ಐಪಿಎಲ್​ಗಿಂತ ಪಾಕಿಸ್ತಾನ ಕ್ರಿಕೆಟ್ ಲೀಗ್​ನಲ್ಲಿ ವೇಗದ ಬೌಲರ್‌ಗಳ ಗುಣಮಟ್ಟ ಹೆಚ್ಚಿರುತ್ತದೆ; ಫಾಫ್ ಡು ಪ್ಲೆಸಿಸ್

ಕೊರೊನಾದಿಂದಾಗಿ ಐಪಿಎಲ್ 2021 ಸ್ಥಗಿತಗೊಂಡಿತು. ಆದರೆ ಈಗ ಮತ್ತೆ ಐಪಿಎಲ್ ಮುನ್ನೆಲೆಗೆ ಬಂದಿದೆ. ಆದರೆ ಅದಕ್ಕಾಗಿ ಸೆಪ್ಟೆಂಬರ್-ಅಕ್ಟೋಬರ್ ವರೆಗೆ ಕಾಯಬೇಕಾಗುತ್ತದೆ. ಐಪಿಎಲ್‌ನ ಉಳಿದ 31 ಪಂದ್ಯಗಳು ಯುಎಇಯಲ್ಲಿ ನಡೆಯಲಿವೆ. ಆದರೆ, ಅದಕ್ಕೂ ಮೊದಲು ಪಿಎಸ್‌ಎಲ್‌ನ ಉಳಿದ ಪಂದ್ಯಗಳು ಜೂನ್ 9 ರಿಂದ ಪ್ರಾರಂಭವಾಗುತ್ತವೆ. ಐಪಿಎಲ್ ಆಡುವ ಅನೇಕ ಆಟಗಾರರು ಪಿಎಸ್‌ಎಲ್‌ನಲ್ಲಿ ಆಡುತ್ತಿದ್ದಾರೆ. ಆ ಹೆಸರುಗಳಲ್ಲಿ ಒಬ್ಬರು ಧೋನಿಯ ಸಿಎಸ್ಕೆ ಅಂದರೆ ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡುವ ಫಾಫ್ ಡು ಪ್ಲೆಸಿಸ್. ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಪಾಕಿಸ್ತಾನ ಸೂಪರ್ ಲೀಗ್‌ನಲ್ಲಿ ಕ್ವೆಟ್ಟಾ ಗ್ಲಾಡಿಯೇಟರ್ಸ್ ತಂಡದ ಭಾಗವಾಗಿದ್ದಾರೆ. ಪಾಕಿಸ್ತಾನದ ಲೀಗ್‌ನಲ್ಲಿ ಭಾಗವಹಿಸಲು ಡು ಪ್ಲೆಸಿಸ್ ಯುಎಇ ತಲುಪಿದ್ದಾರೆ. ಆದರೆ, ಅಲ್ಲಿಗೆ ತಲುಪಿದ ನಂತರ ಅವರು ನೀಡಿದ ಹೇಳಿಕೆಯು ಐಪಿಎಲ್‌ನ ಗುಣಮಟ್ಟದ ಮೇಲೆ ನೇರ ಪ್ರಶ್ನೆಯನ್ನು ಎಬ್ಬಿಸುತ್ತಿದೆ.

ಐಪಿಎಲ್ 2021 ಅರ್ಧಕ್ಕೆ ನಿಲ್ಲುವ ಮೊದಲು 29 ಪಂದ್ಯಗಳು ನಡೆದಿದ್ದವು. ಅಂದರೆ ಕೊರೊನಾದ ವಿರಾಮದ ಮೊದಲು, ಫಾಫ್ ಡು ಪ್ಲೆಸಿಸ್ ಅದ್ಭುತ ಆಟ ಆಡಿದ್ದರು. ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡಿದ 7 ಪಂದ್ಯಗಳಲ್ಲಿ 145.45 ಸ್ಟ್ರೈಕ್ ದರದಲ್ಲಿ 320 ರನ್ ಗಳಿಸಿದ್ದಾರೆ. ಆದರೆ, ಐಪಿಎಲ್‌ನಲ್ಲಿ ಸ್ಪ್ಲಾಶ್ ಮಾಡಿದ ಧೋನಿ ತಂಡದ ಈ ವ್ಯಕ್ತಿ ಈಗ ಭಾರತೀಯ ಕ್ರಿಕೆಟ್ ಲೀಗ್‌ನ ಬೌಲಿಂಗ್ ವಿಭಾಗದ ಮೇಲೆ ತೀವ್ರ ದಾಳಿ ನಡೆಸಿದ್ದಾರೆ. ಜೊತೆಗೆ ಅವರು ಪಿಎಸ್ಎಲ್ ಮತ್ತು ಐಪಿಎಲ್ ನಡುವೆ ಇರುವ ದೊಡ್ಡ ವ್ಯತ್ಯಾಸವನ್ನು ಹೇಳಿದ್ದಾರೆ.

