ನಾಯಕನಾಯಿ; ಹಿಮಪ್ರದೇಶದಲ್ಲಿ ಹಸುಗಳಿಗೆ ದಾರಿ ಮಾಡಿಕೊಡುತ್ತಿರುವ ನಾಯಿಯ ವಿಡಿಯೋ ವೈರಲ್
Dog : ನಮ್ಮ ದೇಶಕ್ಕೆ ಹೀಗೆ ಸ್ವತಃ ಚಲಿಸಿ ದಾರಿಯನ್ನು ತೆರೆದು ಕೊಡುವವರು ಬೇಕು, ನಿಷ್ಠೆ ಮತ್ತು ಸಹಾಯಕ್ಕೆ ಹೆಸರುವಾಸಿಯಾಗಿರುವ ಈ ನಾಯಿಯಂಥ ನಾಯಕರು ನಮಗೆ ಬೇಕು ಎನ್ನುತ್ತಿದ್ದಾರೆ ನೆಟ್ಟಿಗರು. ನೋಡಿ ವಿಡಿಯೋ.
Updated on:Nov 19, 2022 | 5:27 PM
Viral Video : ಈಗಾದರೂ ಒಪ್ಪುತ್ತೀರಾ? ನಿಮಗಿಂತ ಪ್ರಾಣಿಗಳೇ ಹೆಚ್ಚು ಸಂವೇದನೆಯುಳ್ಳಂಥವು ಅಂತ. ನೋಡಿ ಹಿಮಪ್ರದೇಶದಲ್ಲಿ ನಾಯಿಯೊಂದು ಹಸುಗಳ ಹಿಂಡಿಗೆ ದಾರಿ ಮಾಡಿಕೊಡುತ್ತಿದೆ. ನಾಯಿಯನ್ನು ಈ ಹಿಂಡು ಎಂಥ ವಿಧೇಯತೆಯಿಂದ ಹಿಂಬಾಲಿಸುತ್ತಿದೆ ನೋಡಿ. ಈ ವಿಡಿಯೋ ಅನ್ನು ಜಾರ್ಖಂಡ್ನ ಜಿಲ್ಲಾಧಿಕಾರಿ ಸಂಜಯ್ ಕುಮಾರ್ ಟ್ವೀಟ್ ಮಾಡಿದ್ದಾರೆ. ನೆಟ್ಟಿಗರು ಈ ಮುದ್ದಾದ ವಿಡಿಯೋ ಅನ್ನು ಕೊಂಡಾಡುತ್ತಿದ್ದಾರೆ.
#Leadership नेतृत्वकर्ता वह है जो दूसरों के लिये राह बनाये, फिर भले ही वह छोटा हो या बड़ा? ? pic.twitter.com/6vCzo187Kz
— Sanjay Kumar, Dy. Collector (@dc_sanjay_jas) November 17, 2022
ನಾಯಕ ಎನ್ನಿಸಿಕೊಂಡವನು ಇನ್ನೊಬ್ಬರಿಗಾಗಿ ದಾರಿಯನ್ನು ತೆರೆಯುತ್ತಾನೆ, ಅದು ಚಿಕ್ಕದೇ ಆಗಿರಲಿ ದೊಡ್ಡದೇ ಆಗಿರಲಿ ಎಂಬ ಶೀರ್ಷಿಕೆಯೊಂದಿಗೆ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಎಂಥ ಅರ್ಥಪೂರ್ಣವಾಗಿದೆಯಲ್ಲವೆ? ಈತನಕ ಸುಮಾರು 60,000 ಜನರು ಈ ವಿಡಿಯೋ ನೋಡಿದ್ದಾರೆ. ನಿಜಕ್ಕೂ ಇದು ನಾಯಕತ್ವಕ್ಕೆ ಒಳ್ಳೆಯ ಉದಾಹರಣೆ ಎಂದಿದ್ದಾರೆ ನೆಟ್ಟಿಗರು. ನಾನು ಇಂದು ನೋಡಿದ ವಿಡಿಯೋಗಳಲ್ಲಿ ಇದು ಅತ್ಯಂತ ನೈಜ ಮತ್ತು ಅದ್ಭುತವಾದದ್ದು ಎಂದಿದ್ದಾರೆ ಕೆಲವರು. ನಾಯಿಯ ಸಹಾಯಗುಣ, ನಿಷ್ಠೆ ವಿವರಿಸಲಸಾಧ್ಯ ಎಂದಿದ್ದಾರೆ ಒಬ್ಬರು.
ನಮ್ಮ ದೇಶಕ್ಕೆ ಹೀಗೆ ಸ್ವತಃ ತೊಡಗಿಕೊಳ್ಳುವ, ಜನರೊಂದಿಗೆ ಒಳಗೊಳ್ಳುವ ನಾಯಕರು ಬೇಕಿದ್ದಾರೆ ಎನ್ನುತ್ತಿದ್ಧಾರೆ ನೆಟ್ಟಿಗರು. ನಿಜವಾದ ನಾಯಕರಿಗೆ ಆಪತ್ತು, ಅಪಾಯ, ಸವಾಲನ್ನು ಎದುರಿಸುವ ಚಾಣಾಕ್ಷತೆ ಇರುತ್ತದೆ ಜೊತೆಗೆ ತನ್ನೊಂದಿಗಿರುವವರಿಗೆ ಸಹಾಯ ಮಾಡುವ ಗುಣವೂ ಇರುತ್ತದೆ ಎನ್ನುವುದನ್ನು ನೀವು ನಂಬುತ್ತೀರಲ್ಲವೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 5:22 pm, Sat, 19 November 22
