CWG 2022: ಕಾಮನ್​ವೆಲ್ತ್​ ಕ್ರೀಡಾಕೂಟದ ನೇರ ಪ್ರಸಾರ ಯಾವ ಚಾನೆಲ್​ನಲ್ಲಿ? ಇಲ್ಲಿದೆ ಮಾಹಿತಿ

Commonwealth Games 2022: ಈ ಹಿಂದೆ ಟೋಕಿಯೋ ಒಲಂಪಿಕ್ ಗೇಮ್ಸ್ ಮತ್ತು ಏಷ್ಯನ್ ಗೇಮ್ಸ್ 2022 ರ ಹಕ್ಕನ್ನು ಪಡೆದಿದ್ದ ಸೋನಿ ನೆಟ್​ವರ್ಕ್​ ಇದೀಗ ಕಾಮನ್​ವೆಲ್ತ್ ಗೇಮ್ಸ್​ ನೇರ ಪ್ರಸಾರದ ಹಕ್ಕುಗಳನ್ನು ಕೂಡ ತನ್ನದಾಗಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

CWG 2022: ಕಾಮನ್​ವೆಲ್ತ್​ ಕ್ರೀಡಾಕೂಟದ ನೇರ ಪ್ರಸಾರ ಯಾವ ಚಾನೆಲ್​ನಲ್ಲಿ? ಇಲ್ಲಿದೆ ಮಾಹಿತಿ
CWG 2022
TV9kannada Web Team

| Edited By: Apurva Kumar Balegere

Jul 21, 2022 | 5:23 PM

ಜುಲೈ 28 ರಿಂದ ಇಂಗ್ಲೆಂಡ್​ನ ಬರ್ಮಿಂಗ್​ಹ್ಯಾಮ್​ನಲ್ಲಿ ಶುರುವಾಗಲಿರುವ ಕಾಮನ್‌ವೆಲ್ತ್ ಗೇಮ್ಸ್​ ನಲ್ಲಿ (CWG 2022) ಈ ಬಾರಿ 5 ಸಾವಿರಕ್ಕೂ ಅಧಿಕ ಕ್ರೀಡಾಪಟುಗಳು ಭಾಗವಹಿಸಲಿದ್ದಾರೆ. ಅದರಲ್ಲೂ ಭಾರತವನ್ನು 300 ಕ್ಕೂ ಹೆಚ್ಚು ಕ್ರೀಡಾಪಟುಗಳು ಪ್ರತಿನಿಧಿಸುತ್ತಿದ್ದಾರೆ. ಹೀಗಾಗಿಯೇ ಈ ಸಲ ಪದಕಗಳ ನಿರೀಕ್ಷೆ ಹೆಚ್ಚಿದೆ. ಅತ್ತ ಕಾಮನ್​ವೆಲ್ತ್ ಗೇಮ್ಸ್​ ಸಿದ್ದತೆಗಳು ಶುರುವಾಗುತ್ತಿದ್ದಂತೆ ಇತ್ತ ಭಾರತೀಯ ಉಪಖಂಡಗಳಲ್ಲಿ ಕಾಮನ್‌ವೆಲ್ತ್ ಗೇಮ್ಸ್ ಅನ್ನು ಪ್ರಸಾರ ಮಾಡುವ ಹಕ್ಕುಗಳನ್ನು ಸೋನಿ ನೆಟ್​ವರ್ಕ್​ ಪಡೆದುಕೊಂಡಿದೆ.

ಈ ಹಿಂದೆ ಟೋಕಿಯೋ ಒಲಂಪಿಕ್ ಗೇಮ್ಸ್ ಮತ್ತು ಏಷ್ಯನ್ ಗೇಮ್ಸ್ 2022 ರ ಹಕ್ಕನ್ನು ಪಡೆದಿದ್ದ ಸೋನಿ ನೆಟ್​ವರ್ಕ್​ ಇದೀಗ ಕಾಮನ್​ವೆಲ್ತ್ ಗೇಮ್ಸ್​ ನೇರ ಪ್ರಸಾರದ ಹಕ್ಕುಗಳನ್ನು ಕೂಡ ತನ್ನದಾಗಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಅದರಂತೆ ಭಾರತ, ಪಾಕಿಸ್ತಾನ, ಶ್ರೀಲಂಕಾ, ಭೂತಾನ್, ಬಾಂಗ್ಲಾದೇಶ, ನೇಪಾಳ, ಅಫ್ಘಾನಿಸ್ತಾನ ಮತ್ತು ಮಾಲ್ಡೀವ್ಸ್​ನಲ್ಲಿ ಸೋನಿ ನೆಟ್​ವರ್ಕ್​ ಚಾನೆಲ್​ಗಳಲ್ಲಿ ಕಾಮನ್​ವೆಲ್ತ್ ಗೇಮ್ಸ್ ಪ್ರಸಾರವಾಗಲಿದೆ.

