Pro Kabaddi 2021: ನಾಳೆಯಿಂದ ಕಬಡ್ಡಿ ಕಲರವ: ಬೆಂಗಳೂರು ಬುಲ್ಸ್ ಸಂಭಾವ್ಯ ಪ್ಲೇಯಿಂಗ್ ಸೆವೆನ್
Begaluru Bulls Team: ಬೆಂಗಳೂರು ಬುಲ್ಸ್ ತಂಡ ಹೀಗಿದೆ: ಪವನ್ ಕುಮಾರ್ ಸೆಹ್ರಾವತ್ (ನಾಯಕ), ಮಹೇಂದರ್ ಸಿಂಗ್ (ಉಪನಾಯಕ), ಅಬೋಲ್ಫಜಲ್ ಮಗ್ಸೋಡ್ಲೌ ಮಹಾಲಿ, ಡಾಂಗ್ ಜಿಯೋನ್ ಲೀ, ಜಿಯಾವುರ್ ರೆಹಮಾನ್, ಅಮಿತ್ ಶೆರಾನ್, ಸೌರಭ್ ನಂದಲ್
Updated on: Dec 21, 2021 | 8:44 PM
ದೇಶೀಯ ಅಂಗಳದ ಮದಗಜಗಳ ಕಾಳಗ ಪ್ರೋ ಕಬಡ್ಡಿ ಲೀಗ್ ಸೀಸನ್ 8 ಗೆ ಬುಧವಾರದಿಂದ ಚಾಲನೆ ಸಿಗಲಿದೆ. ಬೆಂಗಳೂರಿನ ವೈಟ್ ಫೀಲ್ಡ್ ಶೆರಾಟನ್ ಗ್ರ್ಯಾಂಡ್ ಹೋಟೆಲ್ ಮತ್ತು ಕನ್ವೆನ್ಷನ್ ಸೆಂಟರ್‌ನಲ್ಲಿ ಎಲ್ಲಾ ಪಂದ್ಯಗಳು ನಡೆಯಲಿದ್ದು, ಕೊರೋನಾಂತಕದ ಕಾರಣ ಈ ಬಾರಿ ಪ್ರೇಕ್ಷಕರಿಗೆ ಅವಕಾಶವಿಲ್ಲ. ಇನ್ನು ಲೀಗ್ನ ಮೊದಲ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಹಾಗೂ ಯು ಮುಂಬಾ ಮುಖಾಮುಖಿಯಾಗಲಿದೆ. ಈ ಪಂದ್ಯಕ್ಕಾಗಿ ಬೆಂಗಳೂರು ಬುಲ್ಸ್ ತಂಡದ ಸಂಭಾವ್ಯ ಪ್ಲೇಯಿಂಗ್ 7 ಹೀಗಿರಲಿದೆ.
ಲೆಫ್ಟ್ ಕಾರ್ನರ್ – ಅಮಿತ್ ಶೆರಾನ್ ಕಳೆದೆರಡು ಸೀಸನ್ನಲ್ಲಿ ಬೆಂಗಳೂರು ಬುಲ್ಸ್ ತಂಡದ ಎಡ ಮೂಲೆಯ ಡಿಫೆಂಡರ್ ಆಗಿದ್ದ ಅಮಿತ್ ಶೆರಾನ್ ಸ್ಥಿರ ಪ್ರದರ್ಶನ ತೋರಿದ್ದಾರೆ. ಹೀಗಾಗಿ ಯು ಮುಂಬಾ ವಿರುದ್ದದ ಮೊದಲ ಪಂದ್ಯದಲ್ಲೂ ಲೆಫ್ಟ್ ಕಾರ್ನರ್ ಅಮಿತ್ ಕಾಣಿಸಿಕೊಳ್ಳಲಿದ್ದಾರೆ. ಏಕೆಂದರೆ ಈ ಹಿಂದೆ ಅಮಿತ್ 24 ಪಂದ್ಯಗಳಲ್ಲಿ ಒಟ್ಟು 50 ಟ್ಯಾಕಲ್ ಪಾಯಿಂಟ್‌ಗಳನ್ನು ಗಳಿಸಿದ್ದಾರೆ.
