ಜಿಯೋ ಬಳಕೆದಾರರಿಗೆ ಬಿಗ್ ಶಾಕ್: ಟ್ರೆಂಡಿಂಗ್ ಪ್ಲಾನ್ ಅನ್ನು ದಿಢೀರ್ ಸ್ಥಗಿತಗೊಳಿಸಿದ ಕಂಪನಿ
Jio discontinued Rs 119 prepaid recharge plan: ದೇಶದಲ್ಲಿ ಪ್ರತಿ ಬಳಕೆದಾರರ ಸರಾಸರಿ ಆದಾಯ (ARPU) ವನ್ನು ಸುಧಾರಿಸುವ ನಿಟ್ಟಿನಲ್ಲಿ ರಿಲಯನ್ಸ್ ಜಿಯೋ ತನ್ನ ಅಗ್ಗದ 119 ರೂ. ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯನ್ನು ಬಂದ್ ಮಾಡಿದೆ. ಸದ್ಯ, ಅಗ್ಗದ ಜಿಯೋ ಪ್ರಿಪೇಯ್ಡ್ ರೀಚಾರ್ಜ್ ಪ್ಯಾಕ್ 149 ರೂ. ಆಗಿದೆ.
Updated on: Aug 26, 2023 | 11:19 AM
ಟೆಲಿಕಾಂ ಕ್ಷೇತ್ರದಲ್ಲಿ ನಂಬರ್ ಒನ್ ಸ್ಥಾನದಲ್ಲಿರುವ ಪ್ರಸಿದ್ಧ ರಿಲಯನ್ಸ್ ಜಿಯೋ (Reliance Jio) ಇದೀಗ ತನ್ನ ಬಳಕೆದಾರರಿಗೆ ಶಾಕ್ ನೀಡಿದೆ. ಹೆಚ್ಚಿನ ಬಳಕೆದಾರರು ಉಪಯೋಗಿಸುವ ಹಾಗೂ ಟ್ರೆಂಡಿಂಗ್ನಲ್ಲಿದ್ದ ರಿಚಾರ್ಜ್ ಯೋಜನೆಯೊಂದನ್ನು ದಿಢೀರ್ ಆಗಿ ಸ್ಥಗಿತಗೊಳಿಸಿದೆ. ಜಿಯೋ ತನ್ನ ಅಗ್ಗದ 119 ರೂ. ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯನ್ನು ಬಂದ್ ಮಾಡಿದೆ. ಈ ರೀಚಾರ್ಜ್ ಯೋಜನೆಯನ್ನು ಜಿಯೋದ ಅಧಿಕೃತ ವೆಬ್‌ಸೈಟ್ ಮತ್ತು MyJio ಅಪ್ಲಿಕೇಶನ್‌ನಿಂದ ತೆಗೆದುಹಾಕಲಾಗಿದೆ.
ದೇಶದಲ್ಲಿ ಪ್ರತಿ ಬಳಕೆದಾರರ ಸರಾಸರಿ ಆದಾಯ (ARPU) ವನ್ನು ಸುಧಾರಿಸುವುದು ಈ ಬೆಳವಣಿಗೆಯ ಹಿಂದಿನ ಉದ್ದೇಶವಾಗಿದೆ. ಸದ್ಯ, ಅಗ್ಗದ ಜಿಯೋ ಪ್ರಿಪೇಯ್ಡ್ ರೀಚಾರ್ಜ್ ಪ್ಯಾಕ್ 149 ರೂ. ಆಗಿದೆ. ಇದು 20 ದಿನಗಳ ವ್ಯಾಲಿಡಿಟಿಯನ್ನು ನೀಡುತ್ತದೆ. ಜಿಯೋದ 119 ರೂ. ಪ್ರಿಪೇಯ್ಡ್ ಯೋಜನೆಯು ಅನಿಯಮಿತ ಧ್ವನಿ ಕರೆ, 1.5GB ದೈನಂದಿನ ಡೇಟಾ ಮತ್ತು ದಿನಕ್ಕೆ 100 SMS ಅನ್ನು ಉಚಿತವಾಗಿ ನೀಡುತ್ತಿತ್ತು. ಈ ಪ್ಯಾಕ್ 14 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಆದರೆ, ಯಾವುದೇ ಇತರ ಪ್ರಯೋಜನಗಳಿರಲಿಲ್ಲ.
