Tech Tips: ನಿಮ್ಮ ಲವ್ವರ್ ಫೋನ್ ದಿನವಿಡೀ ಬ್ಯುಸಿ ಬರುತ್ತಾ?: ಕಾಲ್ ಹಿಸ್ಟರಿ ತೆಗೆಯುವ ಟ್ರಿಕ್ ಇಲ್ಲಿದೆ ನೋಡಿ
How to Check Call History: ಪ್ರೀತಿ ಎಂಬ ಮಾಯಾಜಾಲಕ್ಕೆ ಸಿಲುಕಿ ಮೋಸ ಹೋಗುವವರ ಸಂಖ್ಯೆ ಇಂದು ಹೆಚ್ಚಾಗುತ್ತಿದೆ. ಇದರ ನಡುವೆ ಇನ್ನೇನು ಕೆಲವೇ ದಿನಗಳಲ್ಲಿ ಪ್ರೇಮಿಗಳ ದಿನ ಕೂಡ ಬರುತ್ತಿದೆ. ಇಂಥ ಸಂದರ್ಭದಲ್ಲಿ ನೀವು ಹುಷಾರಾಗಿರಬೇಕು. ನಿಮ್ಮ ಲವ್ವರ್ ಮೇಲೆ ನಿಮಗೆ ಅನುಮಾನವಿದ್ದರೆ ಈ ಟ್ರಿಕ್ ಮೂಲಕ ಅವರ ಕಾಲ್ ಹಿಸ್ಟರಿಯನ್ನು ಪಡೆದುಕೊಳ್ಳಬಹುದು.
Updated on: Feb 10, 2024 | 11:34 AM
ಇಂದು ಟೆಕ್ನಾಲಜಿ (Technology) ಎಷ್ಟು ಮುಂದುವರೆದಿದೆ ಎಂದರೆ ಎಲ್ಲ ಮಾಹಿತಿಯನ್ನು ಕ್ಷಣಾರ್ಧದಲ್ಲಿ ನಾವು ತಿಳಿಯಬಹುದು. ಎಲ್ಲಿಯ ವರೆಗೆ ಎಂದರೆ ನಿಮ್ಮ ಗೆಳೆಯ-ಗೆಳತಿ, ಗಂಡ-ಹೆಂಡತಿ, ಲವ್ವರ್ ಫೋನ್ನಲ್ಲಿ ಯಾರೊಂದಿಗೆ ಎಷ್ಟು ಸಮಯ ಮಾತನಾಡಿದ್ದಾರೆ ಎಂಬುದನ್ನು ಕಂಡುಹಿಡಿಯಬಹುದು. ನಿಮ್ಮವರು ನಿಮಗೆ ಸಮಯ ನೀಡದೇ ಇದ್ದರೆ ಮತ್ತು ಬೇರೆಯವರೊಂದಿಗೆ ಗಂಟೆಗಟ್ಟಲೆ ಫೋನ್ನಲ್ಲಿ ಮಾತನಾಡುತ್ತಿದ್ದರೆ ಅವರು ಯಾರೊಂದಿಗೆ ಮಾತನಾಡಿದ್ದಾರೆ ಎಂಬುದನ್ನು ತಿಳಿಯಬಹುದು. ಇದಕ್ಕೆ ಒಂದು ಸಿಂಪಲ್ ಟ್ರಿಕ್ ಇದೆ. ಈ ಕುರಿತ ಮಾಹಿತಿ ಇಲ್ಲಿದೆ.
ನಿಮ್ಮವರ ಕಾಲ್ ಹಿಸ್ಟರಿ ಪಡೆಯುವ ವಿಧಾನವನ್ನು ಇಲ್ಲಿ ನಾವು ನಿಮಗೆ ತಿಳಿಸುತ್ತೇವೆ. ಇದರ ಮೂಲಕ ಅವರು ಫೋನ್ನಲ್ಲಿ ಯಾರೊಂದಿಗೆಲ್ಲ ಮಾತನಾಡಿದ್ದಾರೆ ಎಂಬುದನ್ನು ಪರಿಶೀಲಿಸಬಹುದು. ಆದರೆ, ಇದು ಜಿಯೋ ಸಿಮ್ನಲ್ಲಿ ಮಾತ್ರ ಕಾರ್ಯನಿರ್ವಹಿಸುತ್ತದೆ. ಯಾರ ಬಳಿ ಜಿಯೋ ಸಿಮ್ ಇದೆ ಅವರ ಕಾಲ್ ಹಿಸ್ಟರಿ ಮಾತ್ರ ತಿಳಿದುಕೊಳ್ಳಬಹುದು. ಜಿಯೋ ಸಿಮ್ ಬಳಸುವವರಿಗೆ ಮಾತ್ರ ಈ ಟ್ರಿಕ್ ಕೆಲಸ ಮಾಡುತ್ತದೆ.