ಲೆಫ್ಟ್ ಇನ್ – ಚಂದ್ರನ್ ರಂಜಿತ್ ಮಾಜಿ ದಬಾಂಗ್ ಡೆಲ್ಲಿ ರೈಡರ್ ಚಂದ್ರನ್ ರಂಜಿತ್ ಅವರು ಈ ಬಾರಿ ಬುಲ್ಸ್ ಪರ ಕಣಕ್ಕಿಳಿಯುತ್ತಿದ್ದಾರೆ. ಚಂದ್ರನ್ ರಂಜಿತ್ ಪವನ್ ಕುಮಾರ್ ಶೆಹ್ರಾವತ್‌ಗೆ ಸರಿಯಾದ ಜೋಡಿಯಾಗಲಿದ್ದಾರೆ. ಡಿಫೆಂಡರ್‌ಗಳನ್ನು ಬೆರಗುಗೊಳಿಸುವ ತೀಕ್ಷ್ಣ ರೈಡರ್ ಆಗಿರುವ ರಂಜಿತ್ ಲೆಫ್ಟ್ ಇನ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಲೆಫ್ಟ್ ಕವರ್ – ಮಹೇಂದರ್ ಸಿಂಗ್ ಮಹೇಂದರ್ ಸಿಂಗ್ ಲೆಫ್ಟ್ ಕವರ್ನ ಬಲಿಷ್ಠ ಡಿಫೆಂಡರ್. ಕಳೆದ ಸೀಸನ್ನಲ್ಲಿ 21 ಪಂದ್ಯಗಳಲ್ಲಿ 61 ಟ್ಯಾಕಲ್ ಪಾಯಿಂಟ್‌ಗಳನ್ನು ಕೂಡ ಗಳಿಸಿದ್ದಾರೆ. ಹೀಗಾಗಿ ಈ ಬಾರಿ ಮಹೇಂದರ್ ಸಿಂಗ್ ಲೆಫ್ಟ್ ಕವರ್ನಲ್ಲಿ ಆಡಲಿದ್ದಾರೆ.
ಸೆಂಟರ್- ದೀಪಕ್ ನರ್ವಾಲ್ ಮಾಜಿ ಪಾಟ್ನಾ ಪೈರೇಟ್ಸ್ ಮತ್ತು ಜೈಪುರ ಪಿಂಕ್ ಪ್ಯಾಂಥರ್ಸ್ ಆಟಗಾರ ದೀಪಕ್ ನರ್ವಾಲ್ ಈ ಬಾರಿ ಬೆಂಗಳೂರು ಬುಲ್ಸ್ ಪರ ಆಡಲಿದ್ದಾರೆ. 19 ಪಂದ್ಯಗಳಲ್ಲಿ 79 ರೇಡ್ ಪಾಯಿಂಟ್ಗಳಿಸಿರುವ ದೀಪಕ್, ಪವನ್ ಶೆಹ್ರಾವತ್ ಮತ್ತು ಚಂದ್ರನ್ ರಂಜಿತ್ ಅವರೊಂದಿಗೆ ಮೂರನೇ ರೈಡರ್ ಆಗಿ ಕಾರ್ಯನಿರ್ವಹಿಸಬಹುದು.
ರೈಟ್ ಕವರ್ – ಡಾಂಗ್ ಜಿಯೋನ್ ಲೀ ಬೆಂಗಳೂರು ಬುಲ್ಸ್ ಪರ ವಿದೇಶಿ ಆಟಗಾರನಾಗಿ ಡಾಂಗ್ ಜಿಯೋನ್ ಲೀ ಕಣಕ್ಕಿಳಿಯಬಹುದು. ಲೀ ಅತ್ಯುತ್ತಮ ರೈಡರ್ ಜೊತೆಗೆ ರೈಟ್ ಕವರ್ನಲ್ಲಿ ಚಾಣಾಕ್ಷ ಆಟಗಾರ. ಹೀಗಾಗಿ ಇವರು ಕೂಡ ಪ್ಲೇಯಿಂಗ್ 7 ನಲ್ಲಿ ಕಾಣಿಸಿಕೊಳ್ಳಬಹುದು.
