ವಾಟ್ಸ್ಆ್ಯಪ್ ಲಿಂಕ್ ಕ್ಲಿಕ್ ಮಾಡಿ 3 ಲಕ್ಷ ರೂ. ಕಳೆದುಕೊಂಡ ಮಹಿಳೆ
Whatsapp fraud: ಜನರು ಹೆಚ್ಚಾಗಿ ಆನ್ಲೈನ್ ವಂಚನೆಗೆ ಬಲಿಯಾಗುತ್ತಿದ್ದಾರೆ. ಇದಕ್ಕಾಗಿ ವಂಚಕರು ನಾನಾ ರೀತಿಯ ಆಫರ್ಗಳ ಲಿಂಕ್ಗಳನ್ನು ಶೇರ್ ಮಾಡುತ್ತಿದ್ದು ಎಚ್ಚರವಹಿಸುವಂತೆ ಪೊಲೀಸರು ತಿಳಿಸಿದ್ದಾರೆ.
Updated on: Aug 28, 2021 | 7:42 PM
ಸೈಬರ್ ಕಳ್ಳರು ಬ್ಯಾಂಕ್ ಖಾತೆಗಳ ಮೇಲೆ ನಾನಾ ರೀತಿಯಲ್ಲಿ ಕನ್ನ ಹಾಕುತ್ತಿದ್ದಾರೆ ಎಂಬುದಕ್ಕೆ ಮಹಾರಾಷ್ಟ್ರದಲ್ಲಿ ನಡೆದಿರುವ ಈ ಘಟನೆಯೇ ಸಾಕ್ಷಿ. ಹೌದು, ಮಹಾರಾಷ್ಟ್ರದ ಕಂಡಿವಾಲಿ ಪ್ರದೇಶದ ಮಹಿಳೆಯೊಬ್ಬರು ಹ್ಯಾಕರುಗಳು ಕಳುಹಿಸಿದ ಒಂದು ಲಿಂಕ್ ಕ್ಲಿನ್ ಮಾಡಿ ಬರೋಬ್ಬರಿ 3 ಲಕ್ಷ ರೂ. ಕಳೆದುಕೊಂಡಿದ್ದಾರೆ. ವಂಚಕರು ಆನ್ಲೈನ್ ಶಾಂಪಿಂಗ್ ಪೋರ್ಟಲ್ನ ಲಿಂಕ್ ಕಳುಹಿಸಿ ಇದನ್ನು ಕ್ಲಿಕ್ ಮಾಡಿದರೆ ಬಹುಮಾನ ಸಿಗಲಿದೆ ಎಂದು ತಿಳಿಸಿದ್ದರು. ಅದರಂತೆ ಲಿಂಕ್ ಕ್ಲಿಕ್ ಮಾಡಿದ್ದ ಮಹಿಳೆಯು ಹೊಸದಾಗಿ ತಮ್ಮ ಐಡಿ ಮತ್ತು ಪಾಸ್‌ವರ್ಡ್ ಅನ್ನು ನೀಡಿದ್ದರು. ಇದೇ ವೇಳೆ ಆಕೆಯ ಖಾತೆಗೆ 64 ರೂಪಾಯಿ ಬಹುಮಾನ ನೀಡಲಾಯಿತು.
ಇನ್ನು ಹೆಚ್ಚಿನ ಮೊತ್ತಕ್ಕಾಗಿ ರಿಚಾರ್ಜ್ ಮಾಡುವಂತೆ ಕೇಳಲಾಯಿತು. ಹೆಚ್ಚಿನ ಬಹುಮಾನ ಆಪೇಕ್ಷಿಸಿ ಮಹಿಳೆಯು ತಮ್ಮ ಖಾತೆಯಲ್ಲಿದ್ದ ಹಣವನ್ನು ಜಮಾ ಮಾಡಿದರು. ಹೀಗೆ ಹಣ ಜಮಾ ಮಾಡುತ್ತಾ ಹೋದ ಮಹಿಳೆಯ ಖಾತೆಯಿಂದ 3.11 ಲಕ್ಷ ರೂ. ವಂಚಕರ ಪಾಲಾಗಿದೆ.
