WhatsApp ಟ್ರಿಕ್ಸ್: ಒಂದೇ ಬಾರಿಗೆ 256 ಜನರಿಗೆ ಮೆಸೇಜ್ ಕಳುಹಿಸಬಹುದು: ಇದು ಹೇಗೆ ಗೊತ್ತೇ?

ಮೆಟಾ ಒಡೆತನದ ಪ್ರಸಿದ್ಧ ಮೆಸೇಜ್ ಅಪ್ಲಿಕೇಷನ್ ವಾಟ್ಸ್​ಆ್ಯಪ್​ ಅನ್ನು ಇಂದು ವಿಶ್ವದಲ್ಲಿರುವ ಶೇ. 90 ರಷ್ಟು ಮಂದಿ ಬಳಸುತ್ತಿದ್ದಾರೆ. ಕಾಲ ಕಾಲಕ್ಕೆ ಬಳಕೆದಾರರಿಗೆ ಅನುಕೂಲಕರ ಆಗುವಂತಹ ಫೀಚರ್​ಗಳನ್ನು ಬಿಡುಗಡೆ ಮಾಡುತ್ತಲೇ ಇದೆ. ಇನ್ನೊಂದಿಷ್ಟು ಹೊಸ ವೈಶಿಷ್ಟಯಗಳು ವಾಟ್ಸ್​ಆ್ಯಪ್​ನಲ್ಲಿ ಬರಲಿದ್ದು, ಸದ್ಯ ಟೆಸ್ಟಿಂಗ್​ನಲ್ಲಿದೆ. ಆದರೆ ಈ ಅಪ್ಲಿಕೇಶನ್‌ನಲ್ಲಿ ಲಭ್ಯವಿರುವ ಎಲ್ಲಾ ವೈಶಿಷ್ಟ್ಯಗಳ ಬಗ್ಗೆ ಅನೇಕರಿಗೆ ತಿಳಿದಿಲ್ಲ. ಅಂತಹ ಒಂದು ಫೀಚರ್ ಬಗ್ಗೆ ಇಂದು ನಾವು ಹೇಳುತ್ತೇವೆ. ನಿಮಗೆ ವಾಟ್ಸ್​ಆ್ಯಪ್​ನಲ್ಲಿ ಒಂದೇ ಬಾರಿಗೆ 256 ಜನರಿಗೆ ಮೆಸೇಜ್ ಕಳುಹಿಸುವುದು ಹೇಗೆ ಎಂದು ತಿಳಿದಿದೆಯೇ?.

ಈ ಆಯ್ಕೆ ನಿಮಗೆ ದೈನಂದಿನ ಚಟುವಟಿಕೆಗೆ ಅಗತ್ಯವಿಲ್ಲದರಿಬಹುದು. ಆದರೆ ನೀವು ಒಂದೇ ಮೆಸೇಜ್ ಅನ್ನು ಅನೇಕ ಜನರಿಗೆ ಕಳುಹಿಸಬೇಕು ಎಂದು ಭಾವಿಸೋಣ, ನೀವು ಪ್ರತಿಯೊಬ್ಬರ ಚಾಟ್‌ಗಳನ್ನು ಒಂದೊಂದಾಗಿ ತೆರೆದು ನಂತರ ಸಂದೇಶವನ್ನು ಕಳುಹಿಸುತ್ತೀರಾ?. ನೀವು ಇದನ್ನು ಸಹ ಮಾಡಬಹುದು, ಆದರೆ ಈ ಪ್ರಕ್ರಿಯೆಯು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತದೆ.