ಪಿಪಿಎಲ್​ನಲ್ಲಿ ವೇಗದ ಬೌಲರ್‌ಗಳು ಹೆಚ್ಚು
ಪಾಕಿಸ್ತಾನದ ಲೀಗ್‌ನಲ್ಲಿ ಆಡಲು ಯುಎಇಗೆ ಆಗಮಿಸಿದ ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಸಂದರ್ಶನವೊಂದರಲ್ಲಿ, ಪಿಎಸ್‌ಎಲ್‌ನಲ್ಲಿ ವೇಗದ ಬೌಲರ್‌ಗಳು ಗಂಟೆಗೆ 140 ಕಿಲೋಮೀಟರ್ ವೇಗದಲ್ಲಿ ನಿರಂತರವಾಗಿ ಬೌಲಿಂಗ್ ಮಾಡುವುದನ್ನು ನೋಡಿದಾಗ ನನಗೆ ಆಶ್ಚರ್ಯವಾಗುತ್ತದೆ. ವೇಗದ ಬೌಲಿಂಗ್‌ನ ಗುಣಮಟ್ಟ ಪಿಎಸ್ಎಲ್​ನಲ್ಲಿ ಅತ್ಯುತ್ತಮವಾಗಿದೆ. ವೇಗದ ಬೌಲರ್‌ಗಳು ಯಾವುದೇ ಪಂದ್ಯಾವಳಿಯ ಜೀವನಾಡಿ. ಪಿಎಸ್‌ಎಲ್‌ನಲ್ಲಿ 140 ಕಿ.ಮೀ / ಎಚ್ ವೇಗದಲ್ಲಿ ಬೌಲಿಂಗ್ ಮಾಡುವುದನ್ನು ನಾನು ನೋಡಿದ ಬೌಲರ್‌ಗಳ ಸಂಖ್ಯೆ ಬೇರೆಲ್ಲಿಯೂ ಇಲ್ಲ. ಫಾಸ್ಟ್ ಬೌಲಿಂಗ್ ಪಿಎಸ್ಎಲ್ನ ವಿಶಿಷ್ಟ ಲಕ್ಷಣವಾಗಿದೆ. ಪಿಪಿಎಲ್ ಬಗ್ಗೆ ಹೊಗಳಿ ಮಾತನಾಡಿದ ಬಳಿಕ ಐಪಿಎಲ್ ಬಗ್ಗೆ ಮಾತನಾಡಿದ ಫಾಪ್ ಐಪಿಎಲ್​ನಲ್ಲಿ ಸ್ಪಿನ್ನರ್ಗಳು ಅದ್ಭುತವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ಹೇಳಿದರು.

ಪಿಎಸ್‌ಎಲ್ ನೆಪದಲ್ಲಿ ಐಪಿಎಲ್ ಸಿದ್ಧತೆಗಳನ್ನೂ ಮಾಡಲಾಗುವುದು
ಯುಎಇಯ ಐಪಿಎಲ್‌ನ ಕೊನೆಯ ಋತುವಿನಲ್ಲಿ ಸಿಎಸ್‌ಕೆಗೆ ಸರಿಯಾದ ಆರಂಭ ಸಿಗಲಿಲ್ಲ. ಈ ಬಾರಿ ಅವರ ಕಳಪೆ ಪ್ರದರ್ಶನವನ್ನು ಲಾಭ ಮಾಡಿಕೊಳ್ಳಲು ಅವಕಾಶವಿದೆ. ಆ ನಿಟ್ಟಿನಲ್ಲಿ ಚೆನ್ನೈ ತಂಡದ ಮುಖ್ಯ ಬ್ಯಾಟ್ಸ್‌ಮನ್‌ ಆದ ಡು ಪ್ಲೆಸಿಸ್ ಪಿಎಸ್‌ಎಲ್‌ನಲ್ಲಿ ಆಡುತ್ತಿರುವುದು ಒಳ್ಳೆಯದು. ಇದು ಅವರಿಗೆ ಅಲ್ಲಿನ ಪಿಚ್‌ಗಳ ಬಗ್ಗೆ ಅರಿವನ್ನು ನೀಡುತ್ತದೆ ಮತ್ತು ಐಪಿಎಲ್‌ನ ಉಳಿದ ಪಂದ್ಯಗಳಿಗೆ ಸಿದ್ಧತೆಯನ್ನು ಸುಧಾರಿಸುತ್ತದೆ.