ನಿಮ್ಮ ಪ್ರದರ್ಶನಕ್ಕೆ ನೀವು ನಾಚಿಕೆ ಪಟ್ಟುಕೊಳ್ಳಬೇಕು; ಅಫ್ರಿದಿ ಕಳಪೆ ಪ್ರದರ್ಶನಕ್ಕೆ ಡ್ಯಾನಿಶ್ ಕನೇರಿಯಾ ಅಸಮಾಧಾನ

3 ನೇ ಏಕದಿನ ಪಂದ್ಯದ ನಂತರ ಇಂಗ್ಲೆಂಡ್ ವಿರುದ್ಧ ಪಾಕಿಸ್ತಾನದ ಹೋರಾಟ ಕೊನೆಗೊಂಡಿದೆ. ಏಕೆಂದರೆ ಮೂರು ಪಂದ್ಯಗಳ ಸರಣಿಯಲ್ಲಿ ಪಾಕ್ ತಂಡ ವೈಟ್ವಾಶ್ ಆಗಿದೆ. ಇಂಗ್ಲೆಂಡ್ ತಂಡವು ತಮ್ಮ ಬಳಗದಲ್ಲಿ 9 ಪ್ರಮುಖ ಆಟಗಾರರನ್ನು ಹೊಂದಿಲ್ಲದಿರುವುದನ್ನು ಪರಿಗಣಿಸಿ, ಪಾಕಿಸ್ತಾನವು ಸರಣಿಯನ್ನು ಗೆಲ್ಲುವ ನೆಚ್ಚಿನ ತಂಡ ಎಂದು ಭಾವಿಸಲಾಗಿತ್ತು. ಆದರೆ ಇದಕ್ಕೆ ವಿರುದ್ಧವಾಗಿ ಸಂಭವಿಸಿತು ಮತ್ತು ಯುವ ಇಂಗ್ಲೆಂಡ್ ತಂಡವು ಮೆನ್ ಇನ್ ಗ್ರೀನ್ ತಂಡವನ್ನು ಹೀನಾಯವಾಗಿ ಸೋಲಿಸಿತು. 2019 ರ ವಿಶ್ವಕಪ್‌ನಲ್ಲಿ ಅವರ ಯಶಸ್ಸನ್ನು ಗಮನಿಸಿದರೆ, ವೇಗಿ ಶಹೀನ್ ಅಫ್ರಿದಿ ಅವರಿಂದ ಹೆಚ್ಚಿನದನ್ನು ನಿರೀಕ್ಷಿಸಲಾಗಿತ್ತು. ಆದರೆ ಎಡಗೈ ವೇಗಿ ಸರಣಿಯಲ್ಲಿ ಕೇವಲ 2 ವಿಕೆಟ್‌ಗಳನ್ನು ಮಾತ್ರ ಗಳಿಸಿದರು.

ಆರಂಭಿಕ ಏಕದಿನ ಪಂದ್ಯದಲ್ಲಿ ಒಬ್ಬರು ಮತ್ತು 2 ನೇ ಏಕದಿನ ಪಂದ್ಯದಲ್ಲಿ ಮತ್ತೊಬ್ಬರನ್ನು ಔಟ್ ಮಾಡಿದರು. 3 ನೇ ಏಕದಿನ ಪಂದ್ಯದಲ್ಲಿ ಅಫ್ರಿದಿ ವಿಕೆಟ್ ರಹಿತವಾಗಿ 78 ರನ್ ನೀಡಿ ದುಬಾರಿ ಬೌಲರ್ ಎನಿಸಿಕೊಂಡರು. ಇದರ ಫಲವಾಗಿ ಇಂಗ್ಲೆಂಡ್ 332 ರ ದೊಡ್ಡ ಗುರಿಯನ್ನು ಬೆನ್ನಟ್ಟಿತು.

ಅಫ್ರಿದಿ ಅವರ ಕಳಪೆ ಪ್ರದರ್ಶನದ ವಿರುದ್ಧ ವಾಗ್ದಾಳಿ ಪಾಕಿಸ್ತಾನದ ಮಾಜಿ ಸ್ಪಿನ್ನರ್ ಡ್ಯಾನಿಶ್ ಕನೇರಿಯಾ ಏಕದಿನ ಪಂದ್ಯದಲ್ಲಿ ಅಫ್ರಿದಿ ಅವರ ಕಳಪೆ ಪ್ರದರ್ಶನದ ವಿರುದ್ಧ ವಾಗ್ದಾಳಿ ನಡೆಸಿದರು. ಅವರು ತಮ್ಮ ಪ್ರದರ್ಶನಕ್ಕೆ ತಮಗೆ ತಾವೆ ನಾಚಿಕೆಪಡಬೇಕು ಎಂದು ಹೇಳಿದರು. ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಮಾತನಾಡಿದ ಕನೇರಿಯಾ, ನೀವು ಹಿರಿಯರಿಗೆ ಅಗೌರವ ತೋರಿದಾಗ ಈ ರೀತಿಯ ಘಟನೆಗಳು ಸಂಭವಿಸುತ್ತದೆ ಎಂದು ಹೇಳಿದರು.