ವಾಟ್ಸ್ಆ್ಯಪ್ನಲ್ಲಿ HD ವಿಡಿಯೋಗಳನ್ನು ಕಳುಹಿಸುವುದು ಹೇಗೆ?: ಬಂದಿದೆ ಬೆರಗುಗೊಳಿಸುವ ಫೀಚರ್
ಜಿಯೋ ಜೊತೆಗೆ, ಏರ್ಟೆಲ್ ಕೂಡ ಇತ್ತೀಚೆಗಷ್ಟೆ ತನ್ನ ಬಳಕೆದಾರರ ಸರಾಸರಿ ಆದಾಯ (ARPU) ವನ್ನು ಸುಧಾರಿಸುವ ನಿಟ್ಟಿನಲ್ಲಿ 99 ರೂ. ರೀಚಾರ್ಜ್ ಪ್ಯಾಕ್ ಅನ್ನು ಸ್ಥಗಿತಗೊಳಿಸಿತ್ತು. ಸದ್ಯ ಏರ್ಟೆಲ್ನ ಅತ್ಯಂತ ಕೈಗೆಟುಕುವ ಪ್ರಿಪೇಯ್ಡ್ ಯೋಜನೆಯು 155 ರೂ. ನದ್ದಾಗಿದೆ. 119 ರೂ. ರೀಚಾರ್ಜ್ ಕೊಡುಗೆಯನ್ನು ನಿಲ್ಲಿಸಿದ ನಂತರ ಜಿಯೋದ ಪ್ರಸ್ತುತ 149 ರೂ. ಪ್ಯಾಕ್ ಹೆಚ್ಚು ಪ್ರಾಮುಖ್ಯತೆ ಪಡೆದಿದೆ.
ಜಿಯೋದ 149 ರೂ. ರೀಚಾರ್ಜ್ ಯೋಜನೆಯನ್ನು ಸ್ಥಗಿತಗೊಂಡಿರುವ 119 ರೂ. ಪ್ಯಾಕ್‌ಗೆ ಹೋಲಿಸಿದರೆ ಕೆಲವು ಹೆಚ್ಚುವರಿ ಪ್ರಯೋಜನಗಳೊಂದಿಗೆ ಬರುತ್ತದೆ. ಮೊದಲನೆಯದಾಗಿ, ಇದು ಚಂದಾದಾರರಿಗೆ 20 ದಿನಗಳ ಮಾನ್ಯತೆ, ಒಟ್ಟು 20GB ಡೇಟಾವನ್ನು (ಪ್ರತಿ ದಿನ 1GB ಡೇಟಾ) ಮತ್ತು ದಿನಕ್ಕೆ 100 SMS ಉಚಿತವಾಗಿ ನೀಡುತ್ತದೆ. ಈ ಯೋಜನೆಯೊಂದಿಗೆ ಬಳಕೆದಾರರು JioTV, JioCinema ಮತ್ತು JioCloud ಚಂದಾದಾರಿಕೆಗಳಿಗೆ ಪ್ರವೇಶವನ್ನು ಪಡೆಯುತ್ತಾರೆ.
ಅಂತೆಯೆ ಏರ್ಟೆಲ್ನ 155 ರೂ. ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಗೆ ಹೋಲಿಸಿದರೆ, ಇದು 24 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ ಮತ್ತು ಅನಿಯಮಿತ ಧ್ವನಿ ಕರೆ ಮತ್ತು 1GB ಒಟ್ಟು ಡೇಟಾವನ್ನು ನೀಡುತ್ತದೆ. ಈ ಪ್ಯಾಕ್ನಲ್ಲಿ 300 SMS ಅನ್ನು ಮಾತ್ರ ನೀಡುತ್ತದೆ. ಇತರ ಪ್ರಯೋಜನಗಳೆಂದರೆ ಉಚಿತ HelloTunes ಚಂದಾದಾರಿಕೆ ಮತ್ತು Wynk ಸಂಗೀತವನ್ನು ಒಳಗೊಂಡಿವೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
