ಭಾರತಕ್ಕೆ ಬರುತ್ತಿದೆ ಹೊಸ ಫ್ಲಿಪ್ ಫೋನ್: ಸೋರಿಕೆ ಆಯಿತು ರೋಚಕ ವಿಷಯ
Tecno Phantom V Flip 5G India Launch: ಟೆಕ್ನೋ ಪ್ಯಾಂಟಮ್ V ಫ್ಲಿಪ್ 5G ಸ್ಮಾರ್ಟ್ಫೋನ್ ಮೈಕ್ರೋಸೈಟ್ ಈಗ ಅಮೆಜಾನ್ನಲ್ಲಿ ಶುರುವಾಗಿದೆ. ಈ ಮೂಲಕ ಪ್ರಸಿದ್ಧ ಇ ಕಾಮರ್ಸ್ ತಾಣದಲ್ಲಿ ಸೇಲ್ ಕಾಣುವುದು ಖಚಿತವಾಗಿದೆ. ಆದರೆ, ಕಂಪನಿಯು ಭಾರತದಲ್ಲಿ ಫೋನ್ನ ಅಧಿಕೃತ ಬಿಡುಗಡೆ ದಿನಾಂಕವನ್ನು ಇನ್ನೂ ಘೋಷಿಸಿಲ್ಲ.
Updated on: Sep 18, 2023 | 1:56 PM
ಭಾರತದಲ್ಲಿ ಫ್ಲಿಪ್, ಫೋಲ್ಡೆಬಲ್ ಸ್ಮಾರ್ಟ್ಫೋನ್ಗಳ ಹಾವಳಿ ಹೆಚ್ಚಾಗುತ್ತಿದೆ. ಇತ್ತೀಚೆಗಷ್ಟೆ ಸ್ಯಾಮ್ಸಂಗ್ ಕಂಪನಿ ಕೂಡ ಫ್ಲಿಪ್ ಮತ್ತು ಫೊಲ್ಡೆಬಲ್ ಫೋನನ್ನು ಅನಾವರಣ ಮಾಡಿತ್ತು. ಒನ್ಪ್ಲಸ್ನ ಚೊಚ್ಚಲ ಮಡಚುವ ಫೋನ್ ತಯಾರಾಗುತ್ತಿದೆ. ಇದರ ನಡುವೆ ಪ್ರಸಿದ್ಧ ಟೆಕ್ನೋ ಕಂಪನಿ ತನ್ನ ಹೊಸ ಟೆಕ್ನೋ ಪ್ಯಾಂಟಮ್ V ಫ್ಲಿಪ್ 5G (Tecno Phantom V Flip 5G) ಫೋನನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಸೆಪ್ಟೆಂಬರ್ 22 ರಂದು ಸಿಂಗಾಪುರದಲ್ಲಿ ಈ ಫೋನ್ ಬಿಡುಗಡೆ ಆಗಲಿದೆ. ಇದಾದ ಕೆಲವೇ ದಿನಗಳಲ್ಲಿ ಭಾರತದಲ್ಲೂ ಬಿಡುಗಡೆ ಆಗಲಿದೆ.
ಟೆಕ್ನೋ ಪ್ಯಾಂಟಮ್ V ಫ್ಲಿಪ್ 5G ಭಾರತ ಬಿಡುಗಡೆ, ಲಭ್ಯತೆ:
ಟೆಕ್ನೋ ಪ್ಯಾಂಟಮ್ V ಫ್ಲಿಪ್ 5G ಸ್ಮಾರ್ಟ್ಫೋನಿನ ಮೈಕ್ರೋಸೈಟ್ ಈಗ ಅಮೆಜಾನ್ನಲ್ಲಿ ಶುರುವಾಗಿದೆ. ಈ ಮೂಲಕ ಪ್ರಸಿದ್ಧ ಇ ಕಾಮರ್ಸ್ ತಾಣದಲ್ಲಿ ಸೇಲ್ ಕಾಣುವುದು ಖಚಿತವಾಗಿದೆ. ಆದರೆ, ಕಂಪನಿಯು ಭಾರತದಲ್ಲಿ ಫೋನ್ನ ಅಧಿಕೃತ ಬಿಡುಗಡೆ ದಿನಾಂಕವನ್ನು ಇನ್ನೂ ಘೋಷಿಸಿಲ್ಲ.