ಇಂಗ್ಲೆಂಡ್​ ತಂಡದ ವಿನ್ಸ್, ಗ್ರೆಗೊರಿ ಮತ್ತು ಸಾಲ್ಟ್ ಅವರು ನಿಮ್ಮ ಎಸೆತಗಳನ್ನು ದಂಡಿಸಿದನ್ನು ಗಮನಿಸಿದಾಗ ನಿಮಗೆ ನೀವೇ ನಾಚಿಕೆಪಡಬೇಕು. ನೀವು ಮೊದಲು ನಿಮ್ಮ ನಡವಳಿಕೆಯನ್ನು ಸುಧಾರಿಸಿಕೊಳ್ಳಬೇಕು. ಪಾಕಿಸ್ತಾನ ಪರ ಆಡಲು ಪ್ರಾರಂಭಿಸಿದಾಗಿನಿಂದ ನೀವು ಯಾವುದೇ ಟೈಮಿಂಗ್ಸ್ ಹೊಂದಿಲ್ಲ. ಆದರೂ ನೀವು ದೊಡ್ಡ ಸ್ಟಾರ್ ಆಗಲು ಬಯಸುತ್ತೀದ್ದೀರಿ. ನೀವು ತಂಡದಲ್ಲಿ ಇಲ್ಲದಿದ್ದಾಗ ನಿಮ್ಮ ಹಿರಿಯರನ್ನು ಗೌರವಿಸಿ ಎಂದು ಅವರು ಹೇಳಿದರು.

ಹಸನ್ ಅಲಿ ಆಡ್ ಹರಿಸ್ ರವೂಫ್ ತಲಾ ಆರು ವಿಕೆಟ್ ಗಳಿಸಿದರೆ, ಶಾದಾಬ್ ಖಾನ್ ಪಾಕಿಸ್ತಾನ ಪರ 3 ವಿಕೆಟ್​ಗಳೊಂದಿಗೆ 3 ನೇ ಸ್ಥಾನ ಪಡೆದರು. 3 ನೇ ಏಕದಿನ ಪಂದ್ಯದಲ್ಲಿ 158 ರನ್​ಗಳ ಸಹಾಯದಿಂದ ಬಾಬರ್ ಅಜಮ್ ಸರಣಿಯನ್ನು ಅತಿ ಹೆಚ್ಚು ರನ್ ಗಳಿಸಿದವರಾಗಿ (177) ಕೊನೆಗೊಳಿಸಿದರು. 3 ನೇ ಏಕದಿನ ಪಂದ್ಯದಲ್ಲಿ ಚೊಚ್ಚಲ ಶತಕ ಗಳಿಸಿದ ಜೇಮ್ಸ್ ವಿನ್ಸ್ (158) ಬಾಬರ್​ ನಂತರದ ಸ್ಥಾನದಲ್ಲಿದ್ದಾರೆ.

ತಮ್ಮನ್ನು ತಾವು ಬದಲಿಸಿಕೊಳ್ಳಲು ಅವಕಾಶವಿದೆ ಮುಂದಿನ ಒಂದು ವಾರದಲ್ಲಿ ಉಭಯ ತಂಡಗಳು ಮೂರು ಟಿ 20 ಪಂದ್ಯಗಳಲ್ಲಿ ಮುಖಾಮುಖಿ ಆಗಲಿರುವುದರಿಂದ ಅಫ್ರಿದಿ ಮತ್ತು ಉಳಿದ ಆಟಗಾರರು ತಮ್ಮನ್ನು ತಾವು ಬದಲಿಸಿಕೊಳ್ಳಲು ಅವಕಾಶವಿದೆ. ಪಾಕಿಸ್ತಾನವನ್ನು ಬಲವಾದ ಟಿ 20 ತಂಡವೆಂದು ಪರಿಗಣಿಸಲಾಗಿದೆ. ಹೀಗಾಗಿ ಅವರ ಕಡಿಮೆ ಸ್ವರೂಪದ ಸರಣಿಯನ್ನು ಗೆಲ್ಲುವ ವಿಶ್ವಾಸದಲ್ಲಿದ್ದಾರೆ.

ಇಯೊನ್ ಮೋರ್ಗಾನ್ ಮತ್ತು ಇತರ ಆಟಗಾರರು ಟಿ 20 ತಂಡಕ್ಕೆ ಮರಳುವ ನಿರೀಕ್ಷೆಯಿದೆ. ತಮ್ಮ ಶಿಬಿರದಲ್ಲಿ ಕೋವಿಡ್-19 ಪ್ರಕರಣಗಳಿಂದಾಗಿ ಪ್ರತ್ಯೇಕವಾಗಿರುವುದರಿಂದ ಇಂಗ್ಲೆಂಡ್‌ನ ಪ್ರಥಮ ಆಯ್ಕೆಯ ಆಟಗಾರರು ಏಕದಿನ ಪಂದ್ಯಗಳನ್ನು ತಪ್ಪಿಸಿಕೊಂಡರು.