ನೀವು ಕಡಿಮೆ ಸಮಯದಲ್ಲಿ ಎಲ್ಲರಿಗೂ ಒಂದೇ ಬಾರಿಗೆ ಸಂದೇಶವನ್ನು ಕಳುಹಿಸಲು ಸಾಧ್ಯವಾಗುವಂತಹ ಒಂದು ಆಯ್ಕೆ ವಾಟ್ಸ್​ಆ್ಯಪ್​ನಲ್ಲಿದೆ. ಇದಕ್ಕಾಗಿ ನೀವು ಕೇವಲ ಒಂದು ಸಣ್ಣ ಟ್ರಿಕ್ ಅನ್ನು ತಿಳಿದಿರಬೇಕು. ಬಳಕೆದಾರರ ಅನುಕೂಲಕ್ಕಾಗಿ ಬ್ರಾಡ್‌ಕಾಸ್ಟ್ ಲಿಸ್ಟ್​ಗಳ ವೈಶಿಷ್ಟ್ಯವು ವಾಟ್ಸ್​ಆ್ಯಪ್​ ಅಪ್ಲಿಕೇಶನ್‌ನಲ್ಲಿ ಲಭ್ಯವಿದೆ. ಗ್ರೂಪ್ ಕ್ರಿಯೇಟ್ ಮಾಡದೇ ಏಕಕಾಲದಲ್ಲಿ 256 ಜನರಿಗೆ ಸಂದೇಶಗಳನ್ನು ಕಳುಹಿಸಲು ಈ ವೈಶಿಷ್ಟ್ಯವು ನಿಮಗೆ ಅನುಮತಿಸುತ್ತದೆ. ಹೊಸ ಬ್ರಾಡ್‌ಕಾಸ್ಟ್ ಲಿಸ್ಟ್ ಅನ್ನು ​ರಚಿಸಲು, ನೀವು ವಾಟ್ಸ್​ಆ್ಯಪ್ ಅಪ್ಲಿಕೇಶನ್ ತೆರೆಯಿರಿ ಮತ್ತು ನಂತರ ಬಲಭಾಗದಲ್ಲಿರುವ ಮೂರು ಚುಕ್ಕೆಗಳನ್ನು ಟ್ಯಾಪ್ ಮಾಡಿ. ಇದರ ನಂತರ ನೀವು ಹೊಸ ಬ್ರಾಡ್‌ಕಾಸ್ಟ್ ವೈಶಿಷ್ಟ್ಯವನ್ನು ನೋಡುತ್ತೀರಿ, ಈ ವೈಶಿಷ್ಟ್ಯದ ಮೇಲೆ ಕ್ಲಿಕ್ ಮಾಡಿ. ಹೊಸ ಬ್ರಾಡ್‌ಕಾಸ್ಟ್ ಟ್ಯಾಪ್ ಮಾಡಿದ ನಂತರ, ನೀವು ಪಟ್ಟಿಗೆ ಸೇರಿಸಲು ಬಯಸುವ ಕಾಂಟೆಕ್ಟ್​ಗಳನ್ನು ನೀವು ಆಯ್ಕೆ ಮಾಡಬೇಕಾಗುತ್ತದೆ. ಒಂದು ಪಟ್ಟಿಯಲ್ಲಿ ನೀವು ಗರಿಷ್ಠ 256 ಸಂಪರ್ಕಗಳನ್ನು ಸೇರಿಸಬಹುದು ಎಂಬುದನ್ನು ಗಮನಿಸಿ. ಸದಸ್ಯರನ್ನು ಸೇರಿಸಿದ ನಂತರ, ನಿಮ್ಮ ಆಯ್ಕೆಯ ಪ್ರಕಾರ ನೀವು ಬ್ರಾಡ್‌ಕಾಸ್ಟ್ ಲಿಸ್ಟ್​ ಅನ್ನು ಹೆಸರಿಸಬಹುದು. ಬ್ರಾಡ್‌ಕಾಸ್ಟ್ ಲಿಸ್ಟ್​ ಅನ್ನು ರಚಿಸಿದ ನಂತರ, ನೀವು ಎಲ್ಲರಿಗೂ ಏಕಕಾಲದಲ್ಲಿ ಕಳುಹಿಸಲು ಬಯಸುವ ಸಂದೇಶವನ್ನು ಈ ಪಟ್ಟಿಯಲ್ಲಿ ಸೇರಿಸಬೇಕು.

ಬ್ರಾಡ್‌ಕಾಸ್ಟ್ ಲಿಸ್ಟ್​ ಬ್ರಾಡ್ಕಾಸ್ಟ್ ಅರ್ಥ:

ನೀವು ಏಕಕಾಲದಲ್ಲಿ ಸಂದೇಶಗಳನ್ನು ಕಳುಹಿಸಲು ಬಯಸುವ ನಿಮ್ಮ ಸಂಪರ್ಕಗಳನ್ನು ನೀವು ಸೇರಿಸಬಹುದಾದ ವೈಶಿಷ್ಟ್ಯ ಇದಾಗಿದೆ. ನೀವು ಈ ಲಿಸ್ಟ್​ಗೆ ಸಂದೇಶವನ್ನು ಕಳುಹಿಸಿದಾಗ, ಸಂದೇಶವು ಪಟ್ಟಿಯಲ್ಲಿರುವ ಎಲ್ಲರಿಗೂ ಏಕಕಾಲದಲ್ಲಿ ತಲುಪುತ್ತದೆ. ಇದು ಗುಂಪಿನಲ್ಲಿ ಅಲ್ಲ ಎಂಬುದನ್ನು ಗಮನಿಸಿ, ಪ್ರತಿಯೊಬ್ಬ ವ್ಯಕ್ತಿಯು ನೀವು ಕಳುಹಿಸಿದ ಸಂದೇಶವನ್ನು ಅವರಿಗೆ ಮಾತ್ರ ಕಳುಹಿಸಿದ್ದೀರಿ ಎಂದು ಭಾವಿಸುತ್ತಾರೆ.

ಬ್ರಾಡ್‌ಕಾಸ್ಟ್ ಲಿಸ್ಟ್ ಪ್ರಯೋಜನಗಳು:

ಸಮಯ ಉಳಿತಾಯ: ಒಂದೇ ಸಂದೇಶವನ್ನು ಒಂದೇ ಬಾರಿಗೆ ಅನೇಕ ಜನರಿಗೆ ಕಳುಹಿಸಬಹುದು. ಜೊತೆಗೆ ಬ್ರಾಡ್‌ಕಾಸ್ಟ್ ಲಿಸ್ಟ್ ಅನ್ನು ರಚಿಸುವುದು ಮತ್ತು ಬಳಸುವುದು ತುಂಬಾ ಸುಲಭವಾಗಿದೆ.

ಮತ್ತಷ್ಟು ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