IND vs ENG: ರೋಹಿತ್ ಶರ್ಮಾ ಭಾರತದ ಯುವ ಆರಂಭಿಕ ಆಟಗಾರರಿಗೆ ಮಾರ್ಗದರ್ಶಕರಾಗಬೇಕು; ಸಬಾ ಕರೀಮ್

ವಿರಾಟ್ ಕೊಹ್ಲಿ ನೇತೃತ್ವದ ಭಾರತೀಯ ತಂಡ ಪ್ರಸ್ತುತ ಇಂಗ್ಲೆಂಡ್‌ನಲ್ಲಿದ್ದು, ಅಲ್ಲಿ ಐದು ಪಂದ್ಯಗಳ ಟೆಸ್ಟ್ ಸರಣಿಯನ್ನು ಆಡಬೇಕಾಗಿದೆ. ಸರಣಿಯ ಮೊದಲು ಭಾರತದ ಮಾಜಿ ವಿಕೆಟ್ ಕೀಪರ್ ಸಬಾ ಕರೀಮ್ ತಂಡದ ಆರಂಭಿಕ ಆಟಗಾರ ರೋಹಿತ್ ಶರ್ಮಾ ಬಗ್ಗೆ ಸಾಕಷ್ಟು ಮಾತನಾಡಿದ್ದಾರೆ. ರೋಹಿತ್ ತಂಡದ ಹಿರಿಯ ಆಟಗಾರ ಮತ್ತು ಓಪನರ್ ಆಗಿ ತಮ್ಮನ್ನು ತಾವು ಸಾಬೀತುಪಡಿಸಿಕೊಂಡಿದ್ದಾರೆ ಎಂದು ಕರೀಮ್ ಹೇಳಿದ್ದಾರೆ. ಅವರು ಯುವ ಆರಂಭಿಕ ಆಟಗಾರರಿಗೆ ಮಾರ್ಗದರ್ಶಕರಾಗಿ ಕಾರ್ಯನಿರ್ವಹಿಸಬೇಕು. ಮುಂಬರುವ ಇಂಗ್ಲೆಂಡ್ ಪ್ರವಾಸ ಮತ್ತು ಅದರಾಚೆ ಆರಂಭಿಕ ಆಟಗಾರರಿಗೆ ರೋಹಿತ್ ಮಾರ್ಗದರ್ಶಕ ಪಾತ್ರವನ್ನು ವಹಿಸಬೇಕು ಎಂದು ಕರೀಮ್ ಹೇಳಿದ್ದಾರೆ.

ಮಧ್ಯಮ ಕ್ರಮದಲ್ಲಿ ರಾಹುಲ್ಗೆ ಅವಕಾಶ ನೀಡಲು ತಂಡ ಚಿಂತಿಸುತ್ತಿದೆ
ಯುವ ಬ್ಯಾಟ್ಸ್‌ಮನ್ ಶುಬ್ಮನ್ ಗಿಲ್ ಗಾಯದಿಂದಾಗಿ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಿಂದ ಹೊರಗುಳಿದಿದ್ದಾರೆ. ಅವರು ಈಗ ಮನೆಗೆ ಮರಳಲಿದ್ದಾರೆ. ಅವರ ಸ್ಥಾನದಲ್ಲಿ, ಮಾಯಾಂಕ್ ಅಗರ್ವಾಲ್ ಅವರು ಟೆಸ್ಟ್ ಸರಣಿಯಲ್ಲಿ ರೋಹಿತ್ ಶರ್ಮಾ ಅವರೊಂದಿಗೆ ಇನ್ನಿಂಗ್ಸ್ ತೆರೆಯಬಹುದು. ಕೆಎಲ್ ರಾಹುಲ್ ರೂಪದಲ್ಲಿ ತಂಡಕ್ಕೆ ಮತ್ತೊಂದು ಆಯ್ಕೆ ಇದೆ, ಆದಾಗ್ಯೂ, ವರದಿಗಳ ಪ್ರಕಾರ, ಮಧ್ಯಮ ಕ್ರಮದಲ್ಲಿ ರಾಹುಲ್ಗೆ ಅವಕಾಶ ನೀಡಲು ತಂಡ ಚಿಂತಿಸುತ್ತಿದೆ. ಅಭಿಮನ್ಯು ಈಶ್ವರನ್ ರೂಪದಲ್ಲಿ ತಂಡವು ಮತ್ತೊಬ್ಬ ರಿಸರ್ವ್ ಓಪನರ್ ಅನ್ನು ಹೊಂದಿದೆ. ಮಾಯಾಂಕ್ ವಿಫಲವಾದರೆ, ಅವರು ತಂಡದಲ್ಲಿ ಅವಕಾಶವನ್ನು ಪಡೆಯಬಹುದು.

ದೊಡ್ಡ ಜವಾಬ್ದಾರಿ ಇದೆ
ರೋಹಿತ್ ಶರ್ಮಾ ಏಕದಿನ ಪಂದ್ಯಗಳಲ್ಲಿ ಓಪನರ್ ಆಗಿ ಸಾಕಷ್ಟು ರನ್ ಗಳಿಸಿದ ನಂತರ ಟೆಸ್ಟ್ ಪಂದ್ಯಗಳಲ್ಲೂ ಈ ಕೆಲಸವನ್ನು ಉತ್ತಮವಾಗಿ ನಿರ್ವಹಿಸುತ್ತಿದ್ದಾರೆ. ಆದರೆ, ಅವರು ಭಾರತದ ಹೊರಗೆ ಹೆಚ್ಚಿನ ರನ್ ಗಳಿಸಲು ಸಾಧ್ಯವಾಗಿಲ್ಲ. ಅವರು ಆಸ್ಟ್ರೇಲಿಯಾದಲ್ಲಿ ಮತ್ತು ಡಬ್ಲ್ಯುಟಿಸಿ ಫೈನಲ್‌ನಲ್ಲಿ ಉತ್ತಮ ಆಟ ಆಡಲು ಸಾಧ್ಯವಾಗಲಿಲ್ಲ. ಕರೀಮ್ ಇಂಡಿಯಾ ನ್ಯೂಸ್​ನಲ್ಲಿ ರೋಹಿತ್ ಬಗ್ಗೆ ಮಾತನಾಡುತ್ತಾ, ಹೊಸ ಆರಂಭಿಕ ಆಟಗಾರರಿಗೆ ರೋಹಿತ್ ಮಾರ್ಗದರ್ಶಕರ ಪಾತ್ರ ವಹಿಸುವುದು ಮುಖ್ಯವಾಗಿದೆ. ಅಲ್ಲಿ ಬ್ಯಾಟಿಂಗ್ ಮಾಡಲು ಪರಿಸ್ಥಿತಿಗಳು ತುಂಬಾ ಕಷ್ಟಕರವಾಗಿರುತ್ತವೆ. ಹೀಗಾಗಿ ರೋಹಿತ್ ಆರಂಭಿಕ ಪಾಲುದಾರಿಕೆಯನ್ನು ಮಾಡಿದರೆ ಇತರೆ ಯುವ ಆಟಗಾರರಿಗೆ ಉತ್ತಮ ಮಾರ್ಗದರ್ಶನ ನೀಡಬೇಕು ಎಂದಿದ್ದಾರೆ.