ಒಪ್ಪೋದಿಂದ ಮಹತ್ವದ ಘೋಷಣೆ: ಅ. 12ಕ್ಕೆ ಬಿಡುಗಡೆ ಆಗುತ್ತೆ ಹೊಸ ಮಡಚುವ ಸ್ಮಾರ್ಟ್ಫೋನ್
Oppo Find N3 Flip India Launch Date: ಒಪ್ಪೋ ತನ್ನ ಹೊಸ ಒಪ್ಪೋ ಫೈಂಡ್ N3 ಫ್ಲಿಪ್ ಫೋನಿನ ಕೆಲವು ಪ್ರಮುಖ ವಿಶೇತೆಗಳನ್ನು ಸಹ ದೃಢಪಡಿಸಿದೆ ಮತ್ತು ಇದು ಈ ವರ್ಷದ ಆರಂಭದಲ್ಲಿ ಚೀನಾದಲ್ಲಿ ಬಿಡುಗಡೆ ಮಾಡಿದಂತೆಯೇ ಇದೆ. ಆದರೆ, ಇದರ ಬೆಲೆ ಬಹಿರಂಗವಾಗಿಲ್ಲ. ಮೂಲಗಳ ಪ್ರಕಾರ ಒಪ್ಪೋ ಫೈಂಡ್ N3 ಫ್ಲಿಪ್ 90,000 ರೂ. ಗೆ ದೇಶದಲ್ಲಿ ರಿಲೀಸ್ ಆಗಲಿದೆ ಎಂದು ಹೇಳಲಾಗಿದೆ.
ಒಪ್ಪೋ ಇಂಡಿಯಾ ಭಾರತದಲ್ಲಿ ಮುಂದಿನ ವಾರ ಅಕ್ಟೋಬರ್ 12 ರಂದು ತನ್ನ ಹೊಸ ಮಡಚುವ ಸ್ಮಾರ್ಟ್ಫೋನ್ ಒಪ್ಪೋ ಫೈಂಡ್ N3 ಫ್ಲಿಪ್ (Oppo Find N3 Flip) ಅನ್ನು ಬಿಡುಗಡೆ ಮಾಡುವುದಾಗಿ ಅಧಿಕೃತವಾಗಿ ಘೋಷಣೆ ಮಾಡಿದೆ. ಈ ಈವೆಂಟ್ ಅನ್ನು ಸಂಜೆ 7 ಗಂಟೆಯಿಂದ ಒಪ್ಪೋ ಯೂಟ್ಯೂಬ್ ಚಾನೆಲ್ನಲ್ಲಿ ಲೈವ್ ಸ್ಟ್ರೀಮ್ ಮಾಡಲಾಗುತ್ತದೆ. ಒಪ್ಪೋ ಫೈಂಡ್ N3 ಫ್ಲಿಪ್ ಭಾರತದಲ್ಲಿ ಕಂಪನಿಯ ಎರಡನೇ ಫೋಲ್ಡಬಲ್‌ ಸ್ಮಾರ್ಟ್ಫೋನ್ ಆಗಿದೆ. ಹಿಂದಿನದು ಫೈಂಡ್ N2 ಫ್ಲಿಪ್ ಆಗಿದೆ. ಇದು ಈ ವರ್ಷದ ಆರಂಭದಲ್ಲಿ ಅನಾವರಣಗೊಂಡಿತ್ತು.
ಒಪ್ಪೋ ತನ್ನ ಹೊಸ ಫೋನಿನ ಕೆಲವು ಪ್ರಮುಖ ವಿಶೇತೆಗಳನ್ನು ಸಹ ದೃಢಪಡಿಸಿದೆ ಮತ್ತು ಇದು ಈ ವರ್ಷದ ಆರಂಭದಲ್ಲಿ ಚೀನಾದಲ್ಲಿ ಬಿಡುಗಡೆ ಮಾಡಿದಂತೆಯೇ ಇದೆ. ಆದರೆ, ಇದರ ಬೆಲೆ ಬಹಿರಂಗವಾಗಿಲ್ಲ. ಮೂಲಗಳ ಪ್ರಕಾರ ಒಪ್ಪೋ ಫೈಂಡ್ N3 ಫ್ಲಿಪ್ 90,000 ರೂ. ಗೆ ದೇಶದಲ್ಲಿ ರಿಲೀಸ್ ಆಗಲಿದೆ ಎಂದು ಹೇಳಲಾಗಿದೆ.
