94 ವರ್ಷದ ಅಜ್ಜಿಯ ಮನೆಗೇ ಬಂದಿಳಿದ ಮ್ಯೂಸಿಕ್ ಬ್ಯಾಂಡ್; ಹನಿಗಣ್ಣಾದ ನೆಟ್ಟಿಗರು
Music Bands : ಕಲಾವಿದರಿದ್ದಲ್ಲಿಗೆ ಶ್ರೋತೃಗಳು ಹೋಗುವುದು ನಿಯಮ. ಆದರೆ ಇಲ್ಲಿ ಉಲ್ಟಾ ಆಗಿದೆ. ಹಾಸಿಗೆ ಹಿಡಿದ ಅಜ್ಜಿಯೊಬ್ಬರು ತನ್ನ ನೆಚ್ಚಿನ ಸಂಗೀತ ಕಛೇರಿಗೆ ಹೋಗಲಾಗುವುದಿಲ್ಲ ಎಂದು ಬೇಸರಿಸಿಕೊಂಡಾಗ ಈ ಅಚ್ಚರಿ ಸಂಭವಿಸಿದೆ.
Updated on: Nov 05, 2022 | 5:07 PM
Viral Video : 94 ವರ್ಷದ ಅಜ್ಜಿಯೊಬ್ಬರಿಗೆ ತಮ್ಮ ಮೆಚ್ಚಿನ ಬ್ಯಾಂಡ್ನ ಸಂಗೀತ ಕಛೇರಿಗೆ ಹೋಗಲು ಸಾಧ್ಯವಾಗದೆ ಬೇಸರದಲ್ಲಿರುತ್ತಾರೆ. ಆದರೆ ಇದನ್ನು ಅರಿತ ಆ ಬ್ಯಾಂಡ್ ನೇರ ಅಜ್ಜಿಯ ಮನೆಗೆ ಬಂದು ಪುಟ್ಟ ಸಂಗೀತ ಕಛೇರಿ ಮಾಡಿ ಅಚ್ಚರಿ ಮತ್ತು ಅಪಾರ ಸಂತೋಷವನ್ನುಂಟುಮಾಡಿದೆ. ಇದೀಗ ಈ ವಿಡಿಯೋ ಇನ್ಸ್ಟಾಗ್ರಾಂನ್ಲಲಿ ವೈರಲ್ ಆಗಿದೆ. ನೆಟ್ಟಿಗರು ಈ ವಿಡಿಯೋ ನೋಡಿ ಭಾವುಕರಾಗುತ್ತಿದ್ದಾರೆ.
View this post on Instagram
@cosimoandthehotcoals ಪುಟದಲ್ಲಿ ಮೂಲ ವಿಡಿಯೋ ಹಂಚಿಕೊಳ್ಳಲಾಗಿದೆ. ಗುಡ್ನ್ಯೂಸ್ ಮೂವ್ಮೆಂಟ್ ನಲ್ಲಿ ಇದನ್ನು ಹಂಚಿಕೊಂಡ ನಂತರ ಹೆಚ್ಚು ಜನರನ್ನು ತಲುಪಿದೆ. ಕಲಾವಿದರ ಸಂಗೀತ ಕೇಳಿ ಅಜ್ಜಿಯ ಹೃದಯತುಂಬಿ ಬಂದಿದೆ. ಈತನಕ 1.4 ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. ನೂರಾರು ಜನರು ಈ ವಿಡಿಯೋಗೆ ಪ್ರತಿಕ್ರಿಯಿಸಿದ್ದಾರೆ.
ಇಂದು ಆನ್ಲೈನ್ನಲ್ಲಿ ನೋಡುತ್ತಿರುವ ಅತ್ಯುತ್ತಮವಾದ ಸಂಗತಿ ಇದು ಎಂದು ಒಬ್ಬರು ಹೇಳಿದ್ದಾರೆ. ಬಹಳ ಅದ್ಭುತವಾದ ಕೆಲಸವನ್ನು ಮಾಡಿದ್ದೀರಿ. ಸಂಗೀತ ಈ ಅಜ್ಜಿಗೆ ಶಾಂತಿ ಮತ್ತು ಸಂತೋಷವನ್ನು ತರುತ್ತದೆ ಎಂದಿದ್ದಾರೆ ಇನ್ನೂ ಒಬ್ಬರು. ನೋಡಿ ಅವಳ ಕಾಲ್ಬೆರಳು ತಾಳ ಹಾಕುತ್ತಿದೆ ಎಂದಿದ್ದಾರೆ ಇನ್ನೂ ಒಬ್ಬರು. ಮಾನವೀಯತೆಯ ಮೇಲೆ ಭರವಸೆ ಹೆಚ್ಚಿಸುವ ಇಂಥ ಸಂಗತಿಗಳು ಹೆಚ್ಚಲಿ ಎಂದಿದ್ದಾರೆ ಮಗದೊಬ್ಬರು.
ನಿಮಗೇನು ಅನ್ನಿಸುತ್ತದೆ ಈ ವಿಡಿಯೋ ನೋಡುತ್ತಿದ್ದರೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