ರೈಟ್ ಕಾರ್ನರ್ – ಸೌರಭ್ ನಂದಲ್ ಪ್ರೊ ಕಬಡ್ಡಿ ಸೀಸನ್ 7 ರಲ್ಲಿ ಬೆಂಗಳೂರು ಬುಲ್ಸ್‌ಗಾಗಿ ತನ್ನ ಚೊಚ್ಚಲ ಅಭಿಯಾನದಲ್ಲಿ ಸೌರಭ್ ನಂದಲ್ ಬಲಿಷ್ಠ ರೈಟ್ ಕಾರ್ನರ್ ಆಟಗಾರನಾಗಿದ್ದರು. ಅಮಿತ್ ಶೆರಾನ್ ಅವರೊಂದಿಗೆ ಬಲವಾದ ಕಾರ್ನರ್ ರಕ್ಷಣಾತ್ಮಕ ಜೋಡಿ. ಹೀಗಾಗಿ ಸೌರಭ್ ನಂದಲ್ ಕೂಡ ಮೊದಲ ಪಂದ್ಯದಲ್ಲಿ ಅವಕಾಶ ಪಡೆಯಬಹುದು.
ರೈಟ್ ಇನ್- ಪವರ್ ಶೆಹ್ರಾವತ್ ಇನ್ನು ಬೆಂಗಳೂರು ಬುಲ್ಸ್ ತಂಡದ ನಾಯಕ ಪವನ್ ಕುಮಾರ್ ಶೆಹ್ರಾವತ್ ಕಳೆದ ಕೆಲವು ಸೀಸನ್ಗಳಿಂದ ರೈಟ್ ಇನ್ನಲ್ಲಿ ಆಡುತ್ತಿದ್ದಾರೆ. ಹೀಗಾಗಿ ಅವರು ಈ ಸಲ ಕೂಡ ರೈಟ್ ಇನ್ ಆಟಗಾರನಾಗಿ ಅಂಗಳಕ್ಕೆ ಇಳಿಯಲಿದ್ದಾರೆ.
ಬೆಂಗಳೂರು ಬುಲ್ಸ್ ತಂಡ ಹೀಗಿದೆ: ಪವನ್ ಕುಮಾರ್ ಸೆಹ್ರಾವತ್ (ನಾಯಕ), ಮಹೇಂದರ್ ಸಿಂಗ್ (ಉಪನಾಯಕ), ಅಬೋಲ್ಫಜಲ್ ಮಗ್ಸೋಡ್ಲೌ ಮಹಾಲಿ, ಡಾಂಗ್ ಜಿಯೋನ್ ಲೀ, ಜಿಯಾವುರ್ ರೆಹಮಾನ್, ಅಮಿತ್ ಶೆರಾನ್, ಸೌರಭ್ ನಂದಲ್, ಮೋಹಿತ್ ಸೆಹ್ರಾವತ್, ಚಂದ್ರನ್ ರಂಜಿತ್, ದೀಪಕ್ ನರ್ವಾಲ್ ಜಿಬಿ , ಮಯೂರ್ ಜಗನ್ನಾಥ್ ಕದಮ್, ವಿಕಾಸ್, ಭರತ್ ಹೂಡಾ, ಅಮನ್ ಅಂತಿಲ್, ನಸೀಬ್, ರೋಹಿತ್ ಕುಮಾರ್, ಅಂಕಿತ್, ರೋಹಿತ್ ಸಾಂಗ್ವಾನ್.
ಇದನ್ನೂ ಓದಿ: PKL 2021: ಪ್ರೋ ಕಬಡ್ಡಿ ಲೀಗ್: ಬೆಂಗಳೂರು ಬುಲ್ಸ್ ತಂಡದ ಸಂಪೂರ್ಣ ವೇಳಾಪಟ್ಟಿ ಹೀಗಿದೆ
ಇದನ್ನೂ ಓದಿ: IPL 2022: ಬರೋಬ್ಬರಿ 13 ನಾಯಕರನ್ನು ಬದಲಿಸಿದ ಐಪಿಎಲ್ ತಂಡ ಯಾವುದು ಗೊತ್ತಾ?
ಇದನ್ನೂ ಓದಿ: India vs south africa: ಟೀಮ್ ಇಂಡಿಯಾದಲ್ಲಿ ದ್ರಾವಿಡ್ ಇರುವುದೇ ದಕ್ಷಿಣ ಆಫ್ರಿಕಾದ ದೊಡ್ಡ ಚಿಂತೆ
(Pro Kabaddi 2021: Predicting the playing 7 for Bengaluru Bulls)
