Viral Video: ಪ್ಯಾರಾಗ್ಲೈಡಿಂಗ್​ ಮಾಡಿದ ಶ್ವಾನ; ನೆಟ್ಟಿಗರ ಮನಗೆದ್ದಿರುವ ಅಪರೂಪದ ವಿಡಿಯೊ ಇಲ್ಲಿದೆ

ಶ್ವಾನ ಪ್ರಿಯರು ತಮ್ಮ ನೆಚ್ಚಿನ ಸಾಕು ಪ್ರಾಣಿಗಾಗಿ ಎಂತಹುದೇ ಕಾರ್ಯವನ್ನು ಮಾಡಲು ಸಿದ್ಧರಾಗಿರುತ್ತಾರೆ. ಅವುಗಳನ್ನು ವಿವಿಧ ಟ್ರಿಪ್​​ಗಳಿಗೆ, ಅಡ್ವೆಂಚರ್​​ಗಳಿಗೆ ಅವರು ಕರೆದೊಯ್ಯುತ್ತಾರೆ. ನಾಯಿಗಳು ಕೂಡ ತಮ್ಮ ಮಾಲಿಕರ ಕಂಪೆನಿಯನ್ನು ಸಖತ್ ಎಂಜಾಯ್ ಮಾಡುತ್ತವೆ. ಅಂಥದ್ದೇ ಒಂದು ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್ ಆಗಿದ್ದು, ಎಲ್ಲರ ಗಮನ ಸೆಳೆದಿದೆ. ಇದರಲ್ಲಿ ನಾಯಿಯೊಂದರ ಮಾಲಿಕ, ತನ್ನ ನೆಚ್ಚಿನ ನಾಯಿಯೊಂದಿಗೆ ಪ್ಯಾರಾಗ್ಲೈಡಿಂಗ್ ಮಾಡಿದ್ದಾನೆ. ನಾಯಿಯೂ ಇದನ್ನು ಸಖತ್ ಎಂಜಾಯ್ ಮಾಡಿದ್ದು, ನೋಡುಗರು ಅದನ್ನು ಕಣ್ತುಂಬಿಕೊಂಡಿದ್ದಾರೆ.

1 ನಿಮಿಷದ ವೈರಲ್ ಕ್ಲಿಪ್‌ನಲ್ಲಿ, ನಾಯಿ ಮತ್ತು ಮಾಲೀಕ ಪರ್ವತಗಳ ನಡುವೆ ಪ್ಯಾರಾಗ್ಲೈಡಿಂಗ್ ಮಾಡುತ್ತಿರುವುದನ್ನು ನೀವು ನೋಡಬಹುದು. ನಾಯಿ ಮತ್ತು ಮಾಲೀಕರು ಆ ಸುಂದರ ಕ್ಷಣಗಳನ್ನು ಆನಂದಿಸುತ್ತಿದ್ದಾರೆ. ನಾಯಿಯ ಪ್ರತಿಕ್ರಿಯೆಯನ್ನು ನೋಡಿದಾಗ, ಅದು ತನ್ನೊಡೆಯನ ಸಾಂಗತ್ಯವನ್ನು ಎಷ್ಟು ಇಷ್ಟಪಡುತ್ತದೆ ಎಂದು ವೇದ್ಯವಾಗುತ್ತದೆ. ನೆಟ್ಟಿಗರ ಮನಗೆದ್ದ, ನಾಯಿಯ ಪ್ಯಾರಾಗ್ಲೈಡಿಂಗ್ ವಿಡಿಯೊ ಇಲ್ಲಿದೆ.

ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿರುವ ವಿಡಿಯೊ:

View this post on Instagram

A post shared by Ouka the adventurous samoyede (@ouka.sam)

ಇದುವರೆಗೆ ಈ ಶ್ವಾನವು ನಾಲ್ಕು ಬಾರಿ ಪ್ಯಾರಾಗ್ಲೈಡಿಂಗ್​ನಲ್ಲಿ ಭಾಗಿಯಾಗಿದೆ ಎಂದು ಇನ್ಸ್ಟಾಗ್ರಾಂನಲ್ಲಿ ಬರೆಯಲಾಗಿದೆ. ಅದರ ಒಡೆಯ ಅದರ ಇಚ್ಛೆಯಂತೆ ಅಡ್ವೆಂಚರ್​ಗೆ ಕರೆದೊಯ್ದಿದ್ದೇನೆ ಎಂದಿದ್ದು, ಆ ನಾಯಿ ತುಂಬಾ ಕೂಲ್ ಆಗಿ ಅದನ್ನು ಸ್ವೀಕರಿಸಿದೆಯಂತೆ. ವಿಡಿಯೊ ನೋಡಿದವರಿಗೆ ಶ್ವಾನ ಎಂಜಾಯ್ ಮಾಡುತ್ತಿರುವುದು ಅನುಭವಕ್ಕೆ ಬಂದೀತು.

ಇನ್ಸ್ಟಾಗ್ರಾಂನಲ್ಲಿ ನೆಟ್ಟಿಗರು ಮೆಚ್ಚುಗೆ ಸೂಚಿಸಿದ್ದು, ನಾಯಿಯ ಧೈರ್ಯಕ್ಕೆ ಕೊಂಡಾಡಿದ್ದಾರೆ. ತಾನಂತೂ ಇಂತಹ ಶ್ವಾನವನ್ನು ನೋಡಿಯೇ ಇಲ್ಲ ಎಂದು ಹಲವರು ಬರೆದುಕೊಂಡಿದ್ದಾರೆ. ಮತ್ತೆ ಕೆಲವರು ನಾಯಿಯಿ ಇಚ್ಛೆ ಪೂರೈಸಿದ ಶ್ವಾನದ ಮಾಲಿಕ ಕೂಡ ಮೆಚ್ಚುಗೆಗೆ ಅರ್ಹ ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ:

ಮಕ್ಕಳನ್ನು ಸವಾರಿಗೆ ಕರೆದೊಯ್ಯುತ್ತಿರುವ ತಾಯಿ ಮುಳ್ಳುಹಂದಿ; ಮುದ್ದಾದ ವಿಡಿಯೊ ನೋಡಿ

Viral Video: ಮದುವೆ ದಿನದಂದೇ ಮೊಬೈಲ್​ನಲ್ಲಿ ಗೇಮ್ ಆಡುತ್ತಾ ಕುಳಿತ ವಧು ವರರು; ವಿಡಿಯೋ ವೈರಲ್

(A dog paragliding with his owner won the hearts of people see the video)