ್​ಗಳ ಬಳಿಕ ವಿರಾಟ್ ಸ್ಪಿನ್ನರ್​ಗಳನ್ನ ಬಳಸಿಕೊಳ್ಳಲೇ ಇಲ್ಲ. ಸುಂದರ್, ಅಲಿ ಕೋಟಾದಲ್ಲಿ ಇನ್ನು ಓವರ್​ಗಳಿದ್ರೂ ಅವಕಾಶ ನೀಡಲಿಲ್ಲ.

ಕೊಹ್ಲಿ ತಪ್ಪು ನಿರ್ಧಾರ ನಂ.2
ಆರಂಭಿಕನಾಗಿ ಬಂದು ಎಡವಟ್ಟು ಮಾಡಿದ ಕೊಹ್ಲಿ
ಆರ್​ಸಿಬಿ ಸೋಲಿಗೆ ಪ್ರಮುಖ ಕಾರಣವಾದದ್ದೇ ಇದು. ಆರಂಭಿಕನಾಗಿ ಬಂದ ವಿರಾಟ್ ಬೇಗನೇ ವಿಕೆಟ್ ಒಪ್ಪಿಸಿದ್ರು. ಅಲ್ಲಿಗೆ ಮೊದಲ ಪ್ರಯತ್ನದಲ್ಲೇ ಕೊಹ್ಲಿ ವಿಕೆಟ್ ಪಡೆದ ಹೈದರಾಬಾದ್ ಪಂದ್ಯದ ಮೇಲೆ ಹಿಡಿತ ಸಾಧಿಸೋದಕ್ಕೆ ಕಾರಣವಾಯ್ತು.

ಕೊಹ್ಲಿ ತಪ್ಪು ನಿರ್ಧಾರ ನಂ.1
ಫಿಂಚ್​ನನ್ನ ವಂಡೌನ್​ನಲ್ಲಿ ಕಳಿಸಿದ್ರು.
ಕೊಹ್ಲಿಯ ಮತ್ತೊಂದು ತಪ್ಪು ನಿರ್ಧಾರ ಆರೋನ್ ಫಿಂಚ್​ನನ್ನ ವಂಡೌನ್​ನಲ್ಲಿ ಕಣಕ್ಕಿಳಿಸಿದ್ದು. ವಂಡೌನ್​ನಲ್ಲಿ ಕಣಕ್ಕಿಳಿದ ಫಿಂಚ್ ಸಾಲಿಡ್ ಬ್ಯಾಟಿಂಗ್ ಮಾಡಿದ್ರು. ಅದೇ ಫಿಂಚ್ ಆರಂಭಿಕನಾಗಿ ಬಂದಿದ್ರೆ, ಹೈದರಾಬಾದ್ ಮೇಲೆ ಸುಲಭವಾಗಿ ಒತ್ತಡ ಹೇರಬಹುದಾಗಿತ್ತು.

ಕ್ರೂಶಿಯಲ್ ಪಂದ್ಯದಲ್ಲೇ ಕೊಹ್ಲಿಯ ಈ ಐದು ತಪ್ಪು ನಿರ್ಧಾರಗಳು, ಆರ್​ಸಿಬಿ ಸೋಲಿಗೆ ಕಾರಣವಾಯ್ತು. ಎಲ್ಲಕ್ಕಿಂತ ಹೆಚ್ಚಾಗಿ ಲೀಗ್​ನ ಕೊನೆ ನಾಲ್ಕು ಪಂದ್ಯಗಳನ್ನ ಸೋತು ಪ್ಲೇ ಆಫ್​ಗೆ ಬಂದಿದ್ದ ಕೊಹ್ಲಿ ಪಡೆ, ಹಳೆ ತಪ್ಪುಗಳನ್ನ ತಿದ್ದಿಕೊಳ್ಳದೇ ಇದ್ದಿದ್ದಕ್ಕೆ ಭಾರಿ ದಂಡ ತೆರಬೇಕಾಯ್ತು.