ಒಪ್ಪೋ ಫೈಂಡ್ N3 ಫ್ಲಿಪ್ ಫೀಚರ್ಸ್:
ಒಪ್ಪೋ ಫೈಂಡ್ N3 ಫ್ಲಿಪ್ ಮೀಡಿಯಾಟೆಕ್ ಡೈಮೆನ್ಸಿಟಿ 9200 ಪ್ರೊಸೆಸರ್ ಮೂಲಕ ರನ್ ಆಗುತ್ತದೆ. ಇದು 2 ನೇ ತಲೆಮಾರಿನ TSMC 4nm ಪ್ರಕ್ರಿಯೆಯನ್ನು ಆಧರಿಸಿದೆ. 3GHzನ ARM ಕಾರ್ಟೆಕ್ಸ್ X3 ಕೋರ್, ಮೂರು ಕಾರ್ಟೆಕ್ಸ್-A715 ಕೋರ್ ಮತ್ತು ನಾಲ್ಕು ಕಾರ್ಟೆಕ್ಸ್-A510 ಕೋರ್‌ಗಳನ್ನು ಒಳಗೊಂಡಿದೆ. SoC AI ಕಾರ್ಯಗಳಿಗೆ ಸಹಾಯ ಮಾಡಲು ಮೀಡಿಯಾಟೆಕ್ APU 690 ಮತ್ತು ಹಾರ್ಡ್‌ವೇರ್-ಆಧಾರಿತ ರೇ ಟ್ರೇಸಿಂಗ್‌ ಬೆಂಬಲದೊಂದಿಗೆ ARM ನ Immortalis-G715 GPU ಅನ್ನು ಒಳಗೊಂಡಿದೆ.
ಪೋಕೋ X5 ಪ್ರೊ ಸ್ಮಾರ್ಟ್ಫೋನ್ ಮೇಲೆ ದಾಖಲೆಯ ರಿಯಾಯಿತಿ: ಈ ಆಫರ್ ಮಿಸ್ ಮಾಡ್ಬೇಡಿ
ಫೈಂಡ್ N3 ಫ್ಲಿಪ್ 12GB LPDDR5X RAM ಅನ್ನು ಹೊಂದಿರುತ್ತದೆ, ಇದು ಹಿಂದಿನ ತಲೆಮಾರಿನ LPDDR5 ಗಿಂತ 33 ಪ್ರತಿಶತ ವೇಗವಾಗಿದೆ ಎಂದು ಹೇಳಲಾಗುತ್ತದೆ. ಈ ಫೋನ್‌ನ ಮುಖ್ಯ ಕ್ಯಾಮೆರಾವು ಸೋನಿ IMX709 ಸಂವೇದಕವನ್ನು ಮತ್ತು AI ಸ್ಮಾರ್ಟ್‌ಗಳನ್ನು ಒಳಗೊಂಡಿದೆ. 4,300mAh ಬ್ಯಾಟರಿಯನ್ನು ಹೊಂದಿರುತ್ತದೆ ಮತ್ತು 44W SuperVOOC ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಇದು ಕೇವಲ 56 ನಿಮಿಷಗಳಲ್ಲಿ 100 ಪ್ರತಿಶತ ಚಾರ್ಜ್ ಆಗುತ್ತದೆ.
ಒಪ್ಪೋ ಇಂಡಿಯಾ ಅಧಿಕೃತವಾಗಿ ಹೇಳದಿದ್ದರೂ ಇದು ಚೀನಾದಲ್ಲಿ ಬಿಡುಗಡೆಯಾದ ರೂಪಾಂತರದಂತೆಯೇ ಇರಬಹುದು ಎನ್ನಲಾಗಿದೆ. ಫೈಂಡ್ N3 ಫ್ಲಿಪ್ ಪೂರ್ಣ-HD+ ರೆಸಲ್ಯೂಶನ್ ಮತ್ತು 120Hz ರಿಫ್ರೆಶ್ ದರದೊಂದಿಗೆ 6.8-ಇಂಚಿನ ಫೋಲ್ಡಿಂಗ್ ಡಿಸ್ ಪ್ಲೇಯನ್ನು ಹೊಂದಿದೆ. ಹೊರಗಿನ ಡಿಸ್ ಪ್ಲೇಯು 3.26 ಇಂಚುಗಳಿಂಧ ಕೂಡಿರುತ್ತದೆ. ಮುಖ್ಯ ಕ್ಯಾಮೆರಾದ ಜೊತೆಗೆ, ಈ ಫೋನ್ 48-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಮತ್ತು 32-ಮೆಗಾಪಿಕ್ಸೆಲ್ ಪೋಟ್ರೇಟ್ ಕ್ಯಾಮೆರಾವನ್ನು ಸಹ ಹೊಂದಿದೆ. ಇದು 32-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ಒಳಗೊಂಡಿದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