ಟೆಕ್ನೋ ಪ್ಯಾಂಟಮ್ V ಫ್ಲಿಪ್ 5G ಫೀಚರ್ಸ್:
X ನಲ್ಲಿ (ಟ್ವಿಟ್ಟರ್), ಟಿಪ್ಸ್ಟರ್ ಪಾರಸ್ ಗುಗ್ಲಾನಿ ಅವರು AD11 ಮಾದರಿ ಸಂಖ್ಯೆಯನ್ನು ಹೊಂದಿರುವ ಟೆಕ್ನೋ ಪ್ಯಾಂಟಮ್ V ಫ್ಲಿಪ್ 5G ಯ ಕೆಲ ಫೀಚರ್ಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 1300 ಚಿಪ್ಸೆಟ್ ಅನ್ನು ಹೊಂದಿದ್ದು, ಗೂಗಲ್ ಪ್ಲೇ ಕನ್ಸೋಲ್ ಪಟ್ಟಿಯ ಮೂಲಕ ಹೈಲೈಟ್ ಮಾಡಬಲಾಗಿದೆ. ಚಾರ್ಜಿಂಗ್ ವಿವರಗಳಿಗೆ ಸಂಬಂಧಿಸಿದಂತೆ, ಇದು 66W ವೇಗದ ಚಾರ್ಜಿಂಗ್ ತಂತ್ರಜ್ಞಾನವನ್ನು ನೀಡುತ್ತದೆ.
ಏರ್ಟೆಲ್ನಿಂದ ಧಮಾಕ ಪ್ರಿಪೇಯ್ಡ್ ಪ್ಲಾನ್: ಪ್ರತಿದಿನ 2GB ಡೇಟಾ ಆನಂದಿಸಿ
ಟೆಕ್ನೋ ಪ್ಯಾಂಟಮ್ V ಫ್ಲಿಪ್ 5G ಎರಡು ಕ್ಯಾಮೆರಾಗಳು ಮತ್ತು ಎಲ್ಇಡಿ ಫ್ಲ್ಯಾಷ್ ಹೊಂದಿರುವ ವೃತ್ತಾಕಾರದ ಕ್ಯಾಮೆರಾ ಸೆಟಪ್ನೊಂದಿಗೆ ಬರುತ್ತದೆ ಎಂದು ಹೇಳಲಾಗಿದೆ. ಇದು ಆಟೋಫೋಕಸ್ನೊಂದಿಗೆ 64-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕ ಮತ್ತು ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್ನೊಂದಿಗೆ 13-ಮೆಗಾಪಿಕ್ಸೆಲ್ ಸಂವೇದಕದಿಂದ ಕೂಡಿದೆ. ಮುಂಭಾಗದ ಕ್ಯಾಮೆರಾ 32-ಮೆಗಾಪಿಕ್ಸೆಲ್ ಇರಬಹುದು.
2640 x 1080 ಪಿಕ್ಸೆಲ್ಗಳ ರೆಸಲ್ಯೂಶನ್ ಮತ್ತು 466 x 466 ಪಿಕ್ಸೆಲ್ಗಳ ರೆಸಲ್ಯೂಶನ್ ಹೊಂದಿರುವ 1.32-ಇಂಚಿನ AMOLED ಕವರ್ ಡಿಸ್ ಪ್ಲೇಯೊಂದಿಗೆ 6.9-ಇಂಚಿನ AMOLED ಒಳಗಿನ ಡಿಸ್ಪ್ಲೇಯನ್ನು ಹೊಂದಿರುತ್ತದೆ. ಎರಡೂ ಡಿಸ್ಪ್ಲೇಗಳು 120Hz ವರೆಗೆ ರಿಫ್ರೆಶ್ ದರವನ್ನು ನೀಡುತ್ತವೆ ಎಂದು ಹೇಳಲಾಗುತ್ತದೆ. ಇತ್ತೀಚಿನ ವರದಿಯ ಪ್ರಕಾರ ಈ ಫೋನಿನ ಬೆಲೆ ಭಾರತದಲ್ಲಿ ಸುಮಾರಿ 50,000 ರೂ. ಇರಬಹುದು ಎಂದು ಹೇಳಲಾಗಿದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