ಯಾವ ಚಾನೆಲ್​ನಲ್ಲಿ ವೀಕ್ಷಿಸಬಹುದು? ಕಾಮನ್​ವೆಲ್ತ್ ಗೇಮ್ಸ್ 2022 ರ ಸ್ಪರ್ಧೆಗಳನ್ನು ಸೋನಿ ಟೆನ್ 1, ಸೋನಿ ಟೆನ್ 2, ಸೋನಿ ಟೆನ್ 3, ಸೋನಿ ಸಿಕ್ಸ್​ ಮತ್ತು ಸೋನಿ ಟೆನ್ 4 ಚಾನಲ್‌ಗಳಲ್ಲಿ ನೇರ ಪ್ರಸಾರ ಮಾಡಲಾಗುತ್ತದೆ. ಹಾಗೆಯೇ ಸೋನಿ LIV ಅಪ್ಲಿಕೇಶನ್ ಅಥವಾ ವೆಬ್‌ಸೈಟ್‌ನಲ್ಲಿ ಲೈವ್ ಸ್ಟ್ರೀಮಿಂಗ್ ಸಹ ವೀಕ್ಷಿಸಬಹುದು.

ಕಣದಲ್ಲಿರುವ ಭಾರತದ ಪ್ರಮುಖ ಸ್ಪರ್ಧಿಗಳು ಯಾರೆಲ್ಲಾ?

ಅಥ್ಲೆಟಿಕ್ಸ್:-

  • ಅವಿನಾಶ್ ಸೇಬಲ್ – ಪುರುಷರ 3000ಮೀ ಸ್ಟೀಪಲ್ ಚೇಸ್
  • ನಿತೇಂದರ್ ರಾವತ್ – ಪುರುಷರ ಮ್ಯಾರಥಾನ್
  • ಎಂ ಶ್ರೀಶಂಕರ್ – ಪುರುಷರ ಲಾಂಗ್ ಜಂಪ್
  • ಮುಹಮ್ಮದ್ ಅನೀಸ್ ಯಾಹಿಯಾ – ಪುರುಷರ ಲಾಂಗ್ ಜಂಪ್
  • ಅಬ್ದುಲ್ಲಾ ಅಬೂಬಕರ್ – ಪುರುಷರ ಟ್ರಿಪಲ್ ಜಂಪ್
  • ಪ್ರವೀಣ್ ಚಿತ್ರವೇಲ್ – ಪುರುಷರ ಟ್ರಿಪಲ್ ಜಂಪ್
  • ಎಲ್ಡೋಸ್ ಪಾಲ್ – ಪುರುಷರ ಟ್ರಿಪಲ್ ಜಂಪ್
  • ನೀರಜ್ ಚೋಪ್ರಾ – ಪುರುಷರ ಜಾವೆಲಿನ್ ಎಸೆತ
  • ಡಿಪಿ ಮನು – ಪುರುಷರ ಜಾವೆಲಿನ್ ಎಸೆತ
  • ರೋಹಿತ್ ಯಾದವ್ – ಪುರುಷರ ಜಾವೆಲಿನ್ ಎಸೆತ

ಬ್ಯಾಡ್ಮಿಂಟನ್​:-

  • ಪಿವಿ ಸಿಂಧು
  • ಆಕರ್ಷಿ ಕಶ್ಯಪ್
  • ಟ್ರೀಸಾ ಜಾಲಿ
  • ಗಾಯತ್ರಿ ಗೋಪಿಚಂದ್
  • ಅಶ್ವಿನಿ ಪೊನ್ನಪ್ಪ
  • ಲಕ್ಷ್ಯ ಸೇನ್
  • ಕಿಡಂಬಿ ಶ್ರೀಕಾಂತ್
  • ಸಾತ್ವಿಕ್ ಸಾಯಿರಾಜ್ ರಂಕಿರೆಡ್ಡಿ
  • ಚಿರಾಗ್ ಶೆಟ್ಟಿ
  • ಬಿ ಸುಮೀತ್ ರೆಡ್ಡಿ

ಹಾಕಿ:-

  • ಭಾರತೀಯ ಪುರುಷರ ಹಾಕಿ ತಂಡ
  • ಭಾರತೀಯ ಮಹಿಳಾ ಹಾಕಿ ತಂಡ

ಕ್ರಿಕೆಟ್:-

  • ಮಹಿಳಾ ಕ್ರಿಕೆಟ್ ತಂಡ

ವೈಟ್ ಲಿಫ್ಟಿಂಗ್:-

  • ಮೀರಾಬಾಯಿ ಚಾನು – ಮಹಿಳೆಯರ 49 ಕೆ.ಜಿ
  • ಬಿಂದ್ಯಾರಾಣಿ ದೇವಿ – ಮಹಿಳೆಯರ 55 ಕೆ.ಜಿ
  • ಪಾಪಿ ಹಜಾರಿಕಾ – ಮಹಿಳೆಯರ 59 ಕೆ.ಜಿ
  • ಉಷಾ ಕುಮಾರ – ಮಹಿಳೆಯರ 87 ಕೆ.ಜಿ
  • ಪೂರ್ಣಿಮಾ ಪಾಂಡೆ – ಮಹಿಳೆಯರ 87 ಕೆ.ಜಿ

ಇದನ್ನೂ ಓದಿ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada