Redmi 10: ವಿಶ್ವದ ನಂಬರ್ ಒನ್ ಸ್ಮಾರ್ಟ್​ಫೋನ್ ಬ್ರ್ಯಾಂಡ್ ಶವೋಮಿಯಿಂದ ಹೊಸ ಫೋನ್ ಬಿಡುಗಡೆ

ವಿಶ್ವದ ನಂಬರ್ ಒನ್ ಸ್ಮಾರ್ಟ್​ಫೋನ್ ಬ್ರ್ಯಾಂಡ್ ಚೀನಾ ಮೂಲದ ಶವೋಮಿ (Xiaomi) ಕಂಪೆನಿ ಹೊಸ ರೆಡ್ಮಿ 10 (Redmi 10) ಫೋನನ್ನು ಅನಾವರಣ ಮಾಡಿದೆ. 50 ಮೆಗಾಫಿಕ್ಸೆಲ್ ಸಾಮರ್ಥ್ಯವಿರುವ ಕ್ವಾಡ್​​ ರಿಯರ್​ ಕ್ಯಾಮೆರಾದ ಜೊತೆಗೆ ಮೀಡಿಯಾ ಟೆಕ್​​ ಪ್ರೊಸೆಸರ್​ ಹೊಂದಿದ್ದು, ಸದ್ಯಕ್ಕೆ ಮಲೇಶಿಯಾದಲ್ಲಿ ಬಿಡುಗಡೆಗೊಂಡಿದೆ. ಮುಂದಿನ ದಿನಗಳಲ್ಲಿ ಇದು ಭಾರತದಲ್ಲೂ ರಿಲೀಸ್ ಆಗಲಿದೆ.

ಸಾಕಷ್ಟು ವಿಶೇಷತೆಗಳಿಂದ ಕೂಡಿರುವ ರೆಡ್ಮಿ 10 ಸ್ಮಾರ್ಟ್​ಫೋನ್ ಬಜೆಟ್ ಬೆಲೆಗೆ ಲಭ್ಯವಿದೆ. ಒಟ್ಟು ಮೂರು ಆಯ್ಕೆಯಲ್ಲಿ ಈ ಫೋನ್ ಬಿಡುಗಡೆ ಆಗಿದ್ದು, ​ 4GB RAM + 64GB ಸ್ಟೊರೇಜ್​ ಆಯ್ಕೆಗೆ ಭಾರತದಲ್ಲಿ 13,300 ರೂ ಎಂದು ಅಂದಾಜಿಸಲಾಗಿದೆ. 4GB RAM + 128GB ಆಯ್ಕೆಯ ಸ್ಮಾರ್ಟ್​ಫೋನ್​ ಬೆಲೆ 14,800 ರೂ. ಅಂತೆಯೆ 6GB RAM + 128GB ಆಯ್ಕೆಯ ಸ್ಮಾರ್ಟ್​ಫೋನ್​ ಬೆಲೆ 16,283 ರೂ. ಎಂದು ಹೇಳಬಹುದು. ಪೆಬ್ಬಲ್​ ಬಿಳಿ, ಕಾರ್ಬನ್​ ಗ್ರೆ ಮತ್ತು ಸಮುದ್ರ ನೀಲಿ ಬಣ್ಣದ ಆಯ್ಕೆಯಲ್ಲಿ ಮಾರಾಟ ಕಾಣಲಿದೆ.

ರೆಡ್ಮಿ 10 6.5 ಇಂಚಿನ ಎಲ್​ಸಿಡಿ ಡಿಸ್​ಪ್ಲೇ ಅನ್ನು ಹೊಂದಿದೆ. ಇದು 2400*1080 ಪಿಕ್ಸೆಲ್ ಸಾಮರ್ಥ್ಯದ ರೆಸಲೂಶನ್ ಹೊಂದಿದ್ದು, ರೆಡ್ಮಿ ನೋಟ್ 10 ಸರಣಿಯ ಸ್ಮಾರ್ಟ್​ಫೋನ್ ರೀತಿ ಇದೆ. ಮೀಡಿಯಾ ಟೆಕ್ ಹೆಲಿಯೊ ಜಿ88 ಎಸ್ಒಸಿ ಪ್ರೊಸೆಸರ್​ನಿಂದ ಕೂಡಿದೆ.

ಸ್ಮಾರ್ಟ್​ಫೋನ್​ ಹಿಂಭಾಗದಲ್ಲಿ ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್ ನೀಡಲಾಗಿದೆ. ಮತ್ತು ಸಿಲ್ವರ್ ಫಿನಿಶ್ ಪ್ರಮುಖ ಹೈಲೇಟ್ ಆಗಿದೆ. ರೆಡ್ಮಿ 10 ಸ್ಮಾರ್ಟ್​ಫೋನ್​ 50 ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ಜೊತೆಗೆ 8 ಮೆಗಾಪಿಕ್ಸೆಲ್ ಸೆಕೆಂಡರಿ ಕ್ಯಾಮೆರಾ ಮತ್ತು ಎರಡು 2 ಮೆಗಾಪಿಕ್ಸೆಲ್ ಸೆನ್ಸರ್‌ಗಳನ್ನು ಒಳಗೊಂಡಿರಲಿದೆ ಎಂದು ಮಾಹಿತಿಯಿದೆ. ಮುಂಭಾಗದಲ್ಲಿ ಸೆಲ್ಫಿಗಳಿಗಾಗಿ 8 ಮೆಗಾಪಿಕ್ಸೆಲ್ ಸೆನ್ಸರ್‌ನೊಂದಿಗೆ ಬರಲಿದೆ ಎನ್ನಲಾಗಿದೆ.

ಇನ್ನೂ 5000mAh ಸಾಮರ್ಥ್ಯದ ಬಲಿಷ್ಠ ಬ್ಯಾಟರಿ ಬ್ಯಾಕಪ್ ಅನ್ನು ಪಡೆದುಕೊಂಡಿದ್ದು, ಇದಕ್ಕೆ ಪೂರಕವಾಗಿ 18 ವ್ಯಾಟ್ ಫಾಸ್ಟ್ ಚಾರ್ಜಿಂಗ್ ಸೌಲಭ್ಯವನ್ನು ನೀಡಲಾಗಿದೆ. ಶಿಯೋಮಿ ನೂತನ ಸ್ಮಾರ್ಟ್​ಫೋನಿನ​ ಸಂಪೂರ್ಣ ವಿಶೇಷತೆಯನ್ನ ಬಹಿರಂಗ ಪಡಿಸಿಲ್ಲ. 3.5 mm ​ ಹೆಡ್​ಫೋನ್​ ಜಾಕ್​ ನೀಡಲಾಗಿದೆ. 182 ಗ್ರಾಮ್​ ಮತ್ತು ಫಿಂಗರ್​ಪ್ರಿಂಟ್​ ಸ್ಕ್ಯಾನರ್​ ಇದರಲ್ಲಿದೆ.

Flipkart Mobiles Bonanza sale: ಫ್ಲಿಪ್​ಕಾರ್ಟ್​ನಲ್ಲಿ ಶುರುವಾಗಿದೆ ಹೊಸ ಮೇಳ: ಈ ಫೋನ್​ಗಳ ಮೇಲೆ 10,000 ರೂ. ಡಿಸ್ಕೌಂಟ್

Twitter DM: ಟ್ವಿಟ್ಟರ್‌ ಬಳಕೆದಾರರು ಫುಲ್ ಖುಷ್: ಬಂದಿದೆ ಹೊಸ ಅಪ್ಡೇಟ್

(Xiaomi Redmi 10 With 50-Megapixel Primary Camera 5000mAh Battery Launched Price Specifications)