ನೀವು ಆನ್ಲೈನ್ ಶಾಪಿಂಗ್ ಮಾಡುತ್ತೀರಾ?: ಈ ಟ್ರಿಕ್ ಸಾವಿರಾರು ರೂಪಾಯಿ ಉಳಿಸುತ್ತದೆ
- ನೀವು ಆಂಡ್ರಾಯ್ಡ್ ಬಳಕೆದಾರರು ಆಗಿದ್ದಲ್ಲಿ ಪ್ಲೇ ಸ್ಟೋರ್ ಅಥವಾ ಆ್ಯಪಲ್ ಬಳಸುತ್ತಿದ್ದರೆ ಆ್ಯಪ್ ಸ್ಟೋರ್ನಿಂದ ಮೈ ಜಿಯೋ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಬೇಕು.
- ಇನ್ಸ್ಟಾಲ್ ಮಾಡಿದ ನಂತರ ನಿಮ್ಮ ಜಿಯೋ ಸಂಖ್ಯೆಯ ಮೂಲಕ ಸೈನ್ ಇನ್ ಮಾಡಬೇಕು. ನಂತರ ಕೆಳಗೆ ನೀಡಲಾದ ಹಂತಗಳನ್ನು ಅನುಸರಿಸಿ.
- ಈಗ ಅಪ್ಲಿಕೇಶನ್ನಲ್ಲಿ ನಿಮ್ಮ ಸಂಖ್ಯೆ ಗೋಚರಿಸುವ ಸ್ಥಳದ ಮೇಲೆ ಕ್ಲಿಕ್ ಮಾಡಿ ಮತ್ತು ಖಾತೆಯನ್ನು ಬದಲಾಯಿಸುವ ಆಯ್ಕೆಯನ್ನು ಆರಿಸಿ.
- ಈಗ ನೀವು ಯಾರ ಕಾಲ್ ಹಿಸ್ಟರಿ ಬೇಕೋ ಅವರ ಜಿಯೋ ಸಂಖ್ಯೆಯನ್ನು ನಮೂದಿಸಿ.
- ಆದರೆ, ಇಲ್ಲಿ ಮತ್ತೊಂದು ಟ್ವಿಸ್ಟ್ ಇದೆ. ಹೀಗೆ ಫೋನ್ ನಂಬರ್ ಹಾಕುವಾಗ ಆ ಫೋನ್ ಅನ್ನು ನಿಮ್ಮೊಂದಿಗೆ ಸ್ವಲ್ಪ ಸಮಯ ಇರಬೇಕಾಗುತ್ತಿದೆ. ಅದರಲ್ಲಿ ಸ್ವೀಕರಿಸಿದ ಓಟಿಪಿ ಅನ್ನು ಅಪ್ಲಿಕೇಶನ್ನಲ್ಲಿ ನಮೂದಿಸಬೇಕು.
- ಈಗ ನೀವು ಮೆನುಗೆ ಹೋಗಿ ಸ್ಟೇಟ್ಮೆಂಟ್ ಆಯ್ಕೆಯನ್ನು ಕ್ಲಿಕ್ ಮಾಡಬೇಕು.
- ನೀವು ಇದನ್ನು ಮಾಡಿದ ತಕ್ಷಣ, ಕೆಲ ಆಯ್ಕೆಗಳು ನಿಮಗೆ ಗೋಚರಿಸುತ್ತವೆ.
- 7 ದಿನಗಳು, 15 ದಿನಗಳು, 30 ದಿನಗಳು ಹಾಗೂ ಕಸ್ಟಮ್ ಡೇಟ್ ಆಯ್ಕೆ ಇರುತ್ತದೆ. ಇದರಲ್ಲಿ ನಿಮಗೆ ಬೇಕಾಗಿರುವುದನ್ನು ಸೆಲೆಕ್ಟ್ ಮಾಡಿ ಮತ್ತು ವೀವ್ ಸ್ಟೇಟ್ಮೆಂಟ್ ಆಯ್ಕೆಯನ್ನು ಒತ್ತಿರಿ.
- ಈಗ ಮೇಲ್ಬಾಗದಲ್ಲಿರುವ ಯೂಸೇಜ್ ಚಾರ್ಜೆಸ್ ಎಂಬ ಆಯ್ಕೆ ಮೇಲೆ ಕ್ಲಿಕ್ ಮಾಡಿ. ನಂತರ ವಾಯ್ಸ್ ಹಾಗೂ ಕ್ಲಿಕ್ ಹಿಯರ್ ಸೆಲೆಕ್ಟ್ ಮಾಡಿದರೆ ಕಾಲ್ ಹಿಸ್ಟರಿ ಸಿಗುತ್ತದೆ.
- ಈ ಟ್ರಿಕ್ ಅನ್ನು ಯಾವುದೇ ಜಿಯೋ ಸಂಖ್ಯೆ ಮೂಲಕ ಪ್ರಯತ್ನಿಸಬಹುದು. ಆದರೆ, ಓಟಿಪಿ ನಮೋದಿಸಬೇಕಷ್ಟೆ.
ಗಮನಿಸಿ: ಈ ಸುದ್ದಿ ಕೇವಲ ಮಾಹಿತಿಗಾಗಿ ಮಾತ್ರ ಆಗಿದೆ. ಯಾರ ಗೌಪ್ಯತೆಯನ್ನೂ ಅಡ್ಡಿ ಪಡಿಸುವ ಉದ್ದೇಶಕ್ಕಾಗಿ ಅಲ್ಲ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