ಇನ್ನು ಇಂತಹ ವಂಚನೆಗೆ ಒಳಗಾಗಿದ್ದು ಯಾವುದೇ ಅನಕ್ಷರಸ್ಥ ಮಹಿಳೆಯಲ್ಲ ಎಂಬುದನ್ನು ಪೊಲೀಸರು ಸ್ಪಷ್ಟಪಡಿಸಿದ್ದಾರೆ. ಬದಲಾಗಿ 27 ವರ್ಷದ ಇಂಟಿರಿಯಲ್ ಡಿಸೈನರ್ ಆಗಿರುವ ಮಹಿಳೆಯೇ ವಂಚಕರ ಜಾಲಕ್ಕೆ ಬಿದ್ದಿದ್ದಾರೆ. ಇದೀಗ ಐಪಿಸಿ ಸೆಕ್ಷನ್ 420 (ವಂಚನೆ) ಮತ್ತು ಮಾಹಿತಿ ತಂತ್ರಜ್ಞಾನ ಕಾಯ್ದೆಯ ಸಂಬಂಧಿತ ನಿಬಂಧನೆಗಳ ಅಡಿಯಲ್ಲಿ ಅಪರಿಚಿತ ವ್ಯಕ್ತಿಗಳ ವಿರುದ್ಧ ಪೊಲೀಸರು ಎಫ್ಐಆರ್ ದಾಖಲಿಸಿ ತನಿಖೆ ಆರಂಭಿಸಿದ್ದಾರೆ.
ಈ ತಪ್ಪುಗಳನ್ನು ಎಂದಿಗೂ ಮಾಡಬೇಡಿ! ಜನರು ಹೆಚ್ಚಾಗಿ ಆನ್ಲೈನ್ ವಂಚನೆಗೆ ಬಲಿಯಾಗುತ್ತಿದ್ದಾರೆ ಎಂದು ಪೊಲೀಸರು ಎಚ್ಚರಿಸಿದ್ದಾರೆ. ಇದಕ್ಕಾಗಿ ವಂಚಕರು ನಾನಾ ರೀತಿಯ ಆಫರ್ಗಳ ಲಿಂಕ್ಗಳನ್ನು ಶೇರ್ ಮಾಡುತ್ತಿದ್ದು, ಇಂತಹ ಲಿಂಕ್ ಅನ್ನು ನಿಮ್ಮ ಫೋನ್ ಅಥವಾ ಲ್ಯಾಪ್‌ಟಾಪ್‌ನಲ್ಲಿ ಕ್ಲಿಕ್ ಮಾಡಬೇಡಿ. ಅದು ನಿಮ್ಮ ಖಾತೆಯ ಮಾಹಿತಿ ಪಡೆಯಲು ಹ್ಯಾಕರುಗಳು ಸೃಷ್ಟಿಸಿರುವ ಲಿಂಕ್ಗಳಾಗಿದ್ದು, ಈ ಬಗ್ಗೆ ಸದಾ ಎಚ್ಚರದಿಂದಿರಿ ಎಂದು ಸೈಬರ್ ಪೊಲೀಸರು ತಿಳಿಸಿದ್ದಾರೆ.
ಇದನ್ನೂ ಓದಿ: India vs England 3rd test: ಸಿರಾಜ್ ಮೇಲೆ ಚೆಂಡಿನ ದಾಳಿ: ಮುಂದುವರೆದ ಇಂಗ್ಲೆಂಡ್ ಪ್ರೇಕ್ಷಕರ ಪುಂಡಾಟ
ಇದನ್ನೂ ಓದಿ: IPL 2021: ಮಾಜಿ RCB ಆಟಗಾರ, ವಿಶ್ವದ ನಂಬರ್ 1 ಬೌಲರ್ ರಾಜಸ್ಥಾನ್ ರಾಯಲ್ಸ್ ಪಾಲು
ಇದನ್ನೂ ಓದಿ: George Garton: RCB ತಂಡಕ್ಕೆ ಎಂಟ್ರಿ ಕೊಟ್ಟಿರುವ ಜಾರ್ಜ್ ಗಾರ್ಟನ್ ಯಾರು..?
(Whatsapp fraud a women loses around 3 lakh rupees